....አየህ....የሆነ ጊዜ ላይ ደግሞ በሂደት ከልጅነት ችኩል አስተሳሰቦች መውጣት ያስፈልጋል.... ፊልም ላይ ከምናያቸው ድራማዊ ምላሾች ረገብ ማለት.... ነገሮችን በመጀመሪያ ምላሻችን ሳይሆን አዳምጦ በመረዳት፣ ከልብ ብቻ ሳይሆን ከአእምሮም ተማክሮ የመወሰን፣ ወደ ቀጣዩ የህይወት እርከን ለመሻገር የመቁረጥ አይነት.... ተረዳኸኝ?

....ደግሞ የሆነ.... ትውልዳችን ሁለት አደገኛ ማማዎች ላይ ተንጠልጥሎ የቀረ አይመስልህም?.... አንዱን ስታየው ስሜቱን ከማዳመጡ የተነሳ በሱ ብቻ የሚመራ.... ራሱን ቀድሞ እንዳደገ የቆጠረ.... እቺንም ሲያይ የሚጓጓ፣ ያለፈችዋም ሚስት የምትሆነው የሚመስለው.... ትናንት ላግባት ስላለህ ምኗን አይተህላት ብለህ ሳትጨርስ ሌላዋን የሚጎትትብህ... ምን አዘጋጅተሃል ስትለው ገና የእናቱን ቤት የሚጠራ ብዙ ፊዚክስ የሆነ ሰው አለ። ከሱ ብዙም ሳትርቅ ደግሞ ያለፈ ያገደመው በሬን ባንኳኳ ብላ የምትጠብቅ.... ገና ማማሰያዋን አጥብቃ መያዝ ሳትጀምር ቆማ ስለመቅረት የሚያሰጋት.... ብቻ ይምጣ እንጂ ምንምስ ቢሆን አይነቷ የዋህ... ዜማዋ ከተሰበርኩ ተከዳሁ የማይተርፍ.... ትቆጣት ይሆን ታዝንላት ግራ ታጋባለች። ለነዚ መስፈርት ትለው ነገር አይዋጥላቸውም.... የእድሜ ብስለት፣ ስክነት፣ ምክክር ይሉት የትዳር መሰሶዎች በራሳቸው ጊዜ እስኪገለጡላቸው መታገስ እንጂ ተመክሮ ሚመለስ ጥቂት ነው።


....በሌላው ማማ ላይ ደግሞ ሰርክ ወጣት ሆኖ የሚቀር የመሰለው አርቆ አሳቢ ያሳዝንሃል። ማለት.... የትዳርን ጠቀሜታ አትሰብከው ነገር ሊገባው ከሚገባው በላይ ገብቶታል.... ለሆነ... አሁንም እርምጃ ሊወስድለት ላልቆረጠው አንድ ቀን፣ ቀን ተሌት ይለፋል... ለሱ ትዳር የጠፈር ምርምር ነው... በሃሳቡ ምድር ላይ የማይወርድ ፍፁም ቤተሰብ ይስልና.... የምታቀርብለት የትኛዋም ሀዋ በዛ ፍሬም አልገጥም ትለዋለች። እሷም ከሱ ብዙ አትሻልም.... ፍራቻ አይሉት ጥላቻ... ብቻ የሆነ ሽሽት አለባት። ጆሮ ከሰጠሃት.... በሷ ስሌት ሁሌም ገና ልጅ ናት። ሁሉም ወንድ ደግሞ ገና ብቁ አይደለም። በዙሪያዋ ያሉትን ያለ ጡት ዝምድና ሃላል ያደረገቻቸው ይመስል... "ወንድሜ ነህ እያልኩ እንዴት እንዲ ታስበኛለህ?" ብላ ማስደንገጥ ልማዷ ነው... ከምትርቀኝ በሚል የተመኛት ሁሉ እህትነቷን ይመርጣል። ማለት... በቀረበን ሰው ለልጆቹ እናትነት/አባትነት ታምኖ መታጨት እኮ ከጨዋ ውይይት ጋር ይበልጥ ያከባብራል እንጂ አያጣላም... ተረዳኸኝ?.... ለዛ ነው ከማደግም በኋላ ገና አለማደግ አለ ያልኩህ። አንተ ከየትኛው ነህ... እሷ ከየትኛው ናት አላልኩም... እሱን ለናንተው። እኔም ከየትኛው ሆኜ መካሪ እንደሆንኩ ለኔ እንተወውና.... ብቻ... ሁለታቹም ስከኑና ወደምትግባቡበት ብስለት እደጉ። በሁሉም ላይ መሀከለኛ ከመሆን ጉዳት የለም። ጨዋ ውይይቱን ደግሞ ራህማኑ ዳግም ሲያቀማምጠን... ፊ አማኒላህ።

