كل الطيّبات ذوات النّفَس الطّيّب في الطّبخ، كي تسأليها واش هو السرّ تجاوبك الجواب البديهي "لازم تقلي مليح"!! وانت تهزي المعلومة وتروحي تقلي تقلي تقلي.. وما يجيش طيّب.. مرّة يجي سامط.. ومرة يجي محروق!! زعمة علاه؟؟
آااااه تقلك الطبخ نَفَس.. الطياب يدّين!!
زعمة هوما ينتفسو ريح المسك وانت لا؟؟
مممم.. ولاااا.. هوما عندهم يدّين ينسجو الحرير وأنت يدّيك ناقصين صبع البصمة!!
لالا.. لا هاذي ولا هاذيك.. آجي نقلك كيفاه تقلي القدر تاعك مليح 👇👇
- إذا كنتي تطيبي باللحم، اول حاجة سخني الزيت على نار هاااادية اقل من متوسطة، وحطي اللحم تاعك بلا ملح، وحطي الغطاء تاع الطنجرة وخليه.. من جيهة بالنار الهادية يتقلى مليح ويطلق العسيلة تاعه، ومن جيهة البخار تاع القدر يرفع الحرارة داخلها، ويتفق خبراء التغذية أن أفضل طرق الطبخ على الإطلاق هي البخار.
علاه ما درناش الملح، أولا لأن الملح يفورسي القلي ويحرق الزيت، وثانيا لأن الملح لازم تملحي الطنجرة مرة وحدة، وثالثا لأن كمية ملح كبيرة مع الزيت مضرة بالصحة.
اقلي اللحم تاعك مليييييح، ماشي حتى يذوب وييبس، بصح حتى يطلق كمية مليحة من العسيلة تاعه.
- زيدي البصل.. والنار تبقى هااااادية.. وغطاء الطنجرة جامي تهزيه إلا باه تحرّكي.. ما تزيديش الملح حتى يتقلى البصل، لأن الملح على البصل يخليه يطلق كمية زائدة من الماء وبالتالي يعيق القليان تاعه. خلي الكل يتقلى وما تخليش البصل حتى يولي أحمر ولا يتحرق.. يذبال برك، وزيدي الثوم ورجعي غطاء الطنجرة (ديما نؤكد على غطاء الطنجرة هه)..
- كي يذبال الثوم والبصل (حركي ديما وما تخليهش يتحرق لأن الحرق يطلق مرارة تفسد لك الأكل)، زيدي الطماطم مصبرة ومعاها الهريسة (تقدري تزيدي الزيتون في هاد المرحلة باه يمد بنة إضافية)، ورجعي غطاء الطنجرة، غير شوية بين ما تنحلّ الطماطم وتدمج مع الخليط.
- زيدي التوابل حسب نوع الأكلة تاعك، التوابل هي الأخيرة لأنك لوكان تحطيها من البداية تنحرق وتطلق لك طعم مر تفسد لك الأكل.
- هنا في هاد المرحلة تجي كلمة "السر" تاع القليان!!
بما أن النار قليلة، لازم الخليط تاعك يتقلى على أقل من مهله بصح من غير ما يتحرق، القليان في هاد المرحلة يخلي الطماطم تفقد حموضتها، والثوم يطيب مليح، واللحم يطلق العسيلة تاعه ويتشرب الدوزان اللي راه يطبخ فيه.
غطاء الطنجرة دائما تغلقي بيه القدر، البخار وقطرات الماء تاعه يحفّز الالشي اللي ذكرناه من شوي.
وكاينة حاجة.. هي سر الأسرار، شفتي الصورة وين الدائرة والسهم؟؟ هااااذيك هي اللي تمد خصوصية للطبخ تاعك!! بصح كيفاه؟؟ ؟
مين تكوني تقلي، الخليط اللي يطيب داخل الطنجرة راح يلتصق شوية على قاع الطنجرة، ما تغفليش عليه حتى ينحرق، وما تبقيش تحركي حتى تمنعي هاذيك الطبقة تتشكل!!
خليها تتقلى، وخليها تتحمر حتى تكسب اللون الذهبي، وحركيها ڨراتيها ما تخليهاش تبقى حتى تنحرق وتعمل لك طعم مرّ ولا غامل في الأكل.
حاجة أخرى، حركي بطريقة دائرية، ماشي طالع هابط حتى الدوزان كامل ينحرق في جوانب القدر!!
أقلي وحركي حتى تحسي كل كمية الماء والبخار نشفت، و الخليط تقريبا منفصل عن الزيت، والزيت لونه محمّر بلون الطماطم.
- هنا زيدي النار، خلي القدر تاعك تهز الغليان وامرقي عليها بماء مغلي، جامي تمرقي بماء بارد ولا فاتر.
وكي تمرقي القدر تاعك صبي كمية ماء كافية تطيب لك الأكلة تاعك مرة وحدة، ما تبقيش كل شوية تزيدي الماء!!
