عندك صعوبات بالدراسه ؟ اسمعها للنهاية .

الدرس الاول / ايش هو الحُب ؟
https://youtu.be/kdyksy7Vqfk

الدرس الثاني / الحُب علانترنت !
https://youtu.be/n4hf2Ml0Oj8

الدرس الثالث / ليش انت متدرس ؟
https://youtu.be/FX8RaA1FUtA

الدرس الرابع / ليش تتعرض للأهمال؟
https://youtu.be/H7DB96OtHpI

المطلقات ;
راح اختصّر الموضوع ويمكن يكون القصر موضوع
المهم : شنو تعرفين المطلقه؟ يعني تنفصل عن زوجها ومحد يتقبل الثاني ليش اغلب تفكير الناس يكون سلبي وضد المرأه ومرات يگولون على المطلقه عاهره ومن هالاشياء شوف گلبي :
المطلقة تكون ٣ انواع >
النوع الاول :
تكون ممقصره وزينه ويه زوجها ومتكفيه بي وماعدها اي شغلات موزينه يعني مرتبه وماعدها اي نقص، بس وين المشكله؟ زوجها هنا يكون عار شلون؟ يكون مقصر وياها وهاملها وانيّ سامع حته يضربون زوجاتهم بدون سبب وحتى لو كان فيه سبب ميصير يضربها هي مو حيوانه! بهاي الحاله تقصير من الرجال وعادي اذا نفصلت منه وكل شخص بحاله
النوع الثانيّ :
هالنوع يكون عكس النوع الأول يكون الرجال ممقصر بس البنت عاهره مثلا زوجته متسمع كلامه وتكسر كلمته وتكون مقصره ويا!

النوع الثالث :
يكون أكثر شي هذا يجي من زواج تقليدي يعني مو من حُب ولا هالاشياء وتكون ماكو تفاهم بينهم ف يبتعدون عن بعض ويطلگون،، واكو مرات بالنوع الثاني عن حب بس بعدين ينتهي الحُب ويصير ماكو تفاهم قليل هذا الشي!

فياگلبي مو اي مطلقه تكول عليها عاهره، شوف السبب بلاول ليش هيج صار وبعدين احكم عليها، واصلا اذا بنت غريبه او متعنيلك شي اصلا لتدخل بيها احسن معليك! عليك بأهلك وناسك

رجّال الدين : أكو بعد فد تفصيل بحياتنة ما حشرتوا نفسكم بيها؟
هاي لبست وهاي طلعت وهاي تكحلت وهاي تحمرت أدري رجل دين انت لو گاعد بحمام مال نسوان؟ ، عمت عينك وعين العممك وذبك علينة .. بالبداية صلوا على محمد ثلاثاً حتى نبدي الخطبة ..
المكياج .. اللبس .. تسريحة الشعر .. العطر .. هذني كلهن يسموهن ( حرية شخصية ) هاي مو من حق أحد يتدخل بيها وينتقدها وينتقد أصحابها حتى لو چان نبي منزل من السما .. الحرية الشخصية هي شيء مقدس عند كل الشعوب ( الأوادم )
اكثر وَ اغلب ( الساده ) عايشين بعزلة معرفية وغيبوبة فكرية مجرد أسرى لتشريعات ومعتقدات دينية حجرية ، ما يعرف عن مسميات العلم الا قال فلان عن علان عن علان ، وما يعرف من بديهيات ونمطية الحياة غير ( كافر ، حرام ، مشرك ، غزوة ، تكبير ، توحيد ، متعة ، بچي ، لطم ، خمس ، وجنة متروسة شرب ونسوان ) ناس گضوا حياتهم يلقنون نصوص متناقلة عن مجتمعات القرن السادس ميلادي ، هيج عايشين صارلهم 1400 سنة .. بواقعنة الحالي هيج نماذج يعتبرون بشر بدائيين ، وحتى حرامات اكو أشجار جاي تتعب نفسها حتى تنتجلهم اوكسجين يتنفسوه

فجأة ! .. وبغمضة عين ، تفاجؤوا بثورة الكترونية ومعرفية عولمة غيرت كل مفاهيم وقيم الحياة ونقلت المجتمعات حتى تعيش بتحرر وتحضر اكثر من طريقة عيشتهم البدوية وضربت بعرض الحايط كل نصايحهم التافهة وعقدهم المريضة وعدميتهم وكرههم للحياة ، ثورة اعلامية وحياتية عصفت بكل خزعبلاتهم وكلاواتهم واساطيرهم ورواياتهم ، عقولهم ( التي لا تزنُ جناح بعوضة ) ما گدرت تستوعب أو حتى تصدگ او تعترف بالي ديشوفوه ، صاروا مثل السكارى يترنحون گدام البشر الطبيعيين الي قرروا يعيشون مثل الاوادم ببقية العالم ، صاروا يزاگطون وما يگدرون يصدون الهجمات الفكرية من العلمانيين والمتحررين والشباب وخصوصاً الجيل الجديد من العلمويين الي افكارهم صارت مد اجتاح العقول وصار يهدد وجودهم ويسعى لقلعهم من واجهة الحياة وشمرهم بعيد بحاوية الزبالة همة وافكارهم الداعشية

