منج ردت نظره ... يافاطمه الزهره
......
يا فاطمه يم الحسن يا جوهر سنيني
نظره انه من عندج ردت مولاتي وفقيني
ومن نهرج الوافر عليج الباري رويني
واخدم حضرتج بالعمر لو مره خليني

وفقيني لو مره .... يافاطمه الزهره
......
روحي المصابج فاطمه محتركه محتركه
مثل الحرك ذاك الحصل بالباب والملكه
الله يعينه ابو الحسن من صارت الفركه
جم غصة شال وجم الالم جم شوغه جم حركه

ماتنسي العشره .... يافاطمه الزهره
....
من اسمع بكسر الظلع تتكسر اظلوعي
وابلا شعور ولا وعي تتناثر ادموعي
الله يلعنه ظالمج خطيته موضوعي
يافاطمه قصتج قهر طفت ضوه اشموعي

حاير الج شقره .... يافاطمه الزهره
.....
من اكتب اسمج فاطمه تنزف دمه احروفج
ترسملي طيحت محسن وانفاسه الاطوفج
ونظرات الحسين وحسن ذيج الخذت شوفج
منظر رهيب ابلا وصف عل عليله كل خوفج

ماهمج السطره .... يافاطمه الزهره
......
من اقره حيدر بالغسل حس ظلعج وكسره
انهار كلي امن البجي يافاطمه الزهره
اتخيله واكف منكسر لازم بديه ظهره
وايسولف السلمان اسمعه اسوت العصره

وعن عينج الحمره ... يافاطمه الزهره
.......
المهدي نتنطر يجينه وياخذ ابثارج
وابيده يبنيلج ضريح اليزهي بنوارج
وأبابج الواسع يكف يستقبل انصارج
واحنه نكف خلفه يزهره نخدم الزارج

اترف رايه الخضره ..... يافاطمه الزهره
....
الحمد الله رب العالمين
اللهم صل على محمد وال محمد
موسى الخادم

يم بيتي وجهالي .... كعدي وشوفي حالي
عليج اعيوني ذبلت
غيابج روحي ملت
يم بيتي وجهالي ...اكعدي وشوفي حالي
.....
اجيتج يالزجية ابدمع العيون
اوعفت ايتامج ابدارج يونون
زينب والحسن وحسين بعداج
كضو ليلت أوداعج ينوحون

ماغمض جفنهم ... حكم ماتت امهم
امانيهم تبدت
غيابج روحي ملت
كعدي
......
ما نامو يتامج لاخر الليل
كضوها ابواجي ونوح وعويل
متمدد على امصلاتج حسين
حاضن شيلتج والمدمع يسيل

كاسر كلبي حاله ... أيسولف وي خياله
انه امي الكبر سكنت
غيابج روحي ملت

......
يم حسين ردي ردي وياي
خانكني ظلام البيت يهواي
اذاني البجي وامساهر الليل
وتعبني طريق المكبره اهواي

اتعثر اجيتج ... لحضه ما نسيتج
وحك ذكرى الي ظلت
غيابج روحي ملت
.....
نفضي اتراب كبرج ياضوه العين
امفارك صورتج صايرلي يومين
اه اشجم جرح عفتلي ميطيب
من غير المناحه وغير الاونين

يا عافيتي كومي .... احجيلج همومي
ابدليلي النار وجرت
غيابج روحي ملت

.......
فتحيلي الكبر يم بيتي انخاج
ما رايد حياتي رايد اوياج
ألمفارك حبيبه ميت ايعيش
وانه الموت ماخذني اعله طرواج

يخلص عمره حاير ... ويفرر بالمكابر
دموع العين شحت
غيابج روحي ملت

......

الحمدالله رب العالمين .
اللهم صل على محمد وال محمد
موسى الخادم

اتلث روايات قليلة العزائج فاطمه

.....
ريت كل ايامنه بهذا الزمن ...
تنكظي بمجلسج يا ام حسن

كون العمر يخلص وسط عزائج
وانتي التلقنينه ابدمع بكائج
ريت الله لا يحرمنه من دعائج
كلشي النملكه ونمتلك فدائج

اشتطلبين تأمرين وحك حامي الحمه
........

مو ثلثت اشهور لا كون اثنعش
حتى نكظي السنه دمعه اعله النعش

يالعمرج اثمن سنوات وعشرة
منوافي شخصج لو صدرنه انكسرة
لو نبجي الج طول العمر ما نبرة
مصيبتج عظمه يا ملاذ الفقرة

ندعي يا ريت عزائج على مد السمه

.....
اشما الج نبجي ونهل هذا الدمع
ما نوافي قطرة من دم الظلع

يالعشتي ما بين الحزن واللوعه
هاي الايادي الحضرتج مرفوعه
نحتاج جم كسرت ظلع مسموعه
حتى نوافي روحج المفجوعه

لطم الصدور اقل شي بعزاج انقدمه
.......
يالمصابج بجه كلشي ابهل الارض
والسمه حزنت الج طول بعرض


يالعفتي دنياج وسكنتي الهيمه
اعليج العرش قام الحداد بضيمه
لبس السواد اصبح الكل يتيمه
اكراما الزينب بنتج العظيمه

تبجي العيون على الصار وجوبا من دمه
.......
اعليج ما نلطم لجل ناخذ اجر
ولا نخدمج لجل جاه ابهل عمر

يالزهرة يل كلج وفه وحنية
ما ردنه بس مرضاج يل الابية
راحه التعب وياج يالزجية
نحي عزائج نبقى للمنية

لجل عيناج يزهراء الخدم متحزمة
.......
ندعي ربنه ما نفارك ماتمج
حتى لو ميتين نحضر نخدمج

ابدولة المهدي القائم اشحلاته
يصبح الخادم حلوه كل صفاته
يتلكه زوارج بحن جلماته
وتصير خلف المنتظر صلاته

بصحنج اليوسع الناس جميعا فاطمه
.......

الحمد الله رب العالمين
اللهم صل على محمد وال محمد
موسى الخادم

صل الله عليك فاطمه

يم الحسن هاليوم اجينه بعبرة
لمصابج انهل الدموع بحسرة
نار بكلبنه اموجرة و ما تبره
اشما نلطم اعليج الظلع نذكرة

يا رحمت الله الواسعه برض وسمه
صل الله عليكِ فاطمه
.....

