#قصيدة_لمحرم_الحرام


نعي اول ايام محرم عن السيدة زينب عليها السلام.. جديد

دلالي انعصر والروح حنت
لخواني ولا مر يوم چنت
ليل نهار للطيبين ونت
اشوفن بيين هلال الرزية
-----------------------------
بفراكَ الاخو خلة شيسدها
وفراكَ الولد روحي مردها
عدلة خلافكم روحي شجلدها
اموتن من تهل وكت المسية
--------------------------------
يهلال الحزن ما كف ونيني
عمية ولاتشوفك ريت عيني
راح الزين مني وما يجيني
وينة اوينة راحوا من ادية
---------------------------------
بس رسومهم ظلت علامة
يهلال شكثر عدنا اليتامة
هذا الراح ابوه هذا عمامة
علينا بعاد بارض الغاضرية
-------------------------------
دليلي اعله المشوا عنه  حن الهم
اخوتي.وظهري للراحوا  حن الهم
المـــــــوت بكربله اعزازي  حن الهم
اخذهم كل هلي بالغاضرية
++++±+++++++++++++++

ليلى ام علي الاكبر عليه السلام
__
هلال البالسمه بين هظمني
اخذ مني العزيز وما رحمني
چم لچمة بوسط گلبي لچمني
يهلال الحزن فتيت روحي
___
شيصبر الوالدة الفگدت ولدها
لو راح الولد يمرد چبدها
راح الچان حاسبتة سندها
والاكبر راح مني وزاد نوحي
___
يا حلو الجهامة وحلو الرسوم
احن لريحتك واشتم بالهدوم
عني بعيد يبني وماكو علوم
كل يوم اليمر تكبر جروحي
____
جرح گلبي من جروحه والاكبر (والله اكبر)
لتالي العـــــمر حاسبـــته والاكبر (الى ان اكبر)
عليلة ونحلت عظامي   والاكبر
سكن بأرض الغرب وابعد علية
___


أسالكم الدعاء رائد الاسدي

https://www.tgoop.com/y1_7y

التفاصيل داخل البوستر

#قصائد محرم
#محرم اليله الاولئ

يرجع شهر محرم على مولاتنا العقيله
زينب (صلوات الله عليها) وتعيد الذكريات
والجروح بعد سنه ونص من آثار الغربه..
____
دارت سنه ونعاد حزني
َوهم تكثر بشوگاتي وني
جا غير (اكف) بعتابي فني

سنه ونص وانه مشتاگه
هلي و اكلفهن الناگه
بكثر ما عاتبت ليكم
الدمع بخدودي حراگه

ينعاد نفس المقتل بحلامي
ونفس القميص المنسلب و الدامي
يوميه واتحلم ؟ كمت بيامي
اتحلم الضل عل ثره وهم ضامي
____
مشتاگه كلش انه الكم
يل بصحاري ضاع دمكم
وشبعده دربي صار عنكم

الحجي الما ينحجي بعيني
رافگ تعبي و ونيني؟
شكثر ناديت عل تله
خوي فدوه تانيني

من ضاع نيشاتك عرفت الخوه
من باگه سيف (الرذي) ب الگوه
عطشان من دمك گمت تتروه؟
ياخويه يا فدوه شتفيد الفدوه
____
اتذكر اوداعك اليه
بعيوني جم جلمه خطيه
ماصح فزع بالغاضريه

ذبل رمحك اسنينك
جم مره صحت وينك
خويه الگوم گصدتني
وطاحت دمعه من عينك

يمنغاغي طولك خالقك فز لينه
دخان خيمات الستر عامينه
حرگ المخيم ما وصل لعبينه؟
واتذكر بشام النوايب جينه
____
شتذكر افراكك والحبال
لو من خذونه لشام النذال
يحسين ما مخطوره علبال

يوميه حزنك بلگلب دوم
لا وصلت اخبارك ولا اعلوم
يوميه اكعد بين حيطان؟
تعبني ليل العاشر يحيوم


من جف كفاله لجف غرب سابيني
و فرگاك بگليبي صبح عاميني
جم دوب انعه وما سمعت اونيني
بس ذكرياتك سالبات اسنيني
___
حيدر صلال ✍️

https://www.tgoop.com/y1_7y

#محرم_١٤٤٧_هــ

مولاي علي الاكبر
شور وكفه

فوگك جنت محني بوگفتي
ويم شاربك طاحت دمعتي
كالولي انس اوليدك ايگوم
والعبره خنگتني بهضمتي

عله طولك يبويه يدوس الفرس
ولگيت ابني متمدد اخر نفس
العطش تعبانه يبويه همس .. يااوليدي

