Бер гасырдан артык тарихы булган беренче мәктәп быел укучыларны яңарып каршы алды.

Балаларга уңайлы, якты биналарда белем алырга мөмкинлек биргән Республикабыз Рәисе Рөстәм Нургали улына ихластан рәхмәт!

Укучыларыбызга теләк бер генә - шушы матурлыкны саклап, кадерен белеп, яхшы билгеләргә генә укырга язсын.

Бүген күпфатирлы йортларда яшәүчеләр белән очрашып, аларның сорау һәм мөрәҗәгатьләрен тыңладык.
Икенче квартал район үзәгендә үрнәк ишегалларының берсе. Дәүләт программасы нигезендә тулысы белән диярлек яңартылды ул. Республика хакимиятенә, Рәисебез Рөстәм Нургали улына рәхмәт. Болар барысы да аларның ярдәме белән эшләнде.
Биредә яшәүчеләргә аерым рәхмәт әйтәсе килә. Матурлыкны, чисталыкны саклап торалар. Йорт тирәләре гел чәчәктә.

Без бүген республика өчен мөһим иҗтимагый-сәяси вакыйга алдында торабыз. Татарстан Дәүләт Советына депутатлар сайлау республиканың якындагы 5 елга үсеш стратегиясен билгеләячәк.

Шуңа күрә тавыш бирүгә җаваплы карарга кирәк. Киләчәгебез безнең карарга бәйле. Хөрмәтле райондашлар! Сездән активлык күрсәтүегезне, барлык программа тәкъдимнәрен өйрәнүегезне һәм лаеклы кандидатларга тавыш бирүегезне сорыйм.

Сер түгел, сайлау кампаниясе катлаулы сәяси шартларда үтәчәк. Ләкин шуңа карамастан, бердәм булып, бергә булып республикабыз киләчәге өчен тавыш бирербез дигән өметтә калам.

Иң мөһиме, илебез алга куйган максатка – җиңүгә ирешеп, дөньяда тынычлык урнашып, махсус хәрби операциядә катнашкан егетләребез исән-сау әйләнеп кайтсыннар. Төп теләк – шул.

Безнең егетләребез Республика КВН лигасында ярымфиналга чыктылар. Молодцы! Булдырасыз! Алдагы уеннарда да уңышлар теләп калам ✊

Бүген Республикабызның киләчәген билгеләгән бик мөһим көн.
Һәр райондашыбыз сайлау участогына килеп үз гражданлык позициясен белдерергә тиеш дип саныйм мин.
Барлык катнашучыларга да рәхмәт! Ил-көннәребез тыныч булсын. Һәр гаиләгә исәнлек-саулык телим!

Җирлекләрдә халык сайлауларга актив йөри. Рәхмәт!
Тавыш биреп, үз фикереңне белдерү һәрберебезнең гражданлык бурычы.

Дөньядагы иң изге һөнәрне үз итеп, бар гомерен балаларга белем һәм тәрбия бирүгә багышлаган Фидания Канделовнаның юбилее бүген. Туган көне, матур юбилее белән ихластан тәбрик итәбез!

Хөрмәтле Фидания Канделовна! Гомерегез юллар кебек озын, кояштай якты булсын. Һәр туар таңнарны бары тик күңелле, сөенечле мизгелләр белән генә каршылап, балаларыгызның ихтирамын һәм күңел җылысын тоеп, сәламәт булып яшәргә язсын Сезгә.