ስለ ጸሎት ብሂለ አበው

✝ በእንተ ጸሎት ብሒለ አበው ✝

❖ ነፍስ የሌለው ሥጋ የሞተ እንደሆነ እንዲሁ ፀሎትን የማደታደርግ ነፍስ ሕይወት የላትም፡፡
/ ቅዱስ ዮሐንስ አፈወርቅ/

❖ የተቆጣ ሰው ጸሎት የረከሰና ተቀባይነት ያጣ ዕጣን ነው፡፡ የተቆጣ ሰው መሥዋዕት ተቀባይነት የለውም ፡፡ ቁጣ የዕብደት ድርጊት ነው ፡፡ ሰዎችን እንደ አውሬዎች ያደርጋቸዋል ••••• የተቆጣ ሰው ዐይኖቹ በደም የተሞሉ ጥፉዎች ናቸው ፡ የጨዋሰው ፊት ግን ብሩህ ሲሆኑ ዐይኖቹም በክብር ይመለከታል ፡፡
/ ማር አውሳረስ/

❖ ሌሊት እግዚአብሔርን ለማመስገን የፈተጠረ ልዩ ጊዜ ነው ፡፡
/ ቅዱስ አባ ይሰሕቅ /

❖ ከንቁሕ፡ ከትጉሁ ልቡና ጋር ያለ ፀሎት የጦር ዕቃ ነው ፡፡ ነፍስ ከአግዚአብሔር አንድ ከሆነች የተጋች የነቃች ከሆነች ወደ እግዚአብሔር የምትመለከት ከሆነች ኀብረቷ እግዚአብሔርን ጋር ብቻ ይሆናል፡፡
/ ቅዱስ ዮሐንስ አፈወርቅ/

❖ ንጽሕ ጸሎት ምንድን ነው ? ተብሎ ተጠይቆ ሲመለስ " ለዓለም መሞት ነው፡፡
/ ቅዱስ ዮሐንስ አፈወርቅ /

❖ ልጅ ከአባቱ አንደሚጫወት በፀሎት ከልዑል እግዚአብሔር ጋር ተጫወት ፡፡
/ ማር ይስሐቅ/

❖ በእግዚአብሔር ፊት ለጸሎት ስትቆም ልክ የእሳት ፍም አጠገብ እንደቆምክ አስብ፡፡
/ ታላቁ መምህር ይስሐቅ /

❖ ዕንባሕን ከመፍሰስ እንዲያቆም ከወደድህ ዘወትር ኃጢአትህን እያሰብህ በፀሎት ጽሙድ ሁን፡፡
/ ማር ይስሐቅ/

❖ ቅዱሣን አባቶቻችን እንደሚያደርጉት አንድን ችግር በእግዚአብሔር ፊት በማስቀመጥ ፡ በመጸለይና በመጾም መፍትሔ ማግኘት ይቻላል፡፡
/ ዮሐንስ አፈወርቅ/

❖ የጻድቃን መባቸው የንሰሐ እንባ /የዓይኖቻቻው እንባ / ነው ፡፡
/ ማር ይስሕቅ/

❖ ኃይለኛ መድኃኒት መርዘኛ ፍጥረታትን ነቀሎ እንደሚያወጣ ጸሎትም ክፉ ሐሳቦችን ነቀሎ ይጥላል፡፡
/ እማሆይ ሰንቅሊጢቃ/

❖ በአንተ ላይ ክፍ በሠራብህ ወንድም ላይ ለበቀል የሠነዘርከው ነገር ሁሉ በጸሎት ጊዜ በልቡናህ እየመጣ ይፈትንሃል ፡፡
/ አባ ኔለስ/

❖ ጸሎት የደግነት ፍሬ : የቁጣም አለመኖር ነው ፡ ጸሎት የትካዜና የውስጣዊ ሐዘን ማስታወሻ ነው ፡፡
/ አባ ኔለስ/

❖ ነገሮች ሁሉ አንተ እንደምትፈልጋቸው እንዲሆኑ አትመኝ እግዚብሔርን እንደሚያስደስቱት እንጂ እንደዚህ ከሆነ የማትታወክ በጸሎትህም ጊዜ አዘውትረህ የምታመስግን ትሆናለህ ፡፡
/ አባ ኔለስ/

❖ በምስጋና ቃል እግዚአብሔርን እንደሚያመሰግኑት አንሁን ፡ ዜማ የሚያመሰግኑ አሉ ፡ የሚዘምሩም አሉ በልብ የሚያመሰግኑ አሉ ፡፡
/ ቅድስ አትናቴዎስ /

❖ ከእራት በኋላ ያለው ጊዜ ምስጋና ጊዜ ነው ፡፡
ምስጋናን የሚቀረብ ደግሞ ንቁና የተረጋጋ ይሆናለሁ ፡፡
ከእራት በኋላ ወደ ፀሎት እንጂ ወደ መኝታ እንሂድ ፡፡
ያለበለዚይ ግን በደመ ነፍስ ከሚመሩት አውሬዎች የበለጠ በደመ ነፍስ የምንመራ እንሆናለን ፡፡
/ ዮሐንስ አፈወርቅ/

መልካም ቀን ይሁንልን

@yeabewu

፨ብሒለ አበው፨
🐟🐟ዓሣ ከባህር ወደ የብስ በወጣ ጊዜ የሚሄድበት የሚደርስበት አጥቶ እንዲጨነቅ፤ልቡናም እግዚአብሔርን ከመዘከር በተለየ ጊዜ ይህን ኃላፊውን ዓለም በማሰብ የወዲያኛውን ዓለም ይዘነጋል፡፡ ✍አረጋዊ መንፈሳዊ✍
💀☠ወንድሞች ሆይ ሞት የሚመጣው ድንገት ነው፤በማታ፣በጠዋት ወይም በቀትር ሊመጣ ይችላል፤ ተጠንቀቁ፣ ንቁ፣ እንቅልፍ አያሸንፋችሁ፤በዚህ ከጸናችሁ ፍጻሜያችሁ ያማረ ይሆናልና፡፡   
✍ቅዱስ አትናቴዎስ✍
🌤የሰው ልጅ በወደቀ ጊዜ እግዚአብሔርን መምሰል ተነጥቆት ነበር፣ኢየሱስ ክርስቶስ የመጣው ያጣነውን መልክ ሊመልስልን ነው✍ቅዱስ ሚናስ✍
🙏ጸጋ እግዚአብሔርን ማግኘት የሚወድ ማንም ቢኖር እርሱ ስለተሰጠው አመስጋኝ ይሁን፣ ስለተከለከለ ውም ታጋሽ ይሁን፣ እንድትመለስለትም ይለምን እንዳትጠፋም ጠንቃቃና ትሑት ይሁን፡፡   
      ✍ቅዱሳን አባቶች✍
🙇ቀላል የሆነውን ሸክም ወደ ጎን ጥለነዋል፣ይህም ማለት ራስን መውቀስን ማለቴ ነው፤በራሳችን ላይም ከባዱን ሸክም እንጭናለን፣ይህም ራስን መከላከልና ማጽደቅ ነው፡፡ 
   ✍ዮሐኒስ ሐጺር✍
👨‍👧‍👦የእግዚአብሔር ቃላት የነፍስን ሙቀት ያድሳሉ እንድታድግ ከፈለግህ የእግዚአብሔርን ቃላት እንደ ሕጻን ልጅ መጥባት አለብህ፡፡ ✍ቅዱስ እንጦንስ✍


@yeabewu
@yeabewu
@ewuntegna
@ewuntegna

ስለ እመቤታችን ማወቅ ይፈልጋሉ❓❓❓

እንደ እባብ ጠቢብ ኹን

እንደ እባብ ጠቢብ ኹን ሲል ምን ማለት ነው? እባብ ጭንቅላቱን (ራሱን) ለማዳን ሲል ሌላው ሰውነቱ እጅግ በጣም ብዙ ጉዳት ቢደርስበት ይመርጣል፡፡

ስለዚህ እንደ እባብ ጠቢብ ኹን ሲልህ ሃይማኖትህን ለመጠበቅ ስትል ሀብትህን፣ ዝናህን፣ ጓደኞችህን፣ ወይም ይህን የመሰለ ሌላ ነገር ማጣት ካለብህ እንኳን በዚህ ማዘን መቆርቆር የለበህም ሲል ነው፡፡ ሃይማኖትህ ራስህ ነውና - እውነትን የምታውቅበት! እውነት ደግሞ አርነት ያወጣሃል፡፡