اعليج السماوات العله مختنكه
واهل الارض حزانه من الفركه
مصابج جمعنه عاللطم والحركه
كل شهكه بينه فاطمه كل شهكه

اسمج يدور اويانه مسرات الدمه
صل آلله عليكِ فاطمه

......
يارحمة الله البلارض منشورة
ندعي الله يشفي اظلوعج المكسورة
نبعث الج هاي العزية بصورة
منذورة الج هاي الخدم منذورة

ليل ونها الخدمتج متحزمه
صل آلله عليكِ فاطمه
......
يل ما الج كبه وصحن لا راية
نزروج نيابه عن بُعد بقراية
ما عدنه بالدنية امنيات اهواية
اوية المهدي كبرج نعتنيه مشاية

من كربلاء نتعنه الج يالعالمه
صل آلله عليكِ فاطمه
....
ليل ونهار بخدمتج نتباها
محلاها سفرت خدمتج محلاها
كلناها كلمه امن الزغر كلناها
ما يخسر اليخدم الج يم طاه

عاقبته خير ينول حُسن الخاتمه
صل آلله عليكِ فاطمه
.......
الحمد الله رب العالمين
اللهم صل على محمد وال محمد
موسى الخادم

سلامات .... علي يا ابا الحسن حيدر ... سلامات
منو المات ..... المن هل الجنازة انشد .... منو المات
وليش ابليل اظلم دافنيهة
سموات وارض تبجي عليهة
سلامات ... سلامات
........
انه المصطفى جيت انشد الصاير
المن هل الجنازة التكسر الخاطر
اشوفك ياعلي ياابا الحسن حاير
مكسور الظهر ما جنك الصابر

معانات ..... قريت اشكد وسط عينك .... معانات
معانات ..... دخيلك يا علي اشتحمل ..... معانات
علي يابا الحسن سامع بجيهة
......
أسألك ياعلي جاوبني يا عوني
اعرفك صادق ومتخيب اضنوني
هاي البلحد مو سلوة اعيوني
العليهة الجانو الوادم يحسدوني
ترابات .... تضم وجه الشمس وسفة ... ترابات
ترابات ..... تغير ارسومهة الترفة ...ترابات
أ يا حسرتي ذبلانة أديهة
......
ياحيدر علي ياموطن الفقرة
ياكعبة صبر محد وصل صبرة
مثل الوردة جانت فاطمة الزهرة
شو متغيرة حيل وبيهة اثر عصرة
علامات .... اثر سطرة اعلى خدهة انظر .... علامات
علامات ..... وسط اعيونهة الحلوة .... علامات
حمرة اعيون فاطم يا وليهة
......
سولفلي الحصل يا حافظ اسراري
لا تخفي الخبر بالمدمع الجاري
ياهو الي هجم بيهم على داري
نار بكلبي تسعر ما طفت ناري
بالاهات .... ليل انهار كظيتة ..... باللاهات
بالاهات .... خلصت العمر بالهم .... بالاهات
بسببهم فاركت انه ام ابيهة

.....
انة ادري الظلع من فاطمة امهشم
لتضمة ابجفن يا صاحبي اعلم
عصرهة الما يخاف الله ولا مهتم
بين الباب والحايط يسيل الدم
ظلامات .... ادري ام الحسن عاشت ..... ظلامات
ظلامات .... حتى ابدفنت ابنيتي ..... ظلامات
قليل الحضرو التشيع ليهة
......
اصحاب السقيفة اوصيتي نكروهة
جازوني ابظلوع الزهرة كسروهة
وداري ابكل حقد بالنار حركوهة
المهبط للوحي جانت يعرفوهة
حسافات .... نكرو عشرتي وتعبي ... حسافات
حسافات ..... ما رعو اهل بيتي .... حسافات
نكروهة الوصية التدري بيهة

.....

الحمدلله رب العالمين
اللهم صل على محمد وال محمد
موسى الخادم

موسى الخادم:
امي كل معنى المحبة والحنان
امي تحت اقدامهة امشيدة الجنان
امي ... نعمة واجبهة شكر
امي ... رحمة الله التنذكر
كل زمان .... كل زمان
.....
امي شمس الله التلالي ... كل شبر بأرض وسمة
امي يا محلات اسمهة ..... الزجية فاطمة
الله من نورة خلقهة .... اي وحك حامي الحمة
الطاهرة المرضية امي .... العالمة المتعلمة

امي سيدت كل نساء العالمين
بيهة اتباهة على مر السنين
اني ..... حسين ابنهة المنكسر
امي ... رحمة الله التنذكر

......
امي احساس ومودة ... امي طيبة وعاطفة
بنص حضنهة الدنية تغفة .... بنت ابوهة المصطفى
بيهة رحمة الله كلهة ... اتجمعت اعظم صفة
اله تشتاك النوارس .... اشتياق ابمعرفة

امي ما يحصل مثلهة ابهل بشر
ويا حضنهة الدافي الينوم السهر
يمهة .... كل عسر يصبح يسر
امي .... رجمة الله التنذكر


.....
اية التطهير امي .... البل كتاب امنزلة
سورة الكوثر بسمهة ... امعنونة ومسجلة
الهة هل الكون بعضمتة ... منخلق يا هل ملة
سر اللهي امي الزجية .... ما تحل أبمسألة

العالم أبأسرة انخلق لجل البتول
حكهة من تحتار بيهة كل عقول
موطن ... الكل يتيم و منذعر

....
امي لو رفعت اديهة .... للسمة تمطر عجب
دعوت امي مستجابة .... ما تردهة كل حجب
بالمباشر دعوة امي .... للعرش توصل تطب
اتصال امي اوية ربهة ... اشبهة ابغيم وسحب

منزلة امي تفوق الانبياء
الارض مخلوقة الهة السماء
وسفة .... على الحايط تنعصر
امي .... رحمة الله التنذكر
......
امي للعالم هداية .... بيهة بارينة افتخر
مثل حنيت كلبهة ... ما شفت بين البشر
امي لعيون اليتامة .... ليلهة اتكضيه سهر
وللفقير اتصير خبزة .... اجفوفة اتشبعة دهر

امي مترد سائل ايدك بابهة
تحسبة واحد من اعز أحبابهة
امي .... يعجز ايوصفهة حر
امي .... رحمت الله التنذكر
......

