USAID loyihasi doirasida Chemonics International delegatsiyasi bilan uchrashuv bo'lib o'tdi

22-yanvar kuni Chemonics International delegatsiyasi a’zolari bilan uchrashuv bo‘lib o‘tdi. Unda tashkilotning bosh direktori Markos Moreno, direktor o'rinbosari Merdan Annamanov va O‘zbekistondagi konsultanti Behzod Umarov ishtirok etdi.

Uchrashuvda Chemonics International tomonidan USAID ko‘magida O‘zbekistonda amalga oshirilayotgan agrobiznesni rivojlantirish loyihasi doirasida qishloq xo‘jaligi tarmog‘idagi imkoniyatlar muhokama qilindi.

Markos Moreno o‘zining 35 yillik tajribasi haqida so‘zlab, agrobiznes sohasida yoshlar va ayollar uchun barqaror iqtisodiy imkoniyatlar yaratish bo‘yicha fikrlarini bildirib o‘tdi. Shuningdek, Merdan Annamanov Moldova va Ukrainadagi muvaffaqiyatli USAID loyihalari haqida ma’lumot berib, ularning O‘zbekistondagi loyihalar uchun ham amaliy ahamiyatini ta’kidladi.

Tashrif O‘zbekiston agrobiznes sektorida yangi istiqbollar ochishi va xalqaro hamkorlikni kuchaytirishi kutilmoqda.

🔰Toshkent viloyati O'rta chirchiq tumanida "Jamg'arma o'yini", "Fermerlar o'yini", "Mikro biznes o'yini", "Biznes reja tuzish", "Bank bilan suhbat" mavzularida seminar-treninglar bo'lib o'tdi.

⚡️Mazkur interaktiv seminar-treninglar O'zbekiston yosh fermerlari Kengashi “German Sparkassenstiftung hamda O'zbekiston yoshlar ittifoqi Toshkent viloyati Kengashi tashabbusi bilan tashkil qilindi.

💠Seminar ishtirokchilari bank, kredit, omonat kabi moliyaviy tushunchalar toʻgʻrisida atroflicha maʼlumotga ega boʻldilar.

🫥 Shuningdek, amaliy mashg'ulotlar yordamida bilimlarini yanada mustahkamlashdi.

🌐Maʼlumot uchun bu kabi treninglar yoshlarning nafaqat bilimini oshirish, balki moliyaviy savodxonligini ham yuksaltirib, kundalik hayotda undan foydalanish imkoniyatini ham beradi.

Web | Telegram | Facebook | Instagram |YouTube

Yoshlar uchun ajratilgan dala yerlarida ekinlar sifat darajasida yetishtirilmoqda

✅Ayni paytda qishloq xo‘jaligi vaziri Ibrohim Abdurahmonov Qumqo‘rg‘on tumanidagi "Mirza Olim" fermer xo‘jaligiga qarashli dala yerlarini ko‘zdan kechirdi.

✍️Ma’lum bo‘lishicha, bu yerda kartoshka va piyoz ekinlari sifat darajasida parvarish qilinmoqda. Mas’ullarga ko‘ra, birgina yosh fermerga tegishli 30 sotix yerda yetishtirilgan piyozning o‘zidan o‘tgan yilgi hosildorlik 20 tonnani tashkil etgan.

🌲 Hozirda umumiy maydonning qariyb 30 gektariga piyoz ekilgan bo‘lib, bunda tajribali fermerlar va yoshlar birgalikda, hamjihat bo‘lib ish olib borishmoqda. Imtiyozli ravishda har bir yosh fermer uchun 30 sotixdan ajratilgan dala yerlarida ham ish jarayonlari qizg‘in kechmoqda.

💬Zero, yosh fermerlarni qo‘llab-quvvatlash, qishloq xo‘jaligini rivojlantirish va raqobatbardosh hosil olishga qaratilgan muhim qadamdir.

Web | Telegram | Facebook | Instagram |YouTube

Turkiyalik agronom tomonidan issiqxonalarda amalga oshirilayotgan ishlar

🍅Qoraqalpog‘iston Respublikasi Taxiatosh tumanidagi "Nayman Agroteplitsa" issiqxonasi Turkiyadan kelgan agronom Bulant Atesh boshchiligida 4 yarim yildan beri muvaffaqiyatli faoliyat yuritmoqda. Ushbu issiqxona 8,5 gektar maydonni egallab, har gektardan 100 tonna pomidor hosili olish imkoni bor

Issiqxonadagi faoliyat quyidagi tarzda tashkil etilgan:
1. Pomidor yetishtirish jarayoni: Dekabr oyidan boshlab pomidorlar pishib yetiladi. May oyining oxirigacha terim ishlari amalga oshiriladi.

2. Eksport va bozor uchun yetkazib berish: Olingan pomidorlar asosan Qozog‘iston va Rossiya davlatlariga eksport qilinadi. Qolgan qismi ichki bozorlarga arzon narxlarda yetkazib berilib, aholiga hamyonbop narxlarda taqdim etiladi.

➡️Bulant Ateshning so‘zlariga ko‘ra, yuqori hosildorlikka issiqxona ichidagi mikroiqlimni boshqarish, zamonaviy texnologiyalar va turli agrotexnik usullarni qo‘llash orqali erishilgan.

Uy hovlisiga qanday daraxt turlarini ekish mumkin?

🌳 Ular havo sifatini yaxshilash, soya hosil qilish, meva berish yoki estetik jihatdan go‘zal ko‘rinishni ta’minlash maqsadida tanlanadi. Quyidagi daraxtlar uy hovlilari eng foydali hisoblanadi:

🍒 Mevali daraxtlar:
➖Olma: Ekilishi oson va hosildor daraxt. Bahorda go‘zal gullar, kuzda esa mazali meva beradi.
➖Gilos: Shirin mevalari va bezakli ko‘rinishi bilan yaxshi tanlov.
➖O‘rik: Tez o‘sadi va mazali mevalar beradi.

🌳Soyali daraxtlar:
➖Yong‘oq: Katta va keng soyali, mevalari ham foydali.
➖Akatsiya: Juda tez o‘sadi va issiqda yaxshi soya beradi.

🌺Bezakli daraxtlar:
➖Magnoliya: Bahorda chiroyli gullaydi va juda go‘zal ko‘rinish hosil qiladi.
➖Sireniya (lilak): Xushbo‘y gullari va bezakli ko‘rinishi bilan ma’lum.

ℹ️Shuningdek, har qanday daraxtni ekishda tuproq va iqlim sharoitlariga e’tibor berish muhim. Hovlingizning o‘lchami va boshqa shartlarni inobatga olib, o‘zingiz uchun eng mos daraxtni tanlashingiz mumkin.

Web | Telegram | Facebook | YouTube