ኾኖም እንደ እባብ ጠቢብ መኾን ብቻውን ለእኛ በቂያችን አይደለም፤ እንደ ርግብ ሐቀኞችና የዋሆች መኾንም ያስፈልገናል፡፡ በጎ ምግባር የሚኖረው ጥበብንም የዋህነትንም አስተባብሮ መያዝ ሲቻል ነውና፡፡ ለምን ቢሉ እንደ እባብ ጠቢብ የኾነ ሰው ስለ ሃይማኖቱ ሲል ብዙ መከራዎችን ሊቀበል ይችላል፡፡

መከራ በሚያደርሱበት ላይ ክፉን በክፉ አለመመለስ የሚችለው ግን እንደ ርግብ የዋህ መኾን ሲችል ነው፤ እንደ ርግብ የዋህ መኾን ማለት መከራ በሚያደርሱብን ላይ በበቀል አለመነሣሣት መቻል ማለት ነውና፡፡ የዋህነት በጥበብ ሚዛን ካልተመጣጠነ አንድ ሰው መከራ ሲቀበል መከራ በሚያደርስበት ላይ በበቀል እንዲነሣ ያደርጓልና፡፡ ጥበብ በየዋህነት ሚዛን ካልተመጣጠነም እንደዚሁ አላስፈላጊ ሰማዕትነትን እንዲቀበሉ ያደርጋልና፡፡

ስለዚህ ሃይማኖትህን ለመጠበቅ ስትል እንደ እባብ ጠቢብ ኹን፡፡ አብረህም መከራ በሚያደርስብህ ላይ ላለመበቀል ስትል እንደ ርግብ የዋህ ኹን፡፡ ኹለቱንም አዋሕደህ አስተባብረህ ያዝ!

ቅዱስ ዮሐንስ አፈወርቅ

@yeabewu      @yeabewu
@yeabewu      @yeabewu
@yeabewu     @yeabewu

ቅዱሳን አባቶች ምን አሉ ❓❓❓

በስመ አብ ወወልድ ወመንፈስ ቅዱስ አሐዱ አምላክ
           አሜን

✍️ "በበጎ ሥራ ሁሉ ፍሬ እያፈራችሁ በእግዚአብሔርም እውቀት እያደጋችሁ፥
ለጌታ እንደሚገባ ትመላለሱ ዘንድ እንለምናለን"
📖ቆላስይስ 1፥10-11

                    ቀናችንን በጸሎት እንጀምር

    ✥•••••●◉ ✞ ◉●•••••✥
       ልብስህን ማን ወሰደው
    ✥•••••●◉ ✞ ◉●•••••✥

❖ በአንድ ወቅት አባ ሰራብዮን ወደ እስክንድርያ በሄደ ጊዜ በገበያም ስፍራ አንድ ከልብስ የተራቆተ ነዳይ አገኘ፤ ለራሱም "ይህ ደሃ ሰው ታርዞ መነኩሴ የተባልኩ እኔ እንዴት ለብሼ እታያለሁ? በእውነት ይህ 'ታርዤ አልብሳችሁኛልና' ብሎ የተናገረው ጌታዬ ኢየሱስ ክርስቶስ አይደለምን? በዚህ ብርድ እየተሰቃየ እንዴት አልፌው እሄዳለኹ?" ብሎ ፈጥኖ ልብሱን በማውለቅ ይለብሰው ዘንድ ለዚያ ደሃ ሰጠው፡፡

❖ ከዚያም በእጁ ያለውን መጽሐፍ ቅዱስ እንደ ያዘ እርቃኑን በጎዳናው ዳር ተቀመጠ፤ እርሱን የሚያውቀው አንድ የከተማው ባለጠጋ ሰው አባ ሰራብዮን ባለበት ሥፍራ ሲያልፍ ተመልክቶት ወደ እርሱ ቀረበና ‹አባ ሰራብዮን ሆይ ልብስህን ማን ወሰደው?› ሲል ጠየቀው፤ ቅዱሱም በእጁ ወደ ያዘው መጽሐፍ ቅዱስ እየጠቆመ ‹ልብሴን የወሰደው ይህ ነው!› አለው፤ ያም ባለጠጋ አዲስ ልብስ ገዝቶ አለበሰው።

❖ ከዚህም በኋላ አባ ሰራብዮን ከእርሱ እንደ ተለየ በመንገድ ሲሄድ ዕዳውን መክፈል ባለመቻሉ እያንገላቱ ወደ ወኅኒ ቤት የሚወስዱትን አንድ ምስኪን ሰው ተመለከተ፤ እርሱም የያዘውን መጽሐፍ ቅዱስ ፈጥኖ በመሸጥ የዚያን ሰው ዕዳ ከፍሎ ነጻ አደረገው፤ ይህንንም አድርጎ ጉዞውን ሲጀምር እንደ ገና ሌላ የታረዘ ነዳይ ሲለምን ተመለከተ።

❖ አባ ሰራብዮንም እንደ ቀድሞው የለበሰውን ልብስ አውልቆ ለነዳዩ በመስጠት እርሱ እርቃኑን ወደ በአቱ ተመለሰ፤ ደቀ መዛሙርቱም መምህራቸውን እርቃኑን ባዩት ጊዜ ደንግጠው ‹መምህር! ልብስህ ወዴት አለ?› ብለው ጠየቁት፤ እርሱም ‹መጸወትኩት› አላቸው፡፡

❖ ደቀ መዛሙርቱም መልሰው ‹እኛን የምታጽናናበት መጽሐፍ ቅዱስህስ አባታችን?› ሲሉ ደግመው ጠየቁት፤ አባ ሰራብዮንም ‹በእጄ የነበረው መጽሐፍ ቅዱስ ሁል ጊዜ ‹ሂድ ያለህን ሽጠህ ለድሆች ስጥ› ይለኛል፤ ስለዚህ ያለኝ እርሱ ነበር እርሱንም ሸጥኩት› አላቸው፡፡   

❖ ኢትዮጵያዊው ቄርሎስ አባ ጊዮርጊስ ዘጋስጫ እንደሚናገረው ምጽዋት የፊት መብራት ናት፤ አንድ ሰው በጨለማ ሲጓዝ ከኋላው መብራት ቢያበሩለትም እንኳ ከፊቱ የሚቀድመው የገዛ የአካሉ ጥላ እንቅፋት እየሆነበት ይጥለዋል ወደ ፊት ያለውን መንገድ አጥርቶ እያየ ያለ ስጋት ለመሄድ እንዲችል የግድ የፊት መብራት ያስፈልገዋል፤ ጾም፣ ጸሎት እና ሌሎች መንፈሳዊ ትሩፋት እንደ ኋላ መብራት ናቸው፤ የፊት መብራት የተሰኘች ምጽዋት ካልታከለችባቸው እነዚህ ብቻቸውን ዋጋን አያሰጡንም፤ የምጽዋትን ታላቅነት ልንረዳ ይገባል፤ ዓለም ሁሉ ከወደቀበት የሕግ እርግማን የዳነው ቸር እረኛ በሆነው በመድኃኔ ዓለም በአካሉ ምጽዋትነት (በሥጋው በደሙ መሰጠት) ነውና።

ለሌሎች ሼር በማድረግ እንድታደርሱ በፍቅር እጠይቃለሁ

✍️"የሚሰማኝ ግን በእርጋታ ይቀመጣል ከመከራም ሥጋት ያርፋል"
📖ምሳ 1፥33

✝️💚💛❤️✝️💚💛❤️✝️💚💛❤️✝️💚💛❤️✝️

🙏 ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ፤ እኔም ለእናንተ ከአዘጋጀው በኃዋላ በድካሜ ብዛት ሳይገባኝና ሳይገባኝ በምጽፈው ድርሳንወ ገድላት መጽሐፍት ላይ የቃላት (የፊደል) ሕፀፅ ቢገኝ በጎደለው እየሞላችሁ በጠመመው እያቃናችሁ አንብቡ በረከት ተካፈሉ እላለሁ ከምንም ጊዜ በላይ ለሀገራችንና ለዓለም ሰላም እንዲሁም ለደካማው ወንድማችሁ እንድበረታ (የተጣልሁ) እንዳልሆን ስለ እኔ ጸልዩ

