خوایه نەمبووری ئەگەر خەتمی خەمم بێنم لە عیشق
گەر هەموو ڕۆژێ بکەم قورعانی پیرۆزت خەتم


هەر کەسێ دەستێ لە دەستیدایە بۆ سووچێ دەچێ
تۆ نەهاتی دەسگرم بی، ماوە خۆم و حەسرەتم


@z_harman


مامۆستا عەبدووڵڵا گولابی(هونەر)

ئەوەی چاوی نییە بیبینێ من کێم
ئەمن کوردم بە شانازییەوە دەیڵێم


@z_harman

✍️:پۆڵا نانەوازادە

ڕەسەنایەتی
سەرەتای شارستانییەت
#کوردستان

@z_harman

هەموو کەس بە عەیبی خۆی کوێرە.

نە ژنی نزیک باوان،نە گوێرەکەی نزیک ئاوەدان.

نەقیزە ئەزانێ کەر بە کوێدا ئەروا.

نەڵییت کوا ماڵم،ناڵێم کوا قەبرت.

نەچیتە ناو ئاو،مەلە فێر نابی.

هەموو کون،کون نییە دەستی تێڕاکەی.

@z_harman

نە بۆ کوێر هەڵپەڕە،نە بۆ کەڕ گۆرانی بڵێ.

هەزار قەزوان بتەقێنی،بە گوێزێک ئەتگەمێ.

یا زانا بە یا پرسا به.

هێواش بڕۆ،هەمیشە بڕۆ.

هەر کەس لە ماڵێ خۆیا،سەری شا ئەبڕێ.

هەرچی لە ماڵ نەبێ،ژنی ئەدەن بە شوو.

هاوڕێیەکی باش ،لە دە برای خراپ باشترە.

هەر کەس نەیکرد بە قسەی گەوران،بە قنگەوە کەوتە ناو کەندەڵان.

نۆکەری بێ جیرە و مووچە،تاجی سەری ئاغاس.

@z_harman


پەندی پێشینیان
نووسەر و کۆکردنەوە:شێخ محەممەدی خاڵ

@z_harman

ئەسپ و کورد
کۆکردنەوە و ئامادەکردن:بەڕێز میلاد قادرپەنا

@z_harman

کابرایەک لەو ئالانە باخێکی هەبوو، باخەکە چەند دارگوێزێکی تێدابوو، کابرا ڕۆژێک سەیری کرد توێکڵە گوێزێکی زۆر کەوتووە، بەڵام کەمبوونەوەی گوێزەکە لە چاو توێکڵەکە گەڵێ زیاترە، بۆی دەرکەوت کە ئەمە ورچ پێی فێر بووە، بە تایبەتی کە گوو ورچی لە ناو باخەکەدا بەرچاو کەوت ئیتر هیچ گومانی نەما.
چوو چەند کەسێکی هێنا و خۆیان لێی داگرت، شەوێک سەیر ئەکەن ئەوا ورچێک بە سەر دارگوێزەکەوە خۆی مات داوە، دەروێشێکیش لەو لاوە کۆڵێکی باشی داگرتووە و دایناوە. مانگەشەوە بۆیان دەرکەوت، وەکوو چۆن ورچە فێر بووە دەروێشەکەش هەر بەو جۆرە فێر بووە، دەروێشیان گرت و دەستیان کرد بە لێدانی کام لات دێشێ؛ جا دەروێشەکە ئەیوت: ئاخر موسڵمانەکان، تۆزێ ڕەحمتان هەبێ، من لەو ورچە کەمترم وا لە من ئەدەن و لەو نادەن. کابرای خاوەن باخیش ئەیوت: باوەحیز ورچە فەقیرەکە ئەخوات و ئەڕیت، تۆ ئەخۆیت و ئەبەیت.

@z_harman @z_harman

دوو کابرای هاوڕێ قسەیان کردبوو بە یەک، کە چوونە هەر شوێنێک یەکێکیان درۆ بکا و ئەوەی کەیان پینەی بکا، ئەمەیان کردبوو بە سەرمایەی ژیان و بەڕێوەچوونیان.
ڕۆژێک لە دیوەخانێکا دانیشتبوون درۆزنەکە وتی: ئەرێ کوڕینە:من ئیمڕۆ گوێم لێ بوو سەگێک لە ئاسمانەوە ئەیقوراند نەمزانی چی بوو؟ ئەوی‌کەشیان وتی: چ قەیدی هەیە، بەڵکو تووتەڵەسەگ بووبێت و قەلەڕەش بردبێتی بە ئاسمانا.
کە لە دیوەخانەکە هاتنە دەرەوە پینەکەرەکە بە درۆزنەکەی وت: ماڵ‌کاول تۆ درۆی عەرز بکە، هی عاسمانم بۆ پینە ناکرێ.