@Re_Ya_Zan

ረመዷን ወጣ ብለህ ከመሳጅድ ብትርቅ ሌሎች ወደ መሳጂድ ይሄዳሉ… ቁርዓንን ብትተወው ብትረሳው ሌሎች ይሃፍዙታል… አላህን ብትርቀው ሌሎች ይቀርቡታል… በስተመጨረሻም አንተ እንጂ ሌላ የከሰረ እንደሌለ ታስታውላለህ

ይህን የአላህ ቃል አስተንትን

{ وَاللَّهُ الْغَنِيُّ وَأَنْتُمُ الْفُقَرَاءُ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ }

አላህም ከበርቴ ነው፡፡ እናንተም ድኾች ናችሁ፡፡ ብትሸሹም ሌሎችን ሕዝቦች ይለውጣል፡፡ ከዚያም (ባለመታዘዝ) ብጤዎቻችሁ አይኾኑም፡፡
መድ🪶

@yeruh_weg

በምድር ላይ ባለህ ቆይታም ከመልካሞች ጋር ተወዳጅ...እነርሱ ከመካከላቸዉ በጠፋህ ጊዜ ፈላጊዎችህ ናቸዉ፣ መንገድ ስተህ ባዩህ ጊዜም ይመልሱሃል፣ በተዘናጋህ ጊዜ ያነቁሃል፣ በራቅካቸዉ ልክም ይናፍቃሉ፣ ከጌታቸዉ ጋር በተንሾካሾኩም ቁጥር ስምህን አይረሱም...🤍

@Re_Ya_zan
@Yeruh_weg

እድሜ

ልጅነት የተለየ አለም አለው። ደስታ፣ ጨዋታ፣ መቦረቅ፣ መደባደብ… ከኛ ከትልቆቹ አለም እጅግ ይለያል። በጣም ጣፋጭ የማይገኝ የሚናፍቅ ጊዜ ነው "ኧረ ልጆች ልጆች እንጫወት በጣም፣ ከእንግዲህ ልጅነት ተመልሶ አይመጣም…" እያልን ትርጉሙን ሳናውቀው እየዘመርን ቦረቅንበት። ትልቅ መሆን እንደተመኘን ነፃነት ያለው እየመሰለን እየጓጓንለትም አደግን። ነገር ግን ስናድግ ትልቅነት እንዳሰብነው የሚናፈቅ አለም ሁኖ አላገኘነውም። ልጅ ሁነን እጃችን ላይ ትንሽ ነገር ከቧጨረን ሳምንቱን እንደ ህመምተኛ እጄን ነካብኝ፣ አያስበላኝም፣ አያስተኛኝም ብለን እንዳልቀበጥን ሁሉ፣ አሁን መች እንደቆሰለ ራሱ የማናውቀው ብዙ ቁስል ሰውነታችንን ሞልቶታል። መች እንደቆረጥነው ሳናውቅ ረጥቦን ስንመለከተው እየደማ እንደሆነ የምናውቅባቸው አጋጣሚዎች ጥቂት አይደሉም። በማደግ ውስጥ አለመታመም ኑሮ ወይስ የውስጣችን ህመም በዝቶ ይሆን ሲቆስል የማትታወቀን ባይገባኝም ትልቅነት ግን የሚያጓጓ ጊዜ አልነበረም።

