چیاکان فێریان کردم
چی بپۆشم.

@z_harman


فەرەیدوون ئەرشەدی

لە دەستم دێ
کاتژمێری کامەرانیت بوەستێنم
لە دەستم دێ
ئەڵقەی پەنجەت پێ فڕێ دەم،
نامەی بەختت بسووتێنم

لە دەستم دێ
هەموو شتێک ئاشکرا کەم
کام شەوت گەش و ڕووناکە،
ئەو شەوی فوو( پف) لە چرا کەم

لە دەستم دێ، بە دوو وشە
دڵی زاوای نووستووت ڕەش کەم،
لە خۆشاوی شەوی پەردەتان بێبەش کەم.

@z_harman


مامۆستا پەشێو

وەرە وەڪ بەندەرێ
ئامێزت بڪە بە لەنگەرم
تەنیایی دەستڕێژم لێ ئەڪات
من زۆر لە غەریبی دەترسم
بانگم ڪــــــــــــــــە
با ئەوین بڪەم بە سەنگەرم


@z_harman


مامۆستا جەلال مەلەکشا

تۆ لەسەر خاکێکیت،
یەکەم گەنمی تێدا چێنراوە،
یەکەم نووسینی تێدایە
یەکەم نووسین کە سۆمێری دەستی پێ دەکات بە کوردی دەنووسێت.
ئەو زمانە کوردییە کە ئێمە ڕێزی ناگرین،یەکەم شارستانییەتی مرۆڤایەتی بەو زمانە نووسراوە.

@z_harman

سۆران حەمەڕەش

ئەم شەو هاتووم
هاتووم و ناگەڕێمەوە،
یا پێت دەگەم
یا وەک مۆمێک
دەسووتێم و دەتوێمەوە

@z_harman


هۆنراوە:مامۆستا پەشێو

زاوا، تارای لە سەر بووک هەڵگرت، بزەیەک لەسەر لێوی نیشت. دەنکێک شیرنییان لەگەڵ یەک گۆڕییەوە. هەرچەند یەکتریان باش دەناسی، بەڵام شەرمیان دەکرد پێکەوە قسە بکەن. هەر دووبەدوو مابوونەوە. لە ئاوێنەکەدا چاویان لە یەکتر دەکرد.
ماوەیەک تێپەڕی. زاوا تینووی نەبوو، بەڵام بە دەنگێک کە دیار بوو دەیهەوێ لاسایی پیاوان بکاتەوە دەستووری بە بووک دا لیوانێکی ئاو بۆ بێنێ. بووک ئیشتیای لە هێنانی ئاو نەبوو، بەڵام لە کاتێکدا بە بێوازی نیوە لیوانێکی ئاو بۆ زاوا دێنا، دە دڵی خۆیدا بیری لەوە دەکردەوە کە چۆن ئەویش فەرمانێک بە زاوا بدا.
بووک کە هێشتا لەم فکرەدا بوو بە زاوای کوت ئەو ئاوێنەیەی لێرە هەڵگرە با نەشکێ. زاوا ویستی بە قسەی بکا، بەڵام وەک ئەوەی لەنەکاو وەبیری هاتبێتەوە کە پیاو نابێ بە قسەی ژن بکا، دەستی کێشاوە و کوتی: بۆخۆت هەڵیگرە.
بووک کوتی: دەبێ ئەتۆ هەڵیگری و زاوا کوتی: نا.
قسەیان لێک چەپ هات. زاوا دەستی دە قژی بووک نا و بووک گەرووی زاوای گرت و بێ ئەوەی ئاگایان لێ بێ، خۆیان لە ئاوێنەکە دا و شکاندیان. بەو دەنگە وەخۆ هاتنەوە، پێش ئەوەی شەڕەکەیان قورستر بێ، بووک بە زاوای کوت:
هەتا دایە و بابە نەهاتوونەوە، وەرە با کایەیەکی دیکە بکەین. ئەم کایەیە هیچ خۆش نەبوو.

@z_harman

(زەماوەند)
لە کتێبی زەوی سەخت و ئاسمان دوور
مارف ئاغایی

قەتار پێشەنگی کەر بێ دە قوڕێ دەگیرێ.

سەرچۆپیمان داوە بە گای ،ئەویش بۆ کادێنێی ڕادەکێشێ.

ئاوێک بڕوا بۆ چۆمی خزم بیخواتەوە،نەک بێگانە.

مار هەتا چکۆلەیە،دەبێ سەری پان کەیەوە.

کەر جۆی ببینێ،کای ناخوا.

ئەسپی خەڵکی دەبێ هەر لێی دابەزی.


