ياحَبيبي ، الليل هَم ساكت يشبهك..

يا حبيبي
خاف ترهم يوم وازعل
لا تفكر بيّه زايد..
گلبي فضَه
والزعل ويّاك ومضه
بس أشوفك، أو يمر بيّه خيالك
كل شي بيّه بساع يرضى
ومن تجي
لا تعتذرلي
لا ترضّيني حبيبي
لخاطرك من كيفي أرضى🤎.

لگيتك والخضَار بروُحي غطىٰ الگاع🤎.

أودُّ بلقاءٍ حقيِقي معَك، نفذَت
مخيِّلتي من تصويرِ لقاءٍ يجمعُنا🤎.

شَيعوضني الدمع
واني الخِسرته هَواي
عَلى رَملة امِل كُل عُمري
وَشلته
وَأنا الباگوا نَهاري
وَرحت ادوره بَليل 🤎..

هَذولة إحّنا گُطِن !
و إنتُم حِچيكُم نار
يحرگنِا ، شمِس والليّل
يُكتلنا ، هَذولة إحّنا
علىٰ الفُطرة وتعذبنِا 🤎.

بعتني بلا مداهَر بيعة الخَوّاف 🤎!

ما شفتك اليوم استعجل اتنام
أنا كبلك نمت نتشاوف طيوف🤎.

ميّز جَرح عن جرح بيهن يطيب بدوة
وبيهن يطيب بجرح.!

جرحي اعرفت علته..
جرحي دواه الملح،
جرح الكبل يستحي..
شو هسة صاير وكع

بي حالة من الغجر
الليل كله سهر وينام وكت الصبح🤎.

تَزاعلنا و تعَده علىٰ الزعَل مُده
نَدم وديتله ، بَس كُلشي ما وده
كلتله اكتب عتب بلكي الظنون تنام ،
مَثل كَلبي الرسايل تِرجع مرمده
شِلت روحَي و صَنم يَم بابهم حطيت
إلى إن ماي وَجهي بعتبته تبده 🤎.

وياما گتلك!
نظرة منك تختصر عمري الحزين
وياما گتلك،
كلمة منك تنده بروحي السنين
وچنت وين ؟ وهسه وين ؟
چان گلبي ولاية وحشة
والشعور البيه طين
هسه ديني رموش عينك
مالي ويه الناس دين،

وليّش كل إحنا حزانه ؟
لا يّشيل اهموم كلبچ
يكفي بس انا حزيّن
يكفي أشيّل اهمومچ، هموم الشماته
، هموم وكتي ..
كّلهن بهَل رگبه ديّن🤎

مالهُم بعَيوني مُكان
انتِ عَيوني گلها 🤎.

أمس حَطيتهن مرسال يم مرسال
عاينت لـ ردودك مــا استاهلها 🤎.

اشكرك ممنون منك
علمتني شلون اعرف الناس مغروره وتحب
بس المظاهر
وعلمتني الباع روحه.. من يرد ما يلگه روحه الباعهه بنفس المشاعر
وعلمتني العشره عدكم صفت لعبه مثل لعب اطفالكم لف الجگاير
وبالوهم گظيت عمري بعشرتك والوهم جاير
بس اگلك.... خل تظل ترچيه بذنك
وين ما صادفت واحد گلبه طيب گول خاسر🤎.

رجع مِن كل كتر مخذول
اهلة ودنيتة وناسَة
حاول يحچي بس مِافاد
محد فاهم أحساسة
ولا يكدر يعيش هَواي
قرر يرجع لساسة
ركض جاب الحبل وتمرجح
براسَة 🤎!

الميت مو عزير بكد الفلوس
توها الفاتحة ونحسب مخاسير..!!

أثاري انتَ سفر دنيا ، وحلم مبيوگ
مر صدفة وخلص وكته !

على الما اكدرلهن جنت اكلك صار

بعد لا زندك يدَفي
‏ولا ظلت شمس بيدك
‏بعد هذا الحزن يفلان ماريدك