tgoop.com/Alaqilajjmm/7931
Last Update:
عاهدنه بالدم لحسين نبقه خدم وفايه
وشما تمر بينه سنين مرفوعه دوم الرايه
وخل يسمع الناشدنه
غير الحسين شعدنه
نبقه خدم وفايه
*****************************
ملتمه هاي الخدام
وشمحله هاي اللمه
قسمو قسم لزهراء.
مانترك احنه الخدمه
جن عابس احنه بعاشور
خذنه عزم من عزمه
ويبقه اسمنه الخدام
نتفاخر بهل جلمه
وهل جلمه فخر النه
ويهنياله اليحصله
ولزهره يهنياله
اليعاهدها ويگللها
*************************
من تكضي هاي الايام
من الله نطلب تنعاد
بدنيه نخدم يحسين
وموتانه تخدملك غاد
يومك ابد ما ننساه
بكل عاشر نصير رماد
ما ننسه حرك الخيمات
وما ننسه حزن السجاد
خدم الكم خلقنه الله
ونضل طول العمر خدام
لهاي الخدمه يا مولاي
الها نحضر من العام
*************************
جي ضامي ميت يحسين
وزعنه بل موكب ماي
وشما كثر حجي الناس
خدامك تزيد هواي
اول خدم مهيوبين
وكم عالم احتار بهاي
لو ما نخدمك يحسين
جا صرنه ناس بلا راي
لون نترك خدمته حسين
جا كلي شيضل بينه
احنه اول خدم بل كون
الله منعم علينه
*************************
مذلوله كل الخدام
بس عدنه مرفوع الراس
احنه العلينه يگولون
انطو عهد للعباس
عاهدنه نخدم لحسين
وعدنه الوفه ماينقاس
وكسرنه الضلوع علي
جي صدره بل خيل انداس
من ابو فاضل تعلمنه
لحبيبه انطاها جفينه
وعلمنه الوفه عباس
مات لخاطر احسينه
*************************
الشاعر علي عبد الحسن الغالبي
BY ♔صرخة"العقيله لكافة"الالحان المنبريه ترحب بخدام الحسين
Share with your friend now:
tgoop.com/Alaqilajjmm/7931