tgoop.com/Ahmddd1992/137
Last Update:
#معلومة_قانونية
( نقل الراتب التقاعدي من متقاعد متوفي الى ورثتة )
اغلب حالات معاملة نقل الراتب التقاعدي من شخص متوفي الى ورثته ( المستحقين ) هي من زوجة المتقاعد المتوفي او بناته .
اول شي : حتسأل اهل المتوفي هل هو ( مدني لو عسكري ) حتى يصير عندك علم من تروح للتقاعد وين تتوجه للقسم المدني لو العسكري .
ثاني شي : لازم تعرف ورثة المتوفي وعددهم كم بنت عنده وكم ولد لان بالتقاعد البنت تعتبر قاصر لحين الزواج والتعيين يعني تستلم راتب والدها الحد متزوج او تتعين ينقطع عنها. و اولاد يستلمون راتب والدهم التقاعدي اذا كانوا طلاب مدرسة او جامعة او اقل من 18 سنة .
كالعادة حتطلب يسولك وكالة من احد الورثة المستحقين وعلى الاغلب حتكون زوجة المتوفي او بنته .
المستمسكات المطلوبة للمعاملة .
شهادة الوفاة اصلية + كي كارد او هوية تقاعدية اصلية + مستمسكات جميع المستحقين مصورة .
اتروح الدائرة التقاعد وتشوف المتوفي بيا قسم اذا مدني تروح للمدني واذا عسكري تروح للعسكري حتشوف وين يبدون معاملة نقل الراتب
حتطلب منهم ترويج معاملة نقل راتب حينطوك ( مضبطة أسرة ) شنو هاي مضبطة اسرة هي استمارة انت تمليها اسم المتوفي وتاريخ الوفاة واسم الام واب المتوفي والزوجة والاولاد ومعلومات جناسيهم استمارة طويله عريضه ورا متخلصها ترجعها للموظف .
بعدها حيسولك كتب .
1 . كتاب للبطاقة الوطنية لغرض اتلاف الكي كارد ( يثقبون الكي كارد من السيم كارت يصبح بطال ) ويرجعولك الكي كارد . ويرجعون كتاب اشعار للتقاعد بانه تم توقيف راتب المتوفي واعادة المبالغ لخزانة الدولة . ومن بعد اكمال المعاملة ترجع الفلوس الى المستحقين يعني متروح عليهم هاي فروقات .
2 . كتاب صحة صدورة بشهادة الوفاة .
3 . كتاب للرعاية الاجتماعية حتى يشوفون هل يستلمون راتب رعاية لو لا . لان ميصير يستلمون راتبين من الدولة هاي بالنسبة ( للأم و الزوجة و البنات ) .
4 . كتاب صورة قيد المتوفي
5 . كتاب للامانة العامة لمصرف الرافدين او الرشيد . حسب من وين كان يستلم المتقاعد راتبه التقاعدي . وموقع الامانة العامة للمصرفين بالبنك المركزي العراقي . تاخذ الكتاب والكي كارد وتروح للبنك للمركزي تسأل اذا على الرشيد تروح على الرشيد اذا رافدين تروح للرافدين . حتى ينطوك اشعار للتقاعد العامة بالمبلغ الموجود بالكي كارد . من ترجع للتقاعد يسولك صك يسموها ( فروقات ) بس هاي الفقرة تطول من شهر الى 40 يوم حتى ينطوك الاشعار 😊 وبهذا الوقت تكدر تروح تكمل بقية الكتب وبين ميرجعن للتقاعد يكون اشعار البنك المركزي كامل .
بعد ماتكمل كل الكتب واغلبهن يرجعن بالبريد تكمل الصك من التقاعد بالفروقات حيسجلون اسماء المستحقين بسجل اساس ويطلبون صورهم ولازم يحضرون يبصمون بالسجل وبعدها تصدر هوية تقاعدية للمستحقين وبعدها يروحون للبطاقة الوطنية يطلعولهم كي كارد
ملاحظة . اذا المتوفي عندة اولاد يصير يستلمون بشرط يكونون طلاب ولازم يجيبون تأييد من المدرسة او الجامعة . والبنت المطلقة ايضا تستلم مع بقية للمستحقين لان تعتبر ماعدها معيل .
المحامي
احمد رحيم
للاستفسار واتساب اواتصال 07802202607
07721379525
BY ⚖️المحامي احمد رحيم⚖️
Share with your friend now:
tgoop.com/Ahmddd1992/137