tgoop.com/Alfoatm11/6192
Last Update:
#قصيدة_الزهراء،ع،_ماكو_دوه
...
مــــاكـو دوه الأمـي وتگـوم ألنـه أبـسلامه
أزغيرة عمـــــر مــــو للگبر أمــــي وضلامه
مــاتنام اليل أمــي آمــن الوجع
وأنه مـحتار وأحس گلبي أنشلع
بويه عـــلـــي
...
بويه بلكي أيصـح دولهــه نمشي للســوگ
وزعل حــيدر مـن محنته أبدمعه مسبوگ
گلي بويه حـسن بويه وحــيل مـــــخنوگ
يبني مــــا تلـگـه دوه للگلـبه مــــحـــروگ
أباب الشرف شفت الوجع علگ وسامه
وضل الجــرح مثل الصبح شايل علامه
والصبر يابويه وي أمـــك وگع
وأنه محتار وأحس گلبي أنشلع
بويه علـــــي
...
بيت وأحـساس الألـــم مـاخله بي لون
وأمي شـد حـيله أبوجعهه دمع العيون
ولتفت وأشتـم حضنهه ويرمش الكون
ولني أسمع صوت مـــنهه سهله وتهون
ويلمني شوفي الكل دمــــع وأفهم كلامه
وأهنانه شفت أمـي أشكثر شافت ضلامه
والحزن خـيم أبحزنه مــن فزع
وأنه محتار وأحس گلبي أنشلع
بويه علــــي
...
أشما أشدن حــيلي أسمع صوت مبحوح
يكسر الخاطــر نفــسهه وياخـــذ الــروح
تلچـــــم ويفز وجـعهه فـزت أجـــــــروح
ومــثل باب الدار أحـسه أمــــدخن النوح
ورده أوطلــع بيهه الجــرح شيبه بعمامه
وذبلت لحد وجــــــهّ الغدر كشفت لثامه
وبملامحه الخـجل شفته أنطبع
وأنه محتار وأحس گلبي أنشلع
بويه عـــلي
...
عايلـــه النـــوح أبنزلــهه أتـــولــم أولام
العنـده أم أوشــــح دواهـه أتغثه الأيام
أمـنه وجــهّ العـافيه الصــلاهه الأسلام
الزهره أمــنه أصرار جنه وخير مضمام
وعالجمعه صرت وع الجمع أقره السلامه
وبالفرگه هم شفت الوكت من شد حزامه
والأسلام أبتضحيتنه أحنه أرتفع
وأنه محتار وأحـس گلبي أنـشلع
بويه علـــــي
...
آشگــد عـزيـزه وترسـت البيت أبمحنه
وأنه أصــلي وأسمــع أمــي تدعي ألـنه
ولنهه صــاحت يالحــسن يايمه أمـــنه
للحســين أرفـــع دعائك وحــــده چنه
لازم يجــي يوم الوفـه أتضحي الأمامه
ويتروه دين أهل الشرف أبـهل الشهامه
حسين بالطف شمخ طوله وماركع
وأنه محتاره وأحــس گلبي أنشلع
بويه علـــــي
...
وعالحسين المجـــلس أتبـدتلــه دمـعه
ومابرد كلشي أبحـــزنه ألهــــم نسمعه
حـسين بالطـــف ينذبح ماتبقى شمعه
وزينب أتورث خــيمهه الكلهـــه فزعـه
وأحــنه أشتعلنه أوبالحدث نغلب خيامه
وگمنه ودعينه الكل عشگ طفه أبخدامه
خلي وجهه نجمه بالخدمه أولمع
وانه مـحتار وأحس گلبي أنـشلع
بويه علـــــي
...
خادم أهل البيت،،ع،،
✍️أبوحسين السرگودي...🕊️🕊️🕊️
BY الشاعر أبوحسين السرگودي…
Share with your friend now:
tgoop.com/Alfoatm11/6192