tgoop.com/AliAliAlabady/9741
Last Update:
#الغدير
لان ما عدهم نظيره حاربوه
وحاربوا افضاله من عدّة جهات
النقلهن لو اتكفّر لو نفوه
لو يعذبونه ويسلبوله الحياة
والجريمة الأكبر اتحز بالضمير
حوّلوا منّه لاعدائه المنقبات
ورادوا بنيرانهم طمس الأنوار
بغضاً بحيدر احترقن مكتبات
وكتموا الحق بسبب دين الملوك
وباعوا الآخرة بدنيا المغريات
علي افضاله غزت حتى الصحاح
لكن ايضعّفهن اللي گلبه مات
القاصي والداني روه يوم الغدير
وعن طريق آلآف مروي وانتشر
ماكو مسلم ما ثبت عنده الحديث
وهمّه ليگولون لينكره كفر
الخلاف الصار في اصل الكلام
منهم (اللهم من والاه) نكر
لكن الــ (من كنت مولاه فعلي ..)
لفظاً ومعنى تواتر هل خبر
گالوا بمعنى الولاية حب علي
لچن ما عدهم دليل ولا اثر
حب علي ثابت بآية من زمان
بعد المن النبي ايبلغ البشر
والقرائن واضحة من الخطاب
بدا بالثقلين وحسّان الأقر
{فقالَ له: قُم يا عليُّ فَإنَّني
رضيتُكَ من بعدي إماماً وهاديا}
قوم حرفوه الكلم عن موضعه
وكسروا حچاية نبي و محد جبر
هل رسالة تبقى للعنده ضمير
خل يرد ايراجع احداث الدهر
لان كل عاقل يحكّم عقله زين
للحقيقة يوصل بلاية سفر
عيد يتمنونه عدهم اليهود
والبخاري روه ذلك الخبر
واليجحده ماله دافع للعذاب
الحارث الفهري مثالاً للنكر
[الحمد لله الذي جعلنا من المتمسكين بولاية امير المؤمنين والائمة عليهم السلام]
الأربعاء 16 من ذي الحجة 1444 هــ
#الخادم_علي_خيري_العبادي
https://www.tgoop.com/AliAliAlabady
BY علي خيري العبادي
Share with your friend now:
tgoop.com/AliAliAlabady/9741