*فراق الرضيع*

الوزن (الچلمه ونص)
“”””””””
عبد الله ياضي عينـــــــي
فدوه الك كل اسنينـــــــي


در اللبن عبـــــــــــــــــدالله
دَهري فجعنـــــــــي شخله
گلبي انفجع ادگلــــــــــــــه
افراگگ صعب ياذينــــــــي

✍️الشاعره ام ليث المالكي

عبد الله رايــــح للمــــــــاي
شنهو الردت يارجــــــــــواي
گطعت دلالــــــــــــــي ابهاي
اوياك اعتني تانينـــــــــــي

✍️الشاعر فالح العامري

للــمــــــاي راح اولــــيدي
مذبوج اجانــــــي اشبيدي
كبلك يـــريت اوريـــــــدي
اجماله الدهريولـــينــــــــي

✍️الشاعره ام حيدر الحمزه الطائيه

تجويني يمــــــــــــــه الفركه
وبعيد درب الملكــــــــــــــــه
خالي المهد واشألكـــــــــــــه
هم وحزن مالينـــــــــــــــــي

✍️الشاعره ام رسل السلمي

خالي لمهد من ابنــــــــــــــي
وضليت اون بحزنـــــــــــــي
زادت همومي ونـــــــــــــــي
آه يالولد حاچینـــــــــــــــــي

✍️الشاعره ام روكان الشمريه

يبنـــــــــــــــــــــي تغير لونك
شوغمضتـــــــــــــــه اعيونك
ماجــــــــــــر نفس من دونك
جمره واحس تجوينـــــــــــي

✍ياسمين الشموسي

عبــدالله يالب احشـــــــــــاي
لجــلك يــيمــــــــــه مبــجـاي
اجــري الـدمــــــــــع ياعــيناي
الشاطي النهر ودينـــــــــــــــي

✍️الشاعره ام عبدالله السراي

تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
ذوالحجه 20 هـ1441
20/8/2020
نسألكم الدعاء 🙏🏻

https://www.tgoop.com/yahassN

ياسيد الماء


الوزن (البحر الطويل)

يابدر العشيره وين. ياالبسمك تسميني
صحت من فرگتك ياويل فدوه روحي وسنيني


ايد بأيد جيت وياك عنوان الوفه يمينك
اجيت الكربله بحماك ياحامل لوه حسينك
اسمك عايش بروحي فدوه انه الرمش عينك
يازمزم هضمت الماي يلي انطيت چفينك

ياخويه الحزن چتال
گوم الخدري ياكفال
دمعي عالوجن همال
عگب ذاك الدلال وياك اروح ودمعتي ابعيني

✍🏻الشاعره ام ليث المالكي


يخويه انت من يومك صرت الظل الي وحجاب
واشوفن بيك ياعباس كل اوصاف داحي الباب
ابمهدك چنت الوليك مواخت اوخواحباب
اورضعنه انـــه وانت من درتين هنه اطياب

انه الزهره رضعتني
اطيب لبن غذتنـــي
وامك هيه ربتنـــــي
وانا امخدره عندك وانته زين تدريني

✍️الشاعر فالح العامري

على فركاك ما اصبر. يخوي بحالتي تدري
تدري خوووتي وياك. بلسم بالهوه اليسري
احس بخوتك عباس شمعه اضوي كل عمري
اشلون تعوفني بهل الحال الفگدك نفذ صبري

على فركاك ما اصبر
اظل الدربك اتنطر
يالي ابدمــك معفـر

يامـــن خوتــــك حلــوه وبطيبك تغذينـــي

✍️الشاعره ام حيدر الحمزه الطائيه

معاني للوفه انتي تعلمت الصبر منج
ياصوره انطبع بالبال يازينب وصف رسمج
الخوه وياج اريدنهه واضل مهيوب انه بأسمج
الج افديهن اسنيني ولايوصل نذل يمج

ترف اعلام الج زينب
يااخت الغالي المجرب
عزيزه ام خدر المرتب
يريح المرتضى ريحج زينب لاتعوفيني

✍️الشاعره ام رسل السلمي

ياخويه الفراك امجيد اريد امشيلك واحضر
اشوفك واشبع من الشوف يروح اختك وهم اكثر
بخيالي خويه اشوفنك كمر فوك الثره مكنطر
وسهم جنه بوسط عينك موجنت انه بالمحجر؟