هذا المزاگط والخوف والهستيريا والهذيان وضعف الحجة والمنطق والضحالة الفكرية تگدرون تلاحظوه بطريقة طرحهم وردودهم وتشنجاتهم وحشر نفسهم بكل تفصيل بحياتنة اليومية البسيطة ، بشر ما يگدرون يستوعبون حجم التغيير الي ديصير بهالدنيا والكارثة التكنولوجية الي دمرت كل افكارهم ومعتقداتهم ونمطية الحياة البدوية الحجرية الي لازم يبقون عايشين بيها ، تشوفهم ساعات يهاجمون شباب الجامعات ويسموهم مخانيث ، وساعات يهاجم بنات الجامعات ويسميهن جكمات ، ساعة تشوف واحد منهم يحجي على افلام الكارتون وساعة تشوفه يحجي الحمرة والكحلة ... يحجون بالمتناقضات ويرددون نفس العبارات ونفس الشعارات الي ما عدهم غيرها ، يحاولون دائماً يستميلون عاطفة الجمهور لان ما عدهم حجة منطقية ولا دليل تجريبي وعقلي ملموس ، يستعينون بعقد الإستشراف حتى يبررون تحجرهم الفكري واللعبان النفس الي واحدهم يبقى يخرط بيه ساعات عالشاشات والمنابر ، يتهمون كل الناس ويعادوهم ، يردون قبل ما يستوعبون او يفتهمون ، مرات يشتمون قبل ما يعرفون شنو السالفة ! ، عبالهم كل الناس تكرههم وتعاديهم وتحسدهم لأن همة على الحق ، والحقيقة أن دودة القز أكثر فائدة منهم للبشرية على مر العصور !

‏بصراحة ..
‏لازم يجي الوقت الي هالنماذج من المعممين ينزاحون بيه من واجهة الحياة ، لازم ندافع على تحضرنا وإنسانيتنا وحياتنا ومستقبلنة من فقههم وافكارهم وتشريعاتهم الحجرية المنقرضة ..
الله يرحمك مونتيسكيو، گال أصدق جملة بالتاريخ ممكن توصفهم وتنطبق عليهم :
"أن أفضل ما يمكن أن يفعله الفاشلون هو أن يصنعوا من أنفسهم رجال دين"

الحريه الشخصية والحقيقيه من انت ما تدخل بالمقابل من انت معليك بلشخص المقابل، صح من ممكن ان تنتقده "انتقاد بناء" ومِن حقك هذا الشيئ! بس مو يعني انت تجّي تسقطه وتحاول تفرض نفسك عليه، الي تلبس وإلي تتحكل، والي تسوي الي يعجبها مالك حق انت كأنسان ان تتدخل بيها بحجه نصيحه وغيرها مدام الشخص المقابل ممأذيك، ما الك حق تسقطه او تتهجم عليه او تفرض نفسك عليّه

عندك معتّقد؟ عندك ديانه؟ عندك فد شغلات خاصه بيه؟ مارسها لوحدك، تؤمن بشغلات سويها لوحدك معليك بالعالم، من ممكن تطبقها ع اطفالك بس العالم معليك بيها؟ تفرض بنتك تلبس عبايه او شي يعجبك هذا مو يعني انك لازم تفرض على العالم وتفرض نفسك! بلد بي دين؟ بلد متشدد؟ اله قدسيته؟ هذني الشغلات الك بس تعرف شلون؟ انت مو احسن من غيرك ولا غيرك احسن منك حته تمنعه او تفرض اشياء انت تؤمن بيها وهو ميؤمن بيها مدام هو ممأذيك ما الك حق!

وارجع اوگول مدام المقابل ممأذيك ما الك حق تدخل بي! والحريه الشخصيه مو تنزع او تتصلخ لا الحريه الشخصيه انت ما تدخل بي الحريه الشخصيه انك انت ما تدخل بغيرك عليك بنفسك لأنهُ ممأذيك! ياريت يفهمون هذا الشي،
انتظرونّي بجزء ثاني

