tgoop.com/zanist2021/1147
Last Update:
.
چەن دوبەێتی
وە کوردی فەیلی - ئیلام
#کەێوان_داودیان
شاعر، وەکیل، فیلمساز
بەرپرس دپارتمان فێرکاری/ یادداێن
ئەنستیتو زانست زاگروس
(۱)
خودا ده‌ردت ده گیانِ م ِ بخه‌ێ دووس!
نیه‌زانم دی چه بۆشم ده تو هه‌ێ دووس!
غه‌زه‌ڵ باێه‌د بنیشێ ده تو بۆشێ
دوبه‌ێتی وه دو به‌ێته‌و چه بکه‌‌ێ دووس!
(۲)
ده‌وارِ ئاسمان، ڕمیاگه ئمشه‌و
ز‌ه‌مین سه‌ر وه بێاوان ناگه ئمشه‌و
چنه‌و دڵ ده‌ت کنین سه‌خته چمانێ
دڵم ده باوشم گیان داگه ئمشه‌و
(۳)
سه‌رم نه‌زرِ سه‌رێ کِ شێویاگه
وه نه‌زرِ ئه‌و که‌سه کِ تووریاگه
خه‌ت و سِرمگ نیه‌خوازێ ئه‌و چه‌مه کِ
کڕ داوِد وه ده‌ورێ کیشیاگه
(۴)
گڕێ سۆر و گڕێ شین ها دڵِ دووس
گڕێ ئاگر چمانێ ها کِڵِ دووس
گڕێ خاسه، گڕێ دێگه‌و سه‌رێ گه‌ن
تفِ خاس عه‌لی ده تێوڵِ دووس
(۵)
چنه‌و دڵ وه فه‌نه‌و به‌ێ که‌س نهزانێ
ده گیانت ئاگرێ خه‌ێ که‌س نهزانێ
دڵێ کِ ماڵِ دووس و دڵبه‌رێ نه‌و
چنه‌و ئاگر بچوو ده‌ێ که‌س نهزانێ
(۶)
لقه‌ێ هشکێ ده نانێ به‌ێ وه ئیمه
ده جاێ ژانه، ژیانێ به‌ێ وه ئیمه
کولێ زه‌خمه‌و کولێ خۆنه‌و کولێ خه‌م
ئلاهی هه هچانێ به‌ێ وه ئیمه
(۷)
ده ئێ دنیا دوعاێ مه‌س هه‌م قه‌بووله
قونووتِ دڵ وه بێ‌ده‌س هه‌م قه‌بووله
سه‌رم بشکن، دڵم بشکن، خه‌مِت نه‌و
نمازێ ک شکه‌سته‌س هه‌م قه‌بووله
(۸)
گوڕه‌ێ گوڕ داخِ نوو ها ده ده‌رانه‌ێ
ده‌نگێ ده ڕووڵه‌ڕوو ها ده ده‌رانه‌ێ
دڵم ماڵێ چک ِ چووڵه کِ بێ تو
شه‌وێ یه‌ێ پرس ِ پوو ها ده ده‌رانه‌ێ
(۹)
شه‌ڵه‌م ته‌رزِ کِوِر قامه‌‌ت! ولم که
چه ده‌م خواسی کِ م ِ نامه‌ت؟ ولم که
هه م ِ بۆم و دڵێ کِ بردیه‌ێ ده‌م
چه دی خوازی؟ کولێ دامه‌ت ولم که
(۱۰)
یه چه‌ن وه‌خته چه‌قوو خه‌ێ هه‌م دوواره
وه هه‌ر چه‌‌م یه‌ێ قۆه‌و نه‌ێ هه‌م دوواره
دراته‌و ده‌ر بچوو خۆن ئه‌و بنه‌ێ هه‌م
بژانگ داگه سه‌رِ قه‌ێ هه‌م دوواره
این چند دوبیتی از استاد کیوان داودیان اخیراً در شمارە ۵۶ (نوبت بهمن‌ماه ۱۴۰۳) مجلە دیجیتالی «لە داوێنی ئاربابا» بە سردبیری کریم دافعی (ئازاد) منتشر شده است.
#وشه‌نامه:
بۆشێ : بێژێ
ناگه : ناوه
کڵ : لەش
گڕێ : دەمێ
کڕ داود : ڕەستەیەک بۆ سوێند لە کوردی خواروو
خاس عەلی : گەورەیەکی ئایینی لە ناوچەی ئیلام
چنەو : ئەوەندە
خەێ : دەخات
نەو : نەبێ
دەێ : لێ
لقەێ : پارەیەک
هشک : وشک
بەێ : بدات
هچانێ : وچانێ
گوڕەێ گوڕ : گوڕان
شەڵەم : نێوی کێوێک لە ئیلام دا
تەرز : شێوە، وەکو
کور : کڤر، نێوی کێوێک بەرز لە ئیلام
دەم خواسی : لێم ویستت، گستت
بۆم : بووم
قۆ : ئاژاوە
درات : دەرهات
قەێ : قەد
#دپارتمان_مێدیا_هونەر_سەیمرە
#ئەنستیتو_زانست_زاگروس
@zanist2021
BY ZANiST ZAGRUS Institute
Share with your friend now:
tgoop.com/zanist2021/1147