tgoop.com/ALMOLAUEOMADNAN/2747
Last Update:
لطميه وزن فائزي لسان حال مولاتي زينب عليها السلام ليله الحادي عشر
┈┉┅━━❀❀━━┉┉┈
مانامت الليل ..مانامت الليل..عيون اخيتك ماغفت لانامت الليل
بين المداليل ...بين المداليل ..كلساعه لن ضايع طفل من المداليل
*•──≪᯽≫──•*
يحسين خويه مانمت سهرانه عيني
كلساعه اشوطن وانهضم واحبس ونيني
وينج ييمه فاطمه دتلاحگيني
حماي الدخيل...حماي الدخيل
خل يجيني بالعجل حماي الدخيل
*✍🏻أم عبـــــد اللـــــــه العـــــابدي*
*•──≪᯽≫──•*
يابويه بلله وياك جيب امي الزچيه
وآنه مره وبوحدي وماكوا تچيه
بلكي تساعدني على الونه الخفيه
شو تسحگ الخيل ؛؛شوتسحگ الخيل
وتشوف صدره ابوعلي هلداسته الخيل
ب✍️ام علي المالكي
*•──≪᯽≫──•*
سهرانه عيني ياولي وروحي حزينه
وگلبي من اصدن علرمح يكثر ونينه
اتمنيت امي ام الحسن اتمـر علينه
دمعي دمه ايسيل....دمعي دمه ايسيل
من عگب اخوتي اهل الشيم دمعي دمه ايسيل
✍️ام عدنان سياحي
*•──≪᯽≫──•*
دمعي دمه يسيل وصحت وينك يعباس
اختك يخويه بلا حمه وبولية الناس
يلي تحس بحالتي يالكلك احساس
وياي العليل ..وياي العليل
وعندي يتامه محيره ووياي العليل
*✍🏻أم عبـــــد اللـــــــه العـــــابدي*
*•──≪᯽≫──•*
ماكوا كفيل اليحرس الخيمات وياي
ياخويه حرگوها الخيم ماعندي حماي
چاوين سبع الگنطره يطفيها بالماي
اورايح الحيل ؛؛اورايح الحيل
بس يمي السجاد منَّه رايح الحيل
ب✍️ام علي المالكي
*•──≪᯽≫──•*
عگبك يبو الغيره الغرب تحدي ابظعنه
مايدري ابو الحمله علي امطشر شملنه
ونمشي سبايه علهزل ونيـام اهلنـــه
ويه الهوا انميل ... ويه الهوا انميل
امچتفات اعلی الهزل ويه الهوا انميل
✍️ام عدنان سياحي
*•──≪᯽≫──•*
*تمت القصيده بـعون الله تعالى وبـأقلام*
*شاعرات اهل البیت عليـهم السلام في*
*رابطة القلوب النقية*
*لانجيـز حذف الأسماء* ✋
🙏🏻 *نسالـكم الدعـاء*
https://www.tgoop.com/poiukjhhggfffffff
BY قناة خادمة اهل البيت ع ام عدنان سياحي {دسمي}🏴🏴
Share with your friend now:
tgoop.com/ALMOLAUEOMADNAN/2747