متلازمة رجال الدين : الجزء الثاني
هذا مرجع دينّي شلون تحچي عَليْه؟ هذا شيخ لتحچي عليه، هذا سيد يشوّر بيك حرام تحچي عليهم.
اولًا : علميًا وجود الخالق مجرد فرضيّه، بالنسبه للساده وغيرها من هالخريّط طبعًا همّ يعرفوّن بعلم النفس مثل حچي ثقب، ويعروفون بالسياسه مثل مقتدى الصدر او قيّس، ويعرفون بالحالات الاجتماعيه والحياة الصحيحه والكرميه مثل ميگولون من خلال "الفتاوي" وهمّ خيرهم ما مكمل ثاني متوسط وشمرّو بالحوزه وصار ينطّي فتوه ويحچي بكيفه يطلع من طي*ه ويخلي بحلگه ويحچي المشكله مو هنا! المشكله هواي ناس تتبعهم ويؤمنون بيهم، تعال روح شوف منو يتبعهم؟ شكو واحد متخلف همجي يتبعه وشيگول السيد ينفذ مو الا السيّد الي ينطّي فتاوي وغيره. شگو واحد تعبان يتبعهم بنسبه ٩٩٪!

احنا شمستفادين من فتاويهم وشغلاتهم التعبانه؟ ماعتقد مستفادين شي وهذا حالنا من سياستهم وفتاويهم، ومتاجرتهم بالدين براس الجهله ! شوف بالنسبه للسياسيه لا أمان ومليشيات وكهرباء ماكو وهلاشياء! ومن فتاويهم شوف اغلب المجتمع شلون مكبوّت وتفكريه محدود والجهّل مسيطر عليّه! روح شوفهم وشوف عقليتهم ماحچي اني وهذا مو موضوعي انتقد جماعتهم.

حرام تحچي عليهم ذول ولد رسول الله يشوّر بيك :
وشنو يعني واذا سيد؟ مجرد طفره جينيه واجه هوه حاله حال اي شخص ينولد للحياة بس يلبسو عمامه وبعد يصيحوله سيد ويبدون يدرسو ع الخريّط مالتهم الي اصلا ما اله علاقه بالدّين

اني مايهمني نظام الحكّم ولا هاي الاشياء
الي يهمنّي الي راح يقدمه الي من حكومه أو فد منصب الي يهمنيّ الاشياء الاريدها من حريه وهاي الاشياء واذا خالف بالوعد بوقتها ادوس على راسه! واسقطه بكل الطرق!

هاي بأوربا هم كان هيچ جهّل الكنسيه تحكم وفتاوي وذبّح وناس تناقض ناس وثنينهم ما مستفادين وفگر مثل جماعتنا بعدين صارت ثورة چبيره غير الي ذكرتها بالجزء الأول وتخلصو من نظام حكم الكنيسه وشوف هسه اوربا شلون تحررو وبارادة الشعب والثوره تكنوجيا وغيرها!

الكلام الفوگ مو ما معمم ع الكُل بيهم الزين والسيء بس السيء الاكثريه! ووضحت بلأعلى. دمتم بخير

