tgoop.com/AliRR134/2702
Last Update:
في حق المشايه
من البحر للنحر مشايه
يحسين الك رايه تتبع رايه
----------------
موعد لقانه بكربله ونتحزم احزام
يحسين نزحفلك زحف موش عله الجدام
وبكل مدينه من نمر موجوده خدام
الله جعل خير ومحبه بذني اليام
الكبرك تجي شيعتك وفايه
يحسين الك رايه تتبع رايه
-----------------
ياخذني شوكي الكربله متعني ملهوف
لمحبوبي رايح معتني وبحضرته نطوف
كعبت عشكنه كربله وبوادي الطفوف
كله اجت ملهوفه وكفت يمك اصفوف
حبك فرض ونته حجه وايه
يحسين الك رايه تتبع رايه
------------------
لحسين خله مشيتك صفيه نيتك
ناصب الخادم موكبه ومتاني جيتك
تفضل يزاير استراح وهذا بيتك
تواسي الزهره بالمشي ادري بحميتك
كل منطقه تلكه بيه قرايه
يحسين الك رايه تتبع رايه
----------------
كالو تعب هاي السنه صار الطقس حار
كلشي يهون الحضرتك ياسر السرار
يحسين نمشيلك مشي ازغار وكبار
وبيوت مفتوحه الك انته احله خطار
انته الهدف سيدي والغايه
يحسين الك رايه تتبع رايه
------------------
كعبت عشكنه كربله وبيه الملاين
ونكتب عهدنه سيدي بدم الشراين
خدام الك طول الدهر يحسين باقين
نواسي امك فاطمه وبلهفه ماشين
انته البخت والشرف والثايه
يحسين الك رايه تتبع رايه
---------------------
الخادم
رحيم الصالحي
BY الشاعر رحيم الصالحي
Share with your friend now:
tgoop.com/AliRR134/2702