الانصار

ترجف قهر نافع چنت وين
ليش اسكتت وامنزل العين
گلهم حديث اسمعته
بين الاحسين واخته
بين الصواويين
++++++++++
شفت وعساني ماشفت
من خلف الاحسين اطلعت
يتمشه خلف اخيامه
سل سيفه بس مو للحرب
شوك الشيلعه امن الدرب
باچر تسحگه ايتامه

حس گلبه زينب رادته رد مسرع الملگاها
احرس عله الخيمه اوگفت واسمع حواره وياها

ما سامع اتمنيته ما دار
چان الحچي عنكم يلنصار
ماتنحچي سالفته
بين الاحسين واخته
وامنزل العين
+++++++++
زينب يلنصار ابقلق
صوت الحسن بيها نطق
منها الحچي شل حالي
بالعبره تحچيها اسمعت
اصحابك الها استخبرت
بس لاتعوفك تالي

گالتله هالليله فرق ومصباح يوم العاشر
خوفي مثل مسلم بعد تتلافت ولا ناصر

اصحابي گلها نعم الاصحاب
يستأنسون الموت الاحباب
واحدهم ايشد همته
بين الاحسين واخته
وامنزل العين
++++++++
اتكدر حبيب امن الخبر
ضل يفرك اچفوفه قهر
شيخ الانصر وناده
اولكم انه مستعد
هسه قبل باچر نهد
وانفرح اخت الساده

شال ايده ابن ظاهر يشد لحواجبه العصابه
يستعرض إباب الخيم ناده الجميع اصحابه

چلمتنه وحده البت علي صاح
خدامچ احنه ونفدي لرواح
ياجون هوّس انته
بين الاحسين واخته
وامنزل العين
+++++++++
يابت علي امنين الوجل
إتطمني يا بـت الفـحل
ناطين اخوچ احچايه
باچر تشوفين الصدگ
گلبه العليكم محترگ
وللحره هز الرايه

گالتله منكم والنعم همي الاحسين ودينه
كل هلّله هلّله ابنصرته گروله باچر عينه

الصيحه علت مابيت الاخيام
وعباس اجاها امفرع الهام
والگاع ماشايلته
بين الاحسين واخته
وامنزل العين
+++++++++
يركض اجه حافي البدرتتجادح اعيونه وحمر
ابچفيته شد احزامه
حي انه گلها وما متت
ابغيري تنخيتي اسمعت
وبحرگه هز صمصامه

حي آنه واشتم الهوى لاتجي بصدرچ حسره
مايوصل اخيامچ بشر يم الخدر والزهره

واتسابقوا كلهم عله الموت
ياهو القبل للمعركه ايفوت
والفجر بيين وكته
بين الاحسين واخته
وامنزل العين
+++++++++
هاشم والانصار التقوا
عالحمله الاوله اتسابقوا
لنصاره گالو احنه
عفنه الاهل عفنه النسه
وعابس حچاها بواهسه
حب الحسين الجنه

عاقل الينجن بالعشگ الهلساعه من زغري ادعي
بلا سيف اهد اولا رمح واشمر عليهم درعي

وصوت ام وهب صاحت يعباس
من ابني باچر اشمر الراس
وگدامك اشمر جثته
بين الاحسين واخته
وامنزل العين

ثائر الربيعي
#جديد_محرم_الحرام_
https://www.tgoop.com/y1_7y

ام البنين ع
ابو ذيه

مشه بظعنه ومشت روحي وره حسين
وخله بعيني دمعاتي وره حسين (راح)
بعد هيهات يرجعلي وره حسين (اشوف)
هجرني وصرت ادوّر عالمنيه
****


الشاعر اياد الديراوي

https://www.tgoop.com/y1_7y

ابتعب خلصت عمري   راحه متني
ومن كثرالمشاگف    راح متني
الحوافر لو بسحگك    راحمتني
چاما ضيعن جثتك عليه


ثوب الفرح زينب    ماردلهه
گلب ومتون بل طف   ماردلهه
المشه الصوب الشريعه ماردلهه
اسهام ابعينه وچفوفه رميه

اذان اجروح صاير   عمه اذاني
الشمر وبصوطه بالطف عمه اذاني
اخذ ويه التراچي   عمه اذني
الوجع والدم صبغ وجهي و اديه

