tgoop.com/AliRR134/2704
Last Update:
في حق السبي
يالحادي خلينه *** نودع اهالينه
لشاطي مر بينه* * طايح علمنه
------------------
تحيريت منل مصاب. راح اروح بلايه رايه
لليسر. بلا خدر. . نمشي من بعدك. سبايه
مره اطيح. ومره اكوم . وي غرب وبلا حمايه
طايح اخيي عله النهر خليته مطروح
ارد اكعد بصفه يحادي كبل ماروح
الجود يمه ورايته وتسيل الجروح
يدري بخيه حسين فوك الرمل مذبوح
بالحسره ودعته* * بدموعي عاتبته
لو بيدي ماعفته ** طشر شملنه
-----------------
بكربلاء بلاكفيل شامت اليحدي بضعنه
حايرات وتايهات. خويه بعدك والله ضعنه
كلشي راح. بس جراح. وسمع الشامت يسبنه
خلينه نشبع شوف منه ونكعد وياه
وناخذ ويانه لليسر يالحادي الواه
يومن طلعنه منل وطن كل احنه بحماه
كونه عدل عباس يفزع لون ننخاه
معذور ابو الغيره* * راح امشي يسيره
مايدري بحيره ** تيسر ضعنه
--------------------
راح اروح للسبي. وتمشي وياي المصايب
انهضم. ونشتم. والحرم بعدك غرايب
بيه نار. وكتي دار. تفتر وياي النوايب
خليني اودعنك يخويه ومشي عنك
حال السهم عباس مابيني وبينك
جسمك رميه عله التراب وذابحيك
مهشوم راسك بالعمود. وغادرينك
بدم تنزف اجروحي* * يمك كثر نوحي
ياحسره.البروحي* * نودع كمرنه
--------------------
كلشي ضاع عله النهر. بدمعت اعيوني اودعه
مستحيل. يلكفيل. خويه تدري ماكو رجعه
تحيريت ودم بجيت حسين اخوي نهشم ضلعه
كل خطوه من يمشي الضعن وياه حسره
الفارك عزيزه بكربله بنص كلبه جمره
راسك كبالي عله الرمح بعيوني انضره
تفطر دليلي منل مصاب وخلص صبره
عباس عاذرتك* * بعمرك فديت اختك
مو بيدي فاركتك ** حارس خيمنه
--------------------
من مشيت. دم بجيت. الموت ارحم من فركتك
ياذبيح. عله الفرات . نايم بصفك جربتك
كلبي ذاب منل مصاب. بحركت موادع حضنتك
كل ما نمر بديره صاحو وينه.عباس
نسوان كلنه ونستحي ونهبط الراس
تاكل بصدري حسرتي اضيك النفاس
الشام عدوان وشماته وكلهم ارجاس
لشام طبينه* * وحبال بيدينه
وجروح تاذينه ** حيل نهضمنه
----------------
الخادم
رحيم الصالحي
BY الشاعر رحيم الصالحي
Share with your friend now:
tgoop.com/AliRR134/2704