رسالـ💌ـة لقلبـღـك

🔅 الحلقه 42 من لو عرفتموه 🔅

يلا صلوا على النبىﷺ 😇❤️
حصار قريش لبنى هاشم"قبيله رسول الله"(ج2)

بعد ما قررت قريش أنها تحاصر بنى هاشم سواء كفار او مسلمين و كان أصعب حاجه فى الحصار هو ان قريش شلت حركه البيع و الشراء و دا طبعا معناه ان بنى هاشم معرضه أنهم يموتوا من الجوع رغم انهم معاهم فلوس و فى منهم أغنيا لكن للاسف البيع و الشرا واقف.. والحصار عمل مشكله تانيه كمان هيا ان الإسلام تجمد لمدة 3 سنوات ..الدعوه واقفه و المسلمين نفس العدد مش بيزيدوا و فوق كل ده معرضين انهم يموتوا 😢 والإسلام ينتهى..

بنى هاشم هدفها حمايه النبى.. حمايه واحد من قبيلتهم واتمسكوا بهدفهم ده و فضلوا متحاصرين و كانوا مش بيقدروا يخرجوا أبدآ من الشِعب غير وقت الحج عشان قريش خافت على منظرها قدام القبائل التانيه أنه يبان أنها حابسة بنى هاشم و منعاهم من الحج.. وكان النبى عليه الصلاه و السلام يطلع وقت الحج يدعو الى الله و الإسلام لكن محدش كان بيرضى يدخل الإسلام بسهوله.. وكان يطلع عليه الصلاه والسلام يثبت الصحابه و يطمنهم، ما هو اصل الصحابة اللى مش من بنى هاشم قاعدين بعيد عن النبى عليه الصلاه و السلام و معرضين للإضطهاد والمضايقات من قريش..

وبعد وقت الحج يرجع النبى و المسلمين اللى من بنى هاشم للشِعب و حصاره تانى.. والحصار أشتد و بنى هاشم تعبت و الجو برد جدا، الصحابة بيقولوا : والله كنا نأكل ورق الشجر من الجوع حتى تقرحت افواهنا و والله كان صوت بكاء الصبى من شده الجوع يصل الى الحرم..
كانت الام فى الحصار تجيب حصى و تحطه على النار و تعد تقلب.. و توهم الاطفال ان الاكل بيجهز لحد ما يناموا و زوجها كان يطلع يحاول يتكلم مع اى تاجر لعل قلبه يحن و يرضى انه يبيعله أكل.. كان يجرى الصحابى على التاجر
و يقوله : اقسمت عليك ان تبيع لى الطعام بأى ثمن.. ويرفض التاجر.. فيقول له :اقسمت عليك.. أما تسمع بكاء الاولاد!! 😢

فالبائع يتحرك قلبه ولسه حيدى للصحابى أكل، تقوم تحصل مشكله .. إيه هيا؟ قريش لها عين فى كل مكان.. وفى نفس اللحظة ابو لهب يبقى موجود ويقول:يا هذا ماذا تفعل؟.. فيقول التاجر: لاشئ.. فيقول أبو لهب: أتبيع له؟!!... فيقول التاجر :لا.. لا.. فيقول ابو لهب:اياك اياك، أنسيت الصحيفه؟ (يقصد الورقه المختومه اللى متعلقه على الكعبه).. فيقول التاجر : لا انساها ويوصيه أبو لهب أنه ميبعش أبدا لبنى هاشم و يوعده بإنه هيديله اضعاف اضعاف المال اللى كان هياخده لو باع.. فيقول البائع للصحابى: أعزرنى انا اسف مش هقدر أبيعلك..