✍️"ልብህን በእርጋታ አኑረው፤ የሁሉም መጨረሻ እና የሁሉም አገልጋይ ለመሆን በጣም ትጋ ለከንቱ ንግግር ዘገምተኛና ሰነፍ ሁን፤ ነገር ግን የቅዱሳት መጻህፍትን ቃል በማወቅ በመስማት ድኅነትን የሚሰጡ ናቸውና ብልህ ሁን"

📚ታላቁ ባስልዮስ ዘቂሳሪያ

               ወስብሐት ለእግዚአብሔር
                              ይቆየን

@yeabewu @yeabewu
@yeabewu @yeabewu
@yeabewu @yeabewu

🌴🌴🌴🌷🌷🌷🌴🌴🌴🌷🌷🌷🌴🌴🌴

"የማርን ጥፍጥና ማርን ቀምሶ ለማያውቅ ሰው በመቅመስ እንጂ በቃላት ማስተማር እንደማይቻል ሁሉ የእግዚአብሔርን መልካምነት በቃላት በጠራ መልኩ ማስተማር አይቻልም። ራሣችን ወደ እግዚአብሔር መልካምነት ዘልቀን መግባት ይኖርብናል እንጂ።"

✨ቅዱስ ባስልዮስ ታላቁ✨


"የተባረከ ሰው ማለት የራሱን ድክመት የሚያውቅ ሰው ነው። ምክንያቱም ይሄ የእውቀቱ መሠረትና የሁሉም መልካም ነገሮች መጀመሪያ ይሆንለታልና፡፡"

✨ ማር ይስሐቅ✨

እስካልበደልን ኃጢአትም እስካልሠራን ድረስ የምንኖረው በእግዚአብሔር ነው፡፡

✨ቅዱስ ቄርሎስ ዘእስክንድርያ✨

የእግዚአብሔር ቃላት የነፍስን ሙቀት ያድሳሉ፡፡ እንድታድግ ከፈለግህ የእግዚአብሔርን ቃላት እንደ ህጻን ልጅ መጥባት አለብህ

✨ቅዱስ አትናቴዎስ✨

የሰው ልጅ በወደቀ ጊዜ እግዚአብሔርን መምሰል ተነጥቆ ነበር፡፡ ኢየሱስ ክርስቶሰ የመጣው ያጣነውን ክብር ሊመልስልን ነው፡፡

✨ቅዱስ አትናቴዎስ✨

"እግዚአብሔርን በምልዓት ማወቅ ባይቻልም በአቅማችን የተገለጠልንን ያህል ከመመስከር እና ስለ እርሱ ከመናገር ከመጻፍ ራሳችንን ልናሳርፍ አይገባም! "

✨ቅዱስ ቄርሎስ ዘእስክንድርያ ✨


@yeabewu @yeabewu
@yeabewu @yeabewu
@yeabewu @yeabewu

በሥጋ መራብ በመንፈስ የመጥገብ ምስጢር የሚሆነው በጾም ነው ።

ይህን እውን ለማድረግ ደግሞ በጾም የኃጢአትን ሥር ነቅለህ ለመጣል መጣር ይኖርብሃል ።

ጾም በርሃብ ተወስኖ እንዳይቀርብህ ጾምን ከንሥሐ አስተባብረህ ያዝ ።

ከተራበ ሰውነት ይልቅ የተሰበረ መንፈስ እግዚአብሔርን ያስደስተውልና ዋጋህን ላለማጣት በሕይወትህ ውስጥ እነዚህ ሁለቱ ማለትም ጾምና ንሥሓ ተባብረው ይገኙ (ኢዩ.፪፥፲፭)
                             ብፁዕ አቡነ ሺኖዳ

@yeabewu @yeabewu
@yeabewu @yeabewu

"ሁሉን የያዘውን ያዙት፤ ሁሉን የሚገዛውን አሠሩት፤ የህያውን አምላክ ልጅ አሠሩት፤ በቁጣ ጎተቱት፤ በፍቅር ተከተላቸው። በሚሸልተው ፊት እንደማይናገር እንደ የዋህ በግ በኋላቸው እየተከተለ ወሰዱት፤ ሊቃነ መላእክት በመፍራት እና በመንቀጥቀጥ ከፊቱ የሚቆሙለትን በአደባባይ አቆሙት፤

ኃጢአትን ይቅር የሚለውን ኃጥእ አሉት፥ በመኳንንት የሚፈርደውንም በእርሱ ፈረዱበት፤ ለሱራፌል ዘውድ የሚያቀዳጃቸውን የሾህ ዘውድ አቀዳጁት፤ ለኪሩቤል የገርማ ልብስ የሚያለብሳቸውን ለመዘበት ቀይ ግምጃ አለበሱት፤ ኪሩቤል በእሳት ክንፍ ተሸፍነው በፊቱ የሚሰወሩለትን እርሱን ክፉ ባሪያ አሥሮ ፊቱን ጸፋው፤ የመላእክት ሠራዊት በፍጹም መደንገጥ የሚሰግዱለት እየዘበቱበት በፊቱ ተንበረከኩ፡፡

ይህን ያህል ትህትና እንደምን ያለ ትህትና ነው? ይህን ያህል ትእግስት እንደምን ያለ ትእግስት ነው? ይህን ያህል ዝምታ እንደምን ያለ ዝምታ ነው? ይህን ያህል ቸርነት እንደምን ያለ ቸርነት ነው? ኃያል ወልድን ፍቅር ከዙፋኑ ሳበው እስከ ሞትም አደረሰው በደል የሌለበትን እንደበደለኛ ሰቀሉት፡፡ ህይወትን የሠራውን ከበደለኞች ጋር ቆጠሩት፤ አዳምን የሠሩ እጆች በመስቀል ቀኖዎት ተቸነከሩ፤  ወዮ በገነት የተመላለሱ እግሮች በመስቀል ተቸነከሩ፡፡

ወዮ በአዳም ፊት የህይወት እስትንፋስን እፍ ያለ አፍ ከሃሞት ጋር የተቀላቀለ የኮመጠጠ መፃፃን ጠጣ፤... ወዮ የወልድን መከራውን የሚናገር ምን አፍ ነው? ምን ከንፈር ነው? ምንስ አንደበት ነው? የፍቁሩ የጌታ ህማማት በተነገረ ጊዜ ልብ ይለያል፤ ህሊናም ይመታል፤ ነፍስም ትንቀጠቀጣለች፤ ሥጋም ይደክማል የማይሞተው ሞተ፤ ሞትን ይሽረው ዘንድ ሞተ፤ ሙታንን ያድናቸው ዘንድ ሞተ። የምትወዱት ሰዎች ፈጽሞ አልቅሱለት፡፡"

/ቅዱስ ዮሐንስ አፈወርቅ/

@yeabewu
@yeabewu

#ወንድሞቼ_ሆይ ወደ ቤተ ክርስቲያን ውድ ስጦታዎችን ይዛችሁ ስትመጡ አያለሁ፡፡ መልካም አድርጋችኋል፡፡ ነገር ግን ስትመለሱ ደግሞ መበለቶችን፣ ደሀ አደጎችንና ሕጻናትን ስትበድሉ አያችኋለሁ፡፡ ታድያ ይህን ሁሉ እያደረጋችሁ በወርቅ የተንቆጠቆጠ ምሥዋዕና ጽዋዕ ብታቅረቡ ምን ይጠቅማችኋል? ለምንስ መሥዋዕቱን ማክበር ስትፈልጉ አስቀድማችሁ ልባችሁን መባ አድርጋችሁ አታቀርቡም? ልባችሁ በጭቃ ተጨማልቆ ምሥዋዑ እንኳን ወርቅ ፕላቲንየምስ ቢሆን ምን ይረባችኋል? ምንስ ይጠቅማችኋል?

