اتصبر عقب طول الجفا حتى غديت
غصنٍ اومت به سموم الدهر لين انبرا

حجزت لك رحلة ذهاب بلا اياب
وقفلت قلبن ما قصر عنك خيره

سويت لك مالا تهيا وما طاب
وعينٍ على عز التعب لك سهيره

ما عادنا مثل أول أيامنا احباب
سكرت بدروب الهوى كل سيره

مديت لك حس المحبه والاعجاب
وقلبن ماتحلم فيه حتى الاميره

تعبت ادور للامل والامل خاب
ماعاد يجمعنا القدر يالعشيره

روحي فمان الله مع خاطرن طاب
طاب وتأثر ما عرف وش مصيره

حل الفراق وخلفنا سكة غياب
واللي حصل مابيننا كان خيره

مع السلامه واقفلي بعدك الباب
ماعدتي اللي في عيوني كبيره

ياغايبه نامت على الامس عيني
وبدا الغرام بمرتع الصدر يطوى

دامه بخل معك الوصال أجرحيني
أقلها نبعد على شيء يسوى

ما عاد أبي في حبنا تنصفيني
بديت أشوفك ضيق خاطر وبلوى

عطيتك أيامي وفرحة سنيني
وقلبٍ على طيب الوفا فيه تقوى

عن كل ضيقه شالتك راحتيني
كانت يديني عن قسى الوقت مئوى

أقسم بـ من حل القسم تعرفيني
ما كنت احبك من فضاوه ونزوى

لا ياخذك تفكيرك وتحسبيني
إني عليك من الكلام أتحلوى

روحي وبعد اليوم لا تحتريني
لي نفس آماره ولي قلب يقوى

والحين مع كل الاسف فارقيني
تشؤم عن ذل الهوى إخوان بدوى

الظاهر إن البعد بينك وبيني
حاسد وجته الاستجابه بدعوى

فيه امورٍ مايجوز العذر فيها و التغاضي
‏لاوصلنا عندها حطيت قلبي تحت رجلي

أواجه الدنيا ولا أوقف بـَ صف الحياد
‏ يا أكوّن الحل ولا أكون المشكله

‏اللَّهُم ارزقني فضل ليلة القدر وفضل قيام ليلة القدر، اللَّهُم سهِّل أُموري من العُسر إلى اليسر، اللَّهُم اغفر لي ذنبي وتجاوز عن سيئاتي وارزقني من خير الدنيا ونعيم الآخرة

يوم وكد غلاه و شاف حبه تمكن
مس قلبه غرور و صاب طبعه بلا

حتى البحر عايش مع الناس تسليك
تشكي عليه الهم ويجاوبك " تش "

رضيت بأسلوب الاوادم ماشكيت ولا زعلت
والناس تزعل يوم أعاملها بنفس اسلوبها

ترا العلوم الطيبه يابن الأجواد
تنقل على مر السنين الطويله

إما تصون اللي يبيك وتراعيه
وإلا على ما قيل أسلم وسلم

صار قلبي بعد فرقاك خط مسافرين
يدهلونه بس مامنهم اللي .. يستقر