tgoop.com/AbuhassanAlmusawi2007/11997
Last Update:
موشح لفاطمة العليلة عليها السلام.
حن الك بويه الگلب ولشوفتك
مرني مرة ضيف ساعه امروتك
""""""""""""""""""
مر عليه وشوف لوعات الحزن
زادن العـــله عــلل خــلني اون
من چنت يمي اشبـگنك واحن
منين اجيب الصبر بويه بغيبتك
""""""""""""""""""
منين اجيب الصبر عطشان الگلب
وعيني ملهوفه وتعــاين عالــدرب
كون ياربي صــــحت هســه تطب
وارتمي بحظنك واشمن ريحتك
""""""""""""""""""
بحظنك الدافي اريد اشفي الغليل
يادوه الآهـــات والجـــــسم العليل
مـــن حـــنانك وين الگـــالي مثيل
دنيا ماتــــوسع يبــــويه محنتك
""""""""""""""""""
يالمـــشيت وخـــــذت وياك الاهل
دنيا ماظـــلي بـــــعد بيهـــــه أمل
شلون اجرعه افراگكم ويـه الــعلل
بكل ركن للدار اشـــوفن صورتك
""""""""""""""""""
بكل ركن للدار اشـــــوفك يالحبيب
اتمدلي ايدك واقتـــرب مـنك تغيب
ياحسين اصرخ واصيح انه بنحيب
رد يغالي ارجــــوك وارحم طفلتك
""""""""""""""""""
الشاعر سيد فليح الموسوي
https://www.tgoop.com/AbuhassanAlmusawi2007
للتواصل على هذا المعرف
https://www.tgoop.com/F_H_MO
BY قناة الشاعر سيد فليح الموسوي
Share with your friend now:
tgoop.com/AbuhassanAlmusawi2007/11997