#ተወዳጆች_ሆይ!
አመጣጣችን በወርቅ የተለበጠ መሠዊያ ለማቅረብ ሳይሆን ይኸን ከልብ በመነጨ ለማቅረብ ይሁን፡፡ ከልባችን የምናቀርበው ነገር ሁሉ ከወርቅ የበለጠ መባ ነው፡፡

#ልብ_በሉ!
ቤተ ክርስቲያን የወርቅ ወይም የነሐስ ማቅለጫ ቦታ አይደለችም፤ ለቅድስና የተጠሩ ሁሉ እና የመላእክት ኅብረት እንጂ፡፡ስለዚህ ከስጦታችሁ በፊት ልባችሁን ይዛችሁ ኑ፡፡ እግዚአብሔር እኮ ሥጦታችንን የሚቀበለው ደሀ ሆኖ ሳይሆን ስለ ነፍሳችን ብሎ ነው፡፡

#ክርስቶስን_ማክበር_ትወዳላችሁን?
እንግዲያስ ዕራቆቱን ስታዩት ችላ አትበሉት፡፡ እናንተ ወደ ቤተ መቅደስ ስትመጡ እጅግ ውድ በሆኑ ልብሶች አጊጣችሁ ስትመጡ እርሱ በብርድና በመራቆት ሊሞት ነውና ብያንስ ትንሽ እንኳን እዘኑለት፡፡ ቤተ መቅደስ ረግጣችሁ ቤተ መቅደስ አትምጡ፡፡ በቃሉ “ይህ ሥጋዬ ነው” ያለው ጌታ በተመሳሳይ ቃሉ “ተርቤ ስታዩኝ አላበላችሁኝም፤ ከሁሉ ከሚያንሱት ከእነዚህ ለአንዱ ስላላደረጋችሁት ለእኔ ደግሞ አላደረጋችሁትም” ብሏልና።

#ቅዱስ_ዮሐንስ_አፈወርቅ
@Yeabewu

ኢየሱስ ክርስቶስ፡-

“ጨለማን ያሳደደው ብርሃን ዓለምን ሁሉ ያበራው ፋና የማይነዋወጥ መሰረትና የማይፈርስ ግንብ የማይሰበር መርከብና የማይሰረቅ ማህደር የለዘበ ቀንበርና የቀለለ ሽክም እርሱ ለአባቱ ኃይል ጥበቡም የሚሆን ኢየሱስ ክርስቶስ ነው፡፡

“ለሁሉ ያስባል፤ ሁሉንም ያጠግባል ለዕውራን ያዩ ዘንድ ብርሃንን ይሰጣቸዋል፡፡ የተዘጉ መስኮቶችን ይከፍታል ህሙማንን ይሰማቸዋል፡፡ የተደፈነችውን ጆሮ እንድትሰማ ያደርጋል፡፡ ከሰውነት የለምፅን ልብሶች ገፍፎ የስጋን መጎናፀፊያ ያለብሳል፡፡ የደረቀውን የእጅ ክንድ ያቀናል፣ የአንካሳውን እግር እንዲሄድ ያደርጋል ነፍስን ወደ ሕዋስዋ ይመልሳታል መንፈስንም በማደሪያዋ ያኖራታል፡፡ አለቆች ባሏቸው አጋንንት የእርያን መንጋ ያሰጥማል ከደከመችውም ሰውነት ደዌን ያርቃል፡፡

“ከክንፍህ የጽድቅ ፀሐይና የጥቅም ምንጭ የሚወጣ የጽድቅ ፀሐይ ኢየሱስ ክርስቶስ ሆይ ለአንተ ጌትነትና ክብር ምስጋናም ይገባሃል ለዘላለሙ አሜን፡፡”

(ቅዳሴ ዮሐንስ ወልደ ነጎድጓድ)

@yeabewu
@yeabewu
@yeabewu

የሊቀ መላእክት ቅዱስ ሚካኤል ክብረ በዓል ⚪️
November 20, 2024 by ህዳር ፲፪ የ ቅዱስ ሚካኤልን ክብረ በዓል ለምን እናከብራለን?

ሰላም ለዝክረ ስምከ ምስለ ስመ ልዑል ዘተሳተፈ፤ ወልደ ያሬድ ሄኖክ በከመ ጸሐፈ፤ ሶበ እጼውዕ ስመከ ከሢትየ አፈ፤ ረዳኤ ምንዱባን ሚካኤል በከመ ታለምድ ዘልፈ፤ ለረዲኦትየ ነዓ ሰፊሐከ ክንፈ።
አንድ አምላክ በሚሆን በአብ በወልድ በመንፈስ ቅዱስ ስም ኅዳር ዐሥራ ሁለት በዚች ቀን ለሰው ወገን የሚያዝንና የሚራራ በእግዚአብሔር ጌትነት ዙፋን ፊት ሁል ጊዜ በመቆም ለፍጥረቱ ሁሉ የሚማልድ የመላእክት አለቃ በሰማያትም ለሚኖሩ ኃይሎች ሁሉ አለቃቸው ለሆነ ለቅዱስ ሚካኤል የበዓሉ መታሰቢያ ነው::
ይህም በንጉሥ ጭፍራ አምሳል በታላቅ ክብር ሁኖ የነዌ ልጅ ኢያሱ ያየው ነው:: ከእኛ ሰዎች ወገን ነህን ወይስ ከጠላቶቻችን ወገን ነህ አለው::
ኢያሱም ወደ ምድር በግንባሩ ተደፍቶ ሰገደለትና በእኔ በባሪያህ ዘንድ ምን አቁሞሃል አለው::
የእግዚአብሔር የሠራዊቱም አለቃ ሚካኤል ኢያሱን የቆምክበት ምድር የከበረች ቦታ ናትና ጫማህን ከእግርህ አውልቅ አለው:: ኢያሱም እዳለው አደረገ::
ስለዚህም ስለ ልዕልናውና ስለ አማላጅነቱ በየወሩ በዐሥራ ሁለት ቀን ለመታሰቢያው በዓል ተሠራለት::
እርሱ ስለ እኛ የምድሩን ፍሬ ይባርክልን ዘንድ ዝናሙን በጊዜው እንዲያወርድልን የወንዙንም ውኃ እንዲመላልን ነፋሱንም የምሕረት ነፋስ እንዲያደርግልን ሁሉንም የተስተካከለ እንዲአደርግልን ወደ እግዚአብሔር በጸሎት ይማልድልናል::
እንዲህም ሆነ የእግዚአብሔር ወዳጅ የሆነ ስሙ ዱራታዎስ የሚባል አንድ ሰው ነበረ:: የሚስቱም ስም ቴዎብስታ ነው:: እነርሱም ሁል ጊዜ ያለማቋረጥ የዚህን የከበረ መልአክ የሚካኤልን የበዓሉን መታሰቢያ ያደርጉ ነበር::
ከዚህም በኋላ በሀገር ውስጥ ችግር በሆነ ጊዜ ገንዘባቸው አለቀ:: ለዚህም የመላእክት አለቃ ቅዱስ ሚካኤል ለበዓሉ መታሰቢያ ያደርጉ ዘንድ የእርሱን ልብስና የሚስቱን ልብስ ይዞ ወጥቶ ሔደ::
ወደ ቤቱም በተመለሰ ጊዜ በረከትን ሁሉ ቤቱ ተመልቶ አገኘው:: እጅግም አደነቀ የዚህንም የከበረ መልአክ የበዓሉን መታሰቢያ እንዳስለመደ አደረገ:: የተራቡ ድኆችን ሁሉንም ጠርቶ መገባቸውና ወደየቤታቸው አሰናበታቸው::
ከዚህም በኋላ ለዱራታዎስና ለሚስቱ ቅዱስ ሚካኤል ሁለተኛ ተገለጠላቸው:: ዱራታዎስንም የዓሣውን ሆድ እንዲሠነጥቅ አዘዘው:: በሠነጠቀው ጊዜ ሦስት መቶ የወርቅ ዲናር በዓሣው ሆድ ተገኘ::
ቅዱስ ሚካኤልም ዱራታዎስንና ቴዎብስታን እንዲህ አላቸው:-
ከዚህ ዲናር ወስዳቹ ለባለ በጉ ለባለ ዓሣውና ለባለ ሥንዴው ዕዳችሁን ክፈሉ የቀረውን ለፍላጎታችሁ ይሁናችሁ እግዚአብሔር አስቧችኋልና በጎ ሥራችሁን መሥዋዕታችሁንና ምጽዋታችሁን አስቦ በዚህ ዓለም አሳመረላችሁ:: በኋለኛውም መንግሥተ ሰማያትን አዘጋጅቶላችኋል::
እነርሱም ሲሰሙ ስለዚህ ነገር ደነገጡ:: እርሱም ከመከራችሁ ሁሉ ያዳንኳችሁ የመላእክት አለቃ እኔ ሚካኤል ነኝ መሥዋዕታችሁና ምጽዋታችሁን ወደ እግዚአብሔር ፊት ያሳረግሁ እኔ ነኝ::
አሁንም በዚህ ዓለም ከበጎ ነገር እንድታጡ አላደርጋችሁም አላቸው:: ይህንንም ብሎ ወደ ሰማያት ወጣ:: እነርሱም ሰገዱለት ተአምራቱም የማይቈጠር ብዙ ነው::
ለእግዚአብሔር ምስጋና ይሁን እኛንም በዚህ በከበረ መልአክ ጸሎትና አማላጅነት ይማረን ይባርከን በስሙ መልካምና በጎ ነገር ሠርተን የተሰጠው ቃል ኪዳን ይድረስ ይፈጸምልን ለዘላለሙ አሜን::

