سهليها ليه امروتج
هاي السنه لزيارتج
اوصل واعيشن غربتج مولاتي مولاتي

مخنوكه روحي وارد اجي
يم باب الاخضر انتجي
وابجي الج ذاك البجي مولاتي مولاتي


يم عون تسوين التعب خليني اتعبلج عمر
مشلوع كلبي لحضرتج سهليها ها يم الخدر
هاي السنه اشبع بجي عيوني اسويهن حمر

هاي الزياره
سويلي جاره
مثل حمامه
فوك المناره

@@@@@@@@@@@@@@

يم بابج الطملج لطم
مثل الثكاله التنهضم
من صدري واكسرلج عضم مولاتي مولاتي

رايد زياره ومن صدك
مو زين كلبي وهل يدك
مثل البخور المحترك مولاتي مولاتي


ماريد مرتاح من اجي كون من اجي تعبيني.
عيشيني كون بغربتج ارد انكسر خليني
محروكه روحي والبعد كلساعه ويبجيني

زادن جروحي
اذتني روحي
كلساعه يمج
يوديني نوحي

@@@@@@@@@@@@@@@

ومحضر دموعي ترا
فرجيها روحي محيرا
جايمته يوصلني السرا مولاتي مولاتي


يايمه مكسور الكلب
ولشوك موتني وصعب
كون الضريحج انا اطب مولاتي مولاتي


بالنوك اتمنه اجي ومجتوفه اديه بالصحن
مولاتي والغربه الصدك عيشيني فدوه والمحن
انه الج ناذر نذر ابجي لحد ما ينعمن

دمعي اصبه
عيشيني غربه
انه الخطيه
من ابقه صعبه

@@@@@@@@@@@@@@@@

مانايم واحسب كمت
لزيارتج والله متت
يا زينب انا تعذبت مولاتي مولاتي

ها يالعقيله ودمعتي
ترخص الج بزيارتي
مو زينه كلش حالتي مولاتي مولاتي

بعيوني عازلج دمع يجويها الخدود وعلي
يم الدلال بكافلج فرجيها هل مره الي
مهموم بس ازيارتج كل ضيمي بيها ينجلي

ها يالاميره
انتي الجبيره
فرجيها فدوه
روحي الاسيره

@@@@@@@@@@@@@@@@

وداد البخاتري



https://www.tgoop.com/ya_katealkafen

ياباب الحوائج جيت اسولف ليك
اسكت لو ارد احجايتي ابابك
وحك العلكمي لليوم يجري وياك
لان جارح ضميرك صار سردابك
وحك الضمه المر اعله الحرم بجفاك
وحك عينك وجفك وحك محرابك
وحك الجربة اكلك مابقت بالروح
بس حسرة جمر ماتحمل اغيابك
متعود اجيك وارد بيدي مراد
يالمارد خايب كلب طلابك
اريد تهيىء التسهيل بالحاجات
ويتم السعي وتتبين اسبابك
مره الدنيا صارت علكم عله شفاي
وادري تعود خير بطبة اعتابك
رد خصومي اريدك يابو راس الحار
وادري الي يزورك صدك ينتابك
ترد ليه السلام وللمقام تشوف
مسروره اتبشر بالهلا احبابك
سالت الكلب كتله شوصلك لهنا
كلي الكمر روضه والعشك جابك
شخصيتك احبه جا ابت مولاي
بوجه كل الاعادي يزود خنيابك
يبن ام البنين اوالدك صيهود
الحسن وي الحسين وزينب اربابك
بغربة اختك اقسم يبو الغيره عليك
يالزود وشهم والصدك يهابك
سهلي الامور الدنيا ضاكت حيل
بالنصروا حسين بخيرة اصاحبك
بسر ام الحسن حلفتك وناجيت
تكضي الحاجة الي ولتاخر جوابك

https://www.tgoop.com/ya_katealkafen

نرفع أسمى التهاني و التبريكات إلى مقام صاحب العصر و الزمان بذكرى ميلاد الصديقة الطاهرة سيدة نساء العالمين من الأولين و الأخرين فاطمة الزهراء عليها السلام
متباركين 🌹🌼

فزاعيه لم البنين ع روحي لها الفداء

بدايه نعي

حبيبه ام البنين ودوم ننخاها
كل الشده التمر كلنه ندبناها
وحده  من حبايبنه  حسبناها
نسمعها تون  وادير   عيناها

فزاعيه

تون اليوم  وحده من حبايبنه
هاي الحاضره دوم بشدايدنه
..........