@z_harman

ئەدەبیاتی زارەکی
پەندی پێشینیان
مەسەل

ئێستا هەزاران مامۆستای زمانی ئینگلیزی و زمانەکانی دیکەمان لە کوردستان هەیە کە لێهاتوو و شارەزان،هیوادارم ئەو مامۆستایانە بەرهەمەکانی بێوێنە و جیاوازی دونیای سینەما،شانۆ ،دراما و کارتۆنی منداڵان بە زمانی کوردی وەرگێڕن و بە شێوازی ژێرنووس بڵاوی کەنەوە بۆ ئەوەی گەنج و منداڵی ئێمە ئەو بەرهەمانە بە ژێرنووس و وەرگێڕانی فارسی و عەڕەبی و تورکی نەبینن و نەبیسن،گەر ئەو مامۆستا ئازیزانە گرووپ و لێژنەیەکی هاوبەش درووست کەن و لەو بوارە خزمەت بکەن من دڵنیام خزمەتێکی زۆر بە زمانەکەمان دەکەن،گەنج و منداڵی ئێستا گیرۆدە و تینووی دیتن و بیستنی فیلم و شانۆ و کارتۆنن و هەتا ئەو بەرهەمانە بە زمان و ژێرنووسی کوردی زیاتر بن ،زمانەکەمان زیاتر گەشە دەستێنێ و دەچێتە نێو دڵ و مێشک و هەستی بەرەی نوێ. هیوادارم هەموومان له بواری خۆماندا بە جوانترین شێواز خزمەت بە نەتەوەکەمان بکەین و لە ئاست پاراستنی پێناسەکانمان کەمترخەم نەبین.

@z_harman

✍️ :زانکۆ

بووکێک بوو قاتڵی ڕۆنی بوو،خەسۆکەی دەچوو بۆ سەفەرێ،لە ترسی نەوسی بووکەکەی چوار دەورەی کووپەڵەڕۆنی دە خۆڵەمێشی‌ گرت.
بووکە نێوی خاسێ بوو،کوتی چ بکەم ئەوە خۆڵەمێش دابێژراوە و شوێنی بکەوێتە سەری ماڵوێران دەبم، سواری کەرێک بوو بردیە سەر کووپەڕۆنی،لەسەر کەرێ‌ڕا چنگی دە کووپەی ڕۆ کرد و بە ئیشتیا خۆی هەتا تێر بوو خواردی،خەسوو ئەگە هاتەوە سەردانی کووپەڵە‌ڕۆنی کرد و کوتی:سم سمی کەرێ و چەنگ چەنگی خاسێ،سەرم لەو کارەی دەحەبەسێ.

@z_harman

#قسەی_خۆش

کەنگر دەڵێ شەلم دەوێ،ڕێواس دەڵێ بەلم دەوێ.

ڕێواس‌کەرێ قیت‌قیت بڕۆ،کەنگرکەرێ ورد‌ورد بڕۆ.

کەنگرکەرێ لەنگێ‌لەنگێ،ڕێواس‌کەرێ شۆخ‌وشەنگێ.


شرۆڤە:لە باسی چلۆنایەتیی کەنگر و ڕێواس کردندا.
کەنگر چکۆلەیە و دەبێ بە نەرم و هێدی و بەئەسپایی بڕۆی و ورد بۆی بڕوانی هەتا وەبەرچاوت بێ و بتوانی هەڵیقەنی،بەڵام ڕێواس باڵای هەیە و هەتا خێراتر بڕۆی زیاترت دەس دەکەوێ.

@z_harman

ڕێواس‌کەرێ:کەسێک کە ڕێواس هەڵدەقەنێ
کەنگرکەرێ:کەسێک کە کەنگر هەڵدەقەنێ

لە ئاوری بێ دووکەڵ بترسە.

بەدنێوکردنی خەڵک،چەکی نامەردانە.

باغەڵت پڕ بێ لە پارە،خزم و بێگانە لە دەورەت دیارە.

چرای کەس تا ڕۆژ ناگڕێ.

بێکار ڕۆژی لێ ئاوا نابێ.

بە ئاورێکی گەش نەبمەوە،بە دووکەڵی بۆچی ڕەش ببمەوە.

تەونی چارەڕەشیی بە ئاوی زمزمیش پا نابێتەوە.

لەسەر ڕێیان گووی دەکا،هەتا نێوی بابی بێنن.

@z_harman


#مەسەل
#ئەدەبیاتی_زارەکی
#پەندی_پێشینیان

بەر لە زریانم ناگرن
من دەرختی ئەم ژیانەم
تۆ لەولاوە من ئەبڕیت و
لەولای دیکە من دێمەوە
ئازارێکم چەشەی تەور
تا بمبڕێ من سەرلەنوێ
بنچ قایمتر ئەڕوێمەوە.


@z_harman


هۆنراوە:مامۆستا شێرکۆ بێکەس

@z_harman

🎼کەی دێیتەوە🎼
هونەرمەند:زیاد ئەسعەد

@z_harman

🎼ڕێبوار🎼
هونەرمەند:زەکەریا

@z_harman

🎼ئاگر کەتیە دڵێ من🎼
هونەرمەند:بەیتۆجان