ماكو شي أسمه " الشعائر خط أحمر " أكو شعائر طايح حظها لازم الواحد ينتقدها ويطالب أنو ينوضع حد الها
عاشوراء بغض النظر عن مكانته الدينية فهو يعتبر كرنفال شعبي ينقل صورة وثقافة الشعب العراقي لكل دول العالم فأنت يا تاج الراس من تريد تنقل صورة طيبة عن عاشوراء وعن إمامك للعالم بطل تسوي شغلات و " شعائر " مو منطقية وهمجية بحجة انت تحب الحسين ومن هاي الشعائر هي
التطبير ، تضرب ظهرك بسچينة حادة ، تمشي عالفحم ، تلطم بالنعال ، تخرمش وجهك ... هاي السوالف حتى لو سويتها بطيب خاطر بس صدگني أنت حسب التعبير العلمي " مازوخي " يعني مريض نفسي وتعاني من اضطرابات عقلية ، لأن أذية النفس بأي سبب من الأسباب هو غلط وميسويها شخص عاقل
الكاتب المعروف جورج طرابيشي من أجة يفسر الطقوس الدينية عند المسلمين الشيعة والي الها مركزية خاصة بحيث تتمحور حول مقتل الحسين وأولاده وحچة عن الظلم الي لحق بعائلته والشيعة مالته عموماً
جورج طرابيشي يتجاوز التاريخ ويگول أن أهل الكوفة من ارسلوا للحسين كتب تفيد ببيعتهم واعطاء الولاء اله وما لحق بعدين من ارسال الحسين لسفير للعراق الي هو أبن عمه ، هي من شكلت البذرة الأولى لقيام الطقوس العزائية ، البداية ظهرت على شكل " بكاء عفوي " وبعدين تشكلت ملامح سياسية لهاي الطقوس فيگول الكاتب : " فبعد مقتل الحسين وخذلان اهل الكوفة له، جعل من الجماعة الشيعية تندب حظها وتشارك بطقوس دلالاتها الندم وتعذيب النفس واستمر تشكيل تلك الطقوس حتى اكتملت ملامحها حينما جاء البويهيون حيث امر عضد الدولة بأن تقرع الدفوف وتأتِ النساء وهن يضربن على رؤوسهن وهن يظهرن شعورهن ويبكِ الجميع نحيباً على مأساة عاشوراء."
يعني مو خط أحمر مثل ما أنت تعتقد ! هاي يسموها " شعائر سياسية " ودخيلة ومبتدعة ، لأن حتى الحسين بيوم الطف وصى أخته زينب وگاللها : " يا أُخية ، أني أقسم عليكِ فأبري قسمي ، لا تشقي علي جيبًا ولا تخمشي علي وجهًا ولا تدعي علي بالويل والثبور إذا أنا هلكت "
يعني الحسين بن علي بن أبي طالب بنفسه يحلف أخته يگللها لا تأذين نفسج بالحزن علية أذا آني متت ! ، زين أنت ليش مطبق وصية أمامك وتبطل تضرب براسك وتدمي نفسك بهالهمجية هاي ؟
• أبن تيمية فد زعيم ديني چان يشوف دم سنونه ولا يسمع بطاري الشيعة ، كتب مؤلفات كاملة ينتقد بيها الشيعة وشعائرهم وفقهم وعلمائهم وحتى طريقة لبسهم وأكلهم وشربهم بس مجاب أي طاري للتطبير .. تدري ليش ؟
لأنه ببساطة مچانت هذي الشعيرة موجودة بزمنه وهو مات قبل 690 سنة
• ‏وحتى عالم الاجتماع الإيراني علي شريعتي ذكر ان التطبير شعيرة ابتدعها الزوار الايرانيين بداية العهد العثماني وما چان الها اي وجود قبل ذاك الوقت
• هي أسمه طقوس مواساة مو مساواة
يعني تقتصر على العاطفة والحزن
مو على الجرح والنزف وأذية النفس ! يعني ببساطة .. منظر الدم وهو يغطي الوجوه والأچفان والأطفال بصورة خاصة منظر كلش قبيح ومنفر ومو أنساني ويلعب النفس ومو حضاري ولا يسويها ناس عقال ومعاصرين كل هاي الحداثة والتكنولوجيا .. واذا صدك چنتوا قافلين وتعتبرون التطبير شعيرة " إلهية " فطيح الله حظ هيج شعيرة سيئة

- أگلك باع هاي البنية جاي تباوع علية
* أوكي
- لا ولله باوع شلون گاعد تباوع علية أحسها معجبة بية وميتة علية
* لا تلح ..
- هاي شبيك مضغوط مني ؟ لأن باوعت علية وانت غلست عليك ؟
* أذا كتلي مضغوط مرة ثانية أگوم أشمرك بالضاغطة مال الزبل
- خلي أگوم أحجي وياها لعد ما طول انطتني مجال
* يلة توكل الله ومحمد وعلي وياك

• بعد مرور ربع ساعة •

* أگلك شو هاي رحت حچيت وياها وصارحتها بس ضربتني بوري وكلتلي لو ابقى عانس طول عمري ولا ارتبط بعار مثلك !
- أي طبيعي لأنك غشيم وكمش وأغبر
* ليش شصار ؟
- تعال بعد بيتي اشرحلك كسرت خاطري أنت

هواية مرات نشوف الولد اذا بنية ضحكتله لو باوعت عليه حتى لو بالغلط يترجم عنده إنو هاي البنية معجبة بيه واذا حچت وياه لو مشت وياه شوية معناها هي واقعة بغرامه بس هذا الشي اله تفسير علمي يختلف !

هذا الاعجاب الوهمي الي صنعه الدماغ بعلم النفس يسموه الـ sexual misperception أو سوء التفاهم الجنسي ، أكو كاتبة أمريكية أسمها Sofia Lyons كتبت مقالة على موقع nymag بعنوان " You Are Probably Not Great at Judging When Someone Is Flirting With You " ملخص المقالة يكول : عزيزي الرجل ترة البنية اذا ضحكتلك لو مزحت وياك ترة انت مو بذيج العظمة بالنسبة الها حتى ترتبط بيك وتعيشون سوية تحت سقف واحد ، فعلى كيفك شوية ولا تصير أبو خابصها

بعدين بسنة 2003 عالم نفس نرويجي Mons Bendixen سوة دراسة حتى يعرف ليش الشباب المساكين يصيرون ضحية الـ sexual_misperception وطلع بنظريتين :

الاولى :- نظرية أدارة الخطأ Error-management theory : الخطأ هنا هو فكرة الاعجاب من الطرف المقابل ، وهاي مرتبطة ومعتمدة على علم النفس التطوري وتگول : الرجل من زمن الأنسان البدائي قبل أكثر من 200 الف سنة چانت المرأة بالنسبة اله هي مجرد وسيلة للتكاثر ، فلهذا جان يدور عالمرأة ومن يشوف أي وسيلة قبول أو تجاوب منها يكول هي هاي خلاص خلي أتكاثر من خلالها مبينة مناسبة ، فلهذا يقنع نفسه أن أي اشارة أو حركة أو نظرة أو ضحكة هي وسيلة من الجنس المقابل حتى يوصل رسالة انو أوكي تعال اني قابلة بيك ! بس هاي مثل مكلنة بزمن الانسان الاول مو هسة

