tgoop.com/AL_Nay_and_Alrthaa/7728
Create:
Last Update:
Last Update:
#ندبة
لولي النعم صاحب الزمان
يبو صالح بعد شحچي وشدگ یا باب
ومن كثر النظم الفت چم کتاب
مره انخه واگلك لجل عشاگك
اظهر يلي سل الوادم افراگك
یا محبوب شنهي اعله المحب عاگك
يا كعبة عشگ یا کربله لمصاب
يانجمة فرح غابت ويمته اتعود
لجل ال النبي الطيبين يا موعود
بس ترجع تذب زینب اهدوم السود
ومن تفرح الحره يطيب كل اصواب
من بدرك يشع تضوي المعموره
وتقيم العداله اعله العله بجوره
مو ضلع التضمده ضلوع مكسوره
من ام الحسن لولاده الأطياب
يامرهم الكلشي وللجرح بلسم
جدك علي الهسه يفيض منه الدم
وَسَمَّ السيف يسري ابجسمه ذاك السم
علي المحراب وسفه انطبر بالمحراب
الشيخ زمان الحسناوي
#اللهم_عجل_لوليك_الفرج
BY النعي والرثاء لمجالس سيد الشهداء 🎤
Share with your friend now:
tgoop.com/AL_Nay_and_Alrthaa/7728