الحمدلله رب العالمين
اللهم صل على محمد وال محمد
موسى الخادم

بعد من يلمنه .... مشت عنه امنه ... اليتامة اسمنه .... وسف صار ... وسف صار
......
ماتت امنه ذيج الجنهه قداح
بعده يا حضن بي نغفه نرتاح
عساها بحضه وابخته الشعل نار
وخله ابيتنه يتعاله الاصياح

عساه بالمصيبه ... الحرمنه الحبيبه ... وتركني غريبه ... بالاخبار

......
راحت كل عمرها اثمنطعش عام
ما عاشت فرح عاشت باالاَم
وردة وذبولهه ابأجمل اسنين
ماراعو حقوق الزهره ظلام

التسمو صحابه .. تبينو ذيابه ... لعنهم كتابه
الاشرار
......
كل ليلة التمر نذكرهه بدموع
عليه اشلون دارت ذيج الجموع
لساها الصور معروضه بالبال
من دفعت الباب الكسر ظلوع

ما ننسى دمها ... عالعتبه يمها ... وصيحت المها
والاثار
......

انه والحسن وحسين كل حين
على امصلايت امنه انطيح العين
اه يالوعت افراكج يزهراء
نصيح بصوت ما يتفرزن اونين

يمنه الحنينه ... دارج حزينه ... ردي العلينه
علي احتار
.....

خلف الباب لاذت امنه يا ناس
رعاية للستر من عين الارجاس
لجل عفته امنه ضحت الروح
ومحسنها سقط عالعتبه وانداس

صاحت يفضه ... عينيني لحضه ... ما بية نهضه
عن النار

......
الحمدالله رب العالمين
اللهم صل على محمد وآل محمد
موسى الخادم






...

وينج .... صار الليل وما جيتي
وينج .... ابزينب ياهو الوصيتي
وينج ... وحشه اخلافج ظل بيتج
وينج ... وينج
......
يمه وينج يالحبيبه ... اعليه مو هينه المصيبه
كلبي خلص من نحيبه ... ردي الية
ظلمه من دونج حياتي ...اي وحك صومي وصلاتي ... ابموتج اتحل نايباتي ... يالزجية

ما اتخيل عمري بدونج ...
ابقى الوحدي امن يدفنونج ...
وين انظرهن بعد اعيونج ...

طولج .... ما شوفن بعد الساعه
طولج .... راح يضمونه بنص كاعه
وينج .... وحشه اخلافج ظل بيتج
.....
زينب انه يالزجية .... يمه بعدج يا هو الية
ضاكت الوسعه علية ... يمه يمه
من كثر ما تبجي عينه ... حسين تيهدربه وينه
ما تجينه يالحنينه ... بردي دمه

متعود كل ليلة ايشوفج ...
مينام الا ايحب اجفوفج ...
مثل الكعبه ابروحه يطوفج...

جرحه .... ما يتشافه الا بجيتج
جرحه ....متشابه وي جرح ابنيتج
وينج . لو يرهم جا روحي انطيتج
......

يمه يالزهرة وغلاتج ....تنعرضلي ذكرياتج... وانتي يومين الوفاتج .... اه يناري
اشلون اصبر روحي بعدج ...ذايبه الروح اعله فكدج ... كلشي عني ما يبعدج .... وحشه داري

بعدج صارت وحشه ايامي ...
يالضاعت وياج احلامي ..
اشلون انساج وجرحج دامي ....
ا
ماتت .... روحي بموتج ياسلوه
ماتت .... ضحكاتي اعيوني الحلوه
وينج .... يمي اظلين اتمنيتج

.....
راح انام ابهل مسية .... وحدي من غير الزجية
بوية حيدر رد علية ... روحي ذابت
صعبه اعيش ابلاية امي ... كلها ترجع ساعه يمي
راح حيلي وزاد همي ... صغيره ماتت

الها اهواية اشتاكيت اني ...
زغيرة وشيبت امن احزاني ...
كلها حسينج ظل وحداني ...

يمنه ... اعرف جاي اتسمعينه
امنه ... رحتي وما ودعتينه
وينج .. مشتاكين الحنيتج
وينج
.......

لو يصح بيدي يربي ... جا نطيت الزهرة كلبي
موحش ابلايها دربي ... انت تعلم
ريتي تتنفس هواها .... روحي ما تعشك سواها
وعيني متعودة ضواها ... حالي ارحم

البيت ابلا ام مابي فرحه
موحش ليله وموحش صبحه
صيحات الايتام اجرحه ... يا ربي

روحي ... شلون اقنعها افراكها
روحي ... ما ترهم الا اوياها
وينج ... يمه بدمعي امتانيتج
وينج ...

.....
الحمدالله رب العالمين
اللهم صل على محمد وآل محمد
موسى الخادم

هي من .. بنت من ... زوج من ... ام من
فاطمه فاطمه ... فاطمه فاطمه
......
إ: (إِنَّا أَعْطَيْنَاكَ الكَوثَرَ * فَصَلِّ لِرَبِّكَ وَانْحَرْ * إِنَّ شَانِئَكَ هُوَ الأَبْتَرُ).

يا ام الحُسين ... بيج امجنين
والكوثر نهر ... يروي العاشقين
والعاب النبي ... ابتر ناصبي
انتي فاطمه ... فخر الطالبي

العيِّر ابوج ابخلفته موش ازلمه
خير الله انتي البلارض يافاطمه
شمس الله انتي الطالعه ابهاي السمه
وكلشي اعلمودج ربنا بيدة راسمه


.....
مَرَجَ الْبَحْرَيْنِ يَلْتَقِيَانِ*بَيْنَهُمَا بَرْزَخٌ لاَ يَبْغِيَانِ*فَبِأَيِّ آلاَءِ رَبِّكُمَا تُكَذِّبَانِ*يَخْرُجُ مِنْهُمَا اللُّؤْلُؤُ وَالْمَرْجَانُ) الرحمن: 19ـ22

بحرين العطاء ... يا خير النساء ...
انتي وحيدرة .... سيد الاوصياء
واللؤو حسن ... يام الحسن
ومرجانج حُسين ... سلطان الزمن

سورة متفسرة على اللسان الرسول
والمصادر كثرة لو ردنه نكول
هالخطاب انوجهه الاهل العقول
كلش بالدنيا انخلق لجل البتول
......
فَمَنْ حَاجَّكَ فِيهِ مِنْ بَعدِ مَا جَاءَكَ مِنَ العِلمِ فَقُلْ تَعَالُوا نَدْعُ أَبنَاءَنَا وَأَبنَاءَكُمْ وَنِسَاءَنَا وَنِسَاءَكُم وَأَنْفُسَنَا وَأَنْفُسَكُم ثُمَّ نَبْتَهِلُ فَنَجْعَلُ لَعْنَةَ اللهِ عَلَى الكَاذِبِينَ) [آل عمران: 61].