سلام البهادلي

https://www.tgoop.com/y1_7y

اولاد ام البنين


لحسين نصبو ثايه
عباس جفه رايه

°°°°°°°°°°°°°°
‏
‏زامط بعد فيهم--- وگصد ___بهم حيل
‏للضلمه دواسه--- يندل هم الليل
‏محرب عله العايل --ياويله ____ياويل
‏لو صالو ابحومه --شيعطل الخيل
‏
‏وجه  احسين  يتبشر صفاته
‏ومن ابعيد ركضله خواته
‏صار اخيام من فتح عباته
‏هذا حسين يعرك للتجيله

ساترها العبايه
عباس جفه رايه
•••••••••••••••••
ولدك علي انتفضو ...رادو----تصاريح 
وگفو جبل عالي ...شيعبر-- الريح
يا قائد ايعايّن ...كلهم مِذابيح
حسين الشهم قائد...والباقي اطيح

شلون ازلام جابوله البعيده
وچن اصكور وتلاكيها صيده
موزونين وتحسهم قصيده
  تحس عباس كاتبها ابدليله

صارو يمه غايه
وعباس جفه رايه
••••••••••••••
نصبو مضايفهم ...گلطتهم-- الناس
والكهوه لليجبل...فورّها عباس
والماشرب  منهم...ماعنده --احساس
غيره وعزم بيها...وتشم عطر ياس

معزب احسين وتهلي الهواشم
الجايب سيف يرجع بالصوارم
اشلون اخوان نصبوله المحاكم
يحكمه احسين ذب راسه ابشليله

سيفك بيه درايه
عباس جفه رايه
•••••••••••••••••••••
أم البنين الحل ...ربتهم --لهاي
مشيختهم ابكلشي ..سادة عله الماي
كلمن اله رايه ...وحسين إله الراي
حلو عشيرتهم ...مابيها --وداي

عفيه  اخوان  متربين عنده
ويم احسين صارو ايد وحده
متحزمين   من   اتصير   شدِّه
بس انخوني اصيرلكم وسيله

امكم  بيها  أيه
عباس جفه رايه
•••••••••••••••••••••
صال الدمه فيهم ...ماعرفوــ الخوف
والي يلاگيهم...مايبقه بي شوف
صح اربعه اخوانه ...متهمها الالوف
كعبه الخيم صاحو...ياهو اليجي يطوف

وگفو سور  و العباس ساسه
اليعبر كال   رد اويـاه راسه
هذا الجيش بس عباس داسه
كلشي او لا يمس ظل العقيله

جرهم.  باللحايه
عباس جفه رايه
•••••••••••••••••••
ليث كريم جحالي

https://www.tgoop.com/y1_7y

#قصائد_الامام_الحسين_ع_والامام_العباس_شور

_***


شيسوي الافراگ*للماله خوان*بخدوده نيشان*وابدمعه عنوان*
تتفايض اجروحه * وادموعه مفضوحه*وبگلبه تسعر ناره*
يبقه الحزن فـــنه* مــــا يبتـــعد عنــه* وبگلبه تسعر ناره*
هجي الحسين ابلايه عباس*رد ابدمعّــته مهبط الراس*بالگوه ضل ايجر الانفاس*شيسوي الافراگ " شيسوي الافراگ "
_***

شيسوي الافراگ*واتخيل حسين* وسط الميادين*ماعنده امعين*
ضل لازم اصفاحه* واتخيل انياحه*راحت ليالي الگمره*
بيه الحزن غيمه* يا گلبه وضيمه* راحت ليالي الگمره*
بالگوه يمشي وحسرته اطول* لازم اصفاحه وحاله مذهول*موقف تشيب منه العقول*شيسوي الافراگ "شيسوي الافراگ"
___***

شيسوي الافراگ* بالشده لوطاح*يلزم بالاصفاح* مكسور الاجناح*
عازه الاخو عازه* بالشده يحتـاجه*بالشـده ياهو ينصره*
واتخيل المنظر* من هجمت العسكر* بالشده ياهو ينصره*
ضل الحسين ابولية الگوم*يم الحنين ارويحته اتحوم*ماعنده حيل ايطيح ويگوم* شيسوي الافراگ"شيسوي الافراگ "
___***