اريد اكعد واسوي مجان
والزم بيدي الذرعان
لجن ماالكه بس ردان

وابوسن ردنك وارجع واحفظك رسم بعيوني

✍️الشاعره ام مجتبى الجزائري

يازينب تشوفيني لاجف عندي لاعينين
ضلمت دنيتي بعيني مصيوبه ترى سهمين
والمنحرتشوفينه بسج يختي لتعتبين
هذا الكاتبه ربج يازينب فلا اتونين

خوانج عالغبره
واحد منكطع نحره
وذاك الهشموصدره
ينطيج الصبر زينب ياخويه وتودعيني

✍️الشاعره ياسمين الشموسي

عباس البطل يا حيف شفتك عالنهر مطروح
سكنه تصيح يا عمي من بعدك شبعنه جروح
ما احمل فراگك يوم شلون تعوفني وتروح
بگه بس الحزن عندي ودمعي عله الوجن مسفوح
ما تدري يخويه شصار
من بعدك خيمنه بنار
يكفالي الدليل احتار
وخيول العده غارت بعد منهو اللي يحميني

✍️الشاعره العلويه ام مرتضى

تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
4محرم هـ 1442
24/8/2020
نسألكم الدعاء 🙏🏻
https://www.tgoop.com/yahassN

*طريق زينب الى النهر *
.....الوزن مجرشه ....
~
زينب من الخيمه اطلعت اتودع ابن والدها
عالوجه چم مره اوگعت مو الله ايساعدها
الطف هظمها تندب ابهمها ياعــــــــباس


اتعنت تـــــــودع للأخو .. والگلب يتلاهب نــار
زينب الهـــاي امخدره اعليها تصد الأنظـــــار
خطوات تحسب للنهر .. اتشوف شنهو الي صار
شنهو الوگع عالعلگمي وبيهه تحف الأخطـــار

الله لمن گربــــــــت.. سمعت تناديها اجفوف
ردي يخيتي للخيم.. مااريد عيناج اتشوف
عيني ابسهمها تندب ابهمها ياعــــــــباس

*✍️الشاعر فالح العامري*

لجفوفه زينب جاوبت.. ابدمع العيون التجري
صوت الوفه اسمع انه.. يامن حميتــــه خدري
من طحتن أنتن عالثرى.. احتاريت انـــه ابأمري
الچن اجيـــــت اوگاصده.. افديجن اني ابعمري
چنه حله نوم النهر روحي الك انه أفدي
تدريني ابعازة ولـــي. . العطش گطع چبدي

محد رحمها تندب بهمها ياعــــــــباس

*✍️الشاعره ام ليث المالكي🥀*

زينب عله اجفوفه هوت.. ابروح الأخــوه اتشمهن
من الدمــــــه من الترب .. ابدمــــع النظر تغسلهن
وبلوعــه وبشوغت گلب..اجفوف الوفه حضنتهن
صوب المدينه اتوجهت.. بجفوفـــــــــــها رفعتهن

وتنــادي يمي فاطمه.. يم البنين الحره
يمه تعالـــي الكربله.. الأخو گطعو نحره
وتحشم امهــا تندب.. ابهمها ياعــــــــباس

*✍️الشاعر فالح العامري*

اشلون أردن للخيـــــم.. عالنهـــــــر وانت ممدود
أرجع ابدونــــك كافلي.. للوطن اشلــــــون اردود
لأمـــك شگولن شعتذر .. باصرني ياراعي الجــود
الراس اگلهـــا منهشم.. والچبد منك ممــــــــــرود

المــــاي ماريده اليوم.. يابو الفضل ياجيدوم
عوف الشريعه يالأخو.. انصر حسين المضلوم
وينه الكفلها تندب بهمها ياعــــــــباس

*✍️ الشاعره ام ليث المالكي* 🥀

راح اردن للـــــــحرم.. عباس گوم انت اوياي
الحرم جيتـــك تنتظر.. مارايده منك مـــــــاي
تقـــــــبل ارد وحدي.. ياابا الفضل يارجــــواي
ارجع اتعثر بالـــجدم.. والنار تلهب بحشـــــاي