بالنص الصريح ... اتباع المسيح
اتفسير النبي ... كالو مو صحيح
والهذا السبب ... بيهم من طلب
ايباهلهم يجي ... العله كلبه احب

يوم الي شافو نورج ايشع للسماء
رفضو يباهلهم رسول الله برجاء
وعرفو حقيقة سرج التحت العباء
لو ايدج ارفعت ميردلج دعاء
........
وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً * إِنَّمَا نُطْعِمُكُمْ لِوَجْهِ اللهِ لا نُرِيدُ مِنْكُمْ جَزَاءً وَلا شُكُوراً) [الإنسان: 8 ـ9].

ما مرت عليج ... اتبخلين البيدج
كل سائل يجي ... تنطينه العليج
بابج كله خير .... فرحت كل الفقير
يالجبت العمر ... خبزات الشعير

ياهو اليصوم اتلث ليالي ابلا اكل
وينطي الفقير اكله ويكله انت اكل
ما مر عليج ابليله تحجين افضل
كل التسوينه البشر عن طيب اصل
....
إِنَّمَا يُرِيدُ اللهُ لِيُذهِبَ عَنْكُمُ الرِّجْسَ أَهْلَ البَيْتِ وَيُطَهِّرَكُمْ تَطهِيراً) [الأحزاب: 33].

يا ام الرسول ... يا اُنس العقول
من تحت الكساء ... جبريلٌ يقول
فأتاه النداء ... من عرش السماء
ياملكِ الامين ... هم اهل الكساء

هم فاطمٌ والمصطفى وبعلها
هم فاطمٌ والحسنانِ روحها
هم فاطمٌ الطهرُ البتول واهلُها
باسمكِ الربُ بدا وقالها
.......
الحمدالله رب العالمين
اللهم صل على محمد وآل محمد
موسى الخادم

يزهرة عمري واسنيني .. عليج العشرة حاجيني
رحت فدوة العيونج
علي ميت بدونج
........
يبنت المصطفى الهادي عليج ابداعت العشرة
الي فكيهن اعيونج ...مابية بعد كسرة
علي من بعدج ايامه تخلص بنايحه وعبرة
ويظل مثل الفكد طولة يمشي ومنحي ظهرة

خبر موتج يهد حيلي ... ارجعيلي ارجعيلي
يعافيتي اعله هونج

......
يزهرة الدنيا بغيابج كبر لسنيني احسنها
حياتي ابلاية ملكاتج بواجي ودمعه اخلصنها
يريت ابدفنتج روحي يروحي اوياج ادفننها
طعم مابيها دنياتي بلا شوفج اشوفنها

غيابج مو سهل عندي ... يعجل روحتي اللحدي
وحك رسمج ولونج

.....
عجب يازهرة ايامي رحلتي وما اخذتيني
مو تدرين انه ابدونج اموتن يا نظر عيني
غيابج مو سهل عندي احس بنارة تجويني
يمن موتج اخذ كلشي ضحكتي وحيلي واسنيني

يفاطمتي كبر عمري .... لحيتي ابيضت وشعري
افتحيلي جفونج
علي ميت بدونج
.....
يأغله امن النفس عندي وهواهي الداخل بريتي
الي ساعة زمن ردي يعافيتي يعافيتي
بيتي ابلاية شوفج راح يتحول كبر بيتي
يريت الميته مو انتي اني وانتي ظليتي

لون صح بيدي ابدلنها ... المنية الروحي اخلنها
عيالج ينطروج
......
امري الربي فوضته هو اليرحم ابحالي
روحي امودعه بدمعي يفرحة عمري وامالي
نام بكبرج ارتاحي انه اتكفل اعيالي
عساها بحضة وبخته الحرمني شوفتج تالي

الكسر ظلعج كسر ظلعي ..اخذ عمري وترك دمعي
علي لو ناشدونج
علي ميت بدونج
......
الحمد الله رب العالمين
اللهم صل على محمد وآل محمد
موسى الخادم

يالخدم رفعت راس ... اتباهه بيكم عباس
هله برجال الليالي الفاطمية
......
هله بعشاك الشعائر والمجالس واللطم
هذا يوم الزهرة لتقصرون حد كسر العظم
الزهرة تستاهل بواجيكم وشوغات الهضم
لا تبخلون بدمعكم وانت حيلك لا تضم

الخاطر ام الحسينين ... يالخدم طيحو العين
هاية ليلتكم يفرسان العزية
......
خل نشوف الناصبية شنهو ولد ام الحسن
لجل عيناها ورضاها نوكف ابوجه الزمن
على طول السنه ننصب ماتم الها ابكل وطن
ونلعن الكّسّر ضلعها بالخفاء وباللعن

الله يلعن من عاب ... صدر فاطم بالباب
وخله دمعتهه على الوجنه جرية
......
يله يخواني النشامه خل نردد ما يلي
احنه غير الزهرة ما عدنه وحق ربنه العلي
لا مره الا الزجية ولا فتى الا علي
خل نردد هالشعار بصيحه وحدة تعتلي

فاطمه سر الله ... وعلي حيدر صاناه
تشهد الاملاك ماخان الوصية
......
لحضر مجلس للزجية رضه الباري حصله
باجر بيوم القيامه اينول اعظم منزله
علي يشفعله ورسول الله وحُسين يقبله
والاملاك بتاج من در تعنتني وتستقبله

وجنة الله اتحييه .. وعلى الراس اتخليه
اكرامأ الام الحسن جنه زهية

......
ما يحب الزهرة بس الصدك طاهر بالنسب
الرايد ايراجع شنو اصله ايشوف كلبه شنهو حب
والدليل الحرك باب الزهرة والجاب الحطب
هذا مو طاهر حليبه امه شرَّايت ذهب

مو رجل من ارجال ... بالنسب عنده اشكال
ماله ابو المعروف نحجيه القضيه
........