✨ ወስብሐት ለእግዚአብሔር 
    ወለወላዲቱ ድንግል 
       ወለመስቀሉ ክቡር!!!✨
          ✞ይቆየን✞
@yeabewu
@yeabewu

#እንኳን አደረሳችሁ 🙏🙏🙏

@yeabewu

ጽዮንን የሚጠሉ ኹሉ ይፈሩ (፻፳፰፥፭)
(በዲ/ን ናትናኤል ግርማ የቅድስት ሥላሴ ዩኒቨርሲቲ  ደቀመዝሙር) ኅዳር 20ቀን 2017 ዓ.ም

እስራኤል ከግብፅ ከባርነት ከወጡ በኋላ ጸልየው እንዲድኑባት ሰውተው እንዲከብሩባት ታቦተ ጽዮንን ሰጥቶቸዋል:: በታቦተ ጽዮን እየተማፀኑ አርባ ዘመን ደመና እየጋረደ መና እያወረደ ዐለት እየሰነጠቀ ውኃ ከጭንጫ እያፈለቀ በሰላም ተንከባክቦ መግቦ ምድረ ርስት አግብቷቸዋል። ከዚህም በኋላ መስፍን ሲሞት መስፍን ካህን ሲሞት ካህን እየተተካ ሥርዓቱ ሳይጓደል ከዔሊ ደረሰ። ዔሊም ክህነት ከምስፍና አስተባብሮ ይዞ ዐርባ ዘመን ካስተዳደረ በኋላ  አፍኒንና ፊንሐስ የሚባሉ ልጆቹን ከበታቹ ሾማቸው። ጌታን የሚያስቆጣ ሦስት ዐበይት ኀጣውእ ሠርተዋል:: ነህ ፱ ፥ ፳፩፣ የሐዋ ሥራ ፲፫ ፥ ፲፰

አባታቸው ዔሊ ይህን ሰምቶ ‹‹ደቂቅየ እኮ ሠናይ ዘእሰምዕ ብክሙ ለእመ አበስ ሰብእ ላዕለ ቢጹ አምኃበ እግዚአብሔር ይጼልዩ ሎቱ:: ልጆቼ ስለእናንተ የምሰማው ደግ አይደለም፣ ሰው ሰውን ቢበድለው በእግዚአብሔር ያስታርቁታል፤ ሰው እግዚአብሔርን ቢበድል ግን በማን ያስታርቁታል? ተዉ አይሆንም አላቸው:: ዳሩ ግን ከጌታው ይልቅ ለልጆቹ አድልቶ ልሻራቸው ሳይል ቀረ። ፩ኛ ሳሙ ፪ ፥ ፳፭

ታቦተ ጽዮንን እያገለገለ የሚኖር ሳሙኤል በዚያች ሌሊት ተኝቶ ሳለ ጌታ ‹‹ሳሙኤል ሳሙኤል›› ብሎ ጠራው። ዔሊ የጠራው መስሎት ሄዶ ‹‹ነየ ገብርከ ዘጸውዐከኒ›› እነሆኝ  የጠራከኝ አለ፡፡ አልጠራሁህም ሔደህ ተኛ አለው፤ ኹለተኛ ጠራው፤ ከዔሊ ቀረበ ዒሊ ይህ ብላቴና ራእይ ተገልጾለት ይሆናል ብሎ እንግዲህ ወዲህ ቢጠራህ ተነሥተህ ታጥቀህ እጅ ነሥተህ ቁምና እነሆ ባርያህ እሰማለሁ ተናገር በል አለው። ሦስተኛ ሳሙኤል ሳሙኤል ብሎ ጠራው። ተነሥቶ ታጥቆ እጅ ነሥቶ ቆመና ባሪያህ እሰማለሁና ተናገር አለ፡፡ ልጆቹን ከመበደል አልከላከላቸውምና እንድፈርድበት የተናገሩኩትን በዔሊ እፈጽምበታለሁ ብሎ የእስራኤልን መመታት የታቦተ ጽዮንን መማረክ የአፍኒን ፊንሐስን የዔሊን ሞት ነገረው፡፡ ሲነጋ ዔሊ እግዚአብሔር የነገረህን አንዳችም ሳታስቀር ንገረኝ አለው፤ ነገረው። ዔሊም ‹‹ለይግበር እግዘአብሐር ዘአደሞ›› እርሱ እግዚአብሔር ነው የወደደውን ያድርግ አለ፡፡

ጌታ የማያደርገውን አይናገርም የተናገረውን አያስቀርምና እስራኤል በኢሎፍላውያን ዘምተው በአንድ ጊዜ አራት ሺህ ሰው አለቀባቸው። ይህ ነገር የሆነብን ታቦተ ጽዮንን ባለመያዛችን ነውና ታቦተ ጽዮንን ላክልን ብለው ወደ ዔሊ ላኩ። አፍኒን ፊንሐስ ታቦተ ጽዮንን ይዘው ሄዱ። በእስራኤል ጦር ሰፈር ታላቅ ደስታ ተደረገ ዕልልታው ደመቀ:: ኢሎፍላውያን ድል ያደረግን እኛ ነን እነሱ ምን አግኝተው ነው የሚደሰቱት አሉ፤ በታቦተ ጽዮን ምክንያት መሆኑን ሲያውቁ በግብጻውያን የሆነውን ሰምተዋልና ወዮልን ወዮልን አሉ።

ኋላ ግን ተጽናንተው ገጠሙ። እስራኤል ተመቱ አፍኒን ፊንሐንስ ሞቱ ታቦተ ጽዮንም ተማረከች፤ አንድ ብንያማዊ ልብሱን ቀዶ አመድ ነስንሶ ወደ ከተማ ተመለሰ። የኀዘን ምልክት ነው፤ ከዚያም ታቦተ ጽዮን እንደተማረከች፤ ካህናቱም እንደሞቱ፤ ሕዝቡም እንደተሸነፉና ብዙ ሕዝብ እንዳለቀ ለከተማው ሁሉ አወራ፤ ከተማዋ በልቅሶና በዋይታ ተናወጸች፣ በዚህ ጊዜ ዔሊ የዘጠና ዓመት ሽማግሌ ነበርና የሆነውን ሰምቶ ደንግጦ ከመንበሩ ወድቆ የጎድን አጥንቱ ታጥፎ ሆዱን ወግቶት ሞቷል። ፩ኛ ሳሙ ፬ ፥ ፱

