ወንድ ብቻውን ነው የሚያለቅስ

ኦፍታኤ ዳዊት( ካነበብኩት)

ከወዳጅ ከዘመድ ርቆ
አንጀቱን በአንጀቱ ታጥቆ
ተሸሽጎ ተገልሎ፥
ተሸማቆ ተሸምቆ
ከቤተ-ሰው ተደብቆ
መሽቶ - የማታ ማታ ነው - ሌት ነው የወንድ ልጅ ዕንባው
ብቻውን ነው የሚፈታው
ብቻውን ነው የሚረታው
ችሎ ውጦ ተጨብጦ ተማምጦ ተጣጥሮ
በሲቃ ግት ተወጥሮ
እንደደመና ተቋጥሮ
ውስጥ አንጀቱ ተቀብሮ
መሽቶ ረፍዶ - ጀምበር ጠልቆ
የጨለማ ድባብ ወድቆ
በእንቅልፍ ጥላ ሲከበብ - በዝምታ ሲዋጥ ሀገር
ፍጡር ሁሉ ተስለምልሞ - ብቸኝነት ብቻ ሲቀር
የኋላ የኋላ - ማታ
ምድር አገሩ በእፎይታ
ዐይኑን በእንቅልፍ ሲያስፈታ
ሁሉ በእረፍት ዓለም ርቆ - ብቸኝነት ብቻ ሲቀርብ
ያኔ ነው - ወንድ ዐይኑ የሚረጥብ
የብቻ ዕንባ - ወዙ እሚነጥብ
ብቻውን ነው - ብቻውን ነው
የዕንባ ጨለማ ለብሶ ነው
ወንድ ልጅ - ወዙ እሚነጥበው
እጣውን ለብቻው ቆርሶ
ብቻውን ሰቀቀን ጎርሶ
ብቻውን ጨለማ ለብሶ
ገመናውን ሳግ ሸፍኖ
ክብሩን በሰቆቃ አፍኖ
ሌሊት የማታ ማታ ነው
ህቅ እንቁን እሚነጥበው
ኤሎሄውን እሚረግፈው
ከዐይኑ ብሌን ጣር ተመጦ
ከአንጀቱ ሲቃ ተቆርጦ
ደም አልሞ ፍም አምጦ
ከአፅመ-ወዙ እቶን ተፈልጦ
ከአንጀቱ ሲቃ ቆርጦ
እንደጠፍር ብራቅ እምብርት
እንደእሳተ ገሞራ ግት
ሩቅ ነው ወንድ ልጅ ዕንባው
ደም ነው ፍም ነው ዕሚያነባው
ንጥረ ህዋስ ነው ሰቆቃው
ረቂቅ ነው ምሥጢር ነው ጣሩ ብቻውን ነው የሚፈታው
ብቻውን ነው የሚረታው
ችሎ ውጦ ተጨብጦ
ሰቀቀኑን በሆዱ አጥሮ
በአንጀቱ ገመና ቀብሮ
ውሎ ጭጭ እፍን ብሎ
እንደደመና ተቋጥሮ
ጣሩን ውጦ ተጣጥሮ
በሲቃ ግት ተሰትሮ
ከወዳጅ ከዘመድ ርቆ
ከቤተ-ሰው ተደብቆ
አንጀቱን በአንጀቱ ታጥቆ
ተሸሽጎ ተከናንቦ
ተሸማቆ ተሸምቆ
የብቻ ብቸኝነቱ
የጨለማ ልብሱ እስኪደርስ
ባይን አዋጅ ሃሞቱ እንዳይረክስ
ቅስሙ በገበያ እንዳይፈስ
ተገልሎ በእኩለ-ሌት - ወንድ ብቻውን ነው እሚያለቅስ"
ባለቅኔ ሎሬት ፀጋዬ ገ.አ

ወንድነት!!

( በ ኦፍታኤ ዳዊት)

ወንድ'ማ ወንድ ነኝ!