الثانية :- نظرية الأدوار الأجتماعية الـ Social-roles theory هاي معتمدة على علم النفس الإجتماعي وتگول : إنو المجتمع البشري طول عمره جان الذكر والفكر الذكوري هو السائد والمسيطر بيه وهو صاحب السلطة والسطوة عالجنس الاخر لهذا تكونت قاعدة إجتماعية عند الذكور تگول إنو همة دورهم بالمجتمع أفضل و أكثر فاعلية ، هذا الشي بمرور الوقت سوة نرجسية وزهو فارغ عند جنس الذكور على أنو أحنة أحسن منهن ! ، بمعنى أنو الرجل صار عنده غرور غير مبرر لقدراته ولمواهبه ، ويتخيل ويتوهم دائماً أنو البنية لازم هي الي تنعجب بيه ، على أنو شلون ما تنعجب بية وأني عندي فلوس ومكانه وقدرات خارقة مثل هاي .. لا اكيد حركاتها هاي ونظراتها تدل على إنو هي معجبة بية وتريدني لأنو أني ولد وصاك وأني المسيطر ( وهو هذا معنى الزهو والنرجسية ) .. أنو الشخص يحس نفسه محور الكون وهو بالواقع أتفه من الغطا مال علبة الصوصج

• البنية ما يصير عدها sexual misperception او نادراً ما يصير لأن البنية عدها تأثير نفسي أسمه underperceive sexual interest أو ضعف الاهتمام الجنسي لأن الإرتباط بالنسبة للبنية فد شي معقد وصعب ويتطلب منها جهد وتعب وحبلي وجيبي وربي لهذا ما يكون أختيارها عشوائي للشريك الي تريد ترتبط بيه ، لهذا دائماً تحاول تقلل من فكرة إهتمامها بالجنس الاخر وفكرة الاعجاب والارتباط وتتأنى وتنتظر حتى تحصل واحد بيه خير

• الولد الي يتعامل وية الموضوع بشكل مبالغ كلش بيه ويظن أنو باليوم الواحد عشر بنات أنعجبن بيه ويظن أنو مشيته بالسنتر بنص الكلية راح يخلي البنات ينبهرن بيه ويقطعن أيديهن مثل ما سون هذا ببساطة مصاب بحالة مرضية أسمها " الهوس الشبقي " أو الـ Erotomania وهاي الحالة المرضية موجودة عند الاشخاص المصابين بالـschizophrenia الشيزوفرينيا ( أنفصام الشخصية ) يعني مريض نفسي .. وهي ببساطة تسوي توهمات حب للمريض ، بمعنى أنو يحس أكو حبيب سري اله ويحاول يباوع اله نظرات حب وإعجاب أو يحاول يتقرب اله أو يحاول ينقله رسائل أنو هو يريده ومعجب بيه حتى لو مجان متعامل وياه قبل ! ... المريض بهاي الحالة يسوي قصة حب وهمية بعقله ويصدقها ويتفاعل ويتعايش وياها ومرات يكتئب ويضوج اذا ما صارت أو فشلت وهذا يعتبر طيحان حظ من النوعية الفاخرة !

• الملخص :- حبيبي ( الرجل ) ندري بيك أنو أنت كلش عظيم ووردة ، بس مو أي وحدة تباوع عليك لو تضحكلك لو تدزلك friend request معناها تريدك تصير أبو جهالها ، شوية أثكل وتعامل وية الموضوع بذكاء أكثر وتأكد أنو أنت مو ضحية للـ sexual misperception لو مو مريض بالـ Erotomania