በትልቅነት ውስጥ አዕምሯችን ይበሰልም አይብሰልም ሀላፊነቶችን የመወጣት ግዴታ ይኖርብናል። አሁን ላይ እያንዳንዱ ጥቃቅን ስህተት "ልጅ ናት አታውቅም" ተብሎ አይታለፍልንም። "ትልቅ አልደለች እንዴ?!" ብሎ ተቆጪው ወቃሹ ብዙ ነው። የስኬት መንገዶች ላይ ድሮ ልጅ እያለን የማናውቀውን "ምቀኛ" የሚባል ቃል እንማራለን። በየምንገዱ ማልቀስ ላገኙት ሁሉ መዘርገፍ የማያዋጣ ነገር ይሆናል። ድሮ ልጅ ስለሆንን "እንዳያስቡ!" ተብለን የተደብቅናቸውን ችግርና ፈተና የሚባሉ ነገሮችን በተግባር እንማራለን። ከዛም ትልቅነት ያስጠላናል፣ የምንነፋረቅበት እቅፍ ይናፍቀናል። ወደ ልጅነት መመለስን ብንሻም በምኞት ውስጥ ስንዋልል ቁሞ የሚጠብቅ እድሜ የለንም። ከኋላችን እርጅና ያሳድደናል አሁን ከምንኖረው የባሰ የሆነ እድሜ። ቁጭ ብሎ ወጣትነትን እያስታወሱ ራሳችንን የምንወቅስበት እድሜ። መለስ ብለን ስናስበው ብንመለስበት ብዙ ማሳካት የምንችልበት እንደሆነ እንዲሰማን የሚያደርግ፣ አሁን ብዙ ያደከመንን ፈተና "ለዚህ ነው?" ብሎ የሚያስንቅ እድሜ ወደፊት ይጠብቀናል። ምኞት ብቻ ሁነን መስሪያ ጉልበቱን የምናጣበት፣ ለነገ ብለን የገፋነው ሁሉ ተጠራቅሞ የሚጠብቅብን፣ አንገፋው ወደፊት የለን…አንሰራው አቅሙ የለን… እንዲሁ ሁነን እንባክናለን። ከዛም ለምን ወጣትነት ላይ ፈተና እና ችግር እንደሚበዛ ይገለጥልናል። የተሻለ የእርጅና ዘመን ላይ መኖር እንችል ነበር። ነገር ግን ነጋችንን ሳናቅድ ኑረነዋልና ያተረፍነው ነገር ምን እንደሆነ አይገባንም። ከዛም ዳግም ለምን ወጣትነቴን ሳልጠቀምበት የሚል ቁጭት እናስከትላለን። ይህን የሚያውቁ አዛውንቶችም በቻሉት መጠን ሊመክሩን ይጥራሉ። ሁሉም ባለፈበት እንድናልፍ አይመኝልንም። ትንሽ የሚንቀሳቀስ ወጣት ሲያዩ ይደሰታሉ። ሁሉም ወጣቱን ህዝብ ይፈልገዋል፣ ለስኬት አስፈላጊ እንደሁነ ስለሚያውቅ ያለፈውን እድል ወጣቱን ተጠቅሞ እንዲሳካለት ይለፋል። ምክንያቱም አስቦበትም ይሁን ሳያስብበት ሀላፊነትን የተሸከመው ወጣት እሱ ብቻ እንደሚያሳካው የሚያውቁት እድሜውን ያለፉት ብቻ ናቸውና። እናማ… ህመሙ፣ ችግሩ፣ ሀላፉነቱ ቢበዛም ሁሉን ችሎ ትልቅ ቦታ የሚደርሰው የወጣትነት ሀይል ያለው ብቻ ነውና ችለን ነጋችንን መገንባት ትልቁ ስኬታችን ነው። የእድሜያችን ፈተና ይህ ስለሆነ!

