tgoop.com/AliRR134/2705
Last Update:
في حق السبي
نوك وعليهن ايات ** بدرب اليسر سبيات
لاوين متعني الضن
نسوان هنه ويستحن
بدرب اليسر سبيات
-------------
هيبت محمد بيهن وفوك المهازل ركبن
حتى بجيهن لو بجن قران جنهن يقرن
الكاع منهن تستحي مخدرات وطلعن
درب السبي هم وتعب لاوين رايح يمشن
لشام متعنيه انوك.** وزينب كلبه محروك
بنار المصيبه تلوعن
نسوان هنه ويستحن
بدرب اليسر سبيات
------------------
بلا رايه من يمشي الضعن صاحو صدك عجيبه
زينب اميره بت علي بس يااسف. غريبه
وياهه اطفال وحرم كلهن فرد مصيبه
وعباس راسه عله الرمح راس الكفله هيبه
بيديهن كيود احبال* * برماح روس وتنشال
طلعن سويه كوطرن
نسوان هنه ويستحن
بدرب اليسر سبيات
--------------------
من عدهن يشع الضوه كلهن كرامه وعفه
موكب سبايه ام الخدر حتارت الناس توصفه
وحسين راسه عله الرمح مذبوح كله تعرفه
جسمه سليب بكربله ياحيف ضل. بطفه
يمر الضعن بولايات ** تعاين علينهن شمات
بديار غربه بلا وطن
نسوان هنه ويستحن
بدرب اليسر سبيات
-------------------
بيهن محاملهن مشت ويطبن بكل ديره
صاحو خوارج من اجو ياناس هاي الحيره
تبجي رقيه وتنتحب تعبانه طفله زغيره
مسلب تراجيه الشمر ماعنده ذمه وغيره
وتريد ابوهه المذبوح* * طكات بيه وجروح
ونوك بيهن لومشن
نسوان هنه ويستحن
بدرب اليسر سبيات
-----------------
من وصل لشام الضعن بدفوفهم عدهم عيد
روس وسبايه وبس نسه وطفالهم مكايد
ازغار عدهم والحرم وكفو بديوان يزيد
كلهه شماته ودايره تشفه ياوسفه تريد
بالطشت جابوله الراس* * داير مدايرنه الناس
ورموش زينب شيبن
نسوان هنه ويستحن
بدرب اليسر سبيات
--------------------
الخادم
رحيم الصالحي
BY الشاعر رحيم الصالحي
Share with your friend now:
tgoop.com/AliRR134/2705