ፍልስጥኤማውያንም ታቦተ ጽዮንን አዛጦን ወስደው በቤተ ጣዖታቸው ከዳጎን ጋር አስቀመጧት። በማግሥቱ ሊያጥኑት ቢገቡ ዳጎን በታቦተ ጽዮን ፊት በግምባሩ ወድቆ አገኙት፤ ከቦታው መልሰውት ሄዱ። በማግስቱ ሲመለሱ እጅ አግሩ ተቆራርጦ ደረቱ ለብቻው ቀርቶ አገኙት፣ ሰዎቹም በአባጭ ተመቱ። መቅሠፍቱ ቢጸናባቸው ወደ ጌት ወስዷት፤ የጌት ሰዎችም እንዲሁ በመቅሠፍት ተመቱ ወደ አስቀሎና ቢወስዷት ልታስፈጁን ነውና መልሱልን አሏቸው፡፡ ከሰባት ወር በኋላ ወደ ሀገሯ ትመለስ ብለው ቀንበር ባልተጫነባቸው በሚጠቡ ላሞች በሚሳብ አዲስ ጋሪ አድርገው የበደል መስዋእት እንዲሆን በአምስቱ ከተሞቻቸው አምሳል አምስት የወርቅ አይጦች አድርገው ሰደዷት። ላሞቹም ወደ ግራ ወደ ቀኝ ሳይሉ ቤተ ሳሚስ ከኢያሱ እርሻ ደርሰው ቆመዋል። ታቦተ ጽዮንን ከሐውልተ ስምዕ አኑረው ሠረገላውን ፈልጠው ላሞቹን አርደው አወራርደው መስዋዕት አቀረቡ፡፡ ነገር ግን ሕዝቡ ታቦተ ጽዮንን በድፍረት በማየታቸው ከመካከላቸው አምስት ሺህ ያህሉ ተቀሰፉ፤ ፈርተው ታቦተ ጽዮን መጥታለችና ውሰዱ ብለው መልእክተኛ ላኩ:: ወስደው በአሚናዳብ ቤት አድርገዋት ልጁ አልዓዛር ኻያ ዓመት አገልግሏታል። ፩ኛ ሳሙ ፯ ፥ ፪ እስራኤል ታቦት ጽዮንን ከጠላት ሲታደጉባት ከአባር ከቸነፈር ሲድኑባት ከእግዚአብሔር ጋር ሲታረቁባት በረከትና ረድኤት ሲቀበሉባት እስከ ሰሎሞን ዘመነ መንግሥት ድረስ ኖረዋል። በሰሎሞን ዘመነ መንሥት እስራኤል ወደ ፊት ጠፍ እንደምትሆን እግዚአብሔር ስለሚያውቅ በእርሱ ቸርነት በሰሎሞን አስረካቢነት በቀዳማዊ ምኒልክ ተረካቢነት ወደ ኢትዮጵያ ለመምጣት ችላለች:: እስካሁን ድረስ በኢትዮጵያ በአክሱም ትገኛለች። በኢትዮጵያ ኦርቶዶክስ ተዋሕዶ ቤተ ክርስቲያን አስተምህሮ መሠረት ጽዮን የሚለው ቃል ለዐምስት ነገሮች ይቀጸላል! ጽዮን የሚለው ቃል የዕብራይስጥ ቃል ሲሆን ትርጉሙ ፀወን አምባ መጠጊያ ጥላ ከለላ ማለት ነው። ጽዮን የሚለው ቃል ለዐምስት ነገሮች መጠሪያ ሆኗል። እነዚህም፦

፩. ሙሴ በደብረ ሲና ከእግዚአብሔር የተቀበለው ጽላተ ሕግ፤ ጽላተ ሙሴ ወይም ታቦት  ጽዮን ትባላለች። ፩ኛ ሳሙ ፪ ፥ ፲፱  
፪. የአብርሃም ርስት የኾነችው ኢየሩሳሌም ጽዮን ትባላለች! ፪ኛ ሳሙ ፭ ፥ ፮

፫. ቅድስት ቤተ ክርስቲያንም ጽዮን ቅድስት ትባላለች፤ ‹‹ነያ ሠናይት ሰላማዊት ጽዮን ቅድስት ቤተ ክርስቲያን አፍላገ ሕይወት በየማና ወበጸጋማ አዕፁቀ ዘይት ኵለንታሃ ወርቅ ወያክንት ሀገሮሙ ለሰማዕት᎓᎓›› የሰማዕታት ሀገራቸው ሁለንተናዋ በወርቅና በዕንቍ የተሸለመች በቀኟ   የሕይወት ወንዞችን በግራዋ የዘይት ልምላሜዎችን የያዘች ሰላማዊት አምባ መጠጊያ ቅድስት ቤተ ክርስቲያን እነሆ ያማረች የተወደደች ናት።› ብሏል ሊቁ ቅዱስ ያሬድ።

፬. መንግሥተ ሰማያት ደብረ ጽዮን ትባላለች አባ ሕርያቆስ በቅዳሴው መንግሥተ ሰማያት ደብረ ጽዮን ተብለ እንደምትጠራ ‹‹ኦ አንትሙ ሕዝበ ክርስቲያን እለ ተጋባእክሙ በዛቲ ዕለት ከማሁ ያስተጋባእክሙ በደብረ ጽዮን ቅድስት ወበኢየሩሳሌም አግዐዚት በሰማያት᎓᎓›› የክርስቲያን ወገኖች በዚች ዕለት እንደተሰበሰባችሁ፤ ነጻ በምታወጣ በደብረ ጽዮን በመንግሥተ ሰማያት ይሰብስባችሁ በማለት ይመሰክራል።

፭ ለእመቤታችን ለቅድስት ድንግል ማርያም፤ ባሕረ ጥበባት ቅዱስ ያሬድ ‹‹አብርሂ ጽዮን ዕንቁ ዘጳዝዮን ዘአጥረየኪ ሰሎሞን። ዕዝራኒ ርእያ በርእየተ ብእሲት ጽዮን ቅድስት ቤተ ክርስቲያን እንተ የዓውዳ ስብሐት።›› ሰሎሞን ጳዝዮን በሚባል ዕንቊ የተወዳጀሽ ጽዮን ሆይ አብሪ፣ ዕዝራም ምስጋና የሚከባት የክርስቲያን ማደሪያ የሆነች ቅድስት ጽዮንን በሴት አርአያ አያት። በማለት ሰሎሞንና ዕዝራ በአንድ መንፈስ ሆነው ስለ እመቤታችን ተቀኝተዋል።  ጽዮን የሚለውን ቃል ከእመቤታችን ጋር ያለውን ተዛምዶ በጥቂቱ እንመለከታለን፡፡ የእግዚአብሔር የክብሩ መገለጫ የኾነችው በወርቅ የተለበጠችው ይቺ የእግዚአብሔር ታቦት፣ በንጽሕና በቅድስና የተጌጠችው የእግዚአብሔር ወልድ እናት የኾነችው የአማናዊት ታቦት የቅድስት ድንግል ማርያም ምሳሌ ናት፡፡

ኢትዮጵያዊው ሊቅ በሰቈቃወ ድንግል መጽሐፋቸው ላይ የአምላክ ማደሪያ የኾነችው ታቦት ወደ ፍልስጥኤም ሀገር ሄዳ ዳጎንን ሰባብራ እንዳጠፋች ኹሉ፣ አማናዊት የጌታ ታቦት ቅድስት ድንግል ማርያምም ጌታን ይዛ ወደ ግብጽ በተሰደደች ጊዜ የግብጽ ጣዖታት ኹሉ እየተሰባበሩ መውደቃቸውን ያስረዳል፡፡

ይህን አባ አርከ ሥሉስ የተባሉ ሊቅ ሲያስረዱ እንዲል ብለዋል፤
ታቦተ አምላክ እስራኤል ጽዮን ዘነገደት ምድረ ኢሎፍሊ
ወቀጥቀጠቶ ለዳጎን ነፍሳተ ብዙኀን ማኅጎሊ
አመ ነገደት ቍስቋመ በኀይለ ወልዳ ከሃሊ
ወድቁ አማልክተ ግብጽ መናብርተ ሰይጣን ሐባሊ
ወተንፍሩ ኵሎሙ ዘቦሙ አስጋሊ