@Re_Ya_Zan

በሶሻል ሚዲያ ውሎውን ጀምሮ በዛው ላይ ከሚያድርበት ይልቅ… በሶላትና ቁርአን ጀምሮ በሶላት ና ዚክር የሚጨርስ የተሻለና የተረጋጋ ጊዜን ያሳልፋል… ረሱሉና ዐለይሂመሰላም ከኢሻ በኋላ ወሬን አይወዱም ነበር…


መድ🪶
@yeruh_weg

ማናችን እንሆን...ከወንጀል የጠራነው በየትኛው መንገድ ይሆን መልካም ሰሪ ብቻ የሆነው በይፋም ሆነ በድብቅ ስንት ወንጀሎችን እንሰራለን...ነገር ግን የኛ ሩህሩና አዛኝ የሆነው አላህ ወደ እሱ በቀረብን ቁጥር ሁሉንም ወንጀላችንን ይምረናል እንደ ሰው ድጋሚ ሳያነሳ ወንጀላችንን ሁሉንም በምህረቱ ያልፍልናል ታዲያ ይሄን የመሰለ ጌታችንን ማመፅ እንዴት ቀላል ሆነ...?
.
.
@Re_Ya_zan
@yeruh_weg

መድ🪶
@yeruh_weg

.....መውደድ ምርጫ ነው (አሉ).... መውደድ፣ እስኪሰለቸን ድረስ.... ከሚመጡልን አማራጮች መሃል ለምናምነኛ ጊዜ ያለማቋረጥ ያንኑ አንድ ነገር መምረጥ ነው። ከንዴታችንና ከዛ ነገር፣ ከፍርሃታችንና ከዛ ነገር፣ ከደስታችንና ከዛ ነገር... ከምንም ነገር ጋር አወዳድረው ቢያቀርቡልን መልሶ መላልሶ እሱኑ መምረጥ ነው (አሉ)።

ልቤም የመውደድ ሚዛኑ ወዲያ አጋድሎበት እንዲያ ይለኛል....

ሰላም.... ከምንም ነገር ጋር ሲቀርብ ደጋግመው ኡመታቸውን ለመረጡት ለኛ ደግ ሰው....
ሰላም.... ከምንም ፈተና ጋር ቢወዳደር የተላኩላቸውን ነብይ አሳልፈው ላልሰጡት ታማኞች...
ሰላም.... ከህይወቱ እሳቸውን መርጦ አልጋቸው ላይ ለተተካው...
ሰላም.... ጥርጣሬውን ድል ነስቶ ከኸልቆች ቀድሞ ላመነው...
ሰላም.... አስፈሪ ግርማውን በኢስላም ጥሪ ስር ቆንጥጦ ለገራው...

ሰላም...... በመውደዱ ዘመን ለተኸለቁት ሁሉ🩵🤍

@yeruh_weg

🚨SERIOUS ACTION NEEDED FROM ALL RIGHT NOW🚨

This channel has appeared in YouTube called B Quranic Songs that combines music with the Holy Quran. Whoever can report this channel should do so until it is closed.

REPORT THIS HERETIC CHANNEL THAT DISTORTS THE QURAN! ⚠️‼️

ارجوا التبليغ عن هؤلاء الزنادقه قندره عليهم

https://youtube.com/@quranicsongs?si=-YXoOKuPtmGj1RdO

https://www.tgoop.com/QuranicSongs

You can report this way

ለጌታዋ ጥርት ካለች ተውባ በኋላ ያለውን ደስታ ሁሉም ሰው ቀምሶት የሚያውቀው በነበረ.... "ጌታዬ በጥፋት ላይ ሆኜ ነፍሴን እንዳይዛት ባልፈራ ኖሮ፣ ያንን ስሜት ብዙ ብዙ ጊዜ ለመኖር ስል ብቻ ደጋግሜ እያጠፋሁ ደጋግሜ ተውባ አደርግ ነበር" የሚል ይመስለኛል። ያ ረሂም.... ወዳንተ እንደተመለሰች አዲስ ንፁህ ነፍስ በዒባዳችን መርካትን ወፍቀን...