" اغبّى البّشر على الارض "
1- شخص مقتنع انو الإعصارات اللي تصير بالغرب هي عقاب من الله (حتى لو ماتوا بيها ناس أبرياء مالهم علاقة بسياسة حكوماتهم).. بس العنف اللي ديصير ببلده المتمثل بالتفجيرات والقتل والإضطهاد..الخ هو إختبار للمؤمنين إعتماداً على "لنبلونّكم بشيء من الخوف والجوع.. الى آخر الآية".
2- شخص مقتنع انو مرض العالِم ستيڤن هوكينغ (مثلاً) هو عقاب من الله إعتماداً على "ويمكرون ويمكر الله.. الى آخر الآية" أو المقولة الشهيرة "يُمهِل ولا يُهمِل".. بس مرض الشيخ أحمد ديدات هو حُب من الله تعالى وإختبار لإيمانه.
3- شخص مقتنع انو هو من أحسن شعوب الأرض أو بيوم من الأيام راح يورث الأرض بدون أي جهد أو أي سبب فقط لأنه على قومية أو ديانة معينة.. والشعوب اللي تعبت على رواحها طز بيها يمعود يصيرون عبيد النا لو ناخذ منهم جزية
4- شخص يهين العِلم ويقلّل من شأنه من الصبح لليل وهو حياته كلها عايشها بفضل العِلم والعلماء.. وهذا غالباً سببه جرح نرجسي وشعور بالنقص لأن الشعوب اللي إتّخذت من العِلم سبيل الها صارت أفضل منه بقاطات لذلك هو نفسياً مديتقبّل هالشي.
_____________________________
العقول البدائية المبرمجة متگدر تتخيل انو الآلية الوحيدة اللي حاكمة هذا الكون هي "العشوائية".. وانو الكون مو بحال أحد أصلاً.. وانو عقارب الساعة الكونية مستحيل توگف علمودك انت اللي حجمك أصغر من ذرّة التراب (اذا قارنتك بحجم الكون).. متگدر تقتنع انو لحد الآن ماكو أي تفسير منطقي ثابت للي ديصير بهذا الوجود!
لا تكُن منهم.

" الذَكاء الحاد، الشخصيه القَويه"
يبدأ بالظهور في بدايه مرحله الانسان حيث في الطفوله، كذٓلك هذا يؤثر ويزداد ويتطور من حَيث البيئه التي يتكون بها الطفل او نشأته، كذٓلك غالبًا تلعب الظروف الحيويه والنفسيه دورًا مُهمًّا في بناء الذكاء، والذين يَعيشّون في بيئاتٌ مُنفتحه بدون ضغوط وظروف إقتصاديةجيده، واسرٍ مستقره، في هذهِ الحالة يبرز الذكاء أكثر،

من علامات الذَكاء الحاد، قلة الكلام، بسبب انهُ يتكلم قليلًا ويَكون مفهوم الكلام وواضح بدون كلام فارغ، كذٓلك يتجنب الجدالات العقميه او يخوض صراع لا توجد منهُ ايّة فائده، الرد القوي والسريع اي انتقاد او سؤال، الثقه بالنفس العاليه، وتكلم الكلمات المناسبه بالكلام، عدم تصديق اي شيءٌ إلا بعد التأكّد منهُ ووجود دليل له

لكِن من الاعراض التي يوجهها هي :
قلة ساعات النوم، والإصابة بالأرق في مُعظم الاحيان، بسبب النشاط الزائد والمُتراكم على العقل، حيث حتى أثناء النوم يَكون عقلهم بنشاط، لذالك لا يستطيعون للنوم بعمق، الحركه الكثيره،

- عزيزتي ايُتها الفتاة اللطيفة.
رُبما اتمكن في مُساعدتُكِ عِندما تتعرضين للتَحرُش في مكانٌ عام،
سيكون لديكِ خيارات عديده

اولًا :- رُبما تتعرضين للتَحرُش من شخصً إنكِ راضيةٌ بهِ في هذه الحالة لا بأس لأنكِ تُريديه ولا يَهُم، اما اذا كُنت توقفيه عن حَدهُ يجب اني يَكون كلام لطيف انا لا احُب ذٓلك لا تُكرره،

ثانيًا :- قد يكون في مكان عام وحصل تحرشٌ في الكلام او المُلامسه، عليكِ ان تُدافعين عن نفسِك، من خلال رفع صوتك عليهُ اما تُدافعين عن نفسكُ بالضرب اذا كُنتِ قادرةٌ، لا تخجلي ولا تخافي من شيئٌ لأنكِ قد اخترتِ الخيار الصحيح، ليس عيوبٌ ولا بدون أخلاق، ليس انتِ المُخطأ،

اما في النهايه، يجب الدفاع عن نفُسكِ في اي حالةٌ مِن التحرش، حتى لا تتكر معكِ وتُزيد مِن ثقتكِ بنفسك، يجب ان تعلمين اذا لم يَكُن اي ردً منكِ امام المُتحرش سيقول انها راضيه وعاهره، اما اذا دافعتي عن نفسُكِ كذٓلكَ سيقول نفس الكلام، لِنكسر هذهِ العادات والتقاليّد السيئه، لتغيير نِظام تفكيرهم كوني كما انتِ 💙.
- ياسِر.