شيسوي الافراگ*ياكل بالاعضام*وايعض بالابهام*ياثگل الايام*
يا حسرته وليله*ياهو اليتچيله* تصبح سراب ايامه*
ناره تضل تلهب* طول الزمن ينحب* تصبح سراب ايامه*
فاگد اخيه وبان الافراگ*تعرف مشيته الحيل مشتاگ*عباس اخيه ومنه انباگ*شيسوي الافراگ "شيسوي الافراگ"
___***

شيسوي الافراگ*لو حاطته اذياب*خل يحسب احساب*بفراگه لوغاب*
حتى الهوه يخنگه* يتشـتاگ للملگه*يا حسرته الما تخلص*
رد للخيم حـاير*بجروحه ويكابر* يا حسرته الما تخلص*
هجي الحسين الماشرب ماي* رد للمخـيم فاگــد الراي*چنه يصيح انكسر مگفاي*شيسوي الافراگ "شيسوي الافراگ"
_***


تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

https://www.tgoop.com/y1_7y

عمه زينب.. وين ابويه حسين عمه خبريني
عمه زينب... خل يجي ويشوف ليش مجتفيني
بحبال اميه.... جتفوهه اديه .. مجتفيني
.......
عمتي جاوينه ابويه خلي هل الساعه يجي
عمه كليله رقيه عمت من كد البجي
شكد صحت فكوهه اديه مانفع بيهم حجي
شماكمت ياعمه اطيحن وعله اركباتي انتجي
جتفوني... ماكو ياعمه ابد رحمه بكلبهم
جتفوني... جفوفي ماتحمل تره ظبت حبلهم
جني سبيه... جتفوهه اديه..جتفوني
..........

عمه لتظمين عني وسولفي الصار وجره
صحت ابويه وماجاني شعجب عني شئخره
عمه شو كلبي لجمني وحزن بعيونج قره
شجاي هاي الخيل تسحك ليش هيج مسطره
شو لجمني.... كلبي ياعمه شفت بعيونج دموع
شو لجمني...صوت اسمع للحوافر تكسر ظلوع
ردي عليه..... جتفوهه اديه..جتفوني
.......
ليش ياعمه اعله ابويه الخيل كلهه تجمعن
وليش دبجن فوك صدره وبلظلوع ايرضرضن
شفت ياعمه سواده محدبه وفوكه تون
من بعيد وميزتها جدتي ام الحسن
يمه صاحت..شنهي ذنبك ياعزيزي موذرينك
يمه صاحت.. شلون المك وانته يمه مطشرينك
بحيره الزجيه... جتفوهه اديه

تيتمت من طاح ابويه وانه جنت مدلله
الجابني بعزي ودلالي من المدينه الكربله
في يسويلي بعباته من الشمس ومظلله
بويه بغيابك خذوني حافيه ومسنسله
يادلالي... راح وي روحة ابويه وجف كفيلي
يادلالي..بلدلال شكد كبل ترسو شليلي
غابو عليه.. جتفوهه اديه..جتفوني
.....
مره عطشان وكلتله بويه مس كلبي الظمه
مد اديه للسمه ابويه وجاب غيمه من السمه
جان يكلي شكد احبج جنج امي فاطمه
خل يجي ويشوف هسه يابس بئذني الدمه

بلاتراجي.. بويه بس الدم بقه جامد بذاني
بلاتراجي...حيل عتاهن يبويه السلباني.
بنتك رقيه.... جتفوهه اديه..جتفوني

