التفاصيل داخل البوستر

ارحمني ياليل دم ابجي معذور
ما ظل بعد حيل شيبني عاشور
لمن اشوف اهلاله من حاله اصير الحاله
**
أنه المهدي وأمل عندي يعجل طلعتي الباري
وللدنيه أرد اردود ولا شك آخذ بثاري
جبت عمري أون ونوحي ما عفته
وبجيت اشكد بجيت ودمعي وشلته
محرم كمت اصيحن لا هله بجيته
يذكرني بمصاب السلبو جثته
راسي انترس شيب من كثر الجروح
انظر بالهلال جم غالي مذبوح
أسمع نحيب أطفاله ومن حاله اصير الحاله
*
كل عاشور اظل وحدي وسوي اقرايه بالصحره
وظل ابجي عله جدي حسين ذاك المنكطع نحره
كالو عالرمح جدي انرفع راسه
وجم حافر بحافر عالصدر داسه
يلوج من العطش ويجود بانفاسه
وحسين انوله من راح عباسه
عالرمضه مطروح وبصدره الإسهام
وجدي شكثر جان خايف عالخيام
من اذكر آنه اعياله من حاله اصير الحاله
*
حزن حسين عالعباس أبد ما ينوصف حزنه
عله الشاطي الأخو عافه ورجع محني الظهر منه
رجع لاجن رجع والخيمه طيحها
خاف ايكول مات واخته يجرحها
زينب فركت العباس تذبحها
راح الجان لحظه ما يبارحها
مكطوعه الجفوف وكل ظنج ايعود
صاحت يعباس جا وين الوعود
جانت أميره بجاله من حاله اصير الحاله
*
بهلالك محرم جاي اشوفن كل حزن زينب
ومن كد ما عليها ابجي رمشي من الدمع شيب
زينب يامحرم بيش تطلبها
بلا خيمه تخليها وتعذبها
بديه عباس يعدل جان معصبها
وبديه هسه الشمر بالصوط يضربها
مجتوفه بحبال صعدت عله النوك
وجف أم الإحساس بالخيمه محروك
كلبي الحزن يبراله من حاله اصير الحاله
**
رسمت اخيام محتركه وكامت تجري دمعاتي
اكولن ليش محد كام طفه خيام عماتي
الخيم حركوها والنار شيطفيها
احتركت هاي اديها وذيج رجليها
والأطفال كمت اسمع بواجيها
ورقيه بياذنب سلبو تراجيها
صاحت يسلاب واسمع بواجي
لا يزعل حسين رجع التراجي
تجرح خفت دلاله من حاله اصير الحاله
**
المجالسكم كل عاشور اجي ودموعي سجابه
وأحب الناعي من ايكول آه يحسين ومصابه
اجي الهاي المجالس آنه يوميه
والطم لو قره الرادود لطميه
اكله أقره عله زينب عمتي اشويه
واذب اعمامتي من يكول مسبيه
زينب صحت ليش يسبوها للشام
وبالخربه ياحيف بت فاطمه اتنام
خابت دليلي آماله من حاله اصير الحاله
*
تمت
ميثم العمري

https://www.tgoop.com/y1_7y

هذا أول يوم ياشيعة علي
بس عشرتيام ونودع الولي
--------------------------------
هذا اول يوم من شهر الحزن
واجب الزنجيل يطبع بالمتن
والدموع انهار تحفر بالوجن
بالمواكب علو صوت الوائلي
------------------------------------
كون هاي ليله نسهر ما ننام
بعد عشر اليال ونودع الامام
نحترگ لجله مثل حرگ الخيام
يبقئ هذا الصوت بسمك يعتلي
-------------------------------
من نبدل الرايه نصرخ ياذبيح
يحضر الموعود وبصفه المسيح
نكتب أحسين ابدمعنه اعله الضريح
والصحن بنصار حيدر ينملي
------------------------------------
سجلت يحسين اعظم ملحمه
هاي راياتك ترفرف بالسمه
ولأجت تشرفن عليهن فاطمه
ماتفض اهمومها اوماتنجلي
----------------------------------
بعد عشر اليال ويطش الضعن

زينب اوكل الفواطم ينسبن
تنحدر للشام وتعوف الوطن
من علئ الناگه اوتحشم ياهلي 
للشاعر فاخر علي الشبيبي

https://www.tgoop.com/y1_7y

النساء في يوم العاشر  تتوسطهن زينب عليها السلام  كل واحده منهن في صوب

ركضن لحسين __ عين بصف عين
ياريت تكوم ___وكتك موزين

كلها تباوع من ركضن
ياهو اليفزع لو ينخن
**** (١)
اميرات بخيم چنه __ والله الساتر اخيمنه
يوسفه من الحرك نطلع _ نظل اخيول تسحكنه
نركض بس عليك نريد_نوكف كلها تلحكنه