بمواقع الصور الأمريكية مثل tumblr وغيرها لو بحثت عن كلمات مثل "انتحار" او اي كلمة مرادفه ، يطلع بنتيجة البحث رساله تگلك :

هل انت بخير؟؟ هل تواجه اي ضغوطات لايمكنك الافصاح عنها؟ اذا كنت انت او اي شخص تعرفه يعاني من اي شيء يمكنك التواصل معنا عن طريق هذا الcontact ، لدينا فريق مختص بهذا الامر لمساعدتك على تخطي وحل مشكلتك"

حتى يساعدون الاشخاص الي يمرون بهيج حاله او حالات مثل ال self harm

كذلك بأمريكا عندهم أكثر من خط ساخن للإنتحار 1-800-273-8255
اي الشخص يكون مكتئب او تراوده افكار عن الانتحار يگلوله اتصل وتكاليف المكالمة علينا لان الانتحار بسبب ضغوط الحياة شي تافه ونگدر نساعدك بتجاوز هذا الشي

شعوري إذا مارست اختي/بنتي الجنس .. هو نفس شعوري عندما يمارس أخي/ابني الجنس ... غادر أفخاذ اختك .. ارحمها و ارحم نفسك من هذا الهوس .. إنسانة كبيرة و عاقلة ارجوك ارحمها الكرة الارضية واسعة لا تسكن داخل ملابسها الداخلية.

‏لا تحب المثلية؟ لا تمارسها
لا تحب الخمر؟ لا تشربه
لا تحب الجنس؟ لا تمارسه
لا تحب السكائر؟لا تدخنها
لا تحب الاختلاط؟ لا تختلط
لا تحب دين اخر؟ لا تعتنقه

وحدة الضعيف و صاحب الاراء الهشة يحاول فرض أرائه على كل البشر علمود يحس انه على الطريق الصحيح!!

اذا اني مُلحد مو معناها تجي اتهجم على ديانتك واغلط عليك و اسب الي تعبده
ليش؟ كُل انسان حر بـ الي يعبده او انتمائه بالأشياء الي يسويها محد يتدخل بالثاني.

اذا اني مسلم مو معناها اني صح واضحك على باقي الاديان
ليش؟لأن لان اكو غيري اكثر من 6000 ديانه وكل واحد يگول اني صح الافضل تتبع عقيدتك بس بدون متأذي احد

اذا اني مو محجبه مو معناها گحبه
ليش؟ لأن اللبس مو مقياس شرف للبنت اكو بنات يلبسون نقاب وكُلشي ويسوون أشياء اسوء من الي ما محجبه،

اذا اني عمري صغير وبعدني ما بالغ مو معناها اني بعدني ما واعّي وافهم بالحياة
ليش؟ لان الظروف الصعبة والثقافه والاطلاع الي يوجهها الشخص مهمها كان عمره راح تكبره وتخلي واعّي ويواجهه المشاكل بسهوله ويعرف يفكر احسن منك يمكن.

إنّ المقدرة الفيزيولوجيّة على إنجاب طفلٍ لا تُلزِمُنا بالمرور إلى الفعل. مثلما أنّ القدرة على القتل لا تعني بأيّة حال أنّه من واجبنا ارتكاب مجزرة.
إذا قالت الطّبيعة:«أنت قادرٌ»، فإنّ الثقافة لا تُضيف بالضرورة:«إذنْ من واجبكَ أن تَفعل»، لأنّنا نستطيع أن نضعَ اندفاعات الطّبيعة وغرائزها ورغائبها في غربال التحليل العقليّ.
*

إن الامتناع عن الإنجاب لا ينبع من كراهية الأطفال أو احتقارهم، بل من الحبّ الذي لا يسمح بجلبهم إلى عالمٍ يتّسم بالضيق والفراغ والقسوة.
*
يعتقد شوبنهاور أنّ الحياة تتأرجح كرقّاص الساعة بين الضجر والألم ويقترح حلًّا للهروب من استبداد إرادة الحياة وإيقاف هذه الحركة. كيف؟
من خلال ممارسة أخلاق الرحمة والتأمّل الجمالي أو إنكار إرادة الحياة: جميعنا مبحرون على متن السفينة التي تقودنا نحو العدم، لنجتهد إذن في ممارسة الرحمة تجاه كل ما هو حي وفي تأمّل إرادة الحياة في الانعكاسات التي توفرها الفنون الجميلة بشكل عام، والموسيقى بشكل خاص،

- ميشال أونفري

اكثر الرسائل الي وصلتني عن حبيبتك عايفتك مدري شنو شوف عَيني.
السبب الي وصلك لهاي المشاكل قلة تفكيرك نريد هذا الشخص نملكه باسرع طريقه بأي شي بس،المهم نملكه والمشكله انته ماتعرفه كُلش بس انته نعجبت بي وخلاص ردته يكون الك