تدري اخيـــك عالثره.. الخيل هشمت صدره
اوبخيامنه خوه عفت.. نار العده متوجـــــره

اعيالي اشيلمها تندب ابهمها ياعــــــــباس

✍️الشاعر فالح العامري

للحرم ردت بت علــي.. محني الظهر من عدهه
سكنه الرقيــه ناشدت.. عمتي ارجعت وحدهـه
چاليش عمــي مارجع.. ياسكنه خل ننشدهــــه
منهو يحاميـــنه بعد.. والعده عنا ايردهــــــــه

عمي اغدرت بيه العده.. كطعوا اجفوفه اونحره
ماضنـــه يدري ابوالدي.. اضلوعه المطشره
الشوك ابجدمها. تندب ابهمها ياعــــــــباس

✍️ام ليث المالكي🥀


ردت گلبهـــا منكسر .. والجدم گوه اتنگلـــــه
والفكر منها منشغل.. السجاد شنهو اتگلــــه
خليت عمك منذبح.. دمعك يعمـــــــــه هله
عبـــاس مايرجع بعد. . اعلينـــــــــه بانت خله

انروح بعده بالأسر .. چتاله اليحدينه
ياعمه مااريد العمر .. من انفگد والينه
يكثر هظمها تندب ابهمها ياعــــــــباس
✍️الشاعر فالح العامري


الأبوذيه
الدهر بعدك يبو فاضل ولاني
لا للموت لاحيه ولانــــــــــــي
ولابت فاطمه چني ولانـــــي
غريبه امحيره بالغاظريـــــــه


تمــ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل
ذو القعده24 هـ1441
15/7/2020
نسألكم الدعاء 🙏🏻
https://www.tgoop.com/Yazahraaa655

*قصيده لمولاتي زينب ع*

الوزن دارمي

صوب النهر ركضيت والدمعه سالت
حرگو عليه الخيام والهيبـــه راحت

ياهــو اليرد الخيـــل والزلــم عَنِّي
طايــح ياذخــر حسين استمع وني
اسمــع چلمتي وگوم انت التــردني
طاح العمــد والبيت يــوم العفتـني
ياخويه حتى اعداي الحالي ناحت

✍️الشاعره ام ليث المالكي


گاللها يخت احسين گلبـــــــــي تلگاچ
مثلــــــچ یبد الروح یتعثر اویایــــــچ
للنهــــــــــــر لاتلفين اتشــوفچ اعداچ
لوترد لیــــــه الروح یـــازینب افداچ
لاجن الف يـــاحيف اجفوفي طاحت

✍️خادم العباس فالح العامري

ياخويه كوم اوياي. وحميلي العيال
فرت حـرم وطفال. ماعــدنه رجــال
هظـم الشماته حيل. يالوالـي جتال
عباس وسفه اتنام. ماتدري بالحال
تدري بعد عيناك. احمولي مـالــت

✍️الشاعره ام حيدر الحمزه الطائيه


حيلـــي انضهد عباس من فارگتني
ماريــده خــويه المـاي منـك منعني
لارض الاهـل ياخوي ردني وي ضعني
عكبك تضل اسياط تولي اعله متني
يابو الفضل هالروح نادت وصاحت

✍️الشاعره ام رسل السلمي


مرعوبه وتعنيت صوب الشريعـــه
ادري بعمد مصيوب جفك كطيعه
ضاعت عكب عيناك عيلتنه ضيعه
انــه العقيلـــه انخاك بنت الوديعه
غيوم الهضم بسماي ياخويه لاحت

✍️الشاعرات ام مجتبى الجزائري


گللهـــا على التربان طاحن جفوفــي
العمد صاب الراس ونطفه شوفـــي
للخيمه ردي ابساع وبحالي روفـــي
طولچ تشوفه اعادي. يالحره خوفــي
بيني وبين احسين. شوفيها حالت

✍️الشاعره أم البنين

جيتك يراعي الزود والدمع يجري
ردتك تجيني بساع وتحامي خدري
من هجمت العدوان ماشفت دربي
اختك حزينه اعليك ماضني تدري
سلبوني هاي الكوم للكفل نادت