تحت راية ابو صالح ننجمع نوكف حرس
انطالب ابثار الزجية الحد كطع اخر نفس
انحاسب الكسّر ظلعها والصفعها والرفس
ابد ما ننسى ظلعها البيه بسمار انغرس

امربع انرد الثار ... ما نعوفه اشما صارر
قسم ابدم نحر الحسين واخية
.....
الحمدالله رب العالمين
اللهم صل على محمد وآل محمد
موسى الخادم

لعنة الله على من شب الحطب ..
بداري فاطمه
.....

دنية واخرة ... لعنة امسجلة ... على الجاب الحطب واتعنى للزهرة
محضر ينفتح ...بي اول جرح ... ابنها ابيا ذنب مات وخلص عمرة

محكمه باجر تنصب بالمحشر
والقاضي بيها يكون رب الكوثر
توكف الزهرة ويمها يوكف حيدر
والحكم يصدر عل ضلعها كسر

لعنة الله على من شب الحطب ... تقر المحكمه
......
كل اهل الارض ... كل اهل السمه ... شهود اعله السطر خد فاطمه بجفه
مو صاحب نبي .... صاحب ناصبي .... ابد ما عنده ذرة غيرة لا عفه

اليضربله حرمه هذا ابد مو زلمه
محسوب عالنسوان نكتب اسمه
ثوب الشجاعه ما يلامس جسمه
البعروكه تسري الجاهلية ودمه

لعنة الله على من شب الحطب ... تصيح ارض و السمه
.......
كل صاحب علم ... باجر ينسئل ... على حق الولا ية وفاطمه البضعه
ايمانه صفر ... من عادة الطهر ..... حتمية القضية ابلا كل رجعه

العادة الزجية ما نسولف عنه
بالحلم ما يشتمها ريح الجنه
متفق عند الشيعه عند السنه
مساله ما بيها اختلاف وضنه

لعنة الله على من شب الحطب ... بباب العالمه

......
سلطان العرش ... لجل ام الحسن ... خلق هذا الوجود وجوهر اسرارة
اكرام الفاطمه ... الحره العالمه ... انخلق طه النبي وحيدر وفقارة


كلشي انخلق لعيون امنه فاطم
لولاها ما طلعت شمس عالوادم
حتى الهوه اعليها صبح متزاحم
الف السلام اعليها نادة القائم

لعنت الله على من شب الحطب ... ابد منسالمه
.....
الحمدالله رب العالمين
اللهم صل على محمد وآل محمد
موسى الخادم

لبيك يا ثار الله ... يَعلو النِدَاء
............
١؛؛؛؛؛
باجر يسوي اسوايه  ... بالحارب الزهره
والأول اويه الثاني ...  يصلب على الشجره
ثاراته ما ينساهه .... بسم الظلع تبدي
ثورة غضب فقاره ... سطره ابأثر سطره

ثورة غضب ... تمحي الكفر ... ماكو اليفر .. منهه
مد البصر  ... كد الأرض... طول بعرض ...  حدهه

لبيك ياثار الله .... حان اللِقَاء
.................

٢؛؛؛؛؛؛؛؛؛؛؛
باجر يشوف الظالم... حدت غضب سيفه
وما يترك ابهل الدنيه ... واحد ذبح ضيفه
راية نصر مرفوعه ... بسمه ترف عالي
كلشي يصير ابأمره ... يمشي وعلى كيفه

كَـول وفعل ... قائد كلف ..  ما ينوصف .. عزمه
كلهه تفر ..  من غزرته  .. ومن صولته . وإسمه

لبيك ياثار الله ... رفَ اللِوَاء

............
٣؛؛؛؛؛؛؛؛
باجر يعيد بجفه .... خيبر على الظالم
وباب الكفر يقلعهه ... بسم ام حسن فاطم
ما ينفع ابساعتهه ... لا توبه لا اسف
كلمن ظلم فاطمته .... ما يرحمه القائم

باجر يجي ... ابن الحسن ... لام الحسن ... يثأر
يا ويله من ... شب الحطب .. قد عاده رب ...
حيدر

لبيك يا ثار  الله .... ثأر الدِماء
...................

٤؛؛؛؛؛؛؛؛؛؛
باجر عزيز الزهره ...  منقذ يجي الناسه
والعاده شيعة جده ... مخليهم ابراسه
يا ويله كلمن حاقد .... راضي بكسر أمه
من صولته ما يخلص ...  والخلق عباسه

مثل الوصي ... بيده يذل... اهل الجمل ... باجر
راية نصر  .... يوم الفرج ... تحمل نهج ... عاشر

لبيك ياثار الله ... نَهجُ السَمَاء
...........
٥؛؛؛؛؛؛؛؛؛؛؛

باجر يأسس دوله ...  بيهه العدل واضح
ما بيهه ضيجت خلكَـه ... بيهه  الفكر سارح
والمهدي حاكم شعبه  ... الواحد يحب واحد
كل حق يرده الأهله .... ما يبقى حق طايح

والمحكمه ... ابنص كربله... ايخبر المله .. المهدي
واول حُكُم ... كَسر الضلع ... حُكمه بدمع .. يبدي

لبيك ياثار الله ... في كربلاء 
............؛؛؛؛؛؛؛؛؛؛؛..............