@yeruh_weg

ሰዎች ወደውና መርጠው ለሌላ ግለሰብ ሲሉ ሲሰቃዩ አይተህ ታውቃለህ?... እሺ እንደሚጎዳቸው የሚያውቁትን ነገር ለመሸከም በደስታ ሲፈነድቁስ?.... ራሳቸውን በሞትና በህይወት መሃል ለመጣል ሲፈራረሙስ?.... እንኳን ያሁኑን አወጣቹ ብለህ ስትጨርስ ድጋሚ እንደሚደግሙት በደስታ ቃል ሲገቡልህስ?.... "ያማቸዋል?" ይሁን የምትለው... "ሞኝ ናቸው" ይሁን የምትለው.... "ይሄንን ሰብር እና ብርታት ከየት አመጡት" ይሆን የምትለው ግራ ገባህ?...

......እነዚ እናቶች ናቸው። የ 9ወር ቤት ብለን ቀለል ያደረግነውን የ 9ወር ስቃይ የተቀበሉ... መች ነው ብለን የምንጓጓለት የወሊድ ቀናቸውን፣ የሞት ቀጠሮ ከመሆኑ ጋር የሚጓጉለት.... ከአንዱ ምጥ ትዝታ እንደወጡ ለሌላ ልጅ መምጣት ከተስፋ ጋር የሚያበሽሩ... የአላህ ራህመት የወረደባቸው እናቶች ናቸው። አንድ እህቴ..."አልጋውና መሬቱ በማያቋርጠው ደሜ ተውጦ፣ ነርሶቹ በተስፋ መቁረጥ እያዩኝ.... ሃሳቤ ላይ ይመላለስ የነበረው ብቸኛ ነገር 'በቃ ልጄ ያለ እናት ልትቀር ነው?' የሚል ነበር" ያለችኝ ደጋግሞ ጭንቅላቴ ላይ ይደውላል። በእውነት የዚህን ሂደት ክብደት ያወቀው... "እናቴ እንዴት አላሳደገችኝም?" ሳይሆን... "እናቴ እንዴት ይሄ ሁሉ አሰቃይቻት አልጠላችኝም?" በሚል ሊደነቅ የሚገባው ይመስለኛል። ብቻ..... በዚ ሂደት ውስጥ ወደ ጀነት በተከፈተላቸው በር የቀደሙንን እህትና እናቶቻችንን አላህ በጀነቱ ህይወታቸውን ከሰጡላቸው ልጆቻቸውና ወዳጆቻቸው ጋር ያሰባስብልን ዘንድ ዱዐ እናደርጋለን...

@yeruh_weg

...."ባንወድቅ ኖሮ.... እጃችንን እንዳልያዙት በምን እናውቅ ነበር?".... የሚል ነገር አነበብኩ...

ፈልሃምዱሊላህ በመንገዳችን ላይ ላጋጠሙን ትናንሽ እንቅፋቶች....

@yeruh_weg

....ወዳጆቻችሁ በህይወታቸው ውስጥ ያሉ ትንሽና ትልቅ ችግሮችን በሙሉ ቆጥረው መበደላቸውን ሲነግሯቹ... አላህን እንዲያመሰግኑ አስታውሷቸው። ምክኒያቱም እነዚህን ተቆጥረው የሚያልቁ ችግሮችን የቀደረባቸው ጌታ፣ ራሱ ተቆጥረው የማያልቁ ፀጋዎችን ያወረደባቸው ራህማን ጌታ ነው። አላህም ችግሮቻቸውን ሁሉ በቅፅበት ውስጥ ፀጋ፣ ፀጋዎቻቸውን ሁሉ በቅፅበት ውስጥ ወደ ችግር በመለወጥ ላይ ቻይ ነው። ፈልሃምዱሊላህ ተቆጥረው ለሚያልቁ ችግሮቻችን፣ ወልሃምዱሊላህ ዐላ ኩሊ ሃል🤍