✍️الشاعره ام جعفر الايرواني

تمــ بحمدالله ـــت
باقــــ✍ــلام خدام اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
19محرم هـ 1442
7/9/2020
نسألكم الدعاء 🙏🏻

https://www.tgoop.com/yahassN

*درب الشام*
الوزن دارمي

بين النبل وارماح زينب سبيـــــه
احشم وأصيح ادخيل لحگو عليــه

درب السبي عباس عذبلي حالي
الناگه هزله تميل والدمع هالي
الشامت يعت حيل بحبل الغوالي
وين الي جيت وياه وچفه مدالي
راح الكفلني اوگال‌‌ حد المنيه

✍️الشاعره ام ليث المالكي

راح الكفلني وگال. خدرج يضل دووم
تالي بعمود الراس، ياوسفه مهشوم
رحت بيسر وايتام تبرالي الهموم
ونماشي الچتال. والديرة الشوم
وبالحبل مچتوفات يجفوف اديه

✍️الشاعره ام وليد الموسوي

ياگمر هاشم كوم هضمتني عداك
وبدرب مامسحوك نمشي بلياك
للعظم خويه السوط لو نزل انخاك
واندب أظل عباس موكلت بحماك
ومن تسمع بطاريك تبجي رقيه

✍️الشاعره ام مجتبى الجزائري

راح الكفلنـــــــــي وگال بعيوني اختي
امشي بسبـــــــــي لشام تجري دمعتي
بالگلـــــــــــــب تلهب نار واحبس عبرتي
خاف الشماتـــــه اتشوف بانت كسرتي
وانـــــــه بت داحي الباب وامي الزچيه

✍️الشاعره ام كرار الطائيه

لمن رحت يا خوي همي تجمــع
تشكي حزنها الروح والعين تدمع
بدرب اليسر للشام گلبي تصدع
راحت ايامي وياك ما اظن ترجع
عفتك يبعد الروح بالغاضريــــه

✍️الشاعره العلويه ام مرتضى

اعتب غصب ياخوي من المر عليه
فوك الجـمروشوك امشي سبيه
وينك يبعدالروح انهض اليـه
جان العذر جفين انطيك ايديه
كلبي انفطر ياخوي محمل اذيه

✍الشاعره ياسمين الشموسي

ياخويه ريت تشوف. درب المشيته
حر وشمس وتراب الضعنك حميته
تصارخ من الخوف البــاري رجيته
شيصبـر الرضعــان ودمعي جريتـه
وحدي اشيل هموم ابهـاي الـرزيـه

✍🏻الشاعره ام عباس الحسيني

بدرب السبي للشام حالي تضعضع
مل الصبر ياخوي من عندي واجزع
شماتك يزمخون اعليـــه واسمــٰــــع
وينـٰٰـه الحمــاجن جـان راح وميرجع
صوبوني جن بسهام رميه عله رميه

✍️الشاعره ام رسل السلمي

اتمنــــــه رحت اوياك بجفوفي افديك
اولارحت أرض الشام اوبالطف اخليك
طول الدرب عباس بدموعي احاچیك
لمك شگولن يــــــــوم تنشدي اعليك
عفته علـــــــه التربان خيي رميه

✍️الشاعره ام ليث المالكي

تمــ بحمدالله ـــت
باقــــ✍ــلام خدام اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
19محرم هـ 1442
7/9/2020
نسألكم الدعاء 🙏🏻
https://www.tgoop.com/yahassN