نوكف نتعب  صحره وغربه عايزنه الحيل
حسين مطشر _ ردنه انلمه _ وهجمو بالخيل
شنهو تسوي _الرادت تشرد _ تصرخ يا ويل

هاي النسوان _ صارن نيشان
شيطلعه الصوت _ هواي الدخان

محتركات ومايحجن
ياهو اليفزع لو ينخن
__(٢)
رحت لحسين اكعدنه _ولكيت اضلوعه متكسره
قبل ساعه اعله جسمه الخيل _ماخلن ولا حسره
مو بس راسه هم مكطوع_مدري شكطعو ابصدره

مردو كلبه _ بأخر سحكه _ شعدهم وياك
لهسه اثار __الخيل بجسمك _بيش اتلكّاك
وي الكاع _امتونك صارت _حافر ساواك


صدرك مطبوك__وكلبي المحروك
نايم يحسين __جابولي النوك

الحافر رايد بس يطحن
ياهو اليفزع لو ينخن
__(٣)

مو بس انه يم حسين _اليفكدن ترسن الهيمه
جثثهم عالرمال اتنام__وكلمن حاير ابضيمه
لو زايد بدينه اقماش _ غطه نسويلك وخيمه

نلتم يمك _ جانت تعني _ نجهز بفياي
فيء نسوي _لضلعك بارد _ بس كوم وياي
حسين شفافك __لمن عطشن _يبست اشفاي

صيف! ،ومجروح __ يابعد  الروح
مو هيجي احسين __ نودعك مذبوح

ترفه اشفافك بس يبسن
ياهو اليفزع  لو  ينخن
___(٤)
ياهي الي لكت مثلي ___اخوها اعله الرمل عريان
تجوي الكاع وانته حسين__ توك ميت وعطشان
الناس الما تريدك ليش  __شكو صفحه بالقران

ليش الوادم _خلت همها __تكطعك اوصال
وانته اياتك _جانت بلسم __ بين الاجيال
كون المثلك _كوسر صاير_ مو حالك حال

ردناك افياي _وسيد عالماي
تالي اعله ارماح _خلوك اهواي

طايح بيد الما رحمن
ياهو اليفزع لو ينخن
___(٥)
كمت بس عيني فاضت حيل  بعد حسبات اضم للشام
اخ الشام اخ الشام _اميرات اعله نوك انام
نسونك تدور الحيل _ابديرة غربه ماكو اسلام

شنهو تسوي _ الوادم صارت __ترمينه احجار
نغطي اطفالك _من يرموهم _ ونصيح ازغار
الطفل اليصرخ من آلامه جفينه اكصار

باب الساعات __ترسو شمات
بس رمح احسين __ردد ايات

هواي اجروح المايشفن
ياهو اليفزع لو ينخن




ليث كريم جحالي

https://www.tgoop.com/y1_7y

شور گعده

غريباً ياغريب

الحسين يشاور اصحابه
الموت بهل المسه منعوت
لن شاب بعمر شايب
ناده ياحسين بصوت
ماشأني أيا عماه
بين أيدك أريد الموت

گله حسين يوليدي شلون تشوف بيه الموت
أحلى من العسل گله اليموت لنصرتك مبخوت

شحلات الموت بين ايدك
ألك ربانيِ اعضيدك
فده اتبده لجلك عيناك
وريدي بدم بچه وريدك

(((((((((()))))))))))

تنخه القاسم بعمه
ينصره بموتته عازم
تدرع بلشجاعه وغار
هايم بلحرب هايم
لَبس عمتّ ابوه محلا
برز بزر الكفو القاسم

برز والموت يوميله تلگاه جن لقاء عشاگ
انه شبل الحسن ناده لموتي وي الحسين اشتاگ

طولي ناذره لعمي
افرح بلنحيب امي
وبدمي اكحل الگاع
فده يحسين الك دمي

(((((((((()))))))))))

تبده طوله فوگ الگاع
مرمي من الشرب محروم
ناده ادركني ياعماه
مابيهم رحم هالگوم
وتَعنه من الخيام حسين
ملجوم وحضن ملجوم

گله حسين يوليدي انه العطشان شيل ايدك
گوم وياي لخيامي كلشي بخيمتي يريدك

وي گلبك دليلي ذاب
مرمي يبني يلتنهاب
ضَل اعله الخيم طولك
صفه طولك طريح أتراب

(((((((((()))))))))))

