tgoop.com/ALOEAOROD/4647
Last Update:
قصيدة جنوبية لاستشهاد الامام علي (ع) بدايتها هوسه
____
الليلة المرتضى ولـده يـشيعونه
وامـلاك الـسمه اوياهم يـشيلونه
زيـنب واگــفه واتـصيح تـانــونه
الرباط المستهل 👇
____
خـلو نــعش أبــوي ولاتشيلونه
حـــيدر للــغري لا لااتـــودونــه
┈┉━━ •• ✵ •• ━━┉┈
احاچيكم يخوتي ريضوا اشويه
مـن الـوالـي اريد اشـبع اوداعيه
افـراگ الـموت مـامـنه بـعد جيه
( ريض يحسين خل اتوادع اوياه )
┈┉━━ •• ✵ •• ━━┉┈
يحسين وحسن ريضوا و تانوني
عـلـي سباح گلبي خـويه تدروني
اخـر شوفه خل اتشوفه اعيوني
(بعد هيهات يرجعلي والاگيه)
┈┉━━ •• ✵ •• ━━┉┈
بـعد هيهات اشـوفه وگـعد بـكتره
اليوم البين هدني وكسرتي كسره
ابد ميطب كسري ولاله كل جبره
(من شلتوا نعشه انهد حيلي)
┈┉━━ •• ✵ •• ━━┉┈
ياهو اليجبرالخاطر عگب عينه
ابوي وسيف المسمم گطع بينه
يهل جنازه ريضوا هذا واليــــنه
((ولمصابه شديت احزامي))
┈┉━━ •• ✵ •• ━━┉┈
ولينه وعودنه خلوه مـــسرعكم
كلفه افراگه جاي العيد اناشدكم
اشيصبّح حالنه بفراگ والدڪم
(( وهذا العيد خويه انعيد اشلون ))
┈┉━━ •• ✵ •• ━━┉┈
الله ويـاك يـابويه وبـعد حيلي
يـالبفيك دلالي ورحت يـاويلي
اظل بالنوح اگضي نهاري وليلي
((شايل يا طبگه من اضلوعي))
___
تمت والحمدلله ✍️
🖊️وعد الـكفيل
🖊️ام محمد التميميه
#المنتدى_الفاطمي
https://www.tgoop.com/maisyaltfoof
BY قناة الشاعره ام منتظر الجابري
Share with your friend now:
tgoop.com/ALOEAOROD/4647