بوليدي مدري شصاير
طوله مشه عليه حافر .. حيل هواي
نمنه سوه وبچيته
من منحره شميته .. ينادي الماي

@@@@@@@@@@@@@@@@@@

غالي الضنه وبزري شمعزته
فرفحت جي بلدم لمحته
ضامي يبويه ويابسه الهاك
روحي طلعت جي ضامي شفته

العزيز عله گلبي اغله من الهوه
علي ضامي من دم وريده أرتوه
تمنيته موتي وي بزري سوه .. ياوليدي

أبني نذبح يخوتي
يمك اريده موتي .. فراگك حاد
گبله ردت منيتي
شيب ودمه لحيتي .. والموت وساد

@@@@@@@@@@@@@@@@@@

وبلعاشر اهموم ومصايب
دمك نزل فوك الشوارب
جنت علخده وليدي أبوسه
وهس علخدك سيف اجانب

وتولو جماله بسيوف وخيول
ذبل رسم الاكبر شبيه الرسول
شلم وشبقي وحرت شرد اگول .. ياوليدي

ذابل جماله جبته
تلكتني تركض خته .. بضيم الروح
شلت بني فوگ جتافي
جبته الخيمنه حافي .. وامه تنوح

@@@@@@@@@@@@@@@@@@

طيحت علي للخيال فرصه
هدت وصارت هاي غصه
شمسويه بيك ثگال الخيول
شلت ابني بيدي وطاح نصه

ردت يمه اموتن وعوف الخيم
أحاول اشيله وترس هدمي دم
وافرفح بواچي وعدوي أبتسم .. ياوليدي

تبچي السمه علحالي
ضحك الشماته عالي .. بويه علي
وحسبله يمته يكبر
حيرني موتي الاكبر .. كشخت هلي

صباح جهاد

https://www.tgoop.com/y1_7y

صحت يا لايـم ارحـمني بالآلام
واعيشن كون كل عمـري بالآلام
عله حسين البقه امطشر بالآلام
توذر من حوافر خيل اميه
~
حيدر بشار الدراجي
https://www.tgoop.com/y1_7y

(آنه رُقَيتكم)


يا عمة تانوني.. ما أندلِ ادروبي
من طيحة الناگة ، يثگَل عَلَي ثوبي
خاف الظعن يِبعِد ، ويخيّم اغروبي
اولو حَل عَلَي ليلي، وين ألگه محبوبي..

آنه رقية.. تعاي
يا عمّة يلهب.. ضماي
انهض واطيحن، وبدمعي اصيحن،
خل ظعني يرجع وراي..

آنه رُقَيتكم، عمّة
آنه رُقَيتكُم..

****

طحت ابْجدم حافي.. وهذا الرمل حامي
يا عمة من أركض، ما يرحم إجدامي..
ياهو اليوصّلني، وظعن اهلي جدّامي
والطيحه يا عمة، أذتهن عظامي..

صحت ابحسرتي.. وراچ
يا عمة آنه.. ابحماچ
ردي عليه، لخاطر رقية
ما ظنه صوتي إجاچ..

آنه رُقَيتكم، عمّة
آنه رُقَيتكُم..
****

خل ترجعِ إحبالي، تلزمهنِ چْفوفي
كل همهه يا عمة، لا ما وصل خوفي
ريتچ تِسِمْعيني، وآنه ألفظ حروفي
يرجف يظل گلبي، چن عادتِ طفوفي

يا عمه جيبوا.. الهزل
خل دمعي يمّچ.. يهل
ويمهن خواتي، تصعد عباتي،
ويرجع لديّه الحبل..

آنه رُقَيتكم، عمّة
آنه رُقَيتكُم..

****

ريضلي يا بويه.. لا تترك ابنيتك
خل توگف الناگة،  وتنوّخ انخيتك
يصعب عَلَي دربي، يابويه ناديتك
وَارْخَص دمع عيني، ما چنّي غاليتك..

وحدي بغربتي.. واصِيح
بالهم دليلي.. جِريح
گلهُم يغالي، هذا آنه حالي
أنهض واردّن أطيح..

آنه رُقَيتكم، بويه
آنه رُقَيتكُم..

****

لا لا تخلیني.. يابويه حزنانه
گللهم بنيتي، خل ترجع اويانه
عاين جفن عيني، متغيرة الوانه
من البچي بويه.. وشفافي ذبلانه

بنتك تراها انتهت..
يابويه وتمرمرت
عاين عليهه، مرفوعة اديهه،
ومنهه المنية دنت

آنه رُقَيتكم، بويه
آنه رُقَيتكُم..