رجع بيه صوب المخيم
الحسين ومنحني مگفاه
جسام انگضه عمره
وعلتربان فاض ادماه
رمله يلولد نادت
اه ياضنوتي ويلاه

تگله يلولد يمه ردتك للمشيب وياي
خليت امك بحيره عطشانه عليك هواي

عطشانه لسمو أسمك
حاجيني انه امك
اه ياضنوتي جسام
فايض حزني وي دمك

(((((((((()))))))))))

الشاعر الموفق

حيدر علي
#جديد_محرم_الحرام_
https://www.tgoop.com/y1_7y

نـــــهار العاشر آلمنـــي وليـله
شحال المابقه بالطف ولي اله
اروح الرمــلـه اصبــرها وليله
ويم ام الرضيع انصب عزيه
~
حيدر بشار الدراجي

https://www.tgoop.com/y1_7y

يعباس ..........  دخيلك يا شهم
يعباس ..........   يصـگار الزلم

……………………………………………………………


دخيلك هاد زعلان
ابد مو بشر بركان
لفوگ الغيره دخان  .. اظن نزلت سقر
لان من راسك الحار
لهب والجو صبح نار
طبگت الليل ونهار  .. شمس وانت الكمر
سجن واختنكت الناس
هوه ومامش للنفاس
خذاه من عدها عباس  .. واخذ منها النظر

مثـل لون وجوهم  لون السمه
ساعه صفره وساعه سوده ومظلمه

يعباس .......... ثره وسيفك نجم
يعباس ..........   يصـگار الزلم

……………………………………………………………


گبل وبراسه ريشات
عليهن مقري ايات
غدن للجيش هزّات  .. يزلزال الغضب
علم بجتافه خفّاگ
وصل بالغيم حرّاگ
سريع وحيل مشتاگ .. على الشاطي انصب
يموسى وعصتك صوت
زمختك سكرة الموت
يسيفك فال تابوت  ..   يوزع بالرگب

بعد ما واصلهم و قل العدد
وسط الخيول الشمر خاف ولبد

يعباس .......... يعنوان العزم
يعباس .......... يصگار الزلم

……………………………………………………………


اجاهم جية السيل
شكو الكدامه ايشل
زلمهم سبگت الخيل  .. بخيت اللي شرد
صفوا جن ذيب بخراف
يطف بالاربعالاف
ينادي ياشمر خاف   .. بعد عندك عدد
تشوف مطافر الروس
يمنجل يحصد انفوس
مهرته اعليهم ادوس  ..  ولا تعبت ابد

ركض وي الخوف كل دمهم نشف
يمكن اموصـلهم الحد النجف

يعباس .......... جدم طك ابجدم
يعباس ..........  يصگار الزلم

……………………………………………………………


اختلاف وبينهم صار
شيوخ تحاجي الازغار
اظن حمزه الذي غار  .. طلع من الگبر
قسم كالو ابو تراب
هذاك القالع الباب
اجه من النجف طلاب  ..  يخلصكم شطر
قسم كالوها عزريل
نزل لرواحنه يشيل
اذن كلكم مجاتيل   .. تودعون العمر

ها انا العباس ضنوة حيدره
للمنيه اليوم الزمـكم سره

يعباس .......... وما احلى الاسم
يعباس ..........  يصـگار الزلم

……………………………………………………………


كصد للنهر عنّاي
يهم بس فقط للماي
الك يالعذب شراي  .. ولو موته اصبحت
عطش والعطش جتال
ابد ما يشرب امحال
د هوني يا نفس كال  .. لخوي وللاخت
چفاه وگال بعدين
اشربه من ام الحسين
وكلها اوفيت بالدين ..  يفدوه الكم رحت

يم حسن ما اشرب ولمن اره
حسين من الماي يشبع منحره

يعباس .......... يوفاي ونعم
يعباس .......... يصگار الزلم

……………………………………………………………


رجع ومسرفن زنود
نهر عبّاه بالجود
لكاه بالاف مسدود  ... عليه كل الدرب
قسم بالغاليه ام عون
عليه ولا  تكدرون
شرط بس لا تغدرون .. اخلصكم واطب
اكطعو شمال ويمين
تطفي اسهامكم عين
مهم اعيال الحسين  .. اشربها العذب

