tgoop.com/Ahbabalzahrae2/4045
Last Update:
*🌹ابـیات ابوذیَّــة🌹*
بمناسبة *میلاد الامام الحسن العسکری علیه السلام*☀ لخادم اهل البیت(ع) الشاعر مرد مقدم
ــــــــــــــــــــــ
🌹🌸🌹🌸
الدنیا افراح من کل کتر یَلها
حگَّـه البیهن ابکل شوگ یلها
نـور الـعسکري کل عِـتَم یَلها
انولد واسترت اگلوب البریّه
ـــــــــــــــ
اهـمـوم اشکثـر میلاده نَهلها
او جف ادموعـنه الچِنَّـه نِهلها
المکارم من هَـله او عوده نَهلها
سَرنَه العسکري مِن سطع ضیّه
ــــــــــــــ
خبر میلاد ابو محمد وصَلِّي
اَسلّم صرت مِن شوگي وصَلِّي
یَهَـل معتني السامرَّه وصَلي
سلامـي وبـالِّـغه عنّي التحیّه
ــــــــــــــــ
السهله بس اله تحله وَلَـهلَه
گلبـي ابــعید میلاده وَلَـهلَه
اله بس الشعـر یحله وَلَـهلَه
کفو بالعسکري حامي الحمیّه
ــــــــــــــــ
سعید الـوالف اهل البیت ودَّه
حگـهُم واعـلن ابکل شوگ ودَّه
یَهَـل رایـح سلامي اویاک ودَّه
لبو المهدی الحسن مني هدیَّه
🌸🌹🌸🌹
ـــــــــــــــــــ
مرد مقدم
BY تجمع أحباب الزهراء ع للمواليد
Share with your friend now:
tgoop.com/Ahbabalzahrae2/4045