tgoop.com/Alfoatm11/6184
Last Update:
بدت رحلــت عذابي
أنصب هودج مصابي
عـله النــاگه الهزيله الفاتحه أقراهه
أخاف أنصبها وأنطيح أنــي وياهه
حــسين_°•°_حـــسين
•••
رحــت..
وأديرعيوني مـــــاتندار بالگوه
صحت..
حگي لوصحت ياناس عالخوه
جسدهم عالرمل والرمل لفحت نــار
وشوفـن روسهم ويـن ألتفت وأندار
يخيمة عافيتنه الدمــــــع يوگع حار
ويــن ألگاهـــــــم وأحچيلهم عالصار
بحسرتي أسمع جوابي
أنصب هـــودج مصابي
الماعـــدهه علي شيهـــــود أبچاهه
أخاف أنصبها وأنطيح أنـي وياهه
حـــسين°•°حـــسين
•••
العـمر..
ردت الموت ماردته أنه يخواني
الفجر..
أبطلعته مارحمني حــيل بچاني
أليصابح بخوته وروسهم بـــــرماح
يعثر بـــــالملاگه المايـــلاگي أرواح
ألم أبدمعتي وبصفهه ضـلي الطاح
وأديـــه أتهدلــن والرمـــــح مايلاح
وتبلل چـــــف كتابي
أنصب هودج مصابي
تشبكـــــــم أديــه وفــــارغه ألگاهه
أخاف أنصبها وأنطيح أنــي وياهه
حـــسين_°•°_حـــسين
•••
وأهــم..
وأجتني أحـــــبالهم تتفاخر أبگيدي
وشلـم..
اليطيح أشلون مايفزعله چف أيدي
وبين أيتامــــنه والــــروس تبرالي
أبسوطه الشمرخويه يوگف أگبالي
وبكتاري تلــــوذ وتلتــم أطفـــــالي
وتهل عيوني حـــــد ماتنگع أذيالي
وبقت هيبت حجابي
أنصب هودج مصابي
وآيـة ستــــر لون العفه مــــــعناهه
أخاف أنصبها وأنطيح أنـــي وياهه
حــسين_°•°__حــسين
•••
الدمـة..
الهسه مابرد يحرگ أحساس الگاع
السمه..
لمت خيرهم مـــــــثل اليلم أشراع
وأنه أتفكر أبكل گطـرة شتخضر
مـنبر لو مواكب گاعــــده أتصدر
لـو ثورة فكر عايشهه بــس الحر
نـعثر بالدرب والحـــمد بينه أتمر
ويرف منهج حسابي
أنصب هودج مصابي
نعمة أوخـــير أخوتي الحافر أذاهه
أخاف أنصبها وأنطيح أنــي وياهه
حـــسين°•°حـــسين
•••
وكمل.
.جرح يندل جرح والدرب يندله
نــزل..
دمعنه والسبي بي مية ألف علـه
الشمس شربت ضـــوانه والتعب بين
ومـــــــن تعثر الناگه أيتامـــي يتبدن
النوگ الصاحيه أبهل الدرب مـايمشن
شلــــون أبهل الهزايل وبجرح يحدن
وعلـــه وكتي عتابي
أنصب هودج مصابي
وضلـت كربلــــــه أيحزمني معناهه
أخاف أنصبها وأنطيح أنـــي وياهه
حـــسين_°•°__حـــسين
•••
خادم أهل البيت،،ع،،
أبوحـــسين السرگودي...🕊️🕊️🕊️
BY الشاعر أبوحسين السرگودي…
Share with your friend now:
tgoop.com/Alfoatm11/6184