✍️ كلمات موسى الخادم

حان الوداع ... يا علي يا با الحسن
......
١؛؛؛؛؛؛؛؛
امسح يا علي ادموعك
كاسر كَـلبي موضوعك
دير العين إليه

بطل يا شهم ونك
مو بيدي ابتعد عنك
محسومه القضيه

مو سهل البُعد ادري
يابو اعيالي يا عمري
بس شنهو البديه

موتي كَـرب يابا الحسن ودعني
بيدك اريدن يا علي اتشيعني
والكسرو اظلوعي متحضر دفني

حان الوداع ... غطي وجهي بالجفن
حان الوداع ...  يا علي يابا الحسن
......
٢؛؛؛؛؛؛؛؛؛؛
اصبر يا علي الموتي
ساعت ينكَـطع صوتي
غطني بالعبايه

لتّبين أبد كسرك
زينب واكَـفه اتنظرك
يا حيدر ورايه

هَون امصيبتي اعليهه
صير ام وأبو ليهه
يالبيك الكفايه

زينب امانت فاطمه يحيدر
أوصيك بيهه وانت كَـدهه واكثر
طبعك حنين وبيك اظلن افخر

حان الوداع .... فاركَـنه هالزمن
حان الوداع .... يا علي يابا الحسن
......
٣؛؛؛؛؛؛؛؛؛؛؛؛؛
يا حيدر يضي عيني
حالك حيل ماذيني
يا نبع الأماني

ما متعوده يالغالي
هيج انظرلك اكَـبالي
يا حجة زماني

اصبر يا بعد حيلي
وراكم دفنتي ابليلي
ميته الليله اني

تكَـصر حياته المنه كسرو ضلعه
هذا الخبر يصعب عليك اتسمعه
ادري ولكن عمري ما بي رجعه

حان الوداع .... اشموع ايامي طفن
حان الوداع .... يا علي يابا الحسن
......
٤؛؛؛؛؛؛؛؛؛؛
تدريني اعشكَـ احروفك
لو صح بيدي ما عوفك
بس هذا قدرنه

انه أدخل الكَـبري
وانت يا بعد عمري
اتخلص العمر حنه

وحشه اسنينك ادريهه
من بعدي وتكَـضيهه
ونه ابأثر ونه

صعبه ادري مو هين وداع الزهره
شكرآ الك ما قصرت بل مره
خلصت حياتي اوياك بجمل عشره

حان الوداع .... هنه ساعات البقن
حان الوداع .... يا علي يابا الحسن

.......؛؛؛؛؛؛؛؛؛................

✍️🏻 كلمات موسى الخادم

فضلج على راسي
يا أغله كل ناسي
ملَّكتج أنفاسي .... يا فاطمه
................................

١؛؛؛؛؛؛؛؛

ابحقج اشما ردت اسولف ... أشعر ابتقصيري
من بديت اخدم حضرتج ... إبتدأ تقديري
خيرج امغركَـني خيرج ... كله منج خيري
واعله نهجج اني باقي .... ما يهم تكفيري

ميهمني كل لايم
بس أنتي يا فاطم
بيج الكَـلب هايم ... يا فاطمه
.................
٢؛؛؛؛؛؛؛

انعم الله دوم اردد ... لحضه ما عفتني
والخدمتج يالأميره ..  ابليله مِن جبتيني
اشلون اسددلج اديوني ... ما تكفي اسنيني
كلشي ما أستاهل انه ... وانتي وفقتيني

ما تنحسب هيه
افضالج اعليه
كَـد هوا البلريه ... يافاطمه
.............
٣؛؛؛؛؛؛؛؛؛؛

اني كلي اذنوب وانتي .. عني متخليتي
واقرب الناس الاليه ... هجر هجرت بيتي
شرد اجازيج واكَـلج ... وانتي روحي احييتي
فاطمه مولاتي شكراً ... مثلي من لفيتي


ميت جنت اني
عايش شخص ثاني
بس عطفج احياني ....يافاطمه
...................
٤؛؛؛؛؛؛؛

جنت وين اوين هسه ... بفضل عطفج فاطم
زاد قدري وأحترامي ... ابين هاي الوادم
وين ما حطت ركابي ... هلا بجيت الخادم
أستمع هالصوت بذني ... ودمعي ينزل لازم

كَـبلج منو ابحالي
هسه اصبحت غالي
كل ناسي تبرالي .... يافاطمه

.........................
٥؛؛؛؛؛؛؛؛؛؛؛

ما أعوفنج يزهره ... الدنيه لو ملكوني
سمعا وطاعه اكَـلج ... والعده ايسمعوني
على نحري السيف واصرخ ... أنتي نور اعيوني
فاطمه أبقى أردد ... ساعت ايذبحوني

يافاطمه ابموتي
عالي يضل صوتي
منج خذت قوتي .... يافاطمه

.............؛؛؛؛؛؛؛؛............

✍️ كلمات موسى الخادم

مو روايه ولا اثنين
نحيَّ بسم ام الحُسين
اتلث روايات
......
١؛؛؛؛؛؛
كل روايه امقسمه الأربع شهور
يعني طول السنه نلطم عالصدور 
وترجع ادور السنه بكَـطع النحور
والختام ايصير حتماً بالقبور

كل عمرنه امحزمين
نحي بسم ام الحسين
اتلث روايات
........
٢؛؛؛؛؛؛؛
ما يهمنه اليعترض والي يكَـول
اتلث روايات اشعجب عدهه البتول
اناقش احنه الوادم العدهه عقول
ما نناقش من رضه بهجر الرسول 

ما نرد عالحاقدين
نحيَّ بسم ام الحُسين
اتلث روايات
.......
٣؛؛؛؛؛؛؛؛؛؛
أم حسن وحسين أعظم ما يكون
عدنه اغله امن العمر لا مو جنون
مايمر يوم الا نبجيهه العيون
امصيبة الزهره علينه ما تهون

نفتخر نبجي الهه عين
نحيَّ بسم ام الحُسين
اتلث روايات

.......
٤؛؛؛؛؛؛؛؛؛
فاطمه سر الله سر الأنبياء
وسيدة كل النسه برض وسماء
مو عجيبه اعليهه من ننصب عزاء
كل مسيه  والدمع مجراه دماء

على مر هاي السنين
نحيَّ بسم ام الحُسين
اتلث روايات
.......
٥؛؛؛؛؛؛؛؛؛؛؛
فاطمه نرفع اسمهه ابكل شعار
وما نطيح اشما علينه الزمن دار
ننتظر جيت الياخذ إلهه ثار
ساعه ساعه الجيته نحسب مو نهار