فيمشى الصحابى و يرجع أيده فاضيه و يدخل و هو بيبكى، فتقول الزوجة القوية : لا عليك,لا عليك.. و تهدى الاطفال لحد ما يناموا ..و يستحمل الصحابه و رغم العذاب ده، مفيش حد مسلم او كافر من بنى هاشم أتخلى عن النبى عليه الصلاه و السلام.. الصحابى متمسك بالدين و الكافر متمسك بالحميه القبيليه.. طيب فين خديجة بنت خويلد دلوقتى (زوجه النبى)؟ خديجه معاهم فى الحصار.. وعمرها 63 سنة.. فرجال قريش يبعتوا حد يقولها :يا خديجة انت من شرفاء مكة لا تقعدى فى الشِعب خليكى على دينك الإسلام بس عيب تقعدى تحت معاهم .. فتقول :لا والله انا مع المسلمين وتفضل مستحمله العذاب.

ومره تانيه بعتولها صينيه أكل و يقولوا لها :يا خديجة طب خليكى تحت بس هنبعتلك صنية اكل كل يوم بالليل فتقول خديجه رضى الله عنها : لا و الله لا نريد منكم شئ.. وطبعا هيا بتتصرف كده عشان قريش متحسش أنهم كسروا النبى عليه الصلاه و السلام والمسلمين.. ويخرج الهاشمى الكافر يحاول يجيب اكل وميقدرش.. والصبيان يقولوا :يا ابى يا ابى هل من طعام ؟ هل من طعام؟
وواحد من الصحابه بيقول خرجت فى يوم أتبول.. فسمعت طأطأه لبولى على شئ فى الأرض ففرحت و قلت انها تؤكل (افتكرها حاجة تتاكل و واقعه على الأرض )

فيقول : فتيممتها فإذا هى شحم بعير (عشان الدنيا ضلمه فمد ايده وحاول يدور عليها ع الأرض فلاقاها حتة دهنة أتبقت من أكله جمل) فبيقول : فمسكتها و غسلتها ووضعتها فى النار لأطهرها حتى اصبحت رماد ,فجعلت أسفها (بيحاول ياكلها مكنتش بتتبلع).. وبيقول : فشربت عليها الماء وبقيت عليها 3 ايام.. يدوب قادر يتحرك 😢

نكمل المره الجايه ان شاء الله

لو عرفتموة لاحبتوه ❤️

www.tgoop.com/ALRESALAh2/147458

61 viewsNov 14 at 14:52

🔅 الحلقه 42 من لو عرفتموه 🔅

يلا صلوا على النبىﷺ 😇❤️
حصار قريش لبنى هاشم"قبيله رسول الله"(ج2)

بعد ما قررت قريش أنها تحاصر بنى هاشم سواء كفار او مسلمين و كان أصعب حاجه فى الحصار هو ان قريش شلت حركه البيع و الشراء و دا طبعا معناه ان بنى هاشم معرضه أنهم يموتوا من الجوع رغم انهم معاهم فلوس و فى منهم أغنيا لكن للاسف البيع و الشرا واقف.. والحصار عمل مشكله تانيه كمان هيا ان الإسلام تجمد لمدة 3 سنوات ..الدعوه واقفه و المسلمين نفس العدد مش بيزيدوا و فوق كل ده معرضين انهم يموتوا 😢 والإسلام ينتهى..

بنى هاشم هدفها حمايه النبى.. حمايه واحد من قبيلتهم واتمسكوا بهدفهم ده و فضلوا متحاصرين و كانوا مش بيقدروا يخرجوا أبدآ من الشِعب غير وقت الحج عشان قريش خافت على منظرها قدام القبائل التانيه أنه يبان أنها حابسة بنى هاشم و منعاهم من الحج.. وكان النبى عليه الصلاه و السلام يطلع وقت الحج يدعو الى الله و الإسلام لكن محدش كان بيرضى يدخل الإسلام بسهوله.. وكان يطلع عليه الصلاه والسلام يثبت الصحابه و يطمنهم، ما هو اصل الصحابة اللى مش من بنى هاشم قاعدين بعيد عن النبى عليه الصلاه و السلام و معرضين للإضطهاد والمضايقات من قريش..