كي تمرقي حركي حتى يندمج كل الدوزان تاعك مع الماء، وكي تغلي زيدي الخضر تاعك والحمص.
إذا كنتي تستعملي مكعبات الدجاج (جومبو) زيديها بعدما تمرقي بالماء، ماشي في مرحلة القليان لأنها تنحرق وتبدل الطعم.
كي تغلي القدر تاعك رجعي الغطاء تاع الطنجرة، ونقصي النار وخليها تطيب على نار هادئة.
الطياب على نار هادئة يدي وقت أكيد، لهذا لازم تبداي بكري سيدتي ماشي تنوضي من النوم على العشرة وتشوّطي الغداء على 320 درجة حرارة ^^
الطنجرة كي تغلي، لاصوص تاعها تعقد وتثقال لأن اللحم يطلق الجيلاتين اللي فيه، والخضر تطلق نشويات، والنتيجة تكون صوص متجانسة ماشي ماء يسيل، لهذا جامي تزيدي الماء لأنك تخربي هذاك التجانس، وإذا كان ولابد تزيدي، زيدي ماء مغليييي وكمية قليلة برك ماشي خمسة لتر ضربة وحدة. أيضا إضافة ماء بارد على الخضر يسبب تصلّب الألياف وبالتالي أنساي كان الخضرة تاعك مازالت تطيب.
راقبي الطنجرة تاعك، وكي تحركي ما تحركيش بعشوائية تفتّت اللحم والخضرة، حركي بالشوية حتى تطيب الأكلة تاعك.
ملاحظة إضافية: جامي ترحي الفلفل حار ولا حلو، ولا تقصيه مربعات صغيرة وتزيديه القليان ولا من بعد، لأنه بعدما تطيب الأكلة تاعك راح يبقى يطلق الماء تاعه ويفسد لك النتيجة النهائية.
جامي تقصي البطاطا مكعبات صغيرة، ولا ترحيها وتقلي بيها القدر تاعك، لأنها تتشرب لك التوابل وتسمط لك الأكل.
آااااه تقلك الطبخ نَفَس.. الطياب يدّين!!
زعمة هوما ينتفسو ريح المسك وانت لا؟؟
مممم.. ولاااا.. هوما عندهم يدّين ينسجو الحرير وأنت يدّيك ناقصين صبع البصمة!!
لالا.. لا هاذي ولا هاذيك.. آجي نقلك كيفاه تقلي القدر تاعك مليح 👇👇
- إذا كنتي تطيبي باللحم، اول حاجة سخني الزيت على نار هاااادية اقل من متوسطة، وحطي اللحم تاعك بلا ملح، وحطي الغطاء تاع الطنجرة وخليه.. من جيهة بالنار الهادية يتقلى مليح ويطلق العسيلة تاعه، ومن جيهة البخار تاع القدر يرفع الحرارة داخلها، ويتفق خبراء التغذية أن أفضل طرق الطبخ على الإطلاق هي البخار.
علاه ما درناش الملح، أولا لأن الملح يفورسي القلي ويحرق الزيت، وثانيا لأن الملح لازم تملحي الطنجرة مرة وحدة، وثالثا لأن كمية ملح كبيرة مع الزيت مضرة بالصحة.
اقلي اللحم تاعك مليييييح، ماشي حتى يذوب وييبس، بصح حتى يطلق كمية مليحة من العسيلة تاعه.
- زيدي البصل.. والنار تبقى هااااادية.. وغطاء الطنجرة جامي تهزيه إلا باه تحرّكي.. ما تزيديش الملح حتى يتقلى البصل، لأن الملح على البصل يخليه يطلق كمية زائدة من الماء وبالتالي يعيق القليان تاعه. خلي الكل يتقلى وما تخليش البصل حتى يولي أحمر ولا يتحرق.. يذبال برك، وزيدي الثوم ورجعي غطاء الطنجرة (ديما نؤكد على غطاء الطنجرة هه)..
- كي يذبال الثوم والبصل (حركي ديما وما تخليهش يتحرق لأن الحرق يطلق مرارة تفسد لك الأكل)، زيدي الطماطم مصبرة ومعاها الهريسة (تقدري تزيدي الزيتون في هاد المرحلة باه يمد بنة إضافية)، ورجعي غطاء الطنجرة، غير شوية بين ما تنحلّ الطماطم وتدمج مع الخليط.
- زيدي التوابل حسب نوع الأكلة تاعك، التوابل هي الأخيرة لأنك لوكان تحطيها من البداية تنحرق وتطلق لك طعم مر تفسد لك الأكل.
- هنا في هاد المرحلة تجي كلمة "السر" تاع القليان!!
بما أن النار قليلة، لازم الخليط تاعك يتقلى على أقل من مهله بصح من غير ما يتحرق، القليان في هاد المرحلة يخلي الطماطم تفقد حموضتها، والثوم يطيب مليح، واللحم يطلق العسيلة تاعه ويتشرب الدوزان اللي راه يطبخ فيه.
