tgoop.com/AmHadeerAlhlfi/5907
Last Update:
بسم الله الرحمن الرحيم
قصائد استشهاد السيدة #فاطمة #الزهراء ع
*الليله ام الحسن وصت وصيتها*
*اتشم اولادها وحبت ابنيتها*
...........................................
الليله ام الحسن انوت عله الشيله
وصت حيدره يباري مداليــــله
دارت عالزغار اعيونها الليله
*اتگلهم راح اموت وتهل دمعتها*
..........................................
تگلهم راح اموتن يامداليلي
عليكم منكسر گلبي وبطل حيلي
لاني امسافره وطرشات اسويلي
*امكم للتراب اليوم سفرتها*
..........................................
تحب احسين ياويلي وتجر حسره
وبنيها الحسن يلطم على صدره
يمه وياچ نمشي وياچ يازهره
*والمابي رحم يبچي اعله حالتها*
..........................................
وصت بالزغيره وتجري عيناها
تتباچه الزغار وتنحب احذاها
الزهره ام الحسن عافت يتاماها
*ماشفت الحنينه اتعوف بزرتها*
..........................................
الله يعين حيدر شايله ام بيته
شيفيد النزل لوفگد راعيته
يگلها كسر البضلعچ تمنيـــته
*بظلوعي يزهره ريت كسرتها*
..........................................
*تمت*
العمل مهدى الى مولاي امير المؤمنين عليه السلام
خادمة الحسين ع
*ام علي رضا الشريفي الحسيني*
*لطفاً لا تحذف اسم الشاعرة*
https://www.tgoop.com/umaliridashrify
.........
BY المله والشاعرة أم حيدر الحلفي
Share with your friend now:
tgoop.com/AmHadeerAlhlfi/5907