وبعد وقت الحج يرجع النبى و المسلمين اللى من بنى هاشم للشِعب و حصاره تانى.. والحصار أشتد و بنى هاشم تعبت و الجو برد جدا، الصحابة بيقولوا : والله كنا نأكل ورق الشجر من الجوع حتى تقرحت افواهنا و والله كان صوت بكاء الصبى من شده الجوع يصل الى الحرم..
كانت الام فى الحصار تجيب حصى و تحطه على النار و تعد تقلب.. و توهم الاطفال ان الاكل بيجهز لحد ما يناموا و زوجها كان يطلع يحاول يتكلم مع اى تاجر لعل قلبه يحن و يرضى انه يبيعله أكل.. كان يجرى الصحابى على التاجر
و يقوله : اقسمت عليك ان تبيع لى الطعام بأى ثمن.. ويرفض التاجر.. فيقول له :اقسمت عليك.. أما تسمع بكاء الاولاد!! 😢

فالبائع يتحرك قلبه ولسه حيدى للصحابى أكل، تقوم تحصل مشكله .. إيه هيا؟ قريش لها عين فى كل مكان.. وفى نفس اللحظة ابو لهب يبقى موجود ويقول:يا هذا ماذا تفعل؟.. فيقول التاجر: لاشئ.. فيقول أبو لهب: أتبيع له؟!!... فيقول التاجر :لا.. لا.. فيقول ابو لهب:اياك اياك، أنسيت الصحيفه؟ (يقصد الورقه المختومه اللى متعلقه على الكعبه).. فيقول التاجر : لا انساها ويوصيه أبو لهب أنه ميبعش أبدا لبنى هاشم و يوعده بإنه هيديله اضعاف اضعاف المال اللى كان هياخده لو باع.. فيقول البائع للصحابى: أعزرنى انا اسف مش هقدر أبيعلك..

فيمشى الصحابى و يرجع أيده فاضيه و يدخل و هو بيبكى، فتقول الزوجة القوية : لا عليك,لا عليك.. و تهدى الاطفال لحد ما يناموا ..و يستحمل الصحابه و رغم العذاب ده، مفيش حد مسلم او كافر من بنى هاشم أتخلى عن النبى عليه الصلاه و السلام.. الصحابى متمسك بالدين و الكافر متمسك بالحميه القبيليه.. طيب فين خديجة بنت خويلد دلوقتى (زوجه النبى)؟ خديجه معاهم فى الحصار.. وعمرها 63 سنة.. فرجال قريش يبعتوا حد يقولها :يا خديجة انت من شرفاء مكة لا تقعدى فى الشِعب خليكى على دينك الإسلام بس عيب تقعدى تحت معاهم .. فتقول :لا والله انا مع المسلمين وتفضل مستحمله العذاب.

ومره تانيه بعتولها صينيه أكل و يقولوا لها :يا خديجة طب خليكى تحت بس هنبعتلك صنية اكل كل يوم بالليل فتقول خديجه رضى الله عنها : لا و الله لا نريد منكم شئ.. وطبعا هيا بتتصرف كده عشان قريش متحسش أنهم كسروا النبى عليه الصلاه و السلام والمسلمين.. ويخرج الهاشمى الكافر يحاول يجيب اكل وميقدرش.. والصبيان يقولوا :يا ابى يا ابى هل من طعام ؟ هل من طعام؟
وواحد من الصحابه بيقول خرجت فى يوم أتبول.. فسمعت طأطأه لبولى على شئ فى الأرض ففرحت و قلت انها تؤكل (افتكرها حاجة تتاكل و واقعه على الأرض )

فيقول : فتيممتها فإذا هى شحم بعير (عشان الدنيا ضلمه فمد ايده وحاول يدور عليها ع الأرض فلاقاها حتة دهنة أتبقت من أكله جمل) فبيقول : فمسكتها و غسلتها ووضعتها فى النار لأطهرها حتى اصبحت رماد ,فجعلت أسفها (بيحاول ياكلها مكنتش بتتبلع).. وبيقول : فشربت عليها الماء وبقيت عليها 3 ايام.. يدوب قادر يتحرك 😢

نكمل المره الجايه ان شاء الله

لو عرفتموة لاحبتوه ❤️

BY رسالـ💌ـة لقلبـღـك