ابصدري اتلكه السهام ورگبتي
كلها سهله المهم تسلم جربتي

يعباس ..........  الوعودك ملتزم
يعباس ..........  يصگار الزلم

……………………………………………………………
✍️ ( سيد خضر الزاملي )
https://www.tgoop.com/y1_7y

#قصائد_الامام_العباس_ع_نزال
#الليله_السابعه




نزل شيخ الــــــــقاده هلا ابخـــت الساده

__

هلا بشيخ الطايفه الما هزه ريح
هلا بخناگ الهوه وخلاه شحـيح
هلا بالمايتــعب وما يســـــتريح
هلا بالسيفه علي وكلش صريح
هلا بالكاسر كـفاها هلا بـــــــالداير رحـاها
هلا بربات الهواشم ابو فاضـــل عـــــجباها
يا جمال اعــــــيونه حــــــگهم ايهابونه
__

هلا بشيخ الطـايفه الهمه الخيام
هلا بالمارجف خــــوف وما ينـام
هلا بالســـيطر علـــيها ابن الانام
هلا باليقــره عله ام عون السلام
هلا بالزامط اخيته هــــلا باللازم ثنـــــيته
هلا بالونس الحومه خله بالتــــاريخ صيته
هلا بزود اچفــوفه تــرك بيــهم خـوفه
__

هلا بملح السالفه وشـارب اخوه
هلا بالطالع اسد مـــن ظهر ابوه
هلا بالمـــاتو رعــــب من گابلوه
هلا بالشتت جـــمعهم من اجوه
هلا بقبطان السـفينه هلا بالواعـــد سكينه
هلا باليرهب اليرعب غيره من يعرگ جبينه
زعل شال احســاسه غـــيـــرته ونـــبراسه
___

هلا بالأسمه گـــمر شايل جـمال
هلا بالصدر أمــــر وكــت النزال
هلا بشيخ الموزمه وعـز الرجال
هلا بالچفه عــــلي بيـوم القتال
هلا بالدايم عــطائه هلا باليــــرهب لقــائه
هلا بعــيون العقيله من علي هاي الشجاعه
علي وخــيبر عادت والرجـــــال احتارت
____

هلا بالصگر الشرس مــاهمه موت
هلا بخلاس إلزلم صنطه وسكوت
هلا اليم حده منو يگــــــدر يفوت
هلا بالرجف الحومه وماكو صوت
هلا البوصافه انتـحير هلا بالشتـت العسكر
هلا بالچلمه الثگـيله علي وردت جنهه خيبر
هلا ابـطگ ازنــوده نـــــزل شـــايل جوده
_

الخادم المقصر ناجي ابو كيان الصالحــــــي ونسالكم الدعاء لي ولوالدي

https://www.tgoop.com/y1_7y

التفاصيل داخل البوستر

(( نـــعـــي ))
مــــــن وكفت عللتل زينب تصـــــــيح
هــــــذا حسين طايـــــح يابو فاضــل
عفه واختك تظل تگوم وتطيــــــح
وتتمايل مثـــــــل ميل السنابــــــل
التعب هدني وطفه بعيني المصابيح
غرب تحدينـــــــي عگبك وانت كافل
اطفالك للســــــبي مــــو للمراجــــيح
شوف شلـــــــــون بينه الوكت مايل
الحزن گلبـــــــي ولا يحتاج تــــوضيح
من يوم الزچـــــــية حــــزن شايـــــــل
وهذولة اخواني عالغبرة مذابــــــيح
وعگـــــــب ذاك الضوه ظلمة المنازل
دوي دور الهواشم چــــــان تســـــبيح
وقرأن وحــــــديث وحـــــــــل مسائل

الشاعر وائل احمد الوائلي
#جديد_محرم_الحرام_
https://www.tgoop.com/y1_7y

دارمي

االخدامه


يالرايد انته الجاه هل دمعة العين
فوزك عظيم ايصير يالتخدم حسين
--------------------------
احسبهه زين وشوف هاي الخدامه
بيهه ارتقاء الروح وفضل علامه
اسمك يصير اهناك خادم امامه

وزاد السفر مطلوب ولدنيا يومين
--------------------------
بذيال ابو السجاد چَلِب وندبه
ومن فيضه لو يرويك لاتنسه عذبه
كلشي تِخَلف نار ولجنه دربه

ولي ينضره حسين فايزهه صوبين
--------------------------
درب الخدامه اسرار الله الشهدله
جم گلب شفنه مات حسين اليعدله
لو صح ملك قارون لالاتبدله

ماكو ملك ينقاس وي خدمة حسين
------------------------
دار الزوال اتروح ول اخره اوله
وهنياله زاده حسين بالجنه يعله
هذه السفر محتوم مامنه ضله

هنياله خلص نوح عمره وبالونين
------------------------
اتحصنك امن النار هاي الشعاير
ابيوم الورود اتصير يمك مناير
هذه جزاء الچان يخدم منابر

دمع ولطم محسوب تچمالت الدين
------------------------
علي سليم الحسناوي

https://www.tgoop.com/y1_7y