هاي البالشدايد حاضره ويانه
يحره ويااصيله عليج مبجانه
جفج ماكطع فد يوم برهانه
يابعد الحبايب  الج  ونتنه
.........
يم عباس اون عليج ممنونه
واقسملج وحك عباس وعيونه
عزيزه وموقفج كلهم يعرفونه
فديت تراب رجلج يم المجنه
.........
حبيبه ام البنين ودوم اسميها
بكل شده التمرني جلبت بيها
دين  الها   علينه  ومانوافيها
شما نكتب نكول هواي قصرنه
.........
حك عليج نحزن يم الامروه
يالكلج محنه وراعيت نخوه
نعزي حسين بيج وصاحب الاخوه
تستاهل عزه واينشر بيرغنه
........
هاي الحاضره الشدات ذكريها
وام عباس تسوه واني عليها
عصابت حزن عالراس خليها
خليها بعداله اليوم  لطمتنه
.........

✍أم زينب كربلاء غير مبري الذمه من ياخذ الكلام وينسبه له اويحذف الإسم من كتاب المأسي ام البنين

https://www.tgoop.com/ya_katealkafen

نعي
عنده دخول مولاتي زینب ع للشام
وهیه تقول
شفت الخرابه وحیل ونیت
واتحسرت کعداتي بالبیت
یرجع زماني کلت یاریت
ــــــــــــــــــــــــــــــــــــــ
ضلیت اسولف ویه الحیطان
مامن سگف لابیهه بیبان
اجینه وکعدنه عله التربان
ـــــــــــــــــــــــــــــــــــــــ
حطیت راسي اعله الترایب
ذکرت الاهل ویه الحبایب
صارت کعدتي بالخرایب
ـــــــــــــــــــــــــــــــــــــــ
وساده الي صایرالتراب
مسني الهضم والکلب شاب
جرحي تره حزّن ولاطاب
ــــــــــــــــــــــــــــــــــــــــ
حملي ثجیل وهدل متني
اخلاف الاخو الحبل عتني
خان الزمان اشلون ذبني
ــــــــــــــــــــــــــــــــــــــــ
#تمت بحمدالله تعالي ام یاس الساعدیه

https://www.tgoop.com/ya_katealkafen

☘️مدح ولادة الزهراء ع☘️

مبروك مبروك مولد فاطمه
فرحانه الاملاك بالارض وسمه

❥─➸➽❥❂❥━➸➽❥❂

تعنينه زوار انه وكل هلي
طشينه الورود وبحضرة علي
بهاي الولاده كل هم ينجلي
نبارك لطه وعلي حامي الحمه

✍☘ام فراس الساعدي ☘

❥─➸➽❥❂❥━➸➽❥❂

والارض تـــزهی و سمانه امنوره
نزلت عــــله طه بسورة کوثره
حوریــــــه انسیه وبهيئه مره
کوثـــر الجــنه الکمیـــله الــعالمه

ام مهدی امجدم✍🏻

❥─➸➽❥❂❥━➸➽❥❂

بمولودها ياناس دلالي ابتشر
كل خير هليوم بالدنيا انتشر
جبريل فرحان وي سيد البشر
بسيدة النسوان الحره الكامله

الخـ✍️ــادمه ام زيد الشمري

❥─➸➽❥❂❥━➸➽❥❂

بمولدها فرحانين طشينه الورد
يوم الزجيه احلى من الشهد
عالمصطفى تروح الأملاك وترد

صارت لبوها شذره بخاتمه

📚🖌️ام زهراء

❥─➸➽❥❂❥━➸➽❥❂

وبيوم مولدها ورد طشينه
ام الحسن بيها شكثر فرحينه
بنت الرسول المصطفى هادينه
النه شفيعه بيوم الحاطمه

