tgoop.com/ALRISALAH_UZ/36690
Last Update:
ФАРЗ НАМОЗИДА БИЛМАСДАН БЕШИНЧИ РАКАТГА ТУРИЛСА НАМОЗНИ ҚАНДАЙ ЯКУНЛАНАДИ?
#намоз
❓691-CАВОЛ: Агар 4 ракатли фарз намозлари ёлғиз ўқилганда билмасдан 4-ракат деб адашиб 5-ракат ўқилса бунинг ҳукми қандай бўлади?
💬 ЖАВОБ: Бисмиллаҳир Роҳманир Роҳим.
Тўртинчи ракатга қаъдаи охирга ўтириб, ташаҳҳуд ўқиб кейин бешинчи ракатга туриб кетган киши, ҳали бешинчи ракатга сажда қилмаган бўлса, қайтиб ўтиради ва салом бериб намозни тугатади. Агар бешинчи ракатга сажда қилган бўлса, унга яна бир ракатни қўшиши мустаҳаб. Бу икки ракат унга нафл бўлади. Охирида саломни кечиктиргани учун саждаи саҳв қилади. (Мухтасарул Қудурий, Ал-Мухтор, Ал-Лубоб китоблари).
Тўртинчи ракатни қаъдасига ўтирмасдан туриб кетган киши, бешинчи ракатни саждасини қилмаган бўлса, қайтиб ўтиради, аттаҳиятни ўқийди, қаъдани кечиктиргани учун саждаи саҳв қилади, изидан аттаҳият, саловат ва дуо қилиб салом билан намозни тугатади. Агар бешинчи ракатга сажда қилган бўлса, унинг фарзи бекор бўлиб, ўқиган намози нафл бўлиб кетади. Бешинчи ракатга олтинчи ракатни қўшиши мустаҳаб, саҳиҳ қавлга кўра саждаи саҳв қилмайди. Демак, бу ҳолатда ўқимоқчи бўлган тўрт ракат фарз намозини қайта ўқийди. (Мухтасарул Қудурий, Ал-Лубоб китоблари). Валлоҳу аълам.
Ўзбекистон мусулмонлари идораси
Фатво ҳайъати.
👇👇
@ALRISALAH_UZ
BY ALRISALAH | ibratli kanal
Share with your friend now:
tgoop.com/ALRISALAH_UZ/36690