@yeruh_weg

....አንድ ጊዜ አልሃጃጅ ኢብን ዩሱፍ ወደ ጌታው የሚማፀን አይነስውር ያያል ይባላል። ምን ሆኖ ነው ሲልም ይጠይቃል። አላህ "አይኑን እንዲያበራለት እየጠየቀ ነው" ሲሉ ይመልሱለታል። አይነስውሩ አንዴ ልብሱን እየነካካ አንዴ ፀጉሩን እያሻሸ ዱዐ የሚያደርግበት ሁኔታ ያን ያህል ያመረረ እንዳልሆነ ያስታውቅ ነበር። አልሃጃጅ በዘመኑ ጨካኝ ከሚባሉ መሪዎች አንዱ ከመሆኑ ጋር በሁኔታው ተበሳጭቶ ወደ ሰውየው ይጠጋና "እኔን አውቀኸኛል?" ሲል ይጠይቀዋል። አይነስውሩም በመርበትበት "አዎ፣ እንዴታ! እርሶን የማያውቅ ማን አለ" ሲል ይመልሳል። አልሃጃጅም... "እስከ ፈጅር ጊዜ ሰጥቼሃለው። ፈጅር ላይ አይንህ በርቶ ባላገኘው በአላህ እምላለሁ አንገትህን ህዝብ ፊት ነው የምቀላው" ብሎት ይሄዳል። አይነስውሩ ከፍርሃቱ ሌሊቱን ሙሉ እያለቀሰ ጌታውን ከዚ ጉድ እንዲያወጣው ሲማፀንና ሲዋደቅ ያድራል። በነጋታው ጠዋትም አይኑ በርቶ ያገኘዋል። አልሃጃጅም... "ዱዐ ማለት እንዲ ነው" አለው ይባላል።

.....ጀባሩ በዱዐቸው ላይ ለነፍሱ እንደሰጋው አይነሰውር ችክ ብለው በሰጪነቱ ላይ ተስፋ የማይቆርጡትን ይወዳል። ፊርደውስ በሳምንት አንዴ በሚሰገድ ጁምዐ፣ በአመት አንድ ወር በሚቆምበት የረመዳን ዱዐ ብቻ አትገኝም። የሙስሊም ወንድምና እህቶቻችንም ፈረጅ ፖስት ባየን ቁጥር በሚመጠጥ ከንፈር አይደረስም። ዱዐችን ላይ ችክ እንበል.... አላህም ኸልቁ ሙሉ ተሰብስቦ ቢጠይቀው ለእያንዳንዳችን አንዳንድ ዱንያ በመስጠት ላይ ከሱ ቅንጣት የማያጎልበት ከመሆኑ ጋር ቻይ ነው።

@yeruh_weg

".....አንድ ነብር... 3 እርግቦችን ሊያድን እንደመጣ አስብ። ሁለቱ ነብሩን እንዳዩት ለመብረር ወሰኑ፣ አንዷ ግን ለመብረር አሰበች እንጂ አልወሰነችም። ነብሩ በዚ ቅፅበት ከደረሰ ስንት እርግብ የሚበላ ይመስልሃል?
.
.
.
.
.....1 ካልክ ተሳስተሃል፣ ነብሩ 3ቱንም ነው የሚበላቸው። ምክኒያቱም ሌሎቹ ሁለቱም ወሰኑ እንጂ አልበረሩም። በማሰብና በመወሰን መሃል ያን ያህል ልዩነት የለም። ልዩነት ያለው ተግባር ሲኖር ነው። ብዙ ሰዎች ይመኛሉ፣ ይወስናሉ፣ ይመዘገባሉ.... ግን ተግብረው የሚያሳኩ ጥቂቶች ናቸው።"

-ኡስታዝ ያሲር አልሁዘይሚ

@yeruh_weg

በ ህይወትሽ የትኛው የህይወትሽ ክፍል ቢደገም ትደግሚያለሽ?ብባል ድጋሚ እንኳን ሳላስብ 'አስራ ሁለተኛ ክፍልን!" ምል ይመስለኛል😊

