tgoop.com/Alfoatm3/10833
Last Update:
يا نورَ العرشِ المخلوق الأزهرْ
خُذني من كهفِ الدنيا كَيْ أطهرْ
خُذ يا مذبوحي
من جسمي روحي .. كي أطهر
.
.
اسافرلك غصن ميت .. واخضر من اشم عطرك
اطيح ابابك امرايه.. او يفززني ضوه نحرك
يمالك غيمة احزاني .. اخذ دمعي نده الصدرك
يلمسويني من طينك .. جا يمتى افتهم كدرك
اسولف للنجم عنك
يعشگي الما أمل منك
ضوه الكمره ضحك سنك
علّة ايجادي .. كربلا او زينب
انخلقت عيوني .. تبچي الامترّب
ما لي والدنيا
خذ يا مذبوحي
من جسمي روحي
.
.
دخيلك صاحن اعيوني .. دخان اذنوبي عاميني
اجيتك من سجن مظلم .. او ضياع اسنين يحسيني
اخذ بيه شكو نسمة .. بس اعليك دليني
طفل ابصحره من دونك .. اذياب الدينا توليني
الك مديت ذرعاني
او نطق بالطافك الساني
لجلك ربنه سواني
مختصر كلشي .. منبع احروفك
يا كليم الحب .. الزمني بجفوفك
لا ترجعْ كفي
خذ يا مذبوحي
من جسمي روحي
.
.
اجيت امصخم او حافي .. يبو اليمه او لكيتك ضي
كتبت اسمك على اعيوني.. او لن جفك صبحلي الفي
ميت كلشي من دونك .. والميت جوارك حي
شربت اوهام يحسيني .. وانت الما شربت المي
الندم يم بابك ايهذّب
كشخت او انت مترّب
إخذني ما اريد اذنب
بوصلة عمري .. بابك او صحنك
او جوهر اوجودي .. من فضل حسنك
في قلبي دعوى
خذ يا مذبوحي
من جسمي روحي
.
.
عثرت بچلمة التايب .. اخاف ارجع ركض وذنب
يفاتح صدرك الحافر .. آنه بعطفك امچلِب
سمار الخوف هد حيلي .. الذنب بالقلب الامعزب
اريدك وحدك بروحي .. واردين صدك قلبي ايحب
اخاف ابعد واضيع اكثر
دخيلك يا ابو الاكبر
بعد ما رايد أتعذّر
اروقة حبك .. من بياض او لب
ما يحد عطفك .. الما يعرف ايحب
يا سر اللوحِ
خذ يا مذبوحي
من جسمي روحي
خايف قلبي يغدرني .. واعوفن مجلسك باجر
خاف احضر عزه وابجي .. وبدفترك ما حاضر
ناصر ردتك الروحي .. يمن مامش الك ناصر
رغم زلاتي وخطائي .. يعاري صرت الي ساتر
كلشي ايلوذ بعتابك
وانه الواكف ابابك
اريد انعد مِنِ احبابك
مستقر قلبي .. بس عشك قلبك
او مُنْتَهى حبي .. افتهم دربك
منك الإحسانُ
خذ يا مذبوحي
من جسمي روحي
.
.
لميت البقه بعمري .. من حلك الذنب كوه
الجهل يبس نبض دمعي .. واجيتك رايد اتروّه
اريد امشي عدل تايب .. كافي اجدامي تتلوه
هيج او قلبي بس بسمك .. يدك وعله الذنب يگوه
شمرت اسنيني كدامك
اخذني العالم اخيامك
الشعور او لوعة ايتامك
مُبتغى گلبي .. يحترك بسمك
او ينثر حزني .. وي نثر دمك
يا معنى الذات
خذ يا مذبوحي
من جسمي روحي
.
.
فاضل عباس الخزاعي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
BY خدر الفواطم لنشر القصائد الحسينية
Share with your friend now:
tgoop.com/Alfoatm3/10833