اي وحق أم البنين
نحيَّ بسم ام الحُسين
اتلث روايات
.......
✍️ كلمات موسى الخادم

بالرؤيه ولن شفت الزهره
و جانت متأذيه امن العصره
صرت اسألهه وهيه اتجاوب
يا مجلس بدموع اتحضره
..........
؛؛؛؛؛؛١
بعالم الرؤيه وشفت أم الحسن
نزلت امن السمه اوياهه الحسن
ابلا شعور اعليهه يايمه صحت
واركضت الهه مثل ركضت زمن

يُمه يم حسين ناديت
وروحي يم ملكَاهه ذبيت .... بالمدامع

كَـالت يا خادمنه اشعندك
وليش ادموعك ترست خدك
ساكت ما رديت ابكلمه
وكَـالت ابني حسين ايودك

..........
؛؛؛؛؛؛٢
كَـربت  ليهه ابدموعي الهامله
وصرت أسألهه انه بعض الأسئِله
المالكَـيت الهن جواب ابهل العمر
وجانت اكثرهن على طف كربله

أبد ما جنه حلم جان 
اي وحق المات عطشان ... برض الاطفوف

أجمل رؤيه ابكل اسنيني
نور  الزهره انظرت ابعيني
هاي أمنيتي الجانت عندي
وكَـلتلهه الخدمه توفقيني
..........
؛؛؛؛؛؛٣
السؤال الأول الزهره اسئِلت
وين حيدر جان بالعصره كَلت
جاوبتني ام الحسن يا سائلي
بالوصيه امكَـيد وانه اعرفت

علي قالع خيبر اشلون
يسكت وبيته يطبون ... والله صعبه

يامولاتي الزهره ادخيلج
كَـالو حيدر كَـوه ايشيلج
نعشج هدل حيل امتونه
ودفنج صار بأخر ليلج
......
؛؛؛؛؛؛٤
والسؤال الثاني جان اعله الكسر
طاب لو بعده يألمج بالكَـبر
كَـالت الهل ساعه دم ضلعي يصب
وبظهور المهدي باجر ينجبر

من يجي اوبيمينه بتار
ثاري ياخذ كَـبل كل ثار  ... من خصومه

صحت ابعالي الصوت العندي
وفقيني ابجيشه اصبح جندي
صار سنين امتاني الجيته
اقره الندبه بإسم المهدي

......
؛؛؛؛؛؛٥
والسؤال الثالث اسألته بجرح
وين جنتي حاضره وكت الذبح
من بقى حسينج وحيد ابكربله
وراسه بعد الذبح شالو عالرمح

جاوبتني ابعالي الصوت
جنت يم نحره الشبع موت ... ذاك الانهار

بين التل اوبين المنحر
خلصت العاشر انه افتر
مره اركض ليتامي وزينب
ومره المحبوبي الي اطبر

.....
؛؛؛؛؛؛٦
والسؤال الرابع البنت النبي
جان عن زينب وعن حركَـ العبي
قبل لا أسألهه عن الشافته
جاوبتني اوياهه خلَّصت السبي

خطوه خطوه اوياهه للشام
اتقاسمت وي بنتي الألام .... ما عفتهه

حتى ابطبت السوكَـ اوياهه
دمع اعيوني الما عافاهه
عالناكَـه وأنه اعله اجدامي
وراس حسين الما خلاهه

.....
؛؛؛؛؛؛٧
واَخر العنه إسئِلتهه بدمعتي
والله يعلم شنهو جانت غايتي
إسئِلتهه ابيا مجالس حاضره
كَـالت التبجون بيهه العيلتي

حاضره ابكل العزائات
التبجي لبني البلعطش مات .... وابو فاضل

كل مجلس انتم تحيونه
انه وحيدر بي تلكَـونه
كل خادم بيكم حاسبته
من ولدي وصوتي اتسمعونه
............
✍️ كلمات الخادم موسى الخادم

كلمن خدمني ... عالراس اخليه
كلمن خدمني ... باجر أجازيه
.........................
١؛؛؛؛؛؛؛

انه الزجيه ام الحسن .. أم زينب وأم حسين
كلمن خدمني بدنيته .. للجنه ازفه ابهل العين
ماعوفه حاير بالحشر ... لازم اوفيله الدين
كلشي اليريده ايصير اله..واشهودي ناس الميتين

انه ما أخلف وعودي وأنتو تدرون
عندي كل خادم أعز من نور الاعيون

كلمن خدمني ... جنة الله اهديه
كلمن خدمني ... باجر اجازيه
...........................
٢؛؛؛؛؛؛؛؛؛؛

أحضرله ساعت موتته ... كلمن خدمني بدنياه
لا منكر ايكَـرب اله ..  لا من نكير اليدناه
الصفاهه نيته ابخدمتي ..  أبموته الملائك تنعاه
هاي البشاره الكل محب .. كل محنه اكون انه اوياه

ما أعوفه الخلَّص اسنينه بعزائي
منشمل هوا وأهل بيته بدعائي

كلمن خدمني ... ميموت طاريه
كلمن خدمني ... باجر اجازيه

.... ........................
٣؛؛؛؛؛؛؛

كلمن بجه اعله امصيبتي..وسنينه كَـظاهه امصاب
يلكاني أول شافعه  .... ماعوفه واكَـف بالباب
ميضيع يمي كل اجر .. والكلشي محسوب احساب
كل عمل متسجّل بدي  ... ويه الخدم والأحباب

اصغيره وجبيره امسجًّله ابهاي الأيادي
حتى الذي بالمجلس أباسمي ينادي

كلمن خدمني .... الكوثر ارويه
كلمت خدمني ...  باجر اجازيه
..................................
٤؛؛؛؛؛؛؛؛؛

واللابس اسود بالعزه .... واعليه كَـلبه موجوع
هذا أحسبنَّه دوه ... اليشفيلي كسر الاضلوع
موجوده انه ابكل عزه ... اجمع ابجفي الادموع
واللاطم اعلية الصدر .... اعلكَـله اصابيعي اشموع

والروحي ناصب مأتمه من ولدي احسبه
أمطر عليه خير السمه ما انسى  تعبه

كلمن خدمني .... من عمري انطيه
كلمن خدمني .... باجر اجازيه
........................؛؛؛؛؛؛..............

