ئیتر ئەم تاڵاوە بادەش،ئۆقرە نابەخشێ
@z_harman

مامۆستا جەلال مەلەکشا

گوڵی زۆریان لە داوێنم دزیوە

@z_harman

مامۆستا جەلال مەلەکشا

خوێنی دەڕژێ کەسێ لێوت بمژێ
سەیرە من تۆم نەدی خوێنم دەڕژێ

بە کەمی مەگرە ژیانی بە ئەوین
دە ئەوین دایە هەموو تامی ژین

@z_harman

هۆنراوە:مامۆستا هێدی

ئەو ڕۆژە هەر دێ ،چۆمیلکەیەک دەبێتە بەحری پڕشەپۆڵی لێوبەکەف.

@z_harman

✍️:مامۆستا عەزیز وەلیانی

ئێمە بۆ هێندە پێک نامۆین؟
ئەگەر ڕۆژێک ئاشتی بێ و بمانپشکنێ بڵێین بۆچی؟
@z_harman

مامۆستا مارف ئاغایی

هەرچەندە نووتەکیش بێ شەوگاری ناهومێدی
خۆرێکی تر دەڕسکێ ڕادا شەوی ڕەشی شەڕ

@z_harman

مامۆستا ئەمین گەردیگلانی

دەمێک بە باسی کورد نەکرێتەوە
وتەی خۆشی ئەو نەگێڕێتەوە
سپاسی لاوان بەو نەبڕێتەوە
وەڵامی کوردی پێ نەدرێتەوە
ئەو دەم و لێوە یاڕەبی ڕەق بێ
پووکی داڕزێ، ددانی لەق بێ

@z_harman

مامۆستا سەید کامیل ئیمامی(ئاوات)

تکام وایە کە من مردم لەژێر دڕکێکی بمنێژن
لە خۆڵی خاکی پیرۆزم بەسەر گڵکۆمی دابێژن
هەتا ئەو دڕکە هەر ساتێ لە ناخی جەرگی من ڕاچێ
وەبیرم بێتەوە هەرگیز وڵاتی خۆم لەبیر ناچێ

@z_harman


هۆنراوە و خوێندنەوە:مامۆستا عەزیز شاڕوخ

بەرخەوان:شوانی بەرخ

بەلەباقە:نەخۆشیی بزن

بەلەمس(بەلەمز):بزنێکە دەم و لووتی سپی بێ و گوێی ڕاست ڕاوەستن.

پەڵخ:پاڵاخ،بەچکەی گامێش

تنگێڵە:مەشکەی لیپاولیپ لە ئاو

تەژیر:هۆڵی مەڕ،ئاغەڵ

جاوەڵووکە:گیایەکە کە ئەگەر مەڕ بیخوات،ماستی گەلێک باشی دەبێت.

چاربەری:بزنی چوارساڵە

شیرێژ:دۆی دوای مەشکەژاندن دەکوڵێننەوە شیرێژی لێ درووست دەبێ.

شێلمۆک:پەنیری کوڵاو

غادم:کەڵی خەساو،کەڵی گون‌دەرهاتوو

فتراق:بەن‌سامۆتە،دوو بەنی ئەستوور و درێژن بە پاش‌تەڕکی زینەوە.

فرۆ:هەوەڵ شیری حەیوان دوای زان گەرم دەکرێ دەبێتە فرۆ و دەخورێ

قانگدان:دەرپەڕاندنی گیاندار بە دووکەڵ دەباڵکردن.

کەشکە‌فەریکە:کەشک کە هێشتا توند و ڕەق نەبووبێ.

کۆڵەسوار:بە کەسێک دەگوترێ سواری باش نەزانێ

کۆنەسوار:سوارچاک،سواری بەئەزموون و باش

@z_harman


فەرهەنگی ئاژەڵداری
کۆکردنەوە:عومەر ئیمام

خاتووزین دوای مەرگی کاکەمەم دەچێتە سەر گۆڕەکەی و بە دڵێکی پڕ لە خەم هاوار دەکا:


ئەی خێوی دڵ و لەش و گیانم
باخ بووم و ببوویە باخەوانم
لەو ڕۆژەوە باخی خۆت نەدیوە
وشکە، کزە، زەردە، پەلوەریوە
دوو مەمکی بڕەوشکێنی لیمۆ
بێناز و لە هەڵوەرینە بێ تۆ
لێت ڕوون بێ کە نادرێتە دەس کەس
تۆی خاون و تۆ دەناسن و بەس.
ئەم باخی گوڵەم بەڕێکوپێکی
هەر پەلک و شکۆفە و چڵێکی
بۆ تۆ بوو کە بێی و لێی بنۆڕی
تۆش جێگە دەگۆڕی، جێ لە گۆڕی
من جوانی چ لێدەکەم بەبێ تۆ؟
بۆ تۆ نەبێ با بچێ بەفیڕۆ
گۆڕیچەیی تۆ دەکەینە پەردوو
ترسی نەگەیین بەیەک، بەسەرچوو
ئامێزی لە کێلی مەم وەرێنا
ئاخێکی دوای بە ژینی هێنا

@z_harman

(مەم و زین)

هۆنراوە:مامۆستا ئەحمەدی خانی
وەرگێڕان:مامۆستا هەژار

ئەمڕۆ لەبەر ئاوێنەدا
ڕووت‌وقووت بووم
مەمکم ئەیوت:ئەترسم زۆر
زۆر ئەترسم چنگی عاشقم نەگاتێ و
نەملاوێنێ و نەمگڵۆفێ و
پێشتر بمرم.

