أُمْنِيَّةْ آِبنةّ عَوَضْ

بتحكي قالت خالتي جاتنا زيارة كنَّا قاعدين أنا وهي سوا، قالت لي يا فلانة، أنا حلمت حلم، غايتو أنا حأقع وقعة شينة خلاص.
قالت ليها: يا خالتي الكلام ده غلط ليه بتتمني لنفسك الشين؟
قالت ليها: في زول بتمنى الشين لنفسوا يا بتي؟
قالت ليها: بس يا خالتي الأحلام دي ما أي زول بفسرها غلط كبير إنك تفسري الحلم براك وكمان تفسري بالشر؟ إنتي قولي خير اللهم اجعله خير

الموضوع إنتهى هنا، عدت الشهور وخالتها كانت يعني شوية متحسسه جات قعدت جمبها قالت ليها، يا فلانة أنا حلمت بأني باكل لحمة وأنا حأمرض.. قالت ليها تاني يا خالتي؟ مش قلت ليك لو حلمتي أي حلم ما تفسري براك وما تفسري شر، مش قلت ليك قولي خير اللهم اجعله خير؟؟

خالتها بعد يومين من الكلام ده رقدت رقدة واحدة وجسمها عسم بقت إلا يرفعوها رفع من السرير وينزلوها حالتها بقت ماشة في تدهور لدرجة دخلوها العناية فضلت ملازمة العناية شهور لحد ما توفاها الله قبل شهرين..

عايزة أنبهه علي خطورة تفسير الأحلام أنا ما قادرة أفهم الحاجة الخلت الناس تفسر علي كيفها شنو؟
الأحلام دي عندها ناس متخصصة بتفسر وما بفسروها ساااااي سبهللة كدة؟
لا بفسروها حسب حالة الرائي
عندنا عادة مزعجة شديد وبالأخص في أهلنا الكبار دائماً بفسرو بالشر ودي حاجة شفتها وسمعتها...

الحلم علي جناح طائر بقع حسب أول تفسير، عشان كدة بلاش تفسروا الأحلام ياخ حلمت مهما كان الحلم بشع ما تفسر وما تحكى لزول أنما أعمل بكلام النبي صلِّ الله عليه وسلمعن أَبي سعيد الخدريِّ  أنَّه سمِع النَّبيَّ ﷺ يقول: إِذَا رَأى أَحدُكُم رُؤْيَا يُحبُّهَا فَإنَّما هِيَ مِنَ اللهِ تَعَالَى فَليَحْمَدِ اللهَ عَلَيهَا وَلْيُحُدِّثْ بِها وفي رواية: "فَلا يُحَدِّثْ بَها إِلاَّ مَنْ يُحِبُّ، وَإذا رَأَى غَيَر ذَلك مِمَّا يَكرَهُ فإنَّما هِيَ منَ الشَّيْطانِ فَليَسْتَعِذْ منْ شَرِّهَا وَلا يَذكْرها لأَحَدٍ فَإنَّهَا لا تضُّره" متفقٌ عَلَيْهِ.

وعن أَبي قَتَادَة  قَالَ: قَالَ النبيُّ ﷺ: الرُّؤْيَا الصَّالَحِةُ وفي رواية الرُّؤيَا الحَسَنَةُ منَ اللهِ، والحُلُم مِنَ الشَّيْطَان، فَمَن رَأى شَيْئًا يَكرَهُهُ فَلْيَنْفُثْ عَن شِمَاله ثَلاَثًا، ولْيَتَعَوَّذْ مِنَ الشْيْطان فَإنَّها لا تَضُرُّهُ متفق عليه.

وعن جابر  عن رَسُولِ الله ﷺ قَالَ: إذَا رَأى أحَدُكُم الرُّؤيا يَكْرَهُها فلْيبصُقْ عَن يَسَارِهِ ثَلاَثًا، وْليَسْتَعِذْ بِاللهِ مِنَ الشَّيَطانِ ثَلاثاَ، وليَتَحوَّل عَنْ جَنْبِهِ الَّذِي كَانَ عَلَيْهِ رواه مسلم.

