tgoop.com/yahassN/9302
Last Update:
*قمر العشيره ع*
.......الوزن (المجرشه)........
اعلى النهر نايم ياسبع. زينب حده
حاديهه
الرايه يمك والعلم. منهو بعد يحميهه
🔳🔳🔳🔳🔳
وصل الأخوه انگطع. مابينك ومابيني
طود الصبر يابو الفضل. تهدم وراحت عيني
مكسور من عندي الظهر يالماخذ أغلى سنيني
من بعدك تضل الحرم الشمر يحدي بيهه
✍️ام ليث المالكي🥀
رايح يسبع الگنطره وانه اشكي بعدك حالي
حيران خويه انه اصبحت يالشوفتك تحلالي
وعبد الله عطشان انذبح بسهم الغدر يالغالي
گوم ارجع علينه بعجل لاجلك الگاع افنيهه
✍️الشاعره العلويه ام مرتضى
ردتك يخويه ياشهم تكسر ضهر عدواني
ترفع الرايه بيمنتك يالماكو مثلك ثاني
رحت وعفته عالنهر ياهيبتي
وعنواني
جيت ولكيتك عالارض وعينك سهم طافيهه
✍️الشاعره ام محمد الشاهين
ادري الاخو احزام الظهر لو راح يهدم حيلي
درب السعاده ابدنيتي وهو الگلب ودليلي
والله صعب فگد الاخو هو الگمر ابليلي
تاليها غدروه العدى اجفوف اله
مكطعيهه
✍🏻الشاعره ام عباس الحسيني
ضهري كسرته بطيحتك وحيلي بعد هديته
كوم اكعد ولم الحرم ليش العلم ذبيته
عباس مو انت الكلت وين الوعد خليته
زينب تنادي يالولي عيني عليه لعميهه
✍️الشاعره ام هاجرالشريفي
خويه انكسر مني الظهر يالبيك اشد احزامي
حيفي تظل اعلى النهر ونار الهبت بخيامي
والله عضيدي ابطيحته طاحت جميع احلامي
خوفي يخويه لو رحت اعيالي الشمر يوليهه
✍️الشاعره ام اسعد
ياخويه اوداعك صعب عباس لتودعني
ما اريد انه افراگك يخي بعدك تره يعذبني
انه امن اشوفك ياالاخو بحيدر على اتذكرني
يحزام ظهري لو رحت عيني تره تعميهه
✍️الشاعره ام مهدي الفرطوسيه
تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
شوال22 هـ1441
14/6/2020
نسألكم الدعاء 🙏🏻
https://www.tgoop.com/yahassN
BY قناة الحسن ع للشاعره ام ليث المالكي
Share with your friend now:
tgoop.com/yahassN/9302