@z_harman

ڕشتەی مرواری
✍️:مامۆستا عەلائەدین سەجادی

@z_harman

گەورە کە یەک بن میللەت سەر دەخەن
دەڵێن دوو ڕێوی شێرێ کەوڵ ئەکەن

سوحبەتی نادان، تاڵ ڕابواردنە
لە دووی کەر ڕۆین، تەرس بۆن کردنە

پێم بڵێی ڕۆڵە، لەبەرت دەمرم
خشتم تێبگری بەردت تێدەگرم

هەڵۆ بەرز فڕی کەوتە سەر شارێ
تیری پەڕی خۆی هێنایە خوارێ

هیتلەر و یەهوود هێندە دوژمن نین
ئەوەندەی ئێمە لێک هاتووینە قین

@z_harman

ئاخ خوێندەواری فریامان کەوە
بۆ عالەم ڕۆژە، بۆ ئێمە شەوە

پیاوی زۆربڵێ بۆ دۆزەخ بەرە
لەوێشدا ئەڵێ: دارەکەی تەڕە

کە تۆ خۆت شل کرد لە ڕووی ناکەسێ
ئەڵێ: بڕوانە چۆن لێم ئەترسێ؟

شەوچەرە لەبەر «سپڵە» دامەنێ
کە خواردی و ڕۆیی پێت پێدەکەنێ

کەو دەبەنە ڕاو بە فێڵ دەخوێنێ
هاوجینسی خۆیان بۆ کوشتن دێنێ

@z_harman

گوڵبژێرێک لە پەندەکانی مامۆستا پیرەمێرد

@z_harman

کوان شەنگەبێری لە هۆبە و بانان
شڵقەی مەشکەیان بەری بەیانان؟

قۆڵیان هەڵدەکەن دەڵێی بلوورە
سینگیان دەردەخەن پارچەیەک نوورە

دەرزی بەرۆکیان کە دێن دەرێنن
مانگ لە ئاسمانێ بۆ زەوی دێنن

زولفان لابەلا دەکەن بەلادا
ڕۆژ هەوری لەسەر ڕووی خۆی وەلادا

قەد و باڵایان وێنە نەمامان
کێ دی نەمامان بگرن شەمامان؟

@z_harman


میرزا ئەبولحەسەنی سەیفی قازی(سەیفولقوزات)

@z_harman

ئەگەر بتهەوێت کەسی داهێنەر درووست بکەی کاتی دەوێ و ئەبێ خەریکی بی.

هەموو وڵاتێک زانای داهێنەری پێویستە.

زانای داهێنەر کەسێکە کە ئەزانێت،هەروەها ئەتوانێ شت بخولقێنێ،ئەتوانێ داهێنەر بێ.

بە تەنیا یەک،دوو،سێ،چوار و پێنج کەس وڵات پێش ناکەوێت،ئێمە "کۆچەر بیرکار"ی‌ ترمان پێویستە،نەک تەنیا یەک دانە.

زانای داهێنەریش لە منداڵییەوە درووست دەبێ،دایک و باب و دەورووبەر هەوڵین کەسن کە کار دەکەن لەسەر کەسایەتیی ئەو منداڵە کە هانی بدەن بەرەو فێربوون و خولقاندن.

@z_harman

بەشێک لە وتار و وتە بەنرخەکانی بەرز و بەڕێز مامۆستا کۆچەر بیرکار

@z_harman

ئاخۆ ئێستا کە لێم دووری
چۆن بێ عیشقم ڕادەبووری؟

خەتای خۆتە کە نامبووری
لەسەر هەڵەکانت سووری

@z_harman

هونەرمەند:خاتوو لەیلا فەریقی

هۆنراوەی مەلا غەفووری دەباغی بۆ کیژانی مەهاباد، بۆکان، سنە و هەموو کچانی بەهێز،هونەرمەند،خوێندەوار ،جوان، سەربەخۆ،خولقێنەر و خۆڕاگری کوردستان



ئەگەر ئەو کیژی سابڵاغی وەدەس بێنم بە یەکجاری
دەکەم مڵکی دڵ و دینم نیساری خونچەکەی زاری
مژۆڵی چاوەکانی، قاتڵی سەد لاوی بەدبەختە
هەزاران بێ خەتا کەوتوونە داوی پرچی ڕەشماری
@z_harman

شەهێنی، دڵڕفێنی، خەمڕەوێنی، ڕووگەشی، جوانی
حەسوود کوێر بێ لە حاندت ئەی کچی نازداری بۆکانی
گەشم یا وەک بەهێی زەردم، لە کۆشکم یا لە بن بەردم
بە دەس تۆیە شفا و دەردم، کە بۆ من ژینی، هەم ژانی
@z_harman

دڵ فرە کەشتەنگ و کەیلم بۆ کەنیشکێکی سنه
تیری برژانگی لە سینەم داگه، گشتی کون کونه
ئەو کەنیشکە دۆستی کوردە و دوژمنی بێگانەیه
خائینی میللەت برایچی بێ لە تەکیا دوژمنه


@z_harman

هۆنراوە:مەلا غەفوور دەباغی(حافزی مەهابادی)