tgoop.com/AO_Hududgaztaminot/19170
Last Update:
Andijon viloyatida 122 mln so‘mlik tabiiy gazdan o‘g‘rincha foydalangan korxona aniqlandi
"Hududgaztaʼminoti" AJ boshqaruv raisining tegishli topshirig‘i bilan respublikamizning barcha hududlarida tabiiy gaz taʼminotidagi noqonuniy holatlarni aniqlash va ularni oldini olishga qaratilgan tadbirlar davom ettirilmoqda.
Andijon viloyati Xo‘jaobod tumanida "Hududgaz Andijon" gaz taʼminoti filiali komplayens nazorat tuzilmalari, tuman gaz taʼminoti bo‘limi va Bosh prokuratura huzuridagi Iqtisodiy jinoyatlarga qarshi kurashish departamenti xodimlari hamkorligida o‘tkazilgan reyd jarayonida qonunbuzilish holati fosh etildi.
Tumanning "Quvvatmurod" MFY hududida joylashgan "S. Q." MCHJga qarashli milliy hammom va umumiy ovqatlanish maskanida tabiiy gazdan foydalanish holati xatlovdan o‘tkazildi. O‘rganish jarayonida isteʼmolchi o‘zboshimchalik bilan hisoblagichning ruxsat etilgan maksimal o‘lchash chegarasidan chetga chiqqan holda 11 dona milliy qozon, 1 dona choy boki, 2 dona isitish qozoni, 1 dona nostandart isitish pechi, 2 dona ATMS-30 isitish qozoni va 1 dona 80 litrli gaz titanidan foydalanishda tarmoqqa gaz hisoblash uskunasidan tashqari rezina shlang orqali ulanib, tabiiy gazdan noqonuniy foydalanib kelgani maʼlum bo‘ldi.
Holat bo‘yicha tegishli tartibda dalolatnoma tuzilib, 122 million so‘mlik zarar qayta hisob-kitob qilindi. Barcha materiallar huquqni muhofaza qiluvchi organlarga yuborildi.
Facebook |