غطاء الطنجرة دائما تغلقي بيه القدر، البخار وقطرات الماء تاعه يحفّز الالشي اللي ذكرناه من شوي.
وكاينة حاجة.. هي سر الأسرار، شفتي الصورة وين الدائرة والسهم؟؟ هااااذيك هي اللي تمد خصوصية للطبخ تاعك!! بصح كيفاه؟؟ ؟
مين تكوني تقلي، الخليط اللي يطيب داخل الطنجرة راح يلتصق شوية على قاع الطنجرة، ما تغفليش عليه حتى ينحرق، وما تبقيش تحركي حتى تمنعي هاذيك الطبقة تتشكل!!
خليها تتقلى، وخليها تتحمر حتى تكسب اللون الذهبي، وحركيها ڨراتيها ما تخليهاش تبقى حتى تنحرق وتعمل لك طعم مرّ ولا غامل في الأكل.
حاجة أخرى، حركي بطريقة دائرية، ماشي طالع هابط حتى الدوزان كامل ينحرق في جوانب القدر!!
أقلي وحركي حتى تحسي كل كمية الماء والبخار نشفت، و الخليط تقريبا منفصل عن الزيت، والزيت لونه محمّر بلون الطماطم.
- هنا زيدي النار، خلي القدر تاعك تهز الغليان وامرقي عليها بماء مغلي، جامي تمرقي بماء بارد ولا فاتر.
وكي تمرقي القدر تاعك صبي كمية ماء كافية تطيب لك الأكلة تاعك مرة وحدة، ما تبقيش كل شوية تزيدي الماء!!
كي تمرقي حركي حتى يندمج كل الدوزان تاعك مع الماء، وكي تغلي زيدي الخضر تاعك والحمص.
إذا كنتي تستعملي مكعبات الدجاج (جومبو) زيديها بعدما تمرقي بالماء، ماشي في مرحلة القليان لأنها تنحرق وتبدل الطعم.
كي تغلي القدر تاعك رجعي الغطاء تاع الطنجرة، ونقصي النار وخليها تطيب على نار هادئة.
الطياب على نار هادئة يدي وقت أكيد، لهذا لازم تبداي بكري سيدتي ماشي تنوضي من النوم على العشرة وتشوّطي الغداء على 320 درجة حرارة ^^
الطنجرة كي تغلي، لاصوص تاعها تعقد وتثقال لأن اللحم يطلق الجيلاتين اللي فيه، والخضر تطلق نشويات، والنتيجة تكون صوص متجانسة ماشي ماء يسيل، لهذا جامي تزيدي الماء لأنك تخربي هذاك التجانس، وإذا كان ولابد تزيدي، زيدي ماء مغليييي وكمية قليلة برك ماشي خمسة لتر ضربة وحدة. أيضا إضافة ماء بارد على الخضر يسبب تصلّب الألياف وبالتالي أنساي كان الخضرة تاعك مازالت تطيب.
راقبي الطنجرة تاعك، وكي تحركي ما تحركيش بعشوائية تفتّت اللحم والخضرة، حركي بالشوية حتى تطيب الأكلة تاعك.
ملاحظة إضافية: جامي ترحي الفلفل حار ولا حلو، ولا تقصيه مربعات صغيرة وتزيديه القليان ولا من بعد، لأنه بعدما تطيب الأكلة تاعك راح يبقى يطلق الماء تاعه ويفسد لك النتيجة النهائية.
جامي تقصي البطاطا مكعبات صغيرة، ولا ترحيها وتقلي بيها القدر تاعك، لأنها تتشرب لك التوابل وتسمط لك الأكل.
Forwarded from 🎀 الـبـيـت الـسـلـفى 🎀
بدع تقع في شهر شعبان..
احذر #القريش (أو كما يسميه الجزائريون التشعبين)
والقريش هو: الاجتماع للطعام قبل رمضان لتوديع الأكل.
قال الحافظ ابن رجب رحمه الله تعالى:
” أنّ مثل هذه العادة موجودة عند النصارى وتسمى: (التنحيس) ويفعلونه عند قرب صيامهم توديعاً للأكل.
وهذا فيه سوء أدب مع الله عز وجل، فإن الله لم يشرع رمضان لتعذيب الناس بل ليزدادوا تقوى وقرباً من الله.‟
【 لطائف المعارف (صـ ٢٧٦)】
احذر #القريش (أو كما يسميه الجزائريون التشعبين)
والقريش هو: الاجتماع للطعام قبل رمضان لتوديع الأكل.
قال الحافظ ابن رجب رحمه الله تعالى:
” أنّ مثل هذه العادة موجودة عند النصارى وتسمى: (التنحيس) ويفعلونه عند قرب صيامهم توديعاً للأكل.
وهذا فيه سوء أدب مع الله عز وجل، فإن الله لم يشرع رمضان لتعذيب الناس بل ليزدادوا تقوى وقرباً من الله.‟
【 لطائف المعارف (صـ ٢٧٦)】