ወንድነት ትርጉሙ፤

በቅጡ የገባኝ።

ወንድነት ቻይነት፣

ታገሽ መሬትነት፣

ወንድም ፡ አባትነት

ሁሉ ነው ወንድነት።

24/12/12

ብዕሬ ፀብ አይመርጥም! # ሀሰትን እና ሀሰተኞችን ይወጋል። ድል ለ ብዕሬ!!
(ኦፍታኤ ዳዊት ቶሬ)
ኢሬቻ!!
ኢሬቻ ወርቃችን ነው እንደምቅበታለን እንኮራበታለን!!
ኢሬቻ የ ኦሮሞ ሕዝብ ካለው ክብረ በዓል በጣም ትልቁ እና ዋነኛው ነው።
ኢሬቻ በሁለት ይከፈላል። እነርሱም ኢሬቻ መልካ እና ኢሬቻ ቱሉ ናቸው።
1, ኢሬቻ መልካ ክረምት ሲወጣ እና ፊቱን ወደ በጋ ሊዞር እና በበጋ ሊተካ ሲል
በክረምት ዝናብ ሰቶ፡ ልምላሜ አድርጎ ወንዞችን ሁሉ ሞልቶ በክረምት ፀጋው
የሰውን ልጅ እና ፍጥረትን ሁሉ ያጠገበውን ወይም ያስደሰተውን አምላክ
እንዲሁም የሰማይ እና የምድር ፈጣሪ የሆነውን ፈጣሪ( ዋቃን) የኦሮሞ ሕዝብ
ሁሉ ወደ ውጪ ወጥቶ ፍጥረትን እየተመለከተ አምላኩን የሚያመሰግንበት፡
ትልቅ ክብረ በዓል ነው።
በአጠቃላይ ኢሬቻ መልካ የምስጋና ክብረ በዓል ነው።
2. ኢሬቻ ቱሉ= ኢሬቻ ቱሉ ልክ በክረምት ወቅት ቸርነቱን፡ ሰጪነቱን፡ ለጋስነቱን፡
አዛኝነቱን ከፍጥረት ሳያርቅ በጎነትን እና መልካምነትን ለፍጥረት ሁሉ ያሳየ
ፈጣሪ ልክ በክረምት ወቅት እንክብካቤውን ጥበቃውን ለእንስሳውም ለሰውም
ልጅ ሁሉ አድርጎ ያሳለፈ አምላክ አሁንም በበጋ ጊዜ ከፍጥረት ሁሉ ቸርነቱ
እንዳይርቅ ምህረቱ ፀንቶ እንዲኖር ወንዞች እንዳይደርቁ ዝናብም እንዳይጠፋ
( ልብ በሉ ዝናብ ጠፋ ማለት ድርቅ ይከሰታል በዚህ ምክንያት ደግሞ የሰው
ልጅ ብቻ ሳይሆን እንስሳትም፡ እፅዋትም ሕይወት ስለሚያጡ) ይህ እንዳይከሰት
አባቶች ልክ መፅሀፍ ቅዱስ ላይ የብሉይ ነብያትም፡ በአዲስ ኪዳን አገልግሎትም
እራሱ ጌታ ኢየሱስ ክርስቶስ ወደ ተራራ ወጥቶ ይፀልይ እንደነበረው ሁሉ
አባቶችም ተራራ ላይ ወጥተው ልመናቸውን ፀሎታቸውን ወደ ፈጣሪ
ተማፅኗቸውንም ወዳ ሰማይ እና ምድር ፈጣሪ ያደርጋሉ።
በአጠቃላይ ኢሬቻ ቱሉ የልመና የፀሎት ክብረ በዓል ነው።
ታዲያ አንዳንድ አላዋቂዎች ኢሬቻ ጣኦት አምልኮ ነው ብለው ሲሰብኩን ኖረዋል
ኦሮሞ ልክ ዛፍ አምላኪ ወንዝ አምላኪ እንደሆነ እየሰበኩን ለባህላችንም ሆነ
ላለን ፈጣሪን የማመስገን እንቁ የኢሬቻ ክብረ በዓል የተሳሳተ ግንዛቤ
አእምሮአችን ውስጥ እንዲሰረፅ ከፍተኛ ሚና ተጫውተዋል።
የእኛን የሆነ ቋንቋ፣ ባህል እንዲሁም ማንነት ጥለን ባዶ እጃችንን የ ሀሰት
ኢትዮጵያዊነት ውስጥ እንድንኖር አድርገውናል።
አሁን ግን እኛ የተማርነውም በመማር ላይ ያለነውም ትውልድ ቋንቋችንን፡
ባህላችንን እንዲሁም ማንነታችንን በሚገባ አውቀን ተረድተን ለሚቀጥለው
ትውልድ የማስተላለፍ ሚናን መጫወት የእኛ ድርሻ ነው።
ኢሬቻ ወርቃችን ነው እንደምቅበታለን እንኮራበታለን።
@ Ofta'e Daawwit Tooree!!

