بيت الحــــــزن لمصابه بنيناه
ويفت الصخر دلالــــي بأنيناه
على الراحو ابفد روحه بنيناه
ومذابيح ارقــــدو بالغاضريه

حيدر بشار الدراجي

https://www.tgoop.com/y1_7y

حسين حسين حسين
--------------------------

شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني

ناس وخيل ،، ماظل حيل ،، باچر ياخذ انفاسي
بلوه حسين ،، نركض وين ،، فوگ الرمله عباسي

حسين حسين حسين
-----------------------

ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه

تلهب نار ،، تبچي زغار ،، وانته بلا نفس خويه
اصد مذبوح ،، وانته الروح ،، واصيحن يا علي بويه

حسين حسين حسين

،،،،،،،،،،،،،،،،،،،،،،

اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني

شامت گال ،، ماكو ارجال ،، ظلو برحمة چفوفي
يا زهراء ،، يمه احاه ،، اندبچ يم حسن شوفي


حسين حسين حسين
----------------------------------

وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره

ساحگ نور ،، دمعي ايفور ،، من شفت الولي ونحره
آخ شلون ،، عميه عيون ،، وسفه وطشرو صدره

حسين حسين حسين

،،،،،،،،،،،،،،،،،،


اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم

ها عباس ،، هاي الناس ،، درب الشام ما يرحم
كون تشوف ،، كون چفوف ،، ما تحصل بعد نحلم

حسين حسين حسين


للخادم  / رعـــد الفريــــجي
#جديد_محرم_الحرام_
https://www.tgoop.com/y1_7y

يا بن شبيب، إن كنت باكياً لشيء فابكِ للحسين بن عليّ بن أبي طالب (عليهم السلام)، فإنه ذُبح كما يُذبح الكبش، وقُتل معه من أهل بيته ثمانية عشر رجلاً ما لهم في الأرض شبيه، ولقد بكت السموات السبع والأرضون لقتله، ولقد نزل إلى الأرض من الملائكة أربعة آلاف لنصره فوجدوه قد قُتل، فهم عند قبره شُعثٌ غبرٌ إلى أن يقوم القائم (عليه السلام)، فيكونون من أنصاره، وشعارهم: يا لثارات الحسين.

التفاصيل داخل البوستر

موعدنا اليوم