الله يرحم الشاعره المبدعه ام كرار الطائي

دفن الاجســـاد الــطاهـــــره
نعي مجاريد
~~~~~
اشــوفـنــك متّرب ياضــوه العين
گلي شلــون ياعمه الوجـه ويـــن
تره گلبي ياعمــــه انجـسم نصـين
چنك جـــاي من دفــن المـيــامين
الظلـو عالثرى من غير تجفـــــيـن
گللي شلـون عمـه دفنت الحسـين


من الكوفـه يعمتي لارض الطفوف
رحـت دفــان ماهـــمنــي الخــوف
واريـت الجسد الگــطعته سيــوف
على الدنـيا العفـى يابويه واطوف
سوده دنـيتي بعـدك ولا شـــــوف
جـرحك بالگلب يبگـى فـلا يروف


دفنت اشلـون والـجـثــه بلا راس
وصدره شلـــون لمــيتـه المنداس
گتلـه الهــظم لكــلوبـنــه جــــاس
واختك بالغرب مــابين الارجـاس
وگلي وين عمـه دفـنـت عـــباس


رحت صـوب الشريعه عمه مالوم
شفت الراس بالعامـــرد مهشـــوم
الف يــاحيف ياعمي يامـظــلــوم
ياساگي العـــطاشـه تغدرك الكوم
جودك عالنهر ياوسـفـه مخـــروم
اعليك الگـلب ياعمي ملـــچــــوم


الله يساعدك شـلـون ادفــنتــهم
بكافور وسدر مـاچـفـــنـــتـــهـم
بس الـجثـث عـــمـه وســـدتهـم
بدم نحـورهـــم صاير غــسـلهـم
دفنــت كـل الغــوالي وعاينتهـم
بس زينـب اسف ماودعتــــهـــم

ادفنت سبعين انصار الحميــــــــــــــه
وعليهم اجذب الونـــــــه شچيـــــــــه
يعمـــــــــه ادفنت عبد الله بديـــــــه
اشحال اليدفن ابيده أخيـــــــــــــه
عمت عينــــــي يعمه الغاظريـــــــــه
اوشفت اهناك ياعمـــــــه الزچیــــــــه



الابو ذيــــــــه

ارويلـــــج خبر للدفن عمــــــه
مصاب اوحزن كل الگلب عمـه
عليل اودفن بأرض الغرب عمه
ابلايه اجفوف مرمي عالوطيه
✦•┈•✦✦•┈•✦✦•┈•✦✦•┈•✦

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tgoop.com/yahassN

✦•┈•✦✦•┈•✦✦•┈•✦✦•┈•✦ ✦•

يوم الدفن
تجليبه
~~
يالله خي نگصــــد كربله ابهمـــــه
خل ندفن عزيز الزهره ابو اليمــــــه


جسم احسين ظل اعله التــرب عـــاري
كافـــــــــوره وســٌدره اصبح الــذاري
وچنه ايصيح وين التدفن انصـــاري

وعبد الله ندفنه ابحفرتـــــــــــه يمه

خلــــي انروح وانساعد علي السجـــاد
خل نحفر گبـــــــــور انواري الأجســـاد
الصار الها الترب بالغاظريـــــه اوســــاد

وكل واحد البيهم سابـــــــــــح ابدمه

نومــــــه بالشمس والحـــــر ثلث تيام
ذوله الـــــــــــــي ابدمهم نصر الأسلام
بيهم كربلـــــــــــه رفعت عظيمه اعلام

كل شيعــــــــي المنهم ياخذ العزمـــــه

خل ندفن ابو السجــــاد وانصــــــــاره
وعليهم دمعنـــــــــــــــه ادموم يتجاره
ويظل يــــــوم الدفن وسط الگب نـــاره

واتذكر احسين واحــــركت اخيمـــــــه

نلم اضلوع فـــــــــــوك الثره المطشره
ونواري خنصــــــــــــــره وياهن بعـــبـره
نگعد عالگبـــــــــــــر نجذب الف حســــره
لبو السجاد خلـــــــــــــــــي جسمه نــلــمه

صدر حسين خلـــــــي انبخه بالدمعات
ونتعنه الشريعــــــــــــه ابلوعه والآهات
ونگعد عالنهر اونلطـــم الهامـــــــــــــات
ونصيح ابصوت بالچن تحضره امـــــــه

وين ام البنين واتلفــــــــــــي هذا اليوم
تشــــــوف ابعينها راس البـطـل مهشــــوم
عالشاطـــــي ابنـــــها من العذب محروم

خليها تجــــــي واتوري الجسمـــــــــــــه

مو بالــگاع نحــفر سيـــــدي گبـــرك
كل ارواحـــنا فــدوه الـــدمـــه نحــرك
