يا رب شعر البنات يطول و صحتهم تبقى كويسة دايما و ينجحو في حياتهم و قرايتهم و م تعاني واحده مننا من مشاكل و كل بنت تبقى صحتها و بشرتها و طاقتها هايلة 🥹🩶🩶🩶🩶🩶🩶🩶🩶🩶🩶🩶🩶🩶🩶🩶🩶🩶🩶🩶.!

﴿وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ • الَّذِينَ يَظُنُّونَ أَنَّهُم مُّلَاقُو رَبِّهِمْ وَأَنَّهُمْ إِلَيْهِ رَاجِعُونَ﴾.

«يَا مُقَلِّبَ القُلُوبِ ثَبِّتْ قُلُوبَنَا عَلَى دِينِكَ ، وَيَا مُصَرِّفَ القُلُوبِ صَرِّفْ قُلُوبَنَا عَلَى طَاعَتِكَ ، أعِنَّا عَلَى ذِكْرِكَ وَشُكْرِكَ وَحُسْنِ عِبَادَتِكَ».

الجميل فِي رَمضان إنّ كلّ ليلة تَصلحُ
إنّ تكون بداية، إنّ تكون بابًا وَاسعًا للجنَّة
فَلا تَنتظر خَلفكَ وَتقول تأخرت بَل مَازِلتَ
فِي بداية السَّباق "فَاغتَنِم"🫂❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️🦋.!

﴿وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ مَّرَدًّا﴾.

«سُبْحَانَ اللهِ ، وَالحَمْدُ للهِ ، وَلَا إلَهَ إلَّا اللهُ ، وَاللهُ أكْبَرُ ، وَلَا حَوْلَ وَلَا قُوَّةَ إلَّا بِاللهِ».

يا رب لطفك و رحمتك 🌻🖤.!

﴿وَيُنَجِّي اللهُ الَّذِينَ اتَّقَوْا بِمَفَازَتِهِمْ لَا يَمَسُّهُمُ السُّوءُ وَلَا هُمْ يَحْزَنُونَ﴾.

«اللَّهُمَّ آتِ نُفُوسَنَا تَقْوَاهَا ، وَزَكِّهَا أنْتَ خَيْرُ مَنْ زَكَّاهَا ، أنْتَ وَلِيُّهَا وَمَوْلَاهَا».

في الصيام، الجسم بيمر بتغييرات كتيرة عشان يتكيف مع الوضع الجديد بدون أكل وشُرب لساعات طويلة. خليني أشرح ليك الحاصل :

١. أول ساعات الصيام (٦-٨ ساعات)

بعد آخر وجبة، الجسم بيستهلك الجلوكوز المخزن في الكبد والعضلات عشان يلقط طاقة، وده السبب البخليك تحس بالطاقة في الساعات الأولى.

٢. بعد ٨-١٢ ساعة: الجسم بيبدأ يحرق الدهن

لما الجلوكوز يخلص، الجسم بقول لي نفسو: "طيب نستخدم شنو؟"، هنا ببدأ يحرق الدهون المخزنة، وده الشيء البيساعد في خسارة الوزن وتحسين الصحة.

٣. السكر بكون تحت السيطرة

الصيام بيخلي الأنسولين ينخفض، وده بساعد في تحسين استجابة الجسم للسكر وتقليل خطر الإصابة بالسكري.

٤. تنظيف الجسم وتجديد الخلايا

الجسم بيبدأ يشيل الأوساخ (الخلايا التالفة) ويجدد نفسو، وده بيساعد في تقوية المناعة وتأخير الشيخوخة.

٥. تحسين المزاج والنشاط

الصيام برفع هرمون النمو، والهرمونات المسؤولة عن السعادة زي السيروتونين والدوبامين، عشان كده الناس بتحس براحة نفسية في رمضان.

٦. المناعة بتتقوى

الجسم بشتغل على تصليح نفسو، وبيزيد إنتاج كريات الدم البيضاء، فالصيام بيخليك أكتر مقاومة للأمراض.

٧. تقليل مخاطر الأمراض

الصيام المنتظم بيقلل خطر أمراض القلب، الضغط، والزهايمر، وحتى بعض السرطانات.

نصائح عشان تصوم بدون تعب:

* اشرب موية كتيرة بعد الإفطار، جسمك محتاج تعويض السوائل.
* خلي فطورك متوازن، لا كتير ولا قليل، عشان جسمك يلقى حاجتو.
* ابعد من الأكل المقلي والتقيل، لأنو ببطئ الهضم وبيخليك تتعب.
* بعد الفطور، امشِّي شوية عشان تساعد جسمك يهضم كويس.

الصيام ما بس عبادة، هو فرصة جسمك يستعدل فيها، فاستغلها لصحتك!💙💙


#منصه_نجاح


للمزيد من المعلومات انضموا لقروب الواتساب الخاص بالمنصه

https://chat.whatsapp.com/HWBhD6uK2h17lyrhH2fBba

اللهم اجمع شمل أهل السودان في ديارهم في مدنهم في قراهم مطمئنين امنين فرحين مستقرين 😔❤️‍🩹.!

لستُ نِعم العَبد، لكن أرجُو أن أكون أوابٌ!

والله ح ادخل القناة
انت حلفت 😂🫶🏻.

@bymafaz

‏في الدنيا سأطلب الجنة ، وفي الجنة سأطلب ما اريد 😔💛💛💛💛💛💛💛💛💛💛💛💛💛💛💛💛💛💛💛💛💛💛💛💛.!

يلِح علينا الحُب والسَّكن في رمضان!

آه والله، رُؤية النساء في خدرهنَّ تُعد الطعام وتهذب المنزل سواء كانت أمًّا أو أختًا أو ابنة أو زوجة، تزرع في قلب الرجل شعور الونس الحقيقي والرفقة الطيبة!
ندعو لهنَّ بالخير، لأن الإنسان منَّا غير مجبول أن يعيش فرًدا، بل جبل لـ يُرافق من يأمن معه وتهدأ به سريرة نفسه!
كَون الرجل يدخل على بيته وهو في أحسن حال، فذلك من الرضا التام، ورمضان شهر تتجلى فيه تلك المعاني حقًّا!
فادعوا لأنفسكم ولا تقنطوا، عسى الله أن يبدل ضيركم خيرًا، وأن يحيل كآبتكم فرحًا وسرورًا 🥺🧡🧡🧡🧡🧡🧡🧡🧡🧡🧡🧡🧡.!

﴿ يَقُولُ يَا لَيْتَنِي قَدَّمْتُ لِحَيَاتِي ﴾ .

يا حلوين الليلة عندنا درس في الرياضيات العاطفية والفلسفة القلبية، حاجة كده بتجمع بين العلم والمنطق والسخرية العاطفية.😂💙

أول حاجة، خلونا في الأساسيات:
الدراسة بتقول إنو الراجل لما يفتح السوشيال ميديا ويقلب في الصور ( صوره البنات خاصه ) 💙😂، من كل ١٠٠ صورة بيعاين ليها، بيعجبو ٦٥! بالله شفت الكرم دا؟! الراجل دا زي قفص الحمام ، أي حاجة تدخل في عينو ممكن تعجبو. بعبارة تانية، عندو قلب واسع، ومخ جاهز للانبهار بأي شي جديد، ما عندو مشكلة، بالعكس، مستعد يحب، ومستعد ينبهر، ومستعد يصفق لأي صورة تلقى طريقا ليهو.💙

لكن تعال شوف المصيبة التانية... البنات بعملو شنو؟
البنية تمرق تلفونها، تفتح الصور، تقلب تقلب تقلب... من ١٠٠ صورة راجل، بيعجبا ٦ بس!! يااااا زوووول!!! ٦ بس؟! البقية كلهم عندهم شنو بالله؟ أمراض جلدية؟ ما استحمو؟ ولا المشكلة في جينات الرجال ذاتا؟💙

دا معناته إنو الحريم ديل عندهم فلتر بيولوجي خارق، حاجة كده زي الماسح الضوئي البيشوف DNA الزول قبل ما يشوف صورتو. الراجل المسكين يجي شايل روحو، لابس قميص جديد، حلق شعرو، قال الليلة ح يلقى تقدير، تقوم البنية تمرقو من السباق بدون أي ذره رحمه💙😂

النتيجة النهائية: في رجال "ما عندهم من الحب نصيب؟ "

يعني ببساطة، بناءً على الإحصائيات دي، في رجال من أساسا ما في زول ح يعجب بيهم طوال حياتهم! المواضيع الزي دي بتحير ياخ! تخيل تكون راجل قايم بي روحك، حياتك كويسة، لكن القدر قرر إنك من الجماعة الفي ٥٪ الي مرفوضين من المجتمع النسائي بالكامل! يعني تمشي السوق؟ ما في زولة تشوفك. تمشي العرس؟ ما في زولة دايره وشك. تمشي النادي؟ تفضل تلعب كورة مع أصحابك بس، حتحس بانك وحيد رغم انك شايف نفسك مكتمل 💙

هسه المشكلة ما انتهت هنا، المصيبة الأكبر شنو؟

عدد النساء أكتر من عدد الرجال في العالم! بالله شفت المفارقة؟ كيف النساء أكتر، لكن برضو ما قاعدين يلقو رجال يعجبوهم؟ دي مفارقة فلسفية من النوع التقيل، لأنو المفروض الحاجة النادرة تكون مطلوبة، لكن في الحالة دي الحاجة المتوفرة (الرجال) ما قاعدة تلقى زول عايزها اصلا ...💙

يعني لو جبنا علبة بسكويت ولقيناها مليانة، المفروض أي زول يلقط ليهو واحدة ويأكل، لكن لا، هنا النسوان بقولن: "نحن ما عايزين أي بسكويت، نحن عايزين النوع المحدد حق ٦٪ البس فقط، البقية كبوهم في البحر!"

الحلقة الأخيرة : الزواج بلا حب؟

هسه تعال شوف التخريمة الجديدة، لو الراجل ممكن يتزوج أربعة، والمرأة ما بتعجبها إلا ٦٪ من الرجال، دا معناته إنو في نسبة من النسوان ح يتزوجن رجال ما معجبات بيهم أصلا! بالجد دا معناته الزواج بقى زواج اجتماعي أكتر منو عاطفي. الراجل يتزوج أربعة، والأربعة ديل يقعدن يتأملن في بعض ويقلن:

"والله أنا ما عارفة، بس أظنو هو كان الاختيار الوحيد المتاح!"
بالله ؟؟ هسي بقي متاح؟😂💙

ودي واحدة من المشاكل الفي المجتمعات اليوم، الناس بقت تتزوج بالظروف ما بالعواطف، مما أدى لي زيادة معدلات الطلاق، وزيادة نسبة العلاقات الباردة، لأنو أصلا الميول العاطفية ما متوافقة من البداية.

الحل النهائي؟

والله بصراحة، في حلول كتيرة:

1. الرجال يرفعوا مستواهم: يعني ياخ حاول تكون جذاب أكتر، تعلم حاجة جديدة، خفف الكرش، اهتم بنفسك، عشان على الأقل تطلع من الـ ٥٪ البائسين.😂😂💙

2. البنات يخففن الشروط شوية: عشان ما كل زول يكون قاعد مستني الأمير الوسيم يجي شايلو حصان أبيض! الحياة فيها ناس عادية برضو. ( تبعدي فكره فارس احلام من راسك يا حبيبه🙂💙)

3. نخلي السوشيال ميديا: لأنو الظاهر الناس بقت تختار بناءً على صور وفلاتر، وما بقت تدي فرصة للعلاقات الواقعية💙.



في النهاية، الأرقام دي مجرد إحصائيات، لكن الحياة ما بتقوم على الإحصائيات بس، الحب حاجة بتتجاوز الأرقام والنظريات. يعني في النهاية ممكن تلقى زول في الـ ٥٪ ديل يلقى ليهو زولة من الـ ٦٪ ويعيشو في سعادة تامة، والعكس صحيح. فما تخلي الأرقام تحكم حياتك، العب لعبتك وعيش حياتك، وأهم حاجة خلي عندك ثقة في روحك.💙💙💙💙💙



#محمد_ياسر
#منصه_نجاح




للمزيد منصه نجاح عبر

الواتساب:https://chat.whatsapp.com/HWBhD6uK2h17lyrhH2fBba

اللهم وفقنا في رمضان لاغتنام لحظاتِه، وأنِلنا من رحماتِه، وأنزل علينا من بركاته، واجعله شهرًا للخير مليءً بالأفراح والمسرّات، فائزين فيه بِعفوك و العتق من النار 🥺💛💛💛💛💛💛💛💛💛💛💛💛💛💛💛.!

﴿قُلْ أَمَرَ رَبِّي بِالْقِسْطِ وَأَقِيمُوا وُجُوهَكُمْ عِندَ كُلِّ مَسْجِدٍ وَادْعُوهُ مُخْلِصِينَ لَهُ الدِّينَ كَمَا بَدَأَكُمْ تَعُودُونَ • فَرِيقًا هَدَى وَفَرِيقًا حَقَّ عَلَيْهِمُ الضَّلَالَةُ إِنَّهُمُ اتَّخَذُوا الشَّيَاطِينَ أَوْلِيَاءَ مِن دُونِ اللهِ وَيَحْسَبُونَ أَنَّهُم مُّهْتَدُونَ﴾.

«رَبِّ زِدْنَا لَكَ خُشُوعًا كَمَا زَادَ أعْدَاؤُكَ لَكَ نُفُورًا وَلَا تَكُبَّنَّ وُجُوهَنَا فِي النَّارِ مِنْ بَعْدِ السُّجُودِ لَكَ».