أولًا الحُب مو قليل . الحُب شي صعب يمكن اصعب شي بالدنيا الحُب. لان يحتاج وقت وتفكير وفلوس وتلتزم بكلمتك وتحافظ على عصبيتك وتتحكم بمشاعرك وتخلي لكرامتك حدود وهوايه بعد شغلات بس ذني اهم شي كون تتحكم بيهن
شوف عيني صح الحب شي مهم بحياة الانسان بس انته حاول تخلي الحب شي ثانوي لتخلي دائمًا بداية تفكيرك لان من تخلي بدايت تفكيرك راح اي بنيه تحجي وياها راح تحبها اي بنيه تشوفه كبالك تنعجب بيها اي بنيه تضحكلك راح تاخذه بغير نظره
تريد تحب بنيه وتستمر علاقتكم؟
سوي هذا الشي
مثلا اكو بنيه عاجبتك. والي عجبك بيها مثلا اخلاقها او جمالها او تواضعها سلوبها. ومن هلشغلات
اول شي سوي تابعه نوبه تقرب عليه شويه شويه. بمثابة صداقه موعلاقة حب. بعدين سولف وياها واتعرف عليه. اعرف طبعه شنو شتحب شتكره نقطة ضعفه ايجابياته وسلبياته واعرف حياته شنو و علاقاته قبل شنو مثلا جانت مرتبطه ونفصلت. اسألها شنو السبب وشون تعرفتي عليه. حت تعرفه اكثر. حاول تهتم بيه وتركز على يومها وشلون تقضي، خليها تثق بيك حت تفتحلك گلبها وتسولفك كُلشي، وخلي بينكم ميانه قويه حتى صداقتكم تكون قوية
انته من تسوي هذني الشغلات راح تعرفهز اكثر بس ابد لتلح عليها بسؤال واهم شي خليك كباله ثگيل وشخصيتك حلوه من اگلك خليك ثگيل مو يعني تتاخر بالرد عليها لو متخابرهل لو تگوللها عندي فلوس وملابس ومن ذني الأشياء لا الثگل موهيج،الثگل مثلا خلي كلمتك وحده سوالفك وياها خليه حلوة موبايخه. لتدخل بشغلات مال بنات او تسألها عن صديقاتها، وخليك صريح وياها من تحجي سالفه كون تحجيه مثل ماهيه لتزود بيها، لان يمكن تتزوجها وراح تكتشف انو سوالفك نصها چذب ولتبين انو انته معجب بيها. مثلا من لتجبرها على شي او تكوللها، روحي اكلي او روحي اقري ومن تشوفه ضايجه لتواسيه فوك الازم بس كللها كلمتين وبس، حت لتخليها تحس بيك انو انته معجب بيها خليه تحس بيك مجرد صديقه عزيز
فهيه بعدين راح تبدي تحجيلك كُلشي وهيه تتعلق بيك
+ ترة الصداقه بيه شغلات مموجوده بلحُب
اكو بنات يم حبيبه متكدر تسولف براحته.لان تتردد وتخاف لان تكول اخاف ياخذ نظرة عليه او اخاف يشمت بيه بعد كم يوم
بس يم صديقه تكدر كُلشي تسولف وبراحتها لان هيه معتبرتك صديق فـ راح تحجيلك العده كوله بدون تردد وخوف
فانت اول شي سوي صادقه ولا تستعجل وتسألها كُلشي بين يوم وليله ورا يومين تكله احبج. لا غلط
طول وياها مثلا كل سبوع اعرف عنه شي وعادي لو طول وياها سنه اقل كل ما طول صداقتكم. كلما تعرفه اكثر. وهذا الشي بصالحك
من راح تعرفه حق المعرفه. بعدين راجع نفسك شوف هاي البنيه تناسبك لو لا شوف وضعك المادي والاجتماعي يناسبها لو لا من تراجع نفسك وانته منا انته تعرفه من راح تصير بينكم علاقه حب راح تصير علاقتكم تخبل واحد مايمل الثاني وابد متتفاركون
هذني الشغلات لو تسووهن چان صارت احلى علاقه. بس المشكله مجاي تفكرون. تريدون على الحاظر وبسرعه تختارون
طبعا تصير خيانه وتصير مشاكل وإهمال بالعلاقات الموجوده هسه اذا انته اول يوم عرفتها ثاني يوم حبيتها واعترفتلها. بسرعه حسيت انو هاي شريكة حياتك.
فَـ نصيحة سوي الي كلتلك بي وفكروا بي زين. اذا جنت صدك رايد ترتاح وتكمل حياتك وي بنيه
اما اذا تريد تلعب، فغلس سوي نفسك مقريت شي

وصولك بالموعد المحدد في المواعيد هو احد الأشياء البسيطه حتى تنال احترام الآخرين لكَ، ويگول المثل وصولك بالموعد المحدد يعني تحترم الشخص المقابل ومن ممكن ان تصير حالات حرجه تتأخر بيها مره او مرتين، لكن اذا كل مره تتاخر بيها وماعندك ترتيب للوكت انت بأبسط الأشياء فاشل وقللت من قيمتك للناس، واذا جنت تسوي هذي الأشياء بقصد انت اسوء من الفاشل