tgoop.com/Alialahmedawy/4150
Create:
Last Update:
Last Update:
شال الرضيع ابذيچ الاحضان
عطشان شايل بيده عطشان
بكسرة الخاطر يمشي ويشوف
نايم رضيعه من العطش چان
يمشي وتصد عينه الرگبته
واتبلل اگماطه ابدمعته
يمشي وتهل ادموع الاعيون
وبجدامه ثگلت بي خطوته
شاله ويريد الگوم يروو
وما رظو گطرة ماي يسگو
اگطع نزاع الگوم بالموت
وابحضن ابو عبدلله ذبحو
امصيبه ياعالم شديده
بحضانه من ذبحو اوليده
عبدلله شابگ صدر الحسين
ويگطر دمه نحره على ايده
من العطش ومن البچي نام
وفز ابذبح بصواب الاسهام
گطع اگماطه ابحر الاصواب
ورگبت ابو بثنين اديه ظام
ابدم ابنه ظل يترس اديته
ويخضب ابوجهه ولحيته
محترگ گلب حسين محتار
يظل لو يرده ال اهل بيته
من رجع لف ابنه ابعباته
عن لا يشوفنه خواته
ساكت رجع لاچن الاعيون
تحچي بالظيم الشيالاته
الخادم علي الحميداوي
#اللهم_عجل_لوليك_الفرج
BY الخادم علي الحميداوي
Share with your friend now:
tgoop.com/Alialahmedawy/4150