اني جبت البروجكتور علمود اباوع عايزة اتجوز يومية واني متمددة بدون ما امي تگلي ها عايزة تتگوزي
ياما انا عايزة فلوس
واتجوز

نظرًا لكثرة الاسئلة، اخذته من هنا عندهم شي اسمه عرض السينما البروجكتر والسماعة ب١٠٠ والتوصيل مجاني
هل يسوى؟ نعم للي ماعندهم تلفزيون بغرفهم مثلي
هل يحتاجله غرفة ظلمة؟ نعم وصورة باهتة اذا اكو ضوه حتى لو ضوة الصوبة الاصفر
هل يحتاجله جدار ابيض؟ ايضًا نعم
هل الصورة تتكبر وتتصغر؟ نعم
هل ينربط على التلفون؟ نعم بس ليهسه ما جربت
هل بيه سينمانا؟ نعم تتنزل عادي
هل بيه يوتيوب؟ نعم
هل ينربط على البلاي؟ نعم
هل يدور واكدر اشوف بالسقف واني متمدد؟ نعم
هل هذا اعلان؟ لا

الفلم الرومانتيكي الوحيد المفضل عندي

شفت وحدة من احلى حلقات الدحيح وهيجي تلامس القلبّ وتدغدغه ولو جاييني قبل سنتين جان كلت والله ده انا
انما هسه ف لا، اني استاهل كل اللي عندياه والاحسن والافضل

اسم الحلقة متلازمة المحتال

التخلص من متلازمة المحتال واللي هي مختصر مفيد الواحد شما يسوي يحس نفسه ميستاهل اللي عندياه من نجاح ويحس روحه هو ناصب على العالم ويقتنع بدماغه ان هي اجتي وياه بالحظ
جانت رحلة صعبة شوية واخذت ويايه فترة طويلة علما قنعت نفسي اني استاهل صداقة احسن علاقة عاطفية احسن علاقة ويه الاهل احسن درجات حلوة استاهلها وحقي ثالث ومثلث
بس شمرتني الى اقصى الضد اللي هو اني ما احتاج اثبت لا لنفسي ولا لاحد شي لان اني اعرف نفسي شنو وحاشرة روحي بزاوية الحفاظ على السلام الداخلي بالتالي استصعب الرجوع للعالم الخارجي حاليًا

اني وصلت لعكس متلازمة المحتال اني وصلت لمتلازمة المغرور اللي هو يكتب القانون والبقية يمشون وراه

النصيب غلّاب

يلا ما فاتني الا الشر والضر
والفرص ما خلصت
والخيرة فيما اختاره الله

امتنان لا نهائي ياربّ🤍احمدك واشكرك واتوب اليك

ليلة حبيبّي وياي سهرانة يا دنياي ❤️

لا اعلم شنو سوت الميديا بس اهلي من ال٩ ليهسه بالشين بالعنب

طقوسي لهذه السنة ان اسوي مشروبي المفضل بهذا العالم، الماتشا 🍵 واشغل عبدالقادر يابو علام ضاق الحال عليا داوي حالي يابو علام سيدي ارؤوف عليا

تذكرون من جنت اكللكم ماادري اذا اللي اكتب عنهم يقرأون او لا
طلعوا يقرأون ويراقبون وبشدة
والله حقهم

نيوزلندا صارلهم ٩ ساعات ب٢٠٢٥

هسه هل اني جان ضروري اگضيها اغني بيباي بيباي عفتج يا طبيّة
اريد ارجع

المهم احبابي قبلاتي واشواقي لكم كل عام وكلكم بخير ياربّ سنة مليانة رضا وراحة بال وهدوء وسلام نفسي وداخلي وفلوس وصحة وعافية وحب وسكر وبهار وكل ما هو لذيذ

كملت بس ٧، يوصلوني خطوبة لولا

بُصي، وتحديدًا بُصي وليس بُص
ماكو خاتم على البِنصَر الأيسر ماكو رأي بأسلوب حياتج
ماكو خاتم على البِنصَر الأيسر ماكو اي مجال للتدخل في شؤونك الشخصية ورايحة فين وجاية منين
ماكو نيّة لوضع خاتم على البِنصَر الأيسر ماكو صباح الخير، ليش دتدزلي صباح الخير؟ هو انا عمتك؟

New year’s resolution: