نعي [ #القسم_بمدلـله ]
توسل لـ #النبي_الأعظم بحق ابنته السيدة #فاطمة الزهراء (ص)، ١٤٤٤ هـ.

▪️▪️▪️▪️▪️▪️▪️

عندي قسم في كل سنه احسب إله
وقته المسيَّه و القسم بـ امدللـه

ها يالنبيّ "ابـ فاطمه ابـ فاطمه"
هالليله اتزول الليالي المُظلمه
قلبك حنين اُو همِّي انته عالمه
ترضى دمعتي تبقى مني هامله؟

يا من دعيت إلنا يخف عنَّا العذاب
الأقسم عليك ابفاطمه مامره خاب
آه يارسول الله اغِث قلب الشباب
بزهرة شباب الزهره المو سالمه

لو أغلى من هذا القسم عندي قسم
چا قلته لك، بس قلبي بالزهرا لزم
اشلع يبو الزهرا من اقليبي الألم
ياحضرة الرحمه ابرحمتك داخله.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

                              
📜 | قصيدة [ #حزني_الفاطمة ]
لسان حال و وصية #النبي_الأعظم محمد (ص) لأمير المؤمنين (ع) قبل شهادته، ١٤٤٢ هـ .

▪️▪️▪️▪️▪️▪️▪️

المستهل /

ياعلي بوداعة الله .. اوصيِّتي احفظها إلي
فاطِمه عندك أمانه .. لا تِضيعن يا علي

١ /

صعبه ياحيدر تراها اوصيِّتي
وآنه أدري شاليصير ابغيبتي
رغم ذلك بالك اعلى ابنيِّتي
عقب عيني بالمصايب تبتلي

٢ /

من رحيلي بالقلب شد الصبر
كف دموعك مو اقبالي تنهمر
باچر اعلى الصيحه انته تنجبر
منِّي خليها عيونك تمتلي

٣ /

آنه لو محزون حزني إلفاطِمه
بغربه بعدي اتحس اُو تغدي اميتمه
ياعلي اشلون الورِد ينزف دِمه ؟!
بس سؤال اُو لا يكدرك ياعلي

٤ /

داري بنتي وبالأخص داري الضِلع
لا يطَّفوا ابدنيتك كل الشمع
ابَّاب فاطم لا حريقه تنولع
ولا بچي خلفه اُو ونَّه تعتلي

٥ /

خوفي عالزهرا اُو عمرها الما كِمل
من هذاك الباب يا خير العمل
رايح آنه اُو يمَّك امخلِّي الأمل
سالِمه الزهرا تِرد تالي إلي .

▪️▪️▪️▪️▪️▪️▪️

بِـ قلم / خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بِـ طور /  عمه يا عمه للشيخ جاسم الدمستاني
https://youtu.be/1TFQYWeeo1o

▪️▪️▪️▪️▪️▪️▪️

نعي [ #آنه_اسكينه ]
لسان حال #السيدة_سكينة بنت الإمام الحسين (ع) عند احتضارها ، ١٤٤٢ هـ

▪️▪️▪️▪️▪️▪️▪️

بويه يابويه .. بويه يابويه
بويه يابويه .. بويه يابويه

بويه يابويه .. آنه اسكينه
بنتك اتنازع ..  والأبو وينه؟

بويه يابويه .. ابداخلي عبرات
الهسَّه بجدامي ..  حرقة الجمرات!

ارد اموت اعليك .. موتت ارقيه
تعنى وَلو راس .. اْشُبقه بِـيديَّه
كافي والله افراق .. من الزغر للحين
بويه تعبانه .. ضمني بويه احسين.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

جديد:

📜 | [ #شكراً_على_النعمة ]
شكراً لـ #الإمام_الحسين (ع) في موسم العزاء، ١٤٤٥ هـ.

▪️▪️▪️▪️▪️▪️▪️

المستهل/

يا كافل الخِدَّام .. أحفظ لي هالخدمه
هالعام وفي كل عام .. شكراً على النعمه

شكراً على النعمه
شكراً على النعمه

١/

ماكو قُوَّه تجبرني تغيِّرني ما دام أنا بعينك
(ياحزن البُعد عن القلب أمضي بماي أوضع ايدينك)

لايذ بيك أنا يَحسين، لايذ والعمر قاسي
لايذ وشكثر خايف، وبضيق أشهق أنفاسي
ثبِّت قلبي ابدربك، ولو هجرتني كل ناسي

بصفوفك "اللطَّام" .. اسمي وعلى اللطمه
هالعام وفي كل عام .. شكراً على النعمه

٢/

يا كثر النعم عند الخدم مولاي متفضل اعلينه
مو كلنا الذي يستاهل النعمات اُو مُخلص لك اسنينه

يوم انعلق الرايات، يوم انركب اسوادك
تسمح إلنا يامظلوم، نلفي ونخدم ابدارك؟
ولمَّن يلفي عاشورك، نستقبلها خطَّارك

أيامي هالأيام .. و لمَّاتي هاللمَّه
هالعام وفي كل عام .. شكراً على النعمه

شكراً على النعمه
شكراً على النعمه

٣/

أهجر بيتي وأصرخ عفت إلك أهلي وانته الأهل يحسين
من ماتم لماتم بالكسيره أمشي ودمعي على الخدين

شعله بقلبي يا مولاي، تاخذ بيني للمجلس
كلما أبچي لك أكثر، قلبي بالفجيعه ايحس
ولهيچ أهلي يلقوني، بكل ماتم أنا أجلس

لن همِّي انته غير .. كل آدمي وهمَّه
هالعام وفي كل عام .. شكراً على النعمه

شكراً على النعمه
شكراً على النعمه

٤/

كل شي بمجلسك يابوعلي توفيق لو آنه سويته
لو بيدي شلت رايه لوَن للناس چاي آنه صبِّيته

لو صوتي نعى حزنك، لو شعري ذرف دمعه
لو أكنس حُسينيتك، لو خيرك أنا اْوزعه
تسوى الدنيا بعيوني، وي خدَّامك الجَمعه

شكراً أنا ممنون .. وبمعنى هالكلمه
هالعام وفي كل عام .. شكراً على النعمه

شكراً على النعمه
شكراً على النعمه

٥/

من أركض لأجلك وأتعب أدعي ايزيد كلشي تعب بيني
من تحرقني شمس الدنيا اهمسها بحسين اشعريني

والله كل تعب لأجلك، راحه القلبي والدلَّال
اقنع روحي واسيتك، بس روحي ترد بالحال
بشنهو انته واسيته؟، ونسوانه علىٰ لجمال!!

لو أحچي لك وفِّيت .. مشكوله هالذمه!
هالعام وفي كل عام .. شكراً على النعمه

شكراً على النعمه
شكراً على النعمه

٦/

آسف و أعتذر هذا العمر مولاي يفنى يمَن باقي
بقبري بالله اذكر غُربتي واحضَر واحضُرلي الساقي

احضَر واحضِر العبَّاس، واحضِرلي بعد اخته
اسم الطاهره بكل حين، قِلَّه يا عسى صنته؟
قِلَّه اهوايه حبيته، و أِشهد إنِّي بلَّغته!

حُبه هداني وحيل .. ممنون أنا الـ دمَّه
هالعام وفي كل عام .. شكراً على النعمه

شكراً على النعمه
شكراً على النعمه.

▪️▪️▪️▪️▪️▪️▪️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

بِـ طور / محلى خديجة على كرسي الجلالة
https://youtu.be/HJ_UvDFrA5s

▫️▫️▫️▫️▫️▫️▫️

قصيدة [ #فرحانه ] 💚
في ذكرى ميلاد #النبي_محمد (صلى الله عليه وآله ) ، ١٤٤٢ هـ .

▫️▫️▫️▫️▫️▫️▫️

المستهل /

فرحانه كل المَلا وتشكر حياته
المَلا تشكر حياته
يَم آمنه اليوم نبينا يا حلاته
نبينا يا حلاته

١ /

فرحانه بأحمد نبينا اليوم أمه
كل ساعه راحت تشمه اُو تضمه
حُبها فضحها إله عجزت تكظمه
تقبله اُو تهزه اُو تناغيه ابغلاته

٢ /

وإحنا بفرحنا نجي نبارك إليها
أم النبي اليوم نبينا بين إيديها
مبارك يَمولاتي تهانينا اقبليها
مولود مبروك ولا حد الـ هِباته 

٣ /

يالله بهلاهل نهنيها خديجه
ويَّاها خنذوب على عطره واريجه
فرحانه هاليوم الـ تِنوَّر له طريجه
الواجهت كلشي لعيونه بكل ثباته

٤ /

عدنا بعد من نهينها بهالأفراح
المحفلها معقود وثغرها بالسَعد لاح
الزهرا الزچيِّه الـقلبها الليله مرتاح
بنته البضعه الـخذَت كلشي بسِماته

٥ /

ومن باب بنته إلعلي نقصد سويه
حلوه أيامه اُويا سيِّد هالبريه
شخصين لاچنـهم ابنفس الحميه
والصنم هاليوم نعى نفسه بمماته

٦ /

غايبنا نبعث إلـمقامه زهور نرجس
والإيد عالراس نهني ويمَّه نجلس
كل عام وأنته لجَّدك تحط مجلس
مبارك يَمن الله يعدنا من حُماته.

▫️▫️▫️▫️▫️▫️▫️


بِـ قلم / خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

قصيدة [ #على_جاري_العادة ]
في تهنئة مولانا #أبا_الفضل_العباس بذكرى ميلاد أمه السيدة #أم_البنين (ع)، ١٤٤٤ هـ

🌸🌸🌸🌸🌸🌸🌸

المستهل /

على جاري العاده جيت أبارك لك
متبارك يَبو فاضل ابـ والدتك

١/

على جاري العاده بالفرح قاصد
مولد أمك ابَّـسماتي اُو رايد
أهنيك اُو أبارك لك يَبوفاضل
انظرني اُو چني بحضرتك قاعد

٢/

من زغري وأنا أحلم وأنا أتمنَّى
قلبك أسعده اُو قلبك افرحنَّه
بمولد أمك اُو إحيائي للميلاد
متيقن مُرادي وحلمي حققنَّـه

٣/

يالماخذ وفائك من وفا الدُّره
يا حُر إبن أمك فاطمه الحُرَّه
أحبكم آنه خادمكم تعرفوني
ما مرَّه عفتكم آنه ما مرَّه

٤/

هالليله نويت أحضر واطش چكليت
جيت الحفل بدري ؛ مايسعني البيت
أم عبَّاس متفضله على عمري!
ما أذكر طلبت الحُرَّه و انرديت

٥/

أهنيك اُو أهنِّي حسين بالمولد
و أزوره بالنيابه عنها من أقعد
عزيزة فاطمه ماحير شأهديها
زيارة بوعلي و مابيها متردد

٦/

قريت الفاتحه ليها ابوگت حيره
الكبيره المشكله لاقيتها ازغيره!
عجيبه أم البنين اُو هاي طيبتها
حنان السيِّده حيِّرني تفسيره

٧/

حنانك ماخِذه من أمك اُو قلبك
وفي وطبعه فِدائي ومنها دا طبعك
يَمحبوبي دعائك رِدت عيديتي
قُربها كل حياتي تكون وبقُربك.

🌸🌸🌸🌸🌸🌸🌸

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

قصيدة [ #أم_الأحبة ] 💗
في ميلاد السيِّدة #أم_البنين (ع)، ١٤٤٤ هـ

🌸🌸🌸🌸🌸🌸🌸

المستهل /

يا هلا بميلاد أم الأوفياء
يا هلا بأم الأحِبَّه بكربلاء

١/

محلى هذا الليل .. وبيه ذكرچ صِدَح
محلى هذا الليل .. وبيه قلبي انشِرَح

أنعم الله بيچ .. وجيتي بهالمساء
يا هلا بأم الأحِبَّه بكربلاء

٢ /

ما نريد اهلال .. نورچ بالسِّمه
ما نريد اهلال .. تكفي فاطمه

يالقُمر جَوَّاچ .. و انجوم السماء
يا هلا بأم الأحِبَّه بكربلاء

٣/

انتي يأم عبَّـاس .. دُرَّة والدچ
انتي يأم عبَّاس .. قُرَّة شيعتچ

يالتسندينا .. بكل شده ورخاء
يا هلا بأم الأحِبَّه بكربلاء

٤/

شقد نطيتي ادروس .. في معنى العشق
شقد نطيتي ادروس .. في الحُب عن صِدق

العاشق المولاه .. يحمل هالوفاء
يا هلا بأم الأحِبَّه بكربلاء

٥/

وقفه إلنا اوياچ .. في سابع رجب
وقفه إلنا اوياچ .. يالشُكرچ وِجب

والله يأم عبَّاس .. فزنا بهالعطاء
يا هلا بأم الأحِبَّه بكربلاء

٦/

نسألچ بالله .. عذري هالقصور
نسألچ بالله .. ونظري هالسرور

قلبي شاعر ليچ .. وردد هالنداء
يا هلا بأم الأحِبَّه بكربلاء .

🌸🌸🌸🌸🌸🌸🌸

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

جديد:

📜 | قصيدة [ #المولد_الطاهر ] 💚
توسل بميلاد السيدة #أم_البنين (ع)، ١٤٤٥ هـ

▫️▫️▫️▫️▫️▫️▫️
المستهل /

وحق المولد الطاهر وحقه
أريدن حاجتي هالليله تُقضى

١ /

يـ أم عبَّاس يا أم الأجاود
عطيَّة يمنتچ هالليله رايد
اجيت العام بالميلاد عاقد
أريدن حاجتي هالليله تُقضى

٢ /

مثل روحي السعيده بالولاده
أريد بحاجتي اتردي السعاده
وحق ميلادچ الـ الله أعاده
أريدن حاجتي هالليله تُقضى

٣ /

مثل ما والدچ حاز ابـ مَرامه
أريد أصرخ حزت منچ كرامه
وحق البُشرى من ولدت ثُمامه
أريدن حاجتي هالليله تُقضى

٤ /

وحق أهل الكسا ذاك اليماني
تبلغيني مُرادي و الأماني
أنا الخادم إليكم آني وآني..
أريدن حاجتي هالليله تُقضى

٥ /

و حق عبَّاس فلَّال الكتايب
تراويني المِسه يَأمه العجايب
وحق اِخوانه لأبطال الأطايب
أريدن حاجتي هالليله تُقضى

٦ /

وحق ساعة زفافچ بالصميده
و حق لحظة نواله بالـ يريده
وحق كل اللي ماكفى القصيده
أريدن حاجتي هالليله تُقضى.

▫️▫️▫️▫️▫️▫️▫️

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة

جديد:

قصيدة [ #فداها_أبوها ] 💚
في مولد السيدة #فاطمة_المعصومة (ع) ١٤٤٥ هـ 

🍃🍃🍃🍃🍃🍃🍃

المستهل/

يا فداها فداها أبوها

١/

يا فِدى عيون الأبو
يا نظر عين الأخو
فاطمه المعصومه.. فاطمه المعصومه

يا قُمر هذا الشهر
سيرتچ من تنذكر
بالفخر مختومه.. بالفخر مختومه

يا فداها فداها أبوها

٢/

اعليچ من الله السلام
بت وأخت، عمة إمام!
يا سميَّة فاطم.. يا سميَّة فاطم

الله رازق شيعتچ
روح مثل ارويحتچ
من حنان الكاظم.. من حنان الكاظم

يا فداها فداها أبوها

٣/

بيوم تكتم جابتچ
أنعم الله ابشيعتچ
ابـ وِصال الجنه..  ابـ وِصال الجنه

يالمقامچ مأرفعه
جابچ الله شافعه!
تشفعي لأصغرنه.. تشفعي لأصغرنه 

يا فداها فداها أبوها

٤/

جنة الله بين ايديچ
و جنة الدنيا إليچ
من لـ قُم انسافر.. من لـ قُم انسافر

سيدة كل الجِنان!
ومرقدچ صار الأمان
للأرض والحاير!.. للأرض والحاير

يا فداها فداها أبوها

٥/

ياليفدِّيچ الإمام 
حققي إلنا المرام
سجِلِّينا انزورچ .. سجِلِّينا انزورچ

حاضرين المولدچ
طالبين النظرتچ
لا تِردِّي احضورچ.. لا تِردِّي احضورچ

يا فداها فداها أبوها.

🍃🍃🍃🍃🍃🍃🍃

بِـ قلم /خادمة وليِّ النعمة ( قصائد وليِّ النعمة )

#الناشرة_الحسينية_خادمة_العقيلة