فارس حساني العبودي

https://www.tgoop.com/y1_7y

اوداعك بعدين     زحمه من حسين
ظل واگف وين     يتأمل
&&&&
امك هسه انه وياك   بس شوف حسين هناك  لايسمع
صافن بس حجيه هواي  راد امه تذب الماي من يطلع
زحمه من حسين توادعنه
خاف نجرحنه احنه بوگفتنه
كلشي ولا ينظر دمعتنه
ظل متانيك          بس عينه اعليك
راد يحاچيك      بس يخجل
&&&&
جاي يشوفك عباس    تدري حسينك حساس يتألم
مفضوحه عيونك ليش   يا قائد كبش الجيش اتبسم
وام واعرف گلبي حروره
راد امه بهالساعه تزوره
وانه اعله وداعك مجبوره
صافن مولاك      امشيله هناك
گله انه وياك     ادلل
&&&&
متخوصر شوفه بساع  راح يطيح اعله الگاع  ما يگدر
هسه وياك انه هنا   راد امه تكون وياه   يتذكر
انه امك يحسين احسبني
الله يحبني من تحبني
اكثر من اولادي تهمني
گله امي دگول      انته المحصول
حارت شدگول      تتوسل  
&&&&
روح امشي بلا تأخير   خدامك گله نصير   منعوفك
گله بدونك مولاي    ما نشرب حتى الماي  بطفوفك
عطر الخيمه حسين نشمه
خادمتك هاي شگد نعمه
تخبل منك كلمة يمه
ما طب البيت   لو انته امشيت
بس انه ادعيت    اتحمل
&&&&
هسه اوداعك خلي   خاف حسين انأذي  هالمره
اترك هذا الموضوع   ونسولف بس ادموع  لزهره
اعگد بيدك يبني الشيله
عوف امك وحسين امشيله
يا عباس انته وكل حيله
اعرف ترحون     لا تتأخرون
ما تبقة عيون     بس تذبل
&&&&
علي جبار الكعبي
الفاتحه لوالدي

https://www.tgoop.com/y1_7y

شفته بمنامي مذبوح…
نازف دمة وكلة جروح
مسلم ابوي الغالي
… ..
يابو رقية انه بت مسلم حميدة
امسح على راسي ابجفوفك يالصميدة
يتمني يا عمي الدهر
شفت الابو نازف نحر
بحلامي ما جذب خبر
ميت ابوي الكيته نازف دم وريدة

من سطح قصر الظلام…
مرمي ابوي الضرغام
عالهامة عمي الوالي

… .
ياعمي شاهدت الابو بحلامي مذبوح
ذبلانه ثغرة امن العطش عالغبرة مطروح
ليه اعتنيت ابلا وعي
سايل على الخد مدمعي
والصوت اجاني المسمعي
مايرد سالم ليج ابوج امفارك الروح

فزيت مرعوبه اوجيت
يمك منامي انه احجيت
فسرلي ريّح بالي

… ..
عاينتة. مشبوح النظر للغاضرية
يمكن الك وجّه سلامة يالحمية
جفينة ليك امسلمة
كاتب وصيتة بالدمة
اعذرني يابن فاطمة
هذا انه عهدي وياك وافتني المنية

اعذرني يازين الناس
كاتبلك ابدم الراس
ألفاتحه أقرالي


… ..
يمة اعتنيت ابلهفتي وشلتة اعلى صدري
قبلتة بجفوفة الحنينة ودمعي يجري
بحضاني نيمتة ونمت
وكلساعة ابوسنة كمت
هذا الحلم انه احلمت
ميت ابوي الغالي شفته وكسر ظهري

بسيوف اميه اتولوه
ليّة عدل ما خلوه
ميت نظرته اكبالي
… ..
يا عمي يحسين اليتم قصة الليمة
ما اكدر اتخيلهة اتسمة اليتيمة
الماعدهة ابو اتثوب دمع
يلجمها كل ساعة الظلع
ما يسر خاطرهه الوضع
تكظي العمر بالحسرة والعبرة وهضيمة

الميت ابوهه للموت
تتمنى كل ساعه تفوت
وهاي اصبحت امالي


……
الحمدالله رب العالمين
اللهم صل على محمد وال محمد
موسى الخادم…

https://www.tgoop.com/y1_7y

لسان حال الامام السجاد ع

خيامي ٱتوجرت وسكنت ،،، بيداي
ٱعـثر والسـنـاسل تـگـص  ،،، بيداي
تعيرني الشماته اتصيح  ،،، بيه داي
الداي إهون ولاعمتي سبيه
،
،
،
،
فاخر الشبيبي

https://www.tgoop.com/y1_7y

انه رقيتكم عمه
الأداء السيد علي الجابري
الشاعر الشيخ أمير السعد
حسينية السيدة رقية عليه السلام
https://youtu.be/aI0TyGHidbY?si=4TBqsOz31OemEzFx