✍️ام علي المالكي

❥─➸➽❥❂❥━➸➽❥❂

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

( ميمر ) . الاعلام عندما يريد الرمز لسامراء يرمز لها بـ ( الملويه) متجاهل الامامين . فكتبت هذه القصيده. 
……………………………………………………………

شمس وكمر  • جن وبشر
انخلقت لجل • اربع عشر
بيهم علت سامراء . موش ابعلو الملويه

……………………………………………………………


مو للبنايه العلو علو الهامه
رگبتمن اطول أسد لو نعامه
هو الامير وهي حدر اجدامه
سامره مرفوعه اعل شكل اعمامه

اعمامة علي   • الهادي الولي
وابنه الحسن •  ظل معتلي
واعمامه بسم الموعود . بيها الارض مطويه

……………………………………………………………


اعلام الوطن يتجاهل بأخباره
لسامره و الملويه هي الشاره
يتجاهل الهادي و مضيفه وداره
مثل اليضم الشمس حدر اكتاره

گبه ولوه  • اتوزّع ضوه
منها الهوه • يشتم هوه
منها الگمر ياخذ نور . منها الشمس مضويه

……………………………………………………………


الملويه شاهد عل الرجس واحقاده
عالشيعه مبنيه و رگاب الساده
جواها جم سيد الصاح و ناده
صاغوها روس الشيعه الها گلاده

تشبه هند    • تنگط حقد
امن الرافضه • تاكل كبد
ملويه للاعدامات . جم سيد و علويه

……………………………………………………………


سامره عاشت كالبقيع ابفتره
مرقد اليمه وبيد ذيج الزمره
مامش علي بصوت الاذان اليقره
ومحد يصلي اعل النبي و عالزهره

راح الحكم • واهل الظلم
رده العزه   • و رد اللطم
ردينه نصرخ يحسين . يا زينب المسبيه

……………………………………………………………


سر من رأى وتعرف شنو معناها
بالگبه يفرح كلمن الشافاها
والحضرة جن جنة عدن طبّاها
جن بالمدينه ام الحسن زاراها

اتحس الصحن • بيه الحسن
لحيدر علي     • الزاير حضن
حسين و مجانه السرداب . للمهدي عينه أربيه

……………………………………………………………


يالفجّرت نعرف شنو الناويها
حضرة الهادي اوي الارض تسحيها
الملويتك ويصفه الامر تاليها
احسابك غلط يبن التعرين بيها

الگبلك منع • ايد وگطع
مية ذهب   • زاير دفع
هد الفرات اعل حسين . بس ظل يطوف ابميه

……………………………………………………………
✍️ ( سيد خضر الزاملي )

حماسيه للسيده زينب ع


هاي منين بت اليبشط الروس
بعرفان الديانه لتنطي دروس
┄┅═✧❁★-❁✧═┅┄
رياسة حوزه معروفه اخت اخيها
لسان الناطق بغيبة وليها
هيئة حيدره وديوان ابيها

وشبيهة فاطمه وهالفعل ملموس

تاريخه/اسمج متعنون

ام حسين المحمداويه
┄┅═✧❁★-❁✧═┅┄
زينب مــرجعيه نكـولـها وزود
عفـيفه وبالشرف لامالها حدود
تشبـه باالشجـاعه راعي الجود

تفصال الشجاعه وثوب ملبوس

يسموها /هيبة واليها
ام احمد العبوديه زبير
┄┅═✧❁★-❁✧═┅┄تبين احكـــــام وتفسر الايات
مدارس خرجت بنت النجيبات
ومحتشده النسا بدار الديانات
گصدتها الحرم من هند من طوس
ومبناها/حچاية نيبة
✍️ وعد الڪفيل
┄┅═✧❁★-❁✧