‹‹ወደ ኢሎፍሊ ምድር ተማርካ የኼደች የእስራኤል አምላክ የቃል ኪዳኑ ታቦት ታቦተ ጽዮንን የብዙዎችን ነፍሳት ያጠፋ ዳጎንን ሰባበረችው በዚች ታቦት የተመሰለች ድንግል ማርያምም ኹሉን ማድረግ ከሚችል ከልጇ ጋር ግብጽ ወደሚባል አገር በኼደች ጊዜ የሐሰተኛ ሰይጣን ዙፋኖች የኾኑ የግብጽ ጣዖታት ፈረሱ ጠንቋይ አስጠንቋይ ያላቸው ኹሉ ዐፈሩ።›› በማለት አነጻጽራል። ይኸም ለጊዜው ቢደረግም ለኋላው ግን ምሳሌ ነበር፡፡ ላሞቹ የሰማዕታት፤ ልጆች የልጆቻችው፤ ሠረገላ የመስቀል፤ ልጆቻቸውን ከወደ ኋላ እንዳስተሩ፤ ስማዕታትም የልጅ የገንዘብ ፍቅር አያስቀራቸውምና፤ ሠረገላውን ፈልጠው እንደ ሠዋቸው ራሳቸውን በመስቀል ይሠዋሉና በማለት የብሉይ ኪዳን መተርጕማን ያመሰጥሩታል፡፡

የመልክአ ማርያም ደራሲ ታላቁ ንጉሥ ቃላት የተጻፉባቸው ጽላት የተቀመጡባትን የእግዚአብሔርን ታቦት ጊደሮቹ ከልጆቻቸው ይልቅ በማስበለጥና በመውደድ ይዘዋት ወደፊት እንደነጎዱ፤ እርሱም የልዑል ማደሪያ ለኾነችው ለድንግል ማርያም ያለውን ጥልቅ ፍቅር በድርስቱ ሲገልጥ እንዲህ አለ
ማርያም ጽዮን ታቦት ቃለ ጽድቅ መንፈቀ ዕሥራ
ዕጐላት እምዕጕሊሆን ከመ ኪያኪ አፍቀራ
አፍቀርኩኪ አፍቅርኒ እምይእዜ ለግሙራ
‹‹የሃያ እኩሌታ የሚኾን የእውነት ቃል ማደሪያ ጽዮን ማርያም ሆይ፤ ጊደሮች ከጥጆቻቸው ይልቅ አንቺን እንደእፈቀሩ፤ እኔም ወድጄሻለሁና ከዛሬ ጀምሮ ፈጽሞ ውደጅኝ›› በማለት ገልጦታል፡፡

የሃያ እኩሌታ የሚኾን የእውነት ቃል ሲል ዐሥሩን ቃላት መናገሩ ነው፡፡ ያቺ ታቦተ ጸዮን የማይታይ ረቂቅ ቃል በጽሑፍ እንደገዘፈባት በአማናዊት ጽዮን በእመቤታችን ረቂቅ መለኮት አካላዊ ቃል ኢየሱስ ክርስቶስ ገዝፎባታልና፣ ያቺ የዐሥሩ ቃላት ማደሪያ እንደሆነች እመቤታችንም የዐሥሩ ቃላት ባለቤት የኢየሱስ ክርስቶስ ማደሪያ ናትና፣ በዚያች አምልኮት እንደጸና በእመቤታችንም አምልኮተ እግዚአብሔር ጸንቷልና፣ ያቺ አራት ማዕዘን እንደሆነች እመቤታችንም ቃል ኪዳንዋ በአራቱ ማዕዘን ይደርሳልና፤ አንድም በአራቱ ማዕዘን ያሉ ክርስቲያኖች ሰአሊ ለነ ቅድስት እያሉ ይማፀኗታልና፡፡ ያቺ መማሪያ ፊደል የረቂቅ ቃል መገለጫ እንደሆች እመቤታችንም የአካላዊ ቃል መገለጫ የኀጥኣን መማሪያ ፊደል ናትና።

አባ ጊዮርጊስ ‹‹ትመስሊ ፊደለ ወትወልዲ ወንጌለ ወታገምሪ መስቀለ፡፡›› ፊደልን ትመስያለሽ፤ ወንገልን ተወልጃለሽ መስቀልን ትወስኛለሽ ሲል ይነግረናል፡፡
ዳግመኛም ሊቁ አባ ጊዮርጊስም በምሥጢር ሲራቀቅ ‹‹አንቲ ውእቱ  ጽዮን ታቦተ አምላከ እስራኤል እንተ ነገደት ምድረ ኢሎፍሊ ወበህየ አውደቀቶ ለዳጎን፡፡›› ወደ አሎፍሊ ምድር የሄደች የእስራኤል አምላክ ማደሪያ ጽዮን አንቺ ነሽ፤ በዚያም ዳጎንን የጣለችው ጣዖት አምላኪዎቹንም የቀሠፈቻቸው በአመጣጧም ከአዛጦን ሰዎች ካሳን የተቀበለች: ከካሳዋም ጋር እንቦሳ ባላቸው ላሞች አስጭነው የሸኟት ከርሷም ጋር የወርቅ ሳጥኖችን በጐኗም የበድን ሣጥን ሥርዐትን አልሠሩም፣ ነገር ግን በእርሷ ዘንድ ካለ ከወርቅ መሣሪያና ከሣጥን ጋራ ላኳት፤ በእንግድነቷ ወቅትም በአሳደራት ጊዜ ወደ ቤቱ በመግባቷ እግዚአብሔር የአብዱራን ቤት ባረከ በማለት የምሳሌዋን እሙንነት በሰፊው ገልጧል፡

ይኽቺም የእግዚአብሔር ታቦት በቤተ ዐሚናዳብ ኻያ ዓመት ተቀምጣለች፤ ከዚያም የሳኦል ዘመን አልፎ የእግዚአብሔር ወዳጅ ዳዊት በነገሠ ጊዜ በአዲስ ሠረገላ አድርገው ከቤተ ዐሚናዳብ አውጥተው በበገና፣ በመሰንቆ፤ በከበሮ፤ በነጋሪት በጸናጽል እግዚአብሔርን እያመሰገነ ይዘዋት ሲመጡ የእግዚአብሔርን ታቦት ዖዛ በድፍረት በመያዙ እግዚአብሔር ቀሥፎት ወዲያውኑ በታቦቷ አጠገብ ሕይወቱ አልፏል፤ ያን ጊዜ ነቢዩ ዳዊት የእግዚአብሔር ታቦት ያደረገችውን ተአምራት ተመልክቶ፤ እግዚአብሔር በእርሷ እንዳደረ በማመን የፍርሃት ተውጦ የእግዚአብሔር ታቦት ወደ እኔ እንዴት ይመጣል?› በማለት ለታቦቷ ያለው ክብር ገልጧል፡፡ ፪ኛ ሳሙ ፮ ፥ ፱

በዘመነ ሐዲስም በተመሳሳይ መልኩ ጌታን በማኅፀኗ የተሸከመች የልዑል እግዚአብሔር ማደሪያ አማናዊት ታቦት ቅድስት ድንግል ማርያም ወደ ኤልሳቤጥ ቤት በኼደች ጊዜ ኤልሳቤጥ ልክ እንደ ዳዊት መንፈስ ቅዱስ መልቶባት፤ የጌታ ታቦት (ማደሪያው) መሆኗን ተረድታ፤ ድምፅዋን አሰምታ ‹‹የጌታዬ እናት ወደ እኔ ትመጪ ዘንድ እንዴት ይኾንልኛል?›› በማለት ለቅድስት ድንግል ማርያም ያላትን ታላቅ አክብሮት እንደ ዳዊት ገልጣለች። ሉቃ ፩ ፥ ፵፫ ከዚያም ዳዊት ይኽነን ታላቅ ቃል ከተናገረ በኋላ የእግዚአብሔር ታቦት በአቢዳራ ቤት ለሦስት ወር ያኽል እንደተቀመጠች ፪ኛ ሳሙ ፮ ፥ ፲፩ በተመሳሳይ መልኩ የአምላክ ማደሪያ እመቤታችን ቅድስት ድንግል ማርያም በካህኑ በዘካርያስ ቤት ለሦስት ወር ተቀምጣለች። ሉቃ ፩ ፥ ፶፮ ዖዛ ተቀሥፎ ከሞተ በኋላ የእግዚአብሔር ታቦት ወደ አቢዳራ ቤት ገብታ ቤቱ ለሦስት ወር በበረከት እንደተመላ ኹሉ፤ በተመሳሳይ መልኩ ዘካርያስም የመልአኩን ቃል ባለመቀበሉ ከተረገመ በኋላ እውነተኛዪቱ የአምላክ ታቦት ድንግል ማርያም በቤቱ ለሦስት ወር ያህል ተቀምጣ ቤቱን ባርካለታለች፡፡ ሉቃ ፩ ፥ ፳

