tgoop.com/AliRR134/2703
Last Update:
في حق السيده رقيه. ع
غمضت عيني وبلحلم. ياعمه
جاني ابوي ومبتسم. ياعمه
جايب تراجي وياه
وجه ينور شمحلاه. ياعمه
----------------
من خلصن ايام السبي. صرنه بخرابات الشام
غمضت عيني منل تعب. بس بقت بجروحي الام
لن. الخرابه. نورت. انه. بحلم لو. بوهام
وحسين شفته مبتسم. وبصدره مصيوب اسهام
دنيت يمه وكمت اشم. ابصدره
مطبوع حافر مرسم ابصدره
من نحره ينزف بدماه
وجه ينور شمحلاه. ياعمه
-----------------
يعاينلي ابوي ومنذبح وعيونه متروسه ادموع
حاجيني مشتاكه الك. يابويه كلبي. مفجوع
بحضنك اريد اغفه كلت بس انته مابيك اضلوع
تنزف اشوفنك. دمه. ونحرك يغالي. مكطوع
ضماني ابوي بحسرته. بحضنه
مشتاكه روحي لشوفته بحضنه
اتمنه اروحن وياه
وجهه ينور شمحلاه. ياعمه
-----------------
عاينت لشفافه وكلت يابويه جنك ضامي
عطشانه روحي لشوفتك. ذبحوهه كلهه احلامي
متوني زرك من الضرب. عاين وشف اجدامي
حافي مشيت عله الجمر. ودري انته نحرك دامي
منل صوط امتوني زرك. مالومه
وبجدامي يلجمني الحرك. مالومه
عشنه مصاب مئساه
وجهه ينور شمحلاه. ياعمه
--------------------
الشام بويه ولوعته. تلكونه من طبينه
يضربونه كامو بالحجر. وتدري الحجر ياذينه
مجتفه ادينه. بالحبل. والشمر يشتم بينه
يابويه ماعدهم رحم. ولا واحد. يحامينه
داير مدايرنه زلم. شماته
ترضاهه انسب ونشتم. شماته
يابويه اصيحن ويلاه
وجهه ينور شمحلاه. ياعمه
---------------------
عاينلي ويجري الدمع تنزف اجروح البيه
تحسر اشوفنه انحنه. من سلبو الترجيه
مالوم منه ايست. وسالفتي ما محجيه
يابويه حيل اتخرت. بنتك تره. مسبيه
لاتمشي عني مروتك. يالوالي
سوت ابروحي فركتك. يالوالي
مصوب دليلي وينعاه
وجهه ينور شمحلاه. ياعمه
----------------------
الخادم
رحيم الصالحي
BY الشاعر رحيم الصالحي
Share with your friend now:
tgoop.com/AliRR134/2703