هاي اخت الابطال واخت عباس
عاشت كل عمره رافعه الراس
بديوان الرذاله خرست ارجاس

واشارته العقيله احد من موس
وشحده/ اليتعده عليها
✍️ ام مصطفى الاسدي
┄┅═✧❁★-❁✧═┅┄
بت حيدر تلوگ الها القياده
حرت شكتب على عمه الساده
من اقيس اوصافها تطلع زياده

تمشي وعالرزيا بت علي ادوس
حسين / اختك زامط بيها
ام مهدي الفرطوسي
┄┅═✧❁★-❁✧═┅┄
زينب عالمه ورثتها لعلوم

كل ادروسها ندرسها للدوم
قضيتها شريعه دين محتوم
بيه الطالبيه احيت انفوس

وبزود الحره /العلاّمه

✍ام مرتضى الخزرجي
┄┅═✧❁★-❁✧═┅┄

تمت باقلام شاعرات رابطة كفيل زينب عليهما السلام

https://www.tgoop.com/ya_katealkafen

قصيده لراس السنه👇👇


راس السنه صارت وبعده ماظهر محيي السنن
انتظره باشواگ ومحبه سيدي ابن الحسن

🌺....•❀◕‿◕❀•....🌺

براس السنه گلبي يناطر حجه الله المنتظر
شوگي اله شوگ الصحاري التنتظر ماي المطر
وشوگ اليتاني له حبيب يعود يوم من السفر
كلساع اگولن هالسنه يظهر ويمحي اهل الفتن


الخـ✍️ــادمه ام زيد الشمري

🌺....•❀◕‿◕❀•....🌺

انتظر نوره بهل سنه والبعُد تدرونه صعُب
اقراله عجل طلعتك والدمع عالوجنه يصُب
اشوكت يرفع رايته وسيفه يسله اعله الغرُب
يطرد السيفاني ويجي لعمته يناديها بشجن

زهره الكناني✍🏻

🌺....•❀◕‿◕❀•....🌺

كل جمعه انتظره يجي ادعي لامامي بالفرج
يخلصنه من جور العدو حجتنه نفرح لوخرج
دنيانه صعبه مرمره عشناهه بس هرج ومرج
تفرح الامه لو ظهر ننساهه ايام المحن


✍️☘️ام فراس الساعدي ☘️

🌺....•❀◕‿◕❀•....🌺

يمته يهل نور الولي وانصيح ياربي مدد
مصباح كل فجر اليطر ندعي له ونجدد عهد
محجوب ظل المنتظر باقي يتاني للوعد
وعيونه ذبلها السهر والدمع يجري كالمزن

📚🖌️ام زهراء

🌺....•❀◕‿◕❀•....🌺

عيد وفرح عدنه يصب لو مرنه مهدينه صدگ
بشوگ انتظر لحظة امل ساعه وعلى بابي يدگ
طال انتظاري لسيدي ونار الهجر تحرگ حرگ
لو ربي عجل بالفرج جان الكلب هاد وسكن

✍ام اسعد الشمري

🌺....•❀◕‿◕❀•....🌺

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها الي

كل عام وانته ابخير يا اغلا حسين*
كل عام وانه اكشخلك ابدمع العين*
العيد كون اسمع شربت انته الماي*
وعبدالله يمك يكبر وصاير زين*
...........................
بالعيد كون ايبوس الاكبر يمناك*
بمصباحه ويه اوليدك انته شمحلاك*
ويم ليلى ويه الاكبر انتم  تمشون*
والماي كون ايفيض بالطف هناك*
.............................
بنتك رقيه ابحضنك وماكو اخيام*
وتلبس تراچيهه وتبوسك واتنام*
وامن الصبح تكشخلك ابحلا اهدوم*
ونمسح امن القاموس كون اسم الشام*
.............................
العيد يم زينب يرد بيك الروح*
وام عون يمك كون ما بيهه اجروح*
كل ساع خويه تگول خو ما عطشان*
وحچي الاخت ويه الاخو شگد مملوح*
............................
بالخوه تفرح من يعيدون الناس*
كون اسمع اتشابگتو انته وعباس*
وايبوس نحرك وانته تلزم الاچفوف*
اخظر ابأخظر لابس وعطره الياس*
..........................
يا عيد وانته امطشرينك يا هيل*
واعليك چانت تردح اهناك الخيل*
احلام بأحلام اشكثر عندي اوياك*
تتبده كلهن من يجي طاري الليل*