እግዚአብሔር በታቦቷ ምክንያት የአቢዳራን ቤት እንደባረከ ኹሉ የዘካርያስንም ቤት በእመቤታችን ምክንያት የባረከው መኾኑን ሊቁ ቅዱስ ያዕቆብ ዘሥሩግ ሲገልጥ ‹‹ድንግል በምሥጢር የተመላ ታቦትን ኾና ትኖራለች፣ የካህናት ወገኖችም ደስ ይላቸዋል፣ ያከብሯታልም›› በማለት ታቦትነቷን አጕልቶ አስተምሯል፡፡

በተጨማሪም የእግዚአብሔር ታቦት ከቤተ አቢዳራ ወደ ዳዊት ከተማ ስትገባ፤ ነቢየ እግዚአብሔር ዳዊት ከደስታው ብዛት የተነሣ የጌታ የክብሩ መገለጫ በኾነችው በታቦቷ ፊት እየዘለለ እንዳመሰገነ ኹሉ ፪ኛ ሳሙ ፮ ፥ ፲፪  አካላዊ ቃልን በማኅፀኗ የተሸከመች የአምላክ ታቦት ቅድስት ድንግል ማርያምም ወደ ተራራማው ሀገር ወደ ይሁዳ ከተማ ወደ ኤልሳቤጥ ቤት በኼደች ጊዜ፤ ታላቁ ነቢይ መጥምቁ ዮሐንስ በእናቱ ማኅፀን ኾኖ ከደስታው ብዛት የተነሣ እየዘለለ አመስግኗል። ሉቃ ፩ይኽነን ምሥጢር ሊቁ ቅዱስ ያዕቆብ ዘሥሩግ ሲያብራራ ‹‹ንጉሡ ዳዊት በቃል ኪዳኑ ታቦት ፊት ይዘል ነበር፤ ከልቡ ደስታ የተነሣ ለንጉሣውያኑ ደንብ አልታዘዘም፤ እንዲኹ ዮሐንስ ደግሞ ገና ፅንስ ሣለ ከደስታው የተነሣ ከዳዊትም በላቀ ኹኔታ ዘለለ፣ ፅንስ ቢኾንም የእርሱ ባልኾነው በዚኽ ዕድሜ አልተገታም፣ ድንግል እና ቡርክት የኾነችው እናት የእግዚአብሔር ቤት ምስጢራት ከመሉባት ታቦትም በላይ ውብ ነበረች፤ ዳዊትም በአክብሮት በታቦቱ ፊት ዘለለ፤ ይኽም ዮሐንስ በማርያም ፊት ሊዘል እንዳለ አስቀድሞ ያሳይ ነበርና፤ ከዳዊት በቀር ንጉሥ መዝለሉ ተሰምቶ አይታወቅም፤ ሕፃን መዝለሉም እንዲኹ ነቢያት ካህናት የእግዚአብሔርን ልጅ መንገድ አስቀድመው አመለከቱ፤ እርሱም በመጣ ጊዜ ይሹት የነበሩትን ምልክቶች ፈጸማቸው፤ የጌታውን የንጉሡን ምልክት ይጠቁም ዘንድ፤ ዳዊት

በደስታ በታቦቱ ፊት ዘለለ፤ ዮሐንስ በማርያም ፊት የሚያደርገውን ነገር ምሳሌ በመኾን አሳየ፤ ያቺም ብላቴና እንዲኹ የእግዚአብሔር ታቦት ነበረችና የምሥጢራት ጌታ በርሷ ዐደረ፤ ከዚኽም የተነሣ ልክ እንደዚያ ጀግና ንጉሥ ሕፃኑ በርሷ ፊት በደስታ ዘለለ፣ እርሷ በቅዱስ ቃል እንደተመላ ታቦት የተሸከሟት ነበረች፤ የትንቢት ምስጢራት ፍቺ በርሷ ዐደረ›› በማለት ይኽ ምሁር ቅድስት ድንግል ማርያ በምሥጢር የተመላች የአምላክ ታቦት መኾኗን በማብራራት ገልጦታል፡፡

ዳግመኛም ነቢየ እግዚአብሔር ዳዊት በእግዚአብሔር ታቦት ፊት በደስታ ሲያመሰግን አይታ የሳኦል ልጅ ሜልኮል ብትንቀው እግዚአብሔር ተቈጥቷት በሕይወቷ ዘመን ኹሉ የልጅ ጸጋ እንዳታገኝ በመካንነት ቀጥቷታል፡፡ ፪ኛ ሳሙ ፮ ፥ ፳ ይኸውም ማደሪያው የኾነች ታቦቷን በድፍረት ሊነካት የሞከረውን ዖዛን የቀሠፈ፤ ዳግመኛ የጌትነቱ መገለጫ በኾነች በታቦቷ ፊት ያመሰገነ ዳዊትን የናቀች ሜልኮልን በምክነት የቀጣ አምላክ፤ ዛሬም ፱ ወር ከ፭ ቀን በማሕፀኗ የተሸከመችውን፤ የድንግልና ጡቶቿን የመገበችውን፤ _ በጀርባዋ ያዘለችውና በደረቷ የታቀፈችውን ቅድስት እናቱን በድፍረት የሚነቅፉ፤ ሔዋንን ያሳተ እባብ መርዝ ክሕደቱን በአፋቸው የረጨባቸው በልቡናቸው ያሳደረባቸው፤ ነቢያት ሐዋርያት ያስተማሩትን የሚያጣምሙ ጸረ ማርያሞች ለዚኽ ድፍረታቸው ንስሓ ካልገቡ የዘለዓለም ቅጣትና፤ በዚኽ ዓለምም ከድንግል ማርያም አማላጅነት የሚገኘውን ታላቅ በረከት በማጣት እንደ ሜልኮል የበረከትና የጸጋ ምክነት ያጋጥማቸዋል፡፡ ነቢየ እግዚአብሔር ዳዊት ጽዮንን የሚጠሉ ኹሉ ስለሚደርስባቸው ዘላለማዊ ምክነት በመዝ ፻፳፰ ፥ ፭ ላይ ‹‹ጽዮንን የሚጠሉ ኹሉ ይፈሩ፤ ወደ ኋላቸውም ይመለሱ በሰገነት ላይ እንደበቀለ ሣር ሳይነቀል እንደሚደርቅ ለሚያጭደው እጁን፤ ነዶዎቹን ለሚሰበስብ ዕቅፉን እንደማይመላ ይኹኑ፤ በመንገድም የሚያልፉ የእግዚአብሔር በረከት በእናንተ ላይ ይኹን በእግዚአብሔር ስም እንመርቃችኋለን አይሉም›› በማለት እንደተናገረ ጽዮን የተባለች የድንግል ማርያም አማላጅነት የሚቃወሙ የዲያብሎስ የግብር ልጆች መናፍቃን እንደ ሜልኮል ከእግዚአብሔር ጸጋ የራቁ ናቸው።

ከሊቃውንትም አባ ጽጌ ድንግል ሲያስጠነቅቁ፡-
እስከ መነነቶ ሜልኮል ቅድመ ታቦት ሕግ ከመ ዘፈነ
ንጉሠ እስራኤል ኪያኪ ዘጸገየ ሥነ
ቅድመ ገጸ ሥዕልኪ ድንግል እዘፍን አነ ዘይሜንን ተአምረኪ ወስብሐተኪ ቍርባነ
በአፈ መላእክት ወሰብእ ለይኩን ምኑነ ‹‹አንቺን ያስገኘ የእስራኤል ንጉሥ ዳዊት ሜልኮል እስከናቀችው ድረስ በእግዚአብሔር የሕግ ታቦት ፊት እንዳመሰገነ፤ ድንግል ሆይ እኔም በሥዕልሽ ፊት እዘምራለሁ፤ ድንቅ ታምርሽንና የቀረበ መንፈሳዊ ምስጋናሽን የሚንቅ በመላእክትና በሰው አንደበት የተረገመ ይኹን›› በማለት ገልጿል፡፡

ከእመቤታችን ረድዔት በረከት ይክፈለን አማላጅነቷ አይለየን 🙏

@yeabewu
@yeabewu
@yeabewu