tgoop.com/AYYPQ/4249
Last Update:
' اكول شمعنه انت الشاغل ضنوني
مو اول عشك خاطر تشل الحال
ولا اول جمال تشوفك عيوني
شجاها الروح يمك ذبت الاسرار
وليش ارجف عليك وينخطف لوني
وحته الناس كامت تعرف بهالحال
وماعرف شكلهم من يسئلوني
يطبون بصفنتي وعنك يدورون
ويلكوني افكر بيك يلكوني
صاحت كلها صاحت هاذا باك فلان
وماعندي لكوك وبيك تهموني
تهموني بمحبتك والله لو يدرون
عله الضيم العليه يضل يواسوني
مايدرون عايفني بمهب الريح
واني وياك عفت الما يعوفوني
اليحبوني شكثر والجيتي يتانون
واخجل من كثر ماكام يتنوني
وانت الما تحبني شلون بله وياك
امرن بيك مامر بليحبوني
عفت الي شروني ومن ارد شلون
هم اسوى بعد ونوب يشروني
حبيتك شجاني وماحسبت حساب
خيعونك علي مو اني خيعوني
متحبني واحبك ولمصيبه النوب
اريدك وانهزم من اليريدوني
ومن دونك صرت ماعيش ويه الناس
وانت بكل سعاده تعيش من دوني
باحزانك اودي عيوني تبجي وياك
وبفراحك ابد ماتذكر سنوني
ومن سمعو اهلنه العشك دك الباب
ماخلوك اهلك واهلي خلوني
ماخلوك اهلك حكهم يخافون
بس اهلي لمحبتك شلع عافوني.
"جبار رشيد" 🫀.
BY سَـين
Share with your friend now:
tgoop.com/AYYPQ/4249