علاء المياحي
الفاتحه لروح والدي

خدّامك نظل وانروحلك فدوه
الدنيه ابلا عزائك كلشي ماتسوه
ــــــــــــــــــــــــــــــــــــــ
لاتحرمنه من هذا الكرم والجاه
ابجاه اوليدك الاكبر وعبدالله
هذا مجلسك سبحان من سواه
يحب بس الترافه ويكره القسوه
ــــــــــــــــــــــــــــــــــــــ
غير الخدمه گلّي شيملك ابن آدم
واحنه اوياك وي غيرك منتوالم
العالم الهه دنيه ومجلسك عالم
يارب العشگ يالصحبتك حلوه
ــــــــــــــــــــــــــــــــــــــ
وين انروح انته اتروح ويانه
اموفقنه وعزائك هوّه سوّانه
وامخلّي اعله كل السان ذكرانه
منطينه التماسُك انته والقوه
ــــــــــــــــــــــــــــــــــــــ
تاخذنه الحياة ونمشي مدري الوين
واتحرك مؤشر جذبتك يحسين
ونرجعلك حمام ونصفگ الجنحين
وابنار الندم مولاي نتچوّه
ــــــــــــــــــــــــــــــــــــــ
اشما ذب الشباك ابليس بينه وصاد
اتذكرنه بمناجاة ابنك السجاد
ابو والابو ابطبعه ايسامح الاولاد
وكل غيمه وراهه انشوفلك صحوه
ــــــــــــــــــــــــــــــــــــــ
تتكالب علينه الدنيه وانّاجيك
واتلمنه ابعباتك واحنه نفرح بيك
زحفاً ياحسين الكربلاء نأتيك
واتزيد الصلابه ابگاعنه الرخوه
ــــــــــــــــــــــــــــــــــــــ
مولاي الرجال ادموعهم ليرات
واحنه ابمجلسك دمعاتنه ارخيصات
شيكض الدمع والـمشن علويات
وي چتال اخوهن لليسر گوه
ــــــــــــــــــــــــــــــــــــــ
الذله اباب غيرك ذله عد الناس
وابابك كرامه وبيهه رفعة راس
واحضرنه عليك ابداعة العباس
لوصرنه جنايز بالارض جوّه

محمد الجماسي

#اللهم_عجل_لوليك_الفرج

قصيده لراس السنه👇👇

عيد راس السنه ومهدينه بعيد
شلون افرح والبس الثوب الجديد

💠♾️💠♾️💠♾️💠

شلون افرح واستقر واخذ قرار
وانه گلبي بغيبته نار وشرار
والله مليت الصبر والانتظار
كون هالليله يجي وميظل وحيد

الخـ✍️ــادمه ام زيد الشمري

💠♾️💠♾️💠♾️💠

ساعد الله گليبه كل هاي السنين
ينتظر مشتاگ وبروحه الحنين
شیعته ملهوفه كل جمعه بانين
لو اجانه يصير عدنه احلى عيد

✍️☘️ام فراس الساعدي ☘️

💠♾️💠♾️💠♾️💠

احله عيد يصير عد أهل الارض
ويه ابوصالح نأديه الفرض
قسط يمليها الأرض طول وعرض
وبظهورالمهدي الفرحه تزيد

📚🖌️ام زهراء

💠♾️💠♾️💠♾️💠

كون هالليله يجي وانسه الدمع
وانثر اني الياس واعلگله شمع
والله تعبان الگلب من هالوضع
والگلب مشتاگ اله ولا مايهيد