subscribe eski 🙏🙏

https://www.youtube.com/channel/UCxKVv3Kb1-j8Ixkvy5eBeUA?view_as=subscriber

🙊🙊🙊ዝምታ🙊🙊🙊
ስላቺ ልጠበብ ቅኔ ልቀኝልሽ
ብራና ገልጬ
መልሼ ዘጋሁት ቃላት ቢጠፋብኝ
በሀሳብ ሰምጬ
ደግሞ በሌላ ቀን
ገፅሽን ልነድፍ ብሩሹን አንስቼ
ቀለሙ ደረቀ
ገፅሽን ፍለጋ በምናብ ጠፍቼ
ይሻለኛል ብዬ
ክራሩን ደርድሬ
ሙዚቃንም ብቃኝ
አንቺን የሚመጥን
ዜማ ከየት ላግኝ
ምን መሰለሽ እቱ
አንዳንዴም አለ አይደል እንዲህ ነው እውነቱ
ልቤ አንቺን ለመግልጥ
ሲጠፋበት ምሱ
ላአንዳንዱ ጥያቄ
ዝምታ ነው መልሱ


@yegna

****///**********
ድካም ሲያናውዘኝ ረፍት እመኛለሁ ፣
መደብ ላይ ተኝቼ አልጋ እናፍቃለሁ ፤
አልጋ ላይ ስተኛ ስልጣን ያሰኘኛል፣
ስልጣን ባሰብኩ ጊዜ ቀጋው ትዝ ይለኛል፣
ቀጋውን እንዳልቆርጥ ወኔ ያንስብኛል፤
ሀሳቤን ሳልጨርስ እንቅልፍ ይወስደኛል ፣
በሰመመን መሀል ፍቅር ያነቃኛል፤
ፍቅሬን ለመቀበል እጄን ስዘረጋ
ህሌናዬ ፈጥኖ ነፃነት ይቀድማል ብሎ በሩን ዘጋ ፤
ሰቅዞ እየያዘኝ የኑሮዬ ሳንካ ፣
ሞት መጣሁ ይለኛል አንዱን ሳላሳካ ፤

@yegna

ለጤዛ ተዋድቀን
(በዕውቀቱ ስዮም)
"እድሚያችን ሰባ ነው ቢበዛም ሰማንያ"
ይህም ኑሮ ሆኖ ጠዋት ማታ ፍልሚያ
አንዱ ካንዱ ጥዋ: ጥቃት የቀመሰ
በየደጃፉ ላይ ምሽግ እየማሰ
ጦር እንደ ቄጤማ እየነሰነሰ
መንደሩን ሸንሽኖ ባጋም እሾህ ቅጥር
ወገን እያስለየ ባሰለፈን ቁጥር
ጤናችን ሲሸረፍ
ቀናችን ሲዘረፍ
የት ሸሽተን እንትረፍ
የትገብተን እንረፍ?
በዶፍ ዝናብ አገር ለጤዛ ተዋድቀን
ሰላም እንደራበን ደስታ እንደናፈቀን
ትግላችን ሰልፋችን ያከትማል አንድቀን::


@yegna

እኩለ ንጋት ላይ ልሂድ ልዝመት ያለ
በአህያ ሆድ ብርሀን ልቡ የታለለ
ግብርን ሳያስተውል ባንደበት የዛለ
ልቡን የተነሳ ያልነጋለት አለ።

@yegna

Yeab Tamrat:
አበባ ነሽ ብዬ ግና ከመግጠሜ
አበባ ስትቀጥፊ እያየሁ በቁሜ
ደግሞ ለአንቺ ቅኔ?
እንደውም ታውቂያለሽ!
አንቺን ጨረቃ አርጎ
ለአንቺ ስንኝ ዳርጎ
ለከተበ ምላሽ
"እናቷን ጨረቃ!" ብሎ ሚገጥምብሽ
ገጣሚ አያሳጣሽ!!!

@yegna

ወንበር ላይ ተቀምጠሽ
በዉይይቱ ነይ ብለው ሲያማክሯት
አልሰማም ስላለች
በአግድም ልትጫን ኦራል ተላከላት

@yegna

መልክሽ ይማርካል የውበትሽ ወዙ
ኮቴሽን ሚከተል አፍቃሪሽም ብዙ
ይህ ልብሽ ሳይሰስት እኔን የማለቱ
ንገሪኝ በሞቴ ምን ድነው ምክንያቱ?

"ፍቅር ምድራዊ
ዘር፡ ቀለም፡
ብሔር እና ዜግነት የለውም።"
@ ኦፍታኤ ዳዊት

Be feta

አንዱ ቤት ጩኸት አንዱ ቤት እልልታ፣
ሌላው ቤት ሀዘን ሌላኛው ቤት ደስታ።
ጉራማይሌ ሕይወት ጉራማይሌ ዓለም፤
አንድ ዐይነት ገፅታ በምድር የለም።
@ኦፍታኤ ዳዊት