tgoop.com/Ali_Aldelfi/538
Last Update:
الادمن:
أليكم جمهورنا الحسيني العزيز كلمات قصيده
#ذكريات بقلم الملا #علي_الدلفي
بصوت الرادود احمد الساعدي
---------------------------
اني ادري الصبر زين بس شيصبر العين
عشره واحن والذكريات اتعذب الروح
واليل يتعنه بحقد الكلبه مجروح
ماغير اوصاف الحزن ماشابع اغياب
والنام ليله وما يفز يا روحي جذاب
فاكد تعرفه من السؤاد الجوة العيون
والجاب كل عمرة وفه مايعرف يخون سافر بيه وياگ يل ماكدر انساگ كتبوني قصه بغيبتگ معناها الفراگ خلصت حياتي
اتخيلگ من روحي تشتاك
كلما افتح الباب يتلكوني الجناب
اطلع اريد اسئل لان ظل بالي ماجيت
يا بويه اذتني بغيابگ وحشت البيت
منتظره لو حتئ خبر منگ يجيني
يلعودتني بشوفتگ ترتاح عيني. كل ما اشوفگ ماتجي تسبيني العيون
نضراتهم بيه حقد بس جان مدفون. ناس تشاور بناس جت بنت بلا راس وسمعهم يكولون هاي الفاركوهة جانت عليله ماقبل ياخذهة ابوهة.
انا مجروحه مرتين يتيمه وبنت الحسين
ولما يجي بالي اجه عشت المعانات
حتئ الهوة اليمر عليه يلجمني مرات ياغيم غطيلي الشمس الحد مايجي اليل ياعاصفه برمل صحاري رجع الخيل. ياريت يمگ حتئ اصير بكلبي الاسهام تمننيت وتمنيت لاكن تبقه احلام. بلكي تمر لي ساعات واني ادري الوكت فات. مابينگ وبين صرت وتخيل الحال
وشكد بعد بيه حجي مايرضه ينكال
----------------------------------
BY علي الدلفي - Ali Aldelfi
Share with your friend now:
tgoop.com/Ali_Aldelfi/538