@z_harman


مامۆستا شێرکۆ بێکەس

ئاخری دنیا هەموو دەگری بە ناز
خۆ تۆ «نازی» نی کە دنیا داگری
ڕێم بدە خونچەی دەمت بگرم بە لێو
خۆ چ ناقەومێ لە ئامێزم گری

@z_harman

هۆنراوە:مامۆستا عەلی حەسەنیانی(هاوار)

ئامرازی لێکدەر بەجیا دەنووسرێن.
(و) وەک ئامرازی لێکدەر نرخی وشەیەکی سەربەخۆی هەیە و نابێت هیچ کاتێک بلکێنرێت بە وشەی پێش خۆیەوە.

ئەستێرە و مانگ✔
نەک:ئەستێرەو مانگ×

شار و لادێ✔
نەک:شارو لادێ×

هەر کاتێک (و) ئەرکی ئامرازی ناوبەند ببینێت،واتە ئەگەر دوو وشە بکاتە وشەیەکی لێکدراو،ئەو کاتە دەلکێت بە وشەکانەوە

هاتوچۆ،هێلکەوڕۆن،دەموچاو

@z_harman

پوختەی ڕێنووس و خاڵبەندی
دانەر:مامۆستا دیاکۆ هاشمی

تا کەی دارتاش بم بێ دەرک و کورسی
جۆڵا و جووتێر بم بێ دەرپێ و برسی

تا کەی فرمێسکی ژن و منداڵم
ئارەقی ڕژتووی ڕەنجی چەند ساڵم

دەدەی بە ئارەق خۆت سەرخۆش دەکەی
من نەخۆش دەکەی خۆت بێهۆش دەکەی

سوێندم بە چرچ و لۆچی ناوچاوم
دەستی قەڵشاوم،لاقی سواوم

هیچ سات و کاتێ دەس هەڵناگرم
یان هەق دەستێنم یان بۆی دەمرم

@z_harman

هۆنراوە:مامۆستا هەژار

دوور بنواڕە،ئاسۆ ڕوونە( هێمن)

ڕۆژێ هەڵدەفڕێ هەزار تەییارە
کە لەبن باڵی بژی کورد دیارە(هەژار)

ڕۆژێ هەر دێ کوردەواری سەرکەوێ(هێدی)

ئەوەی هەرگیز پێتان ناکرێ
سڕینەوەی ئازادییە لە ڕوحمانا(بێکەس)

بار کەن بڕۆن
زەویی ئێمە دانی ئێوەی لێ شین نابێ(پەشێو)

@z_harman

#کوردستان

ماڵمان لە نیزیک سنوورە
تەقەی تفەنگ و
تەقینەوەی مینی دوای شەڕ
وەک دەنگی زیرەک و ماملێ ئاشنایە.

@z_harman

مامۆستا ک.د.ئازاد

زۆرکەس،زۆرجار گاڵتەم پێ دەکەن و دەڵێن:ئەوەی لە دووی وێڵی زۆر دوورەدەست و حەستەمە و هەرگیز دەست نادا! بەڵێ ڕەنگە زۆر چەتوون و گران بێت و لەوانەیە بمرم و نەیبینم،بەڵام نابێ دڵداری ڕاست لە ڕێگەی نیازا بیر لە تاریکی شەو و کەندوکڵۆی ڕێگە و دەست‌لێوەشاندنی جنۆکە و دێوەزمە بکاتەوە.

@z_harman

[بۆ کوردستان]
مامۆستا هەژار

کوردم و کەم نیم و کەم نابم بە زۆر
چون دەبینم وەک هەموو کەس خەونی خۆر

دەمهەوێ دەرمانی دەرد و عیللەتان
سەر هەڵێنم وەک تەواوی میللەتان

@z_harman


هۆنراوە:مامۆستا عەبدووڵڵا گولابی(هونەر)
وێنە:حوسێن خاڵەندی

کەی ماڵ و سامانم لێت ویست
کەی تەلار و کۆشک و قەڵا
زێڕ و مووروو... حاشا، حاشا.
بە چاوی خۆت سەیری دنیای بیرم ئەکەی
ڕێگای عەشقم
بە گەزی خۆت ئەپێویت و دوایی نایەت
بە دەسترەی شڕی بیرێ کۆن سەر چاوەکانت بەستووە

ئەم ڕێگایە ناگاتە جێژوانی عەشقم
لاڕێ ئەروێ
لاڕێ... لاڕێ

@z_harman

هۆنراوە:خاتوو ژیلا حوسێنی

ئەتۆ وەرە ماچێک و بیست و دوو شەوڕامووسانم لە گەرنی بە خاڵ و دوو چاوی بەڵەک بکە،بەڵکە گولێکی دە گولە‌مێردان لە کەلێنێک چاوی لێ بێ،حەوت ساڵان دە بن پەراسوویدا وەخڕی کا،پاشی حەوت ساڵەی لێی پکاتە دەردی گرانی ڕەقە‌بێوەسیری
هومێدوارم لەکن خودای و پێغەمبەری لە حەیف و مەیلی ئەوێ قسێ بمری.

@z_harman

بەیتی ئازیزە
مامۆستا عەلی کەردار