በጣም ሰነፍ ነበርኩ ብያችኋለው? ብቻ ሰነፍ ነበርኩ ( አሁንም!😂) እና ለ ኢንትራንስ እንድናጠና ሚዘጉልን ጊዜያት እንዴት ያለ ቆንጆ የ እንቅልፍ እና የ ወሬ ሰአት ሆኖልኝ እንደነበር! ልናጠና ተሰብስበን ስናወራ ቀኑ እልቅ!... አጥንቶ እንደዋለ ሰው ቤት ገብቼ እራቴን በልቼ ለጥ!.....ግን ይሄ ምቾት ብዙ አልዘለቀም። በሌላ በኩል የ dicipline ማስተርስ ያላቸው ጓደኞቼ በየት ያስተኙኝ?😑 ቤት ድረስ እየመጡ እየጎተቱ ላይብረሪ! ወለም ዘለም የለም። ብቻ ከወሬው ፣ ከዝላዩ እና ከማይረሱ ትዝታዎቹ ጋር እንደዛሬም ነገር ባለመክረሩ በ አላህ ራህመት + በ ጓደኞቼ ፅናት በጥሩ ውጤት ግቢ ገባው።

ባለፎ የዘንድሮዎቹን አግኝቼ "እናንተ ላይ ከፍቷል ጊዜው መቼም.. እንዴት ነው ጥናት?" ስላቸው እኩል ሳቁና
"ትተነዋል ባክሽ" አሉኝ።የዛን ቀን ፊታቸው ላይ ያየሁት ተስፋ መቁረጥ አስደንጋጭ ነበር።already ቀድመው እንደሚወድቁ አምነው ተቀብለውታል።ደሞ ገና 11 ላይ 12 ሲወድቁ ምን እንደሚሰሩ ከሚያወሩ ለጋ ወጣቶች ጋር ማውራት ሲያስጠላ ወላሂ!!

ግን "ለዚህ ምክንያቱ ማንም ይሁን ማን መወቃቀሱን ትተን ዳይ ወደ መፍትሄ!" ያለው ሁርቃን(hurqan) ተቋም ፤ አምና በ አመርቂ ውጤት 12ተኛ ክፍልን አገባደው ወደ አንጋፋው አዲስ አበባ ዩንቨርስቲ የተቀላቀሉ ተማሪዎችን በመጋበዝ ፤ ለዘንድሮ ሙስሊም ሴት ተፈታኞች በ ሞራል ፣ በ ምክር እንዲሁም በ ልምድ ማጋራት( Experience sharing) ሊያሳሽቃቸው ዝግጅቱን እያገባደደ ነው።ሙስሊም ሴት ናችሁ?ለ ህይወታችሁ እድገት ቦታ አላችሁ? ባትሆኑም ሙስሊም ሴቶችን ማበርታት ትፈልጋላችሁ? እንግዲያውስ እንቀላቀል!

(12ተኛ የሆናችሁ ሴቶች ደሞ ግዴታ ነው!☺)

Stay tuned! በ ቅርቡ!


https://www.tgoop.com/HURQANN

"እኔ ምልህ…"
"እእ… "
" እስኪ ልብህን ሳልልኝ?"
" አሁን ከምር የልብ ቅርፅ ጠፍቶህ ነው?
♡ ያው ሳልኩልህ!"
"እንዲህ ነው ልብህ?"
" አዎ ምነው? ያንተ ይለያል እንዴ ሃሃ..."
" ታድለህ ጥርት ያለ ነው። የኔን ለመሳል ጥቁር ቀለም ያስፈልጋል።"
" እእ ማለት?"
" ኧረ ስቀልድ ነው ሃሃሃ…"


@yeruh_weg

ለመተዋወስ....

============*=*=*============

فَهَلْ يَنظُرُونَ إِلَّا ٱلسَّاعَةَ أَن تَأْتِيَهُم بَغْتَةًۭ ۖ فَقَدْ جَآءَ أَشْرَاطُهَا ۚ فَأَنَّىٰ لَهُمْ إِذَا جَآءَتْهُمْ ذِكْرَىٰهُمْ

ሰዓቲቱንም ድንገት የምትመጣባቸው መኾንዋን እንጅ ይጠባበቃሉን? ምልክቶችዋም በእርግጥ መጥተወል፡፡ በመጣቻቸውም ጊዜ ማስታወሳቸው ለእነርሱ እንዴት ይጠቅማቸዋል?
(47 : 18)

============*=*=*============

@yeruh_weg