tgoop.com/AO_Hududgaztaminot/20615
Last Update:
Har bir ayol eʼtiborda
Mamlakatimizda barcha sohalarda xotin-qizlar muhim oʻrin tutadi. Bugungi kunda gaz taʼminoti tizimida mingga yaqin ayol fidokorona mehnat qilmoqda va ularning ulushi yil sayin ortib bormoqda. Mashaqqatli va yuqori masʼuliyat talab qiladigan sohada erkaklar bilan yelkama-yelka mehnat qilayotgan bu aziz ayollarni eʼtirof etish maqsadida “Hududgaztaʼminot” AJ hamda uning barcha filial va boʻlimlarida tantanali tadbirlar oʻtkazilmoqda.
“Hududgaztaʼminot” AJ Boshqaruv raisi tizimdagi barcha xotin-qizlarni bayram bilan samimiy tabriklab, mamlakat ravnaqi yoʻlidagi fidokorona xizmatlari uchun minnatdorlik izhor etdi. Shuningdek, ularga oilaviy baxt-saodat, tinchlik-xotirjamlik, bahoriy kayfiyat va kasbiy faoliyatlarida ulkan muvaffaqiyatlar tiladi.
Ayol-qizlar koʻrsatilayotgan bu eʼtibor va hurmatdan cheksiz mamnun ekanliklarini bildirib, bunday eʼtirof ularga yanada kuch-gʻayrat bagʻishlashini, mehnatga boʻlgan ishtiyoqlarini yanada oshirishini taʼkidladilar.