الشيخ منير السعد
https://www.tgoop.com/y1_7y

عليلة ودم دمع عيني الهملته
تهون العله هضمة فراكك انته
تره بشيل الضعن كلبي شلعته
يگولون الابو مايخلي بنته
يابوية بفركتك كلبي لچمته

صحيح انه عليلة بس العلة هجرك
بتفاصيلي ياغالي احن ليك واذكرك
يجي يوم وتعاود يعافيتي ونضرك

يجي يوم واشوفك
يابيت الله وطوفك
حسين يابوي
حسين يابوي

:::::....
اذا من علتي قصدك بقائي
تخليلي رقيه يضل رجائي
يابوية وياكم اخذوني ندائي
لون امشي بضعنكم يشفى دائي
ولااخذ حمل بس بردائي

اخذني الخيلك اسرج وابد ما اذي واحد
علي عمتي العقيلة تضل يالوالي شاهد
واذا مت بطريقك فداك وتبقى خالد

يمن كلنه فدإك
ولايسلب ردإك

حسين يابوية
حسين يابوية
&&&&&
احس كل مغرب يجن موتي كرب

وحيده وحالتي عل طاغطي تصعب
يابوية ابدونك البيت ولاينطب
الگلب من نار المفارگ تعطب
اظل صبح ومسية اندعي الرب

يردكم لية ادعي الاهي بكل مسية
بعد هيهات اسمعة صداي يرد علية
يگلي مايجي حسين ولاعبدالله ورقية

يردلي الصوت اسمعة
على عبد الله ينعة

حسين يابوية

&&&&&&&
يجن اليل اخافن من وحدتي
بدونك چن گبر صارت حجرتي
ردت عبدالله اخوي انه الگبرتي
اسولف وية روحي شنهي شنو ضلتي
وين بعزابوچ اوين صرتي

شنو ضلتي وحيده بدونك ريت اموتن
يبوية امنل بواچي عليك اعيوني يعمن
الگلب ضنكم تجونة حسافة تخيب الضن

منهد جيت ابن حذلم
دمع عيني يهمل دم

حسين يابوية يابوية
&&&&&&
خلص كل الحچي بردت ضعنكم
لمن مليت وابحث وسطة عنكم
ولاواحد رجع يابوية منكم
شكولن عل ليالي الي خذنكم
صدگ صارت وحيده تعيش بتكم

صرت عود بجفاكم بعُدكم علتي ضاعف
شسولف يالمشيتو سبب كل علتي الطف
الاهي بموتي اريده علي هسه يتلطف

اموتن كل دقيقة
هلي هاي الحقيقة

حسين يابوية حسين يابوية
&&&&&&&
( خادمك. كرار المياحي)
الفاتحة الى روح اختي

https://www.tgoop.com/y1_7y

ابوذيات عن العليله

عليله وجسمي ناحل حيل بي داي
همـس بذني ابوي حـسين بيـداي
يگلي ذكـرى اريد انطـيچ بيـداي
سحب من ثوبه خيط وحط بديه
.
يبويه الهظم مايسكن وسكنه
ويابيت البعد عندي وسكنه
رقيه وياك هم راحت وسكنه
وانه الظليت بحضان المنيه
.
ترك فرگاك بضلوعي ورم له
وانت الطف الك ينطر ورمله
اجه جسام ودعني ورمله
تگلي شدي حيلج عالبليه
.
عليهَ النوح متفصل وراهم
عليله وكل حزن بيا ورا هم
راحو هلي وعيوني. وراهم
تهل دمع ودمه وي كل مسيه
.
تشب نيران فوگ الداي بالماي
سَرت كل البلام وغرگ بالماي
بعد وجهي ولاينشاف بالماي
اشوفك طايح وعمتي سبيه
.
وحگ جدي اليعرفونه نبي الهم
يبويه صرنه بفراگك نبي الهم
يريته ينبت بگلبي نبلهم
ولا يوصل خبر موتك اليه

.
حسن الموالي الفاطمي
.

https://www.tgoop.com/y1_7y

(العليله)