كون الـــخيل رضتـــنه گــبل صـــــدرك

يتــجســـيد الديانــه بعــــدلــه وبـعلـمه



تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tgoop.com/Yazahraaa655

✦•┈•✦✦•┈•✦✦•┈•✦✦•┈•✦ ✦•

زينب والسجاد ع
وزن الشموس
~~
ياعلـــــي نادته زينب گلي ياعمــــــه
رحت للطف لبو اليمه ادفنت جسمه
◾️◾️◾️◾️◾️◾️◾️
گلهه ياعمه دفنتــــــــه بــونــي اولوعـــي
اجمعت جسمه المگطع ابحالتي اوروعــــي
نحـــره ياعمه غسلتــــه بمجـــره ادموعي
اولسه ياعمـــــــه تشب نار بضلوعــــــي
وعبد الله اوعلي الأكبر ادفنت يمـــــــه


تگله احجيلي ياعمـــــه لمن دفنتـــــــه
اخيی عالوجـــــــه نايـــم بعينك نظرتـه
صدره ياعمــــه المطشر بيدك جمعتـــه
راس ماعنده ولينــــــــه اشلون وسدتــه

جسم حسين كلي اللحـد اشلون ضمـــــه

كلها ياعمه اسكتــــــــي هاجت اجروحي
من اجمعت جسمه المگطع ذوب الروحي
عمه جسم احسين شفتـــه زود النوحــي
ضلوعه من بيــدي اجمعتها نهدمـت صروحـي

اوغرگ بفيض الدمـــــــه ادفنت ابو اليمه

گلتله ياعمـــــــــــــه غبت والغيبــه طالت
وياك روحـــــــــي والگلب للدفــــن راحت
عمه الحــــــــــرم الجيتك اهـــــواي تانت
ياعمـــــــ. ه شنهو العطلك تنشده اوناحت

ياعمه ابجسمك عطـــــــر احسين اشمـــه

گلها يعمـــــــــــــه اتأخرت اهلي ادفنتهــم
حيلي انهدم گلبــي انكسر حين الشفتهــم
كل واحد امگطــــــــع وذر بيدي اجمعتهم
ايلايه روس اعله النحـــــر من وسدتهـــم

كل جسم من عدهم شفت.غـارگ ابدمـــــه

ياعمه عن راعــــــي العلم ابلوعه انشدك
اجفوفه ويــــــــاي ادفنت ابنحره احلفك
هم اسمعت منـــــــه نشد عن اخته منك
كلها سمعتـــــــه من النحر ادفن العمــــك

واكلـــــي من زينب اعتذر اليسر زحمــــه

كالتله ياعمــــــــــــه الأخو خايف عليـــــه
عبـــــــــــاس افدي بالنفس ماصح بديـــه
خليتــــــــه اخوي ابلا دفن يالغاظريــــــه
ياريت من گبلـــــــــه متت ولمشي سبيه

ماكتله اختك بالغــــــــرب المدمع تسچمـه




تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌


✦•┈•✦✦•┈•✦✦•┈•✦✦•┈•✦

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tgoop.com/yahassN

✦•┈•✦✦•┈•✦✦•┈•✦✦•┈•✦ ✦•✦•

زينب والسبي
الوزن نصاري
غرب ضعنه بـــدون كـــافـل
جابولي النوگ الــهــوازل

ويــن الكفل يفــزع للضعون
زينب سبيه وعميه العيــــون
وسياطهم ورمتهه المتــــون
بس الدمع ويـــاي هـــامل


تعنيت الك يم النهر جيــــت
اودعك ودمع العين صبيــــت
اثنين اديه ياخويه شــبچـــيــت

ترضى انه اروح بــحمـل مــايـل

بيك انحشـــم خـدري يعــبـاس
هسه أسيره بـــدون حـــراس
هالحاله صعبه شلون تنــــقاس

ردتك تجــــي تعيــد المـراجل

عجب ماگمت بالغيره موصـــوف
شلون اخويه تخذمك اسيـــوف
جسد امشي وروحي يمك اطوف

چنت أوله بوجودك يابو فاضـــل

جبـتنــي الكربله والـخدر محشـوم
تعال اوشوف حال اختك يمظلوم
دخــان الــخيم ســودهه الهـدوم

ماواحد بعد عن حالــي سايــل

رحت للشام من بـــعدك ســبيـه
يخويه لايذه ابكتـــري رقــــيـه
وحبل من ايدهـــه واصـــل لاديـــه

ودمعها اودمعي من ادمــوم نــازل

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://www.tgoop.com/yahassN

✦•┈•✦✦•┈•✦✦•┈•✦✦•┈•✦ ✦•✦•