ودعواتكم لخالتها بالرحمة والمغفرة

www.tgoop.com/Ahasiis/29528

278 viewsالأمْـنِيَّـةْ, Nov 20 at 07:12

بتحكي قالت خالتي جاتنا زيارة كنَّا قاعدين أنا وهي سوا، قالت لي يا فلانة، أنا حلمت حلم، غايتو أنا حأقع وقعة شينة خلاص.
قالت ليها: يا خالتي الكلام ده غلط ليه بتتمني لنفسك الشين؟
قالت ليها: في زول بتمنى الشين لنفسوا يا بتي؟
قالت ليها: بس يا خالتي الأحلام دي ما أي زول بفسرها غلط كبير إنك تفسري الحلم براك وكمان تفسري بالشر؟ إنتي قولي خير اللهم اجعله خير

الموضوع إنتهى هنا، عدت الشهور وخالتها كانت يعني شوية متحسسه جات قعدت جمبها قالت ليها، يا فلانة أنا حلمت بأني باكل لحمة وأنا حأمرض.. قالت ليها تاني يا خالتي؟ مش قلت ليك لو حلمتي أي حلم ما تفسري براك وما تفسري شر، مش قلت ليك قولي خير اللهم اجعله خير؟؟

خالتها بعد يومين من الكلام ده رقدت رقدة واحدة وجسمها عسم بقت إلا يرفعوها رفع من السرير وينزلوها حالتها بقت ماشة في تدهور لدرجة دخلوها العناية فضلت ملازمة العناية شهور لحد ما توفاها الله قبل شهرين..

عايزة أنبهه علي خطورة تفسير الأحلام أنا ما قادرة أفهم الحاجة الخلت الناس تفسر علي كيفها شنو؟
الأحلام دي عندها ناس متخصصة بتفسر وما بفسروها ساااااي سبهللة كدة؟
لا بفسروها حسب حالة الرائي
عندنا عادة مزعجة شديد وبالأخص في أهلنا الكبار دائماً بفسرو بالشر ودي حاجة شفتها وسمعتها...

الحلم علي جناح طائر بقع حسب أول تفسير، عشان كدة بلاش تفسروا الأحلام ياخ حلمت مهما كان الحلم بشع ما تفسر وما تحكى لزول أنما أعمل بكلام النبي صلِّ الله عليه وسلمعن أَبي سعيد الخدريِّ  أنَّه سمِع النَّبيَّ ﷺ يقول: إِذَا رَأى أَحدُكُم رُؤْيَا يُحبُّهَا فَإنَّما هِيَ مِنَ اللهِ تَعَالَى فَليَحْمَدِ اللهَ عَلَيهَا وَلْيُحُدِّثْ بِها وفي رواية: "فَلا يُحَدِّثْ بَها إِلاَّ مَنْ يُحِبُّ، وَإذا رَأَى غَيَر ذَلك مِمَّا يَكرَهُ فإنَّما هِيَ منَ الشَّيْطانِ فَليَسْتَعِذْ منْ شَرِّهَا وَلا يَذكْرها لأَحَدٍ فَإنَّهَا لا تضُّره" متفقٌ عَلَيْهِ.

وعن أَبي قَتَادَة  قَالَ: قَالَ النبيُّ ﷺ: الرُّؤْيَا الصَّالَحِةُ وفي رواية الرُّؤيَا الحَسَنَةُ منَ اللهِ، والحُلُم مِنَ الشَّيْطَان، فَمَن رَأى شَيْئًا يَكرَهُهُ فَلْيَنْفُثْ عَن شِمَاله ثَلاَثًا، ولْيَتَعَوَّذْ مِنَ الشْيْطان فَإنَّها لا تَضُرُّهُ متفق عليه.

وعن جابر  عن رَسُولِ الله ﷺ قَالَ: إذَا رَأى أحَدُكُم الرُّؤيا يَكْرَهُها فلْيبصُقْ عَن يَسَارِهِ ثَلاَثًا، وْليَسْتَعِذْ بِاللهِ مِنَ الشَّيَطانِ ثَلاثاَ، وليَتَحوَّل عَنْ جَنْبِهِ الَّذِي كَانَ عَلَيْهِ رواه مسلم.

ودعواتكم لخالتها بالرحمة والمغفرة

BY أُمْنِيَّةْ آِبنةّ عَوَضْ