ابـدمـع الهجر ودعناه
ضعن النبي الله اوياه
ــــــــــــــــــــــــــــــــــــــ
مـودعيـن اوداعة الله وبـالسلامه
يـالكسرتـونـي كسر جنح الحمامه
يـهلي تـــدرون الگلب بيكم هيامه
من بعدكم قامت ابروحي القيامه
واستاحشت من فرگاه
ضعن النبي الله اويـاه
ــــــــــــــــــــــــــــــــــــــ
ليش ماخـذتـوني ويـاكـم يـساده
من هجركم ماتت ابگلبي السعاده
ودعتـكم والگلب بـالحــسره ناده
من عگبكم هالوكت جـار وتـمـاده
وحيدر علي صرت انخاه
ضعن النبي الله اويـــــاه
ــــــــــــــــــــــــــــــــــــــ
يـهلي لاتـبـطـون تـدرونـي عـليلـه
ليلي ونـهاري عليكم دمعي اسيلـه
صعبة فرگة والدي وعمتي العقيله
امصيبتي تحني الظهر والله ثگيله
حـيلي انهدم واويلاه
ضعن النبي الله اوياه
ــــــــــــــــــــــــــــــــــــــ
من تحط ارچابكم يهلي الغوالي
طمّنوني ابفد رساله ارحمو حالي
يالهجرتوني وبقيت ابــلايا والي
غيـر آهـات ومـواجـع مابـقـالــي
اغفه ابدمع واصحه ابآه
ضعن النبي الله اويــــاه
ــــــــــــــــــــــــــــــــــــــ
اخلافكم يهل المحنه الدار وحشه
الـيـل مانـامه لحد طلعت الـغبشـه
ابـعتـبة الدار الدمع ليليه افــــرشه
مااظن احـسين مارف ليـه رمـشـه
واصبح حلم ياملگاه
ضعن النبي الله اوياه
ــــــــــــــــــــــــــــــــــــــ
تخشع اجبال الرواسي النـايـباتـي
راحو ابفد روحه خُوَّاني وخواتي
تـكسر الخـاطر يـوادم ذكريـاتـــي
راح اضل انـعـاهم الساعة مماتـي

ويوم السفر ماانساه
ضعن النبي الله اوياه
ــــــــــــــــــــــــــــــــــــــ
حيدر بشار الدراجي

https://www.tgoop.com/y1_7y

ام البنين
…….
لمتهم و كامت تحاجيهم
بحسين وبزينب توصيهم

لا لا تقصرون .. واجب تضحون
……
حاجتهم بواهس ذبح وجان الدمع ينزل دم
جعفر وعثمان انصتو عبدالله اريدك تعلم
هذا الخبر عن النبي صلى عليه وسلم
السار اويه قافلة الوحي والشارك حسين الهم
فاز و حصل حب فاطمه والما ركب يتندم

هاذي وصية علي يولادي
ترحون فدون لضنوة الهادي
بلدم توقعون .. واجب تضحون
……….
فصلت شيلته علگ و بزنودهم شدت حيل
وبعيونهم دارت ضوه ومنهم خذت سهر الليل
واتشابكو صدر بصدر للطم ولسحك الخيل
وبعيونهم لاح الدمع ظلمه وطلع نجم اسهيل
وانفاسهم جانت عطر اطيب بعد من الهيل

ولدي واريدن بيكم اتباهه
والدنيا تشهد جازو ارباهه
يا كحل العيون .. واجب تضحون
………..
دارت وجهه اعلى الكمر واعيونه اتسولف ماي
بيك الامل وانت الامل رب العلم و الوفاي
عينك اريد اعلى الضعن ولزينب اتصير افياي
وابيمنتك شيل اللوه و صير الدرع و الحماي
وقدملي لحسين العذر ما خلفت لجله هواي

يعذرني اريدن كون ابو اليمه
و الزهره تعذرني ردت امه
بلعز تموتون … واجب تضحون
……….
سولفلي عودك لو طحت زينب تظل بحيره
ومكيده بحبل الهظم ديره التذبه لديره
وحسين يبجيك ابدمه وايصيح يابو الغيره
وينكسر ظهره بطيحتك والنضر وين ايديره
والضعن ما يرجع بعد تحجيلي هيج الخيره

بحبل الصبر متكيده جفوفي
و دم و ذبح لو مرت اطيوفي
وصار اظلم الكون .. واجب تضحون
………..
لا انه عدلة ولامتت والصخر يبجي اويايه
اعلى حسين ما يهده الكلب والعقل تايه رايه
ولزينب ايهل الدمع من ظلت ابلا رايه
وعباس كطعو يمنته فوك الفرات ومايه
بس ما اذل من القدر يبقى الحسين الغايه

لحسين منذور العمر فدوه
ويستاهل افديله الصدك يسوه
باجر تشهدون .. واجب تضحون
……….
لمتهم و كامت تحاجيهم
بحسين وبزينب توصيهم
لا لا تقصرون .. واجب تضحون
…………
احمد العقابي الحياوي
#جديد_محرم_الحرام_
https://www.tgoop.com/y1_7y