tgoop.com/AboFtha/1249
Last Update:
شهادة السيدة رقية
لسان حال
======================
ناري بيه يمته تطفه
وينه حضنك بويه وينه
يچوي يا حضن الخرابه
الگاع مو مثلك حنينه
من العطش شيبت خطوتي
وگصرت انفاسي الحزينه
وينه * وينه دلالي
بعدك * شو بس حبالي
وينه * يكتل سوالي ... وينه
وينه الگبل لو اختنگ
يفزع نفس يم ريتي
هسه الدمع منه ذبلت
والحرگ غير مشيتي
بابا حسين ...
مشتاگه الك رقيه
###
لسه ألوم بروحي لسه
ونادمه چي چفه عفته
يانده روح اليتيمه
بروحتك تكتلني سكته
ما تجي ذبلت رقيه
يا احن گلب عله بنته
بويه * عطشانه حضنك
ولله * كتالي حزنك
بويه * اشفت انه منك * بويه
اشفت انه خاطر انهجر
وبوجهي بانت كسرتي
اتعثر بثوبي صرت
زغرانه من مصيبتي
بابا حسين ...
مشتاكة الك رقيه
###
گلي ياخنصر تگاود
چفي وتحس ب الأمان
اشلون انام وماكو انته
والغرب من كل مكان
بويه متغيره رقيك
تعب ارسومي الزمان
احچي * وگلي تعالي
بعدك * انه شبقالي
احجي * شوف انته حالي * احچي ...
خليني اسولفلك ألم
اسمحلي اسولف بالأمر
الجمر غير مشيتي
والخطوة تصعب بالجمر
بابا حسين
مشتاكه الك رقيه
###
عن هموم الشام اگلك
بويه وانته اسمع اليه
الما رمانه بالحجاره
يشامر بچلمة خطيه
بيمن اشگف لو رموني
وانه حبلي بين اديه
صحتك - بويه ونخيتك
گتلك - انه بحميتك
صحتك - واجگد بچيتك * صحتك ...
شحت تره كل الگص
الگطرة شحت يم دمعتي
حنت علي نوگ الهزل
وفرحت لناس لهضمتي
بابا حسين ..
مشتاگة الك رقيه
###
بويه اگلك عن غربتي
عن وگفتي والأشاير
من اجت تاخذ حرمها
تجمعت كل العشاير
بويه بس احنه بقينه
لا اكو فازع لا اكو ناصر
اليفزع - چا بويه وينه
كلها - انتبهت علينه
اليفزع - انباوع بقينه * اليفزع ...
هيچي بقه الماله اهل
بالشام يابويه وصدگ
ضليت مشتاگة الك
رغم الطبل يمنه يدگ
بابا حسين
مشتاگة الك رقيه
BY الشاعر ابو فضه الحميداوي
Share with your friend now:
tgoop.com/AboFtha/1249