✍️كلمات موسى الخادم

أميرة كل عصر
بسمهه نفتخر
دعانه بكل فجر .... مدد يا فاطمه

تدلينه الدرب
تسهلنه الصعب
رسمهه ابكل كلب ... مدد يا فاطمه
......

نسولف مو حجي السان .. نسولف عن عقيده
برضه الزهراء والله .... نهايتنه سعيده
مدد يا فاطمه نصيح ... بدايت كل قصيده

بمجالسنه ... تربينه ... مدد كل قوة تنطينه ...
تحل كل الشدايد ... علينه الباري شاهد

عقيدتنه .... تغذينه ... نموت وحبهه يحيينه ...
صور عدنه ومشاهد ... الخدمهه حضه كاعد

يعيش ابدنيته
ملك بين اخوته
جميله صورته .... مدد يا فاطمه

......
اسمهه عدنه قرآن .... نرتلهه ايه ايه
بوجه كل اليعادون ... تضل مرفوعه رايه
بدربهه نبقى ماشين ... لحد خط النهايه

فلا نعوفه ... نهج حبهه ... يوصلنه لعد ربهه
سلام الله عليهه ... عظيمه امُ ابيها

جنان الله ... منو يطبهه ... اكيد الدمعته يصبهه
على الزهره وبنيهه ... وجعل امره بديهه

الطم الهه الصدر
تجازيه بالحشر
ختامة هالعمر .... مدد يافاطمه


.......

دعاء الزهره مايوم .... يرُد ابلا اجابه
لجلها خالق الكون .... خلق جنتة وعذابه
لجل عين ام الاحسين ... جعل مفتوحه بابه

العلي العالي ... نطه البضعه .... مفاتيح السمه السبعه .... وحق علّت وجوده ... خلقهه الله اعله موده
اليوافيهه .... وفي ابطبعه .... تسجله وتشفع الربعه ... وتزيد بخير جوده ... وتخضر غصن عوده

دعاء ام الحسن
يحل كل المحن
على مر الزمن .... مدد يا فاطمه

......
أميرة كل الأزمان ... تضل امنه الزجيه
فخر ما مثله والله .... الخدمهه بصافي نيه
والف هنياله من نال ... هويته الفاطميه

الصبح خادم ... توافيله ... بصباحه وليله تدعيله
وعلي حامي الحميه .... يوقعله الهوية

البجه اعليهه ... تشد حيله ... وقصر بالجنه تهديله .... كريمه الفاطميه .... وحق رب البريه

فلا خاب الخدم
الزجيه ام الشيم
توافيله نعم ... مدد يا فاطمه

........
كلام الهادي دستور ... رضه الله من رضاهه
اليودهه جنتة تصير ... كبر ارض وسماهه
واليعاديهه هيهات .... يشم نسمة هواهه

رضه الباري ... رضه الزهره ... وحقك المنكطع نحره .... ابو اعيون الوسيعه ... اخو الجفه كطيعه

اليواليهه ... حصد نظره ... صبح كلشي تحت امره ... جميع اهله تطيعه .... واله الزهره شفيعه ...

البغض بنت النبي
خصيمه الطالبي
الينوح اعله السبي .... مدد يافاطمه
......

كلمات
موسى الخادم

الج باب الله منفتح
حروفج بلسم الجرح
امن اذكرج كلبي ينشرح
يا خير النساء
......١....
حرامات اختفى بدرج
وانتي اثمنطعش عمرج
مكسورة ضلع متي
وناسج ما رعت قدرج

غصبو حقج حركو بالشر  بابج
سطروج اعله العين بيوم امصابج
الجانو يتسمون اصحاب الهادي
ما راعو حقج لا حق احبابج

شهدلج كلشي فاطمه
اعله حايط دارج الدمه
جروحج شافت السمه
يا خير النساء

......٢.....
رحلتي بكسرت الخاطر
ودموعج تارسه الناظر
هضمتج ما يصح منهه
وعلي اعليج الظهر كاسر

قالع خيبر يتجه اعله ابنينه
شايب صار ابموتج الله يعينه
هموم الدنيه اعليهه انجمعت بعدج
شله بعمره وشله بهاي سنينه

اعله حيدر خيم الحزن
العشرتج ذيجه ضل يحن
بعد موتج صبح يون
ياخير النساء

......٣......

مشيتي امحمله بالاَمج
الجروح ابكثرت ايامج
ضايع حيلج بكسره
مثل ما ضاعت احلامج

بالبسمار احلامج ضاعن كلهن
قصتج ما تتسولف اصعب منهن
محسن مات ابعصرت ذاك الظالم
وظلوعج ويه ابنج هم كسرّهن

الكسر من عندج الضلع
الغدر بي منزرع طبع
خصيمه الباري والشرع
ياخير النساء

.......٤.....

دفنتج صارت ابظلمه
وعليج الصايحه بهضمه
فتحي اعيونج الحلوه
لتعوفينه يايمه

كل ساعه ابدونج ما تنعد ساعه
كبل الطف حسين ايهم بوجاعه
ما متعود يومه ايخلص ابدونج
يا أول زهره المزروعه ابكاعه

خبر موتج يزهرته
اخذ من عنده ضحكته
علن لحبابه ذبحته
يا خير النساء

......٥.....
حفر كبرج علي بدمعه
انهدم حيله اختلف وضعه
عليج ابكسرت الخاطر
صبح يا زهرته ينعه

بجه الكون بساعة دفنج حيدر
ساعه يكوم وساعه يطيح امكدر
مايدري بكبرج يحفر لو كبره
ياروحه الفاركهه ابظلع امكسر

يروحه الماتت ابعجل
عليج امكدر الفحل
يتاني ساعة الأجل
يا خير النساء

.....٦......
مصابج ما يصح مثله
فرح بالدنية ما خله
بكلب ناس اليحبونج
ترك جم لوعه جم عله

كبل العاشر عاشورج يا زهره
معذور الحبج لو مات بقهره
بسمارج والحافر نفس الصوره
حسين امدمه وبيج الدم اشكثره

الصور تتشابهه الصور
اختلاف البيهن النحر
فلا انصفكم الدهر
ياخير النساء
.......
كلمات
موسى الخادم