tgoop.com/AO_Hududgaztaminot/19210
Last Update:
Qashqadaryo viloyatidagi issiqxona 1,1 mlrd so‘mlik tabiiy gazdan noqonuniy foydalangani fosh bo‘ldi
Joylarda gaz taʼminoti tashkilotlari tomonidan tabiiy gazdan oqilona va tejamkor foydalanish bo‘yicha muntazam ravishda targ‘ibotlar olib borilmoqda. Shunday bo‘lsada, ayrim isteʼmolchilar orasida tabiiy gazdan noqonuniy yoki noto‘g‘ri foydalanish holatlari kuzatilmoqda. "Hududgaztaʼminot" AJ Boshqaruv raisining topshirig‘i bilan joylarda, xususan, Qashqadaryo viloyatida noqonuniy holatlarni aniqlashga qaratilgan tadbirlar davom ettirilmoqda.
"Hududgaz Qashqadaryo" gaz taʼminoti filiali komplayens nazorat tuzilmalari, tuman gaz taʼminoti bo‘limi xodimlari va huquq-tartibot organlari bilan hamkorlikda o‘tkazilgan reyd jarayonida Qashqadaryo viloyati Koson tumani “Navro‘z” MFYda tabiiy gazdan noqonuniy foydalanish holati aniqlandi.
Ushbu mahallada istiqomat qiluvchi Sh. S. ga tegishli xonadondagi issiqxonada tabiiy gaz tarmog‘iga tegishli loyiha hujjatlarisiz, xonadonga o‘rnatilgan hisoblagichning filtr qismidan o‘zboshimchalik bilan rezina shlang va gaz so‘rg‘ich orqali tabiiy gazdan o‘g‘rincha foydalanib kelayotgani maʼlum bo‘ldi.
Holat yuzasidan dalolatnoma tuzilib, sarflangan tabiiy gaz hajmi qayta hisob-kitob qilindi va 1 milliard 117 million so‘mlik zarar hisoblandi. Jarayonga tegishli barcha hujjatlar huquqni muhofaza qiluvchi organlarga topshirildi.