✍️ام محمد تقي الموسوي

💠♾️💠♾️💠♾️💠

شلون افرح وابتهج ويه الغرُب
وانه دمعي اعليه كل جمعه يصُب
غيابه مهدينه كلف كلش صعُب
ربي بس الشوفته كلنه نريد

زهره الكناني✍🏻

💠♾️💠♾️💠♾️💠

ردنه شوف المهدي ويعم السرور
يهل علينه وتنملي دنيانه نور
اليوم فرحانين وانثرنه الزهور
يلي حبه ساكن بوسط الوريد

📚🖌️ام زهراء

💠♾️💠♾️💠♾️💠

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

نعي حول السيده زينب


گلولهم زينب بعازه
واتريد شيال الجنازه
كلبها عله ابو فاضل توازه


گلولهم بل شام اختهم
وطلبت طلب وتريد منهم
يدفنونهه يا عمة ابنهم


غير التموت اتريد يمهه
لو والي لو يحضر ابنهه
بس زينب اشسوه وكتهه
من احبابهه كلهم حرمهه


طارش لاهلها كون يمشي
وشصار بيها اهناك يحجي
اتريد العليهه حيل يبجي


كثر ظيمهه يكلهم بعدكم
وتريد والي اتگول منكم
خذاها الغريب بعيد عنكم


عنكم مشت والحيل گاضي
والحزن وصط الروح ماضي
تدري بوليهه عيب راضي

مايرضه اخوهه اتروح عنه
وبديهه الحبل وتصيح اهلنه
جاوينكم يا أهل المحنه
غربه المشت وسفه بظعنه

ومحسره راحت الحره
وعنكم مشت يالاهل كوه
جرحهه غميج ومن يجبره


الفكدت احباب اتموت سكته
وكلبهه عليهم يا كسرته
اتگول الولي دفان ردته
ومنگب ويجري دمعته


اتمنيت طارش يوصل ابساع
ويحشم عليه ذيج الاسباع
يحضروني بساعات الاوداع

ونچان منهم ما اجه احد
حيدر افزعه ابساع يكعد
يدفني داحي الباب ويرد



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له

فزاعيه الزينب ع

ودو طروش للعباس لايتعطل عليها
تريده  للكبر  بيده  يوديها
..........
ودو  طروش   للمهيوب
ماتت  يم كلب مصيوب
واليها  وعليه   معتوب
زينب بين  غربه  لايخليها
..........
خله يكوم  ابوالهدات
زينب تجذب الونات
فزعو  الشايل  الكلفات
هاي  ام الخدر جاوين اهاليها
..........
خل يفزع كمر   عدنان
تريده ايرافك  الدفان
اليوم بعازة  الاخوان
شيال الجنازه تريد  واليها
...........
تعتب عمت ابنه اليوم
تريده  للجنازه  ايكوم
اكعد  ياعجيد  الكوم 
شيل  اختك  وامش بيها
.........
يكوم   بغيرته  العباس
واخته يشيلها عالراس
يهيبه وراعي النوماس
هاي الي تزامط  بيك تدريها

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 

نعي مفجع

ياهو اليشيله اهناك النعش ياهو اليشيلـه
نعش العقيله مو كل نعش نعش الـعـقيـلـه
لازم كـفـيـلـه ايشيل الخـدر لازم كـفـيـلـه
الـمـاكـو بـديـلـه عـبـاسـهـه الماكو بـديـلـه


يوصل خبرهه كون بَعجل يوصل خبرهه
ويفزع گمرهه بلكت يجي ويفزع گمرهـه
يتوله امرهه اخـتـه الـگـمـر يتوله امـرهـه
يجبر كسرهه عاد بدفـن يـجـبـر كسـرهـه


المحد الهه وحشه الجنازه الـمـحـد الـهـه
چـاويـن اهلهه من ينسئل چـاويـن اهلهه
ريـت الكفلهه يـدري بحالهه ريـت الكفلهه
الـمـاتـت مثلهه وين المره الـمـاتـت مثلهه

*---------------------*